Zozam Weekly

ZAHMAWH WEBSITE RIN AIIN TLEM

2011-09-29T16:23:00.001+05:30

Tun hnai khan neuroscientist Ogi Ogas leh a thawhpui, Sai Gaddam-te chuan an lehkhabu chhuah tum, A Billion Wicked Thoughts? tiha telh tur atana researh an beih pakhat, Internet-a zahmawh website (porn site) engzat vel nge awm tih an chhutchhuah danin, rin ang em em leh, a hmaa miin a sawi tam em em angin porn site-te hi an lo tam lo niin a lang a; Internet-a website awm zawng zawng 4% vel chauh hi porn niin an chhut a ni.

Hei bakah hian miin website an zawn (search) tam lamah pawh porn site-te hi an lo zawng tam em em lo niin a lang bawk a; kum 2009 leh 2010 chhunga website chi hrang hrang search zinga 13% chauh porn site zawnna niin an sawi bawk.
An sawi zel danin, kum 10 liamtaah kha chuan internet-a porn site zawnna hi internet-a thil zawn zawng zawng 40-50% vel lai a tling anga chhut a ni \hin a; hei hi thil dik tak a ni nge, tunlaiah miin porn site an zawng uar ta lo zawk hriat a ni lem lo.
An ngaihdan chuan porn site tam lam leh miin an ngaihven dan hi a lo a luakchhuakin an an sawi tam mai mai \hin niin an sawi.

CHAL KAWLHNA CHHAN PAKHAT

2011-09-29T16:21:00.002+05:30

Tun hnaia US-a science magazine pakhat - Cell-in a tarlan dan chuan Yale University (US) mithiamte’n sazu hmanga zirchianna an neih a\angin chal/chhip kawlna chhan ni thei awm tak an hrechhuak belh a; an sawi dan chuan vun (skin)-a thau cell (fatty cell) awm \hin tlakchham leh tlakchham lovah a innghat thui hle niin a lang.

Research beitute sawi dan chuan vun-a sam insiam \antir (hair stem cell)-te hi vun veka awm ve, fat cell-te chuan an \hanlen zel dan tur an thunun tlat a; vun-a he’ng fat cell thlachham bik lai a awm chuan sam/hmul a \o \ha thei ta \hin lo a ni.
Mithiamte hian sazu \henkhat, an vun-a hmul \o \ha thei lo lai bik neite chu an vun-ah sazu hmul \o \ha pangngai a\anga lak fat cell-te lut a; kar hnih hnu velah an hmul a rawn \o ta mai niin an sawi. Hmul siamtu hair follicle cell 89% laiin hmul an siam chhuah phah a ni.
Mithiamte hian thil awmdan hi thuk zawka zir chian zel an tum thu an sawi a; mihring-ah a thawh ve kher leh kher lo tur an la hriat lo laiin, beiseina erawh a pe nasa hle. Tun hma deuh khan mihring vun-ah hian sam siam thei cell a awm sa reng a; mi \henkhatah eng emaw vangin sam a insiam thei lo mai mai tih hmuhchhuah a lo ni tawh bawk a ni.

Benga hriat mai a thawk lo

2011-09-29T16:19:00.003+05:30

Vawi khat chu sumdawng hausa chapo zet mai hian thuziakmi Mark Twain-a hnenah khan, "Ka thih hma ngeia Ram Thianghlim tlawh ngei ka duh. Sinai tlangah lawnin Thu Sawm Pek han chhiar ri vel ila," a rawn ti vei lang lang a.

Twain-a lah chuan, "Tih dan \ha zawk ka hria. Boston-a i Inah haw la, Thu Sawm Pek chu va chhiar zawk rawh," a lo ti et a.

Thiam thei lo, pa ropui ni ta si

2011-09-29T16:18:00.001+05:30

Sister hmingthang Winston Churchill-a kha a naupan lai, a lehkha zir lai chuan a thiam thei lo em em a, a thatchhiat leh theuleu vangin hrem pawh a tawk zing hle.

Latin leh Greek \awngte chu a subject nin ber ber a ni a, chutih laiin history leh mathematics erawh a thiam hle thung. A pawlpui te'n an pha ngai lo.
A lehkhathiam theih loh lulai em avang hian a nu leh pate pawh an beidawng \hin hle a ni awm e.
Amah hi lal thisen kai niin, November ni 30, 1874-a piang a ni a, a hming pum chu Winston Leonard Spencer-Churchill a ni.
Mahse, a lo puitling a, literature-a Nobel Prize dawng khawpa ril a ni ta; 1953-ah he chawimawina ropui hi a dawng a nih kha. Indopui laia ram hruaitu ropui, khawvelin a theihnghilh ngai loh tur a ni.

Nui huah huah

2011-09-29T16:16:00.001+05:30

Facebook a lo hre ve a, lei tumin lehkhabu dawrah a zawng chiam!

A mobile phone kha a hmantlak awm loh khawp mai; ft 5 bial chhunga mite nen chian a inbiak theih!
- 9612566920
J Man Hunt-ah a tel ve a, a tla a, a \ap a. Judge-te chuan, "A 'man' lo em mai, kan lo thlang lo fuh ngei mai," an ti a!
- 9612589095

J Chanchinbu pakhat kha a \ha awm asin; issue hmasa berah pawh 'Editor hnena lehkhathawn' an nei nghal \euh.
- 8974589540
J An tlangval sual kha an han ring lo khawp a, an chhungin an zin dawn a, an tlangval chuan in a nghak dawn a, an awmpui nula kutah pawisa dahna chahbi an dah.
- 9862751603

J Nula senior pawh kha, a room kawngkaah a chhungte'n 'Museum' tih an tar tawp!
- 9862375770

S.KOREA - A LETIN MAHNI INTHAT PUNG

2011-09-29T15:19:00.002+05:30

South Korea sawrkarin tun hnaia a zirchianna a tih chhuah danin tum kum 10 liamta chhung kha he rama mahni inthat (suicide) a let thawkin an pung. Kum 1989 nena khaikhin phei chuan a let 5 ngawtin a pung bawk a ni.

S.Korea ram hi khawvela mahni inthat tamna ber pawl a ni a; sawrkar pawhin tihtlem tumin \an a la nasa hle.
Hetianga mahni inthah a nasat em emna chhan hi sawi chian chiah a ni lova. Nitin hian he ram mi 40 vel an inthat ziah anga chhut a ni a; \halai an tam hle niin sawi a ni bawk.
South Korea hi ram hausa a nih mai bakah, ram sum leh pai dinhmun pawh kum tinin 7% vela a pung tial tial mek a. Hetiang a nih avang hian ram \henkhat, a bik takin Japan ram, mahni inthat tam ve takna ram anga hnatawk b?n vak vak sawi tur a awm bawk si lova, thil mak tak a ni.
Dinhmun \ha lehzual zel leh mi lawm hlawh tuma inelna nasa tak a awm vangte pawh a ni mahna leh

America-ah rethei an pung

2011-09-29T15:16:00.002+05:30

Tun Thawhlehni (Sept. 13, 2011)-a U.S. Census Bereau-in zirchianna report a tihchhuah a\anga a lan danin, tunlai hian America mipui paruk zela pakhat chu mirethei dinhmuna ding an ni a; mi mtd. 46.2 zet an tling a ni. Hei hian US sum leh pai dinhmun a tlahniam zel tih a entir awm e.

America-a mirethei an sawi dan hi ram sum dinhmun a zirin kum tin a danglam thei a. Kumin (2011) atan chuan chhungkaw member 4-in kum khat chhunga an sum thawhchhuah zat India pawisaa Rs 10,63,636/- ($22,350) a phak loh chuan rethei chhungkua anga chhiar theih an ni. A awmzia ber chu rethei tia chhiar-te hian? US mi vantlang nitin nunphung ang nung pha ve lovin, an thil lei theih ang pawh an lei pha ve dawn lo tihna a ni.

Kum 2007 a\anga US sum leh pai dinhmun a tlakhniam a\ang khan chhungkaw pangngai pakhatin a thawhchhuah zat 6.4% laiin a tlahniam a.?? Hemi hun chhung vek hian puitling tawh (kum 25-34) si, nu leh pa bel lo thei lo dinhmuna awm pawh 25% laia pungin, chu?ng kum 25-35 mite chu an mahni ringawtin khawsa ta sela, 45.3% lai chu rethei anga chhiar an nih tur thu tarlan a ni bawk.
He thu pianzara mit la tak pakhat chu, kum 2007 a\ang vek khan US-a naupang rethei anga chhiar thei hi 22% laiin a pung a; a bikin US-a mihang naupang cheng zawng zawng zinga 40% leh Latin American naupang hmun thum-a \hena hmun khat lai chu tunah hian rethei anga chhiar an ni.
America mupui zingah rethei an pung han tih hian,? a hmaa nuamsa zawk leh nitin khawsak awlsam zawka nung thei \hin tam talte kha, an sum dinhmun a tlakhniam tak avangin a hmaa an lo nun \hin dan pangngain an nung thei ta lo tihna a ni a. Mi vantlang, sum lakluh pangngai zawkte nunphung an zawh pha ve lovin, an thil lei theih ang an lei phah ve dawn lo tihna a ni mai awm e.

BRANCH THIAM BER CHU

2011-09-29T15:15:00.001+05:30

Inter Branch YMA Table Tennis Tournament, Kulikawn Indoor Stadium-a khelh chu zawhfel a ni ta a, hmeichhiaah Upper Republic Branch an champion a, mipaah Lunglei Bazar Veng Branch an champion.

Hmeichhe final khelhah Armed veng Branch tan Catch Them Young zirlai an rawn thawh chhuah kum 13 mi Lalthasangi Sailo leh Mizoram No.1 ni reng \hin Lalrinmawii, Upper Republic te an inhmachhawn a, a hmuhnawm hle.
Semi final-ah Lalthasangi Sailo hian Mizo No.1 ni lai H Lalrinawmi, Lunglei Bazar Veng chu 3-2-in semi final-ah a hneh tawh nghe nghe.
Final-ah erawh boruak a sang tawh a, kum 13 mi Lalthasangi Sailo chuan khel \ha viau mah se experince nei zawk leh Mizoram No.1 ni reng \hin Lalrinmawii, Upper Republic a hneh zo ta lo a ni.
Team inelna a ni a, pakhat chet\hat ringawt a tawk loh avangin team player tin an chet\hat a ngai a, Lalrinmawii chuan Upper Republic a champion pui ta a, pahnihna chu Armed Veng niin Lunglei Bzar Veng Branch chu pathumna an ni.
Mipa final-ah Lunglei Bazar Veng Branch leh Mission Vengthlang Branch te inhmachhawnin Mission Vengthlang Branch-in an thiampuipa, Mizoram No.1 ni mek Zorema an rawn thawhchhuak a, Zorema team-ah hian Henry Laltanpuia, Isak Lalsawmliana, R.Lalliansanga leh George Lalthazova te \anghoin Lunglei lamin C Vanlalruata, C.Lalmuanpuia, Lalchamliana leh Lalrosanga te an \angho ve bawk.
Henry leh C Vanlalruata te inhmachhawnin game 2 C Vanlalruata'n a lak hnuah Henry-an game 2 a la zui ve leh a, deciding khelin a tawpah C Vanlalruata a chak ta hram. Players dangin an khel chho zel a, an inchak chhawk chho zak zak a, a tawpah Lunglei Bazar Veng chuan 3-2 in hnehna an chang ta hram.

WRESTLER-TE AN 'REST' LO

2011-09-29T15:14:00.002+05:30

17th Senior Men's Free Style & Greco Roman style & 14th Mizoram wrestling Championship 2011 zawhfel a ni ta.

MWA buatsaih September ni 6-a \an 17th Senior Men's Free Style & Greco Roman style & 14th Mizoram wrestling Championship 2011 chu SAI, hmun Mission vengthlangah zawhfel a ni ta a, He championship-ah hian Club 11 atangin Free Style mens-ah Players 18, Greco Roman Style ah Players 17 leh Hmeichhia 12 an chhuak a, tel zawng zawng hi 47 zet an tling a ni.
MWA hian Mizo Inchai, Title Fight chu November ni 22 - 25 2011 chhung hian neih turin ruahmanna an siam a, Title Fight a Champion leh Challenger te chu:
Palian: Champion : F. Lalhmingmawia (Kolasib)
Challenger : Lalnunfela, (Salem Veng)

Palaihawl Champion : Zosangzuala (Kolasib)
Challenger : Zodinsanga, (Venghlui)

Pate Champion : Lalrohlua (Chanmari)
Challenger : Lalawmpuia (Thenzawl)

Nulian Champion : Lalbiakdiki Lechhun. (Falkawn)
Challenger : Lallawmzuali, (Chaltlang)

Nute Champion : C.Vanlalzuali, Dinthar
Challenger : Anita Lalsiamkimi, Serchhip.

'RUAT LAWK' ROONEY?

2011-09-29T15:11:00.003+05:30

EPL-a hmahruaitu Manchester United star Wayne Rooney hi tunlai footballer zingah, ani tluka goal thun thei hi an awm dawn em tih chu football expert ho inhnialna a ni mek.

Manchester United striker Javier Hernandez pawhin a strike partner Wayne Rooney chu United player pawimawh ber niin a sawi.
Khawvela striker ‘form’ ber Rooney hian Arsenal leh Bolton lakah hattrick a siam tawh a, 1960 hnulama Manchester United player, Premier League-a a zâwna hattrick siam thei hmasa ber a ni.

Goal thun \han hnan
A naupan lai pawhin Rooney hian goal a thun thei hrim hrim a. Academy a zawm hma pawhin season khatah goal 72 lawih a thun thei tlat tawh. Tualchhung Walton & Kirkdale junior league-ah pawh season khat chhungin goal 99 a thun tawh bawk.
1995–96 season-ah khan game 29 khelah goal 114 a thun thei. Heng a goal thunte hi Everton U-10 & U-11 team-a a khelh lai a ni.
Kum 15 a nihin Everton Youth team-ah khelin game 8 khelhah goal 8 a thun thei bawk. Pui tak a ni.
Kum 9 a nih laiin Everton youth team a zawm a. 2002-ah Everton senior team tan a khel \an a. Kum hnih a khelh hnu-ah, 2004 khan £25.6 million-in Manchetsr United chuan an lei a, Rooney hian United a zawm hnuah Premiership title, UEFA Champions League leh League Cup-ah champion a nih pui a.
Kuminah hian Rooney hian West Bromwich Albion lama goal thunin season bul a \an a. Tottenham Hotspur an mikhual \umin a thun bawk a, Arsenal 8–2 lawiha an sawp \um khan hattrick a siam a, Bolton Wanderers nen an inkhelh \umin hattrick a siam leh a. Sir Bobby Charlton-a record siam, United tana hat-tricks vawi sarih lo siam tawh chu khum turin Rooney chu a \an a la ngai hle. Chutih rual erawh chuan United tana hattrick siam tam mi pali zingah erawh a hming a chuang thar ve thung a, chung te chu Denis Law, Jack Rowley leh Dennis Viollet te an ni.
Hernandez chuan, “Rooney \hat dan em em hi a awihawm loh rum rum zawk. Field chhungah chuan engkim a ti thei a ni ber a, tun season-a kan game khelh tawh han en ila, Rooney hi team tâna player pawimawh ber leh che\ha ber a la ni char char a ni,” a ti.
A ni lah tak a, attacking line up-ah a hmasa berah a khel thei a, striker dang hnungah a khel thei a, dinglam leh veilamah a la khel thei cheu. Tun season-ah goal 8 a thun tawh a, a inhliam a nih loh chuan season hmasaa a thun zat, goal 11 chu a khûm ngei dawn niin a lang.
Rooney leh a \hiante hian game 4-ah goal 18 an thun tawh a, Premier League history-ah anni aia game 4 chhunga goal thun hnem an la awm lo. Season tâwp hmain goal eng zat tak thun belh ang maw.
Manchester United midfielder Michael Carrick chuan, "Kumin hi Rooney tan kum \ha a nih ngei ka ring a, Manchester United tan pawh kum \ha tak a ni ngei ang," a ti.
Kum 26 mi Rooney hian tun thleng hian United tan goal 155 a thun tawh a, United tan goal thun tam zingah lang phak tawhin pasarihna dinhmunah a ding mek a ni.
Naupang duhawm \hin kha tunah chuan puitling, match lian leh tournament lian vawi tam tak hmachhawn tawh a lo ni ta. Sawiselna, fakna karah nun dan a thiam sawt khawp lehnghal. Kum hnih kum thum kal ta vela a chet ang phut phut ni tawh lovin, ngaihtuahna fim leh thiang zawk hmang thei turin a inbuatsaih ta a. A inbuatsaih ang chiah chiah chuan kal theih lo mahse Rooney hian nasa takin hma a sawn tih chu tunhnai ah hian nasa takin a lang chhuak a ni.

Mite hahdamtirtu Comedian Search

2011-09-29T15:04:00.001+05:30

Nilenga hna kan thawh hnu-ah, zanah Comedian Search kan han en hi chu hah a dam huai a, hahchawlhna tak tak a tling," tiin nu pakhat chuan a sawi.

r a ni a, bazar-ah nilengin a \hu \hin. An inhralh \hat \um pawhin khawsak nawmna tham an lei pha chuang lo a, an ei \awk \awk a ni ber. A pasal chu inhlawhfa a ni a, Mizoramah anni ang tan beisei tur tak tak a awm lo ang. Chhungkaw mamawh bakah rualpawl nan sum tlem a zawng tal a ngai zel si a, chuvangin, hna an thawh vanga taksa a hah bakah an rilru a hah tel a, chawlh hahdam an mamawh \hin. Comedian Search an en hian an hahdam huai \hin tih a sawi.
"Nilengin hna kan thawk a, taksa bakah rilru a lo hah a.Chutah zanah Comedian Search kan han en a, fiamthu thiamte fiamthu an thawh a, awmhmunah kan lo nui tlawrh tlawrh a, chu aia hahchawlhna a awm chuang lo. Keini ang tan chuan kan hahdam ve theihna tak tak a tling," a ti.
Nu pakhat pawhin Comedian Search a nghahhlelh \hin thu sawiin, "Min tihlim, rilru hah a chhawk," a ti.
Chu nu chu mi hnuaia thawka inhlawh a ni a, a hrisel lo hi an harsatna ber pakhat a ni. A inentir ve fo a, mahse a dam thei tak tak lo.
A dam theih loh chhan hi an pawisa neih loh vang a ni ber. Doctor-in ti tura an tih hi a ti thei tak tak lo a, damdawi pawh doctor chawh angin a ei ve thei tak tak lo.
"Inentir pawh hi ka peih tawh lo. A nat tak takah loh theih lohvin kan inentir a ni ber. Doctor rawn man chu a tih ve theih mai a, mahse damdawi min lo chawh a, a leina kan nei leh tak tak si lo," a ti.
Chutiang chu a awm rei tawh a, mahse hnathawkin a chhuak ni tin tho.
"Taksa a dam thei lo a, rilru a na bawk a. Taksa leh rilru a na a, hlim a har. Comedian Search vangin kan nui ve a, chu chu hlim taka kan nuih ve theih hun a ni," chu nu chuan a ti.
Miretheite a hahdamtir rualin Comedian Search hian mihausate pawh a hahdamtir. Eizawnna lama an buai vang emaw, chhungkua an hlim loh vang emaw, chhan hrang hrang vanga chhungkaw hlim lote pawhin an enho a, an nuiho bawk bawk a, chu chu chhungkuaa an awmho ve theih hun a ni.
Nu pakhat pawhin tiang hian an \henawmte chanchin a sawi: "An fate an rui \hin a, pa ber pawh a chuti tho a. An hausa viau na a, an hlim lo a, an khawngaihthlak khawp mai a. Comedian Search hi an lawm em em hlauh mai a, a chhuah dawn zan hi chuan \henawm nu hi a phur thei em em a, Comedian Search a chhuak dawn tih hi kan hre vek zel. Tichuan, chhungkuain an en a, an nui tlawrh tlawrh a, an chhungkaw tan chuan hlu tak a ni. Amah, kan \henawm nu ngei hian an chhungkaw tana a hlutzia hi a sawi nasa," tiin.
LPS Comedian Search hi September ni 17 leh 18 zanah First Round an zo fel a, mipuiin an hlut hle. A tuk lamah pawh hmun hrang hrangah titi a tling.
"Keini show tehlul mipuiin an lo ngaihlu \hin hi kan lawm khawp mai. Mi tam takin an hlim phah a, mi tam tak a tihahdam tih te kan hria a, hetiang thu min rawn hrilh hian kan lawm a, chutiang thu an rawn sawi chang chuan kan hahna leh senso lam ngaihtuah miah lovin hlawhtling kan inti nghal tawp zel," tiin chief organiser H Rotluanga, Mapuia tia hriat lar chuan a sawi.
"Mipui lam hian Mizo fiamthuin hma a sawn tih an sawi \hin a, chutih rual chuan mipui lam pawhin hma an sawn. Mipuiin fiamthu thiamte an ngaihlu thiam a, \hing deuh deuhva rawn chhaih tum pawh an tlem sawt khawp mai," a ti bawk.
LPS Comedian Search hian ngaihhlut a hlawh a, chhungkuain miin an en a, chutiang a nih laia zahmawh rawngkai ang chi fiamthu hriat tur a la awm zeuh zeuh erawh sawiseltu an awm nual.

Mizo band thar Cold Embrace

2011-09-29T15:03:00.003+05:30

Music lama hmelhriat hlawhsa mi \henkhatin band thar 'Cold Embrace' an din a, an video hmasa ber pawh an siam zo ta.
Band thar kan ti tak nain, an in-form-na chu 2010 kha a ni daih tawh a, member te pawh kan hriat lar sa deuh vek an ni, vocals-ah Incarnation a\anga kan hmelhriat tawh Lungmuana a ni a, Plastic Coated-a an guitarist \hin Lawma a tel bawk a, 3rd Soverign-a bass perh \hin Jona, Magdalene drummer \hin Pate-a leh Plastic Coated keyboardist \hin Lanmawia te an ni.
Cold Embrace hi 2010 khan Guwahati-a Yamaha Beat Contest-ah pakhatna an lo ni tawh a, power metal/ symphonic metal an play ber. Band anga an dinna a la rei lo nain Mumbai-a Hard Rock Cafe-ah te pawh an lo perform tawh bawk a ni.
Band member Lawma leh Pate-a te chuan Zarkawt-ah Granton School of Music te pawh an siam nghe nghe a ni.
Cold Embrace video hmasa ber hi 'Darkness Gone' tih a ni a, SVP kutchhuak a ni. Tunah hian shooting an zo tawh a, video pawh a chhuak thuaiin a rinawm.
'Darkness Gone' tih hi miin beidawnna tam tak a tawh hnua beiseina thar a neih leh dan tarlanna hla a ni awm e. Video pawh hi a danglam viau dawn niin thu kan dawng.

2011-09-29T14:58:00.003+05:30

Mizo Idol Vawi 3-na chu tluang takin a kal zel a, mipuiin an hlut hle. Top 10 a\anga Chamring tlangval Thiamchantira a tlak hnu-ah mi 9 an la awm. Inelna a sang ta bawk a, sms campaign pawh lamah contestant-te \antute an \ang ta hle.

Top intihsiak result hi ni 20 zan-ah puan a ni a, result puan zawhah Top 9 te' an intihsiak nghal a, chumi dawtah Top 8 an intihsiak leh ang.
Top 10 result-ah hian a mawngphah pathum-ah Daniel-a, Richard-a leh Thiamchantira te awmin, Thiamchantira hi Top 10 a\anga tla hmasa berah a \ang ta a ni.

Top 9 intihsiak te an che \ha tlangpui a, chutih rualin beisei pha lo pawh an awm.
Idol judge Rebecca Saimawii chuan, “A \ha \hin \henkhatin nidang an tluk lo. |ha reng hmasawn lo an awm a, \ha \hin \ha ta lo an awm a, \hin \hin hmasawn zel an awm bawk,” a ti.
Makuri chuan Top 9 intihsiak a\anga a hmuh dan sawiin, “|ha reng \hin a hma aia \ha lehzual pahnih an awm a, pali chuan ngai an awh a, midang chu an hnungtawlhin ka hria,” a ti.
Mizo Idol intihsiak hi internet a\angin Live a entheih a ni dawn a www.ustream.tv/channel/mizo-idol ah show neih zan apiangin khawi hmun a\ang pawhin a en theih dawn a ni.
Mizo Idol intihsiakah hian SMS vote leh judge point te 50:50 a nih vangin SMS lamah \an an la nasa hlawm hle a, contestant te hming leh serial number bakah a vote theihna leh vote dan tur chena mobile number hrang hrang thawn darh a tam hle. |henkhat chu an chhungte leh lainate'n an campaign sak tih a chiang; "Chumi khami chu kan nau a ni a, hetah hian lo vote ve hram teh," tia sms thawn an awm.
Hetia campaign hi inthlahrun tur a ni lo a, tih dan phung lo pawh a ni lo. American Idol-ah te meuh pawh a khaw nawtin an \ang a, an campaign nasa ve \hin khawp a nia!
Mahse, hei erawh hriat tel a \ul a, SMS vote-na hi a rate a to deuh a, vawi khat thawnah Rs 3 vel daih i chawi dawn a nia!
Mizo Idol hian ngaihhlut a hlawh hle a, patling pui pui pawhin \an bik an nei fur tawh.

India zalenna sual kawnga hmeichhiate

2011-09-29T14:56:00.001+05:30

Mizo thu fingin”Hmeichhe thu, thu ni suh. Chakai sa, sa ni suh” te an lo ti thin a. Hmeichhe thu chu engah mah an ngai lo mai ni lovin thu takah an ngai lova, mihringah pawh an chhiar lo emaw ni tih theih tur khawpin hmeichhia hi an ngai nep a. Hetia hmeichhia te an ngaihsan loh leh an dah pawimawh loh em avang hian khawtlangah hmeichhia ten pawimawhna leh dinhmun tha an chang ngai lova, ngaihnep an hlawh viau thin a ni.
India ramah pawh hian hman lai atang tawhin hmeichhiate hi endawng leh dahhniam an ni thin a. Thiltihna reng rengah dinhmun tha an chang ve ngai lo. Amaherawh chu, kum zabi 19-na chho velah khan hmeichhia te dinhmun chawikang tur hian nasa takin beih a ni chho tan a. Tunah hi chuan mipa ten hmeichhiate hi kawng thenkhatah chuan kan tluk lo tan a ni chho ta zawk hial mai. Kum 1857 a India sipaiho British laka an helna(sepoy Mutiny) ah pawh khan Rani of Jhansi kha India mite hruaitu zingah a langsar hle a nih kha. India in British ho awpna laka tanga tal chhuah tum a a beih(freedom movement) lai pawh khan India hmeichhia te hi a thawh hlawk ber pawl an ni chho tawh a. Amaherawh chu, anmahni ah indahhniamna an neih thin avangin harsatna an tawk fo thin. “India hmeichhiaten an hriatthiam hunah leh an duh hun hunah India hi British-ho awpna ata a chhuak thei” tiin Mahatma Gandhi chuan hmeichhiate chona thu a lo sawi tawh a. Heta tang hian India in zalenna a sualna kawnga hmeichhia te tangkai dan tur leh an thawhhlawk theih tur zia a lang a, an han beih ve tak tak chuan Pu Gandhi-a hian a lo sawi dik zet mai a tih theih.
` Mahatma Gandhi khan India hmeichhia te chu, India in zalenna a sualna kawng a lo inkuangkuah bik mai lova, a tak tak a tel ve turin a sawm thin a. Kum 1920 hnu lamah chuan zalenna sualtute zingah hmeichhe hming a lang ta nual reng a. Chung zingah chuan Madame Cama, Kasturba (Gandhi a nupui), Sister Nivedita, Annie Beasant, Pandita Ramabai, Sarojini Naidu, Kamla Nehru, Maniben Patel, Vijayalaksmi Pandit, Sucheta Kripalani, Aruna Asaf Ali, Prabhavati Devi leh mi dang tam tak an tel a. An ni ho bakah hian Durga Bhabhi, Satyavati Devi, Khurshed Ben, Lado Rani Zutshi, Usha Mehta, Pritilata Waddedar, Ramabai Tambe, Basanti Debi(CR Das-a nupui) te pawh an bang bik lo.
Indian National Congress(INC) din chhoh tirah te khan India hmeichhiate hi politics ah an la inrawlh nasa lem lova. An tel pawhin a hming deuh chauh a ni awm e. Amaherawh chu, kum 1890 a INC Session ah chuan Kadambini Ganguli, Calcutta University atanga hmeichhe graduate hmasa ber, chuan thusawina hun a chang ve tlat a. Ani hi Hmeichhiate tan a kawng sattu hmasa kan ti thei awm e. Heta tang hian India hmeichhiate hi politics ah a kul a tai ah an inrawlh chho ve tan ta a ni.
Madame Bhikaji Cama hi hmeichhe zingah chuan tha thawh hmasa tu pawl a ni bawk awm e. Pu Gandhi-a rawn lan tak tak hma, kum 1907- a International Socialist Conference, Stutgart(Germany)ah khan Sardar Singh Rana te kaihhruaina in India hnam puan zar a lo pawt pharh tawh a. Hetih lai hian kum 46 mi a ni. Hemi tum hian India khua leh tui te chona thu tha tak a sawi a, “he flag hian India ram zalenna a entir a, Indian martar- te thisen a tih thianghlim/ hlan a lo ni tawh a. Vawiin ah hian India khua leh tui, nula leh tlangvalte u, lo tho chhuak ula, India zalenna puanzar hi chibai rawn buk rawh u’ tiin. Hemi tum hian conference a tel zawng zawngin India hnam puanzar hi chibai an buk a ni. Madanlal Dhigra, kum 22 mi, India ram zalenna tur atan a nasa tak a lo thawk ve tu leh London- a Engineer zirlai chu, kum 1909- a khaihlum a nih pawh khan, a ui thu a sawi chhuak hial a, ‘hetiang ram tan a mi thahnemngai leh huaisen hi tun dinhmun a India ram mamawh ber te an ni’ a ti. A hnu deuh ah, thian pakhat, Virendranath Chattopadhyay nen, Berlin, Germany atangin chanchinbu pakhat, Madan Talwar an tichhuak a, hei hi India mite tan chuan than harhna meichher chhi tu a lo ni ta. India thalaite an lo thanharh a, mahni ram vei na chang an hriat theihnan nasa takin hna a thawk a. “Ram dang mi te awpbehna ata talchhuak tur a beihna hi huaisenna dik leh ram leh hnam hmangaihna a ni” (successful rebellion against foreign rule is patriotism) a ti thin. A hunlai hian mi tam tak chuan ‘Mother of Revolution’ tiin an ko hial thin.
Annie Beasant hi India mi chu ni chiah lo mahse, India ram zalenna sualna kawngah hian hmeichhiate zingah chuan a langsar pawl tak a ni awm e. Kum 1893 ah India ramah lo lutin Theosophical society pawlah a tel nghal a. Kum 1914- ah Indian National Congress zawm lehin a kul a taiah tangin politics a khel chho tan a. Nitin chanchinbu pakhat ‘ New India’ a ti chhuak a. Mrs. Annie Beasant hian Congress party tan nasa takin hna a thawk a, British leh India chu inrem tak a an awm theihnan tan ala bawk a. India chu British-ho awpna lak ata chhuak a, mahni a ro inrel a awm theihnan tan a la bawk a, ‘All India Home Rule Leaque’( a hnuah National Home Rule Leaque tih a ni. Msl.) a din a, hruaitu dang - Bal Gangadhar Tilak, H.B. Mandavale, Kanji Dwarkadas, Umar Shobani etc. te nen chu Home Rule Movement chu an bei chho ta a ni. Kum 1917 bawr chho vel kha a vanglai a ni awm e.
Satyavati Devi pawh hi kum 37 mi a nihin kum 1945 khan a thi a, a dam chhung hun tawite ah hian kum 12 chhung tawp mai Jail -ah a hun a hmang. Mahatma Gandhi hova Civil Disobedience Movement-ah khan a kul a taiah a tang a, British-ho bungrua leh ram dang thil hrim hrim han tihchhiat a, han boycott vel te kha nuam a tiin , a thawh hlawk hle reng a. Amah hi mahni ram thil te ngaisang mi a ni. Lado Rani Zutshi leh a fanu te pahnih - Janak Kumari Zutshi leh Swadesh Kumari Zutshi te pawh hi Civil Disobedience Movement-ah a hnar kaitu pawimawh tak an ni pha bawk. Anni kaihruaina hian ‘women satyagrahis movement’ kha an ti lar a, kawr hring ha in lukhum var an khum far mai a. India zalenna atan a an hnathawh a lang sar hle.
Bombay lam atang a rawn chuak, Usha Mehta hi Quit India Movement lai a mi tangkai tak a ni pha a. Radio hmangin, a rukin thu a puang darh thin a. ‘Voice of freedom’ tih thin a ni. Dr. Ram Manohar Lohia meuh pawhin ‘hmeichhe huaisen dangdai leh chungnung a ni’(women of rare courage and rare attainments) a ti hial.
Amah ang bawk a Quit India Movement lai a hmeichhe tangkai zet mai, Aruna Asaf Ali hi sawi hmaih chi a ni lovang. Pu Gandhi-a zirtirna(i.e. non-violence) a chawm len a ni a, Delhi-a Mayor hna lo chelh tawh a ni a, mi tam tak ngaihsan leh zah kai a ni. Dr Ram Manhar Lohia leh Jayaprakash Narayan te nen inkawpin, Indian National Congress(INC) atanga chhuakin Socialist Party an din a. India ram zalenna tura beihna ah hian a hnathawh hi a langsar pawl a ni awm e.
‘Nightingale of India’ an tih thin, Sarojini Naidu hi Pu Nehru-a kaihruaina hnuaia India zalenna sualtute zing ami a ni a. Amah hi nu huaisen leh fing, remhre tak a ni bawk. British officials leh sipai officer te pawhin an hlau em em mai a. Tum khat Sal Satyagraha an neih tumin British sipai hovin man an tum a. Ani chuan huaise takin, ‘in rawn kal hnaih chuan ka tingmit ang che u’ (don’t come near me, i will annihilate you) a ti mai a. An man ngam ta lova. Chanchin sawi tur a ngah hle a, sawi sen pawh a ni awm lo ve. Amah hi India hmeichhiate zinga state Governor hna chelh hmasa ber a ni nghe nghe.
Kum 16 ngawt mai Mahatma Gandhi- a secretary hna lo chelh tawh, Rajkumar Amrit Kaur pawh hi nu namai a ni lo. Vawi tam tak Jail bang lo zut tawh a ni a. India in zalenna a hmuh hnu, Pu Nehru-a hova Interim sawrkar ah pawh khan Health Minister a ni a. India hmeichhiate zinga Central Minister hmasa ber a ni.
‘Iron Lady’ an tih ve mai, Durgabai Deshmukh hi salt satyagraha vel lai a a hnarkaitu te zinga pakhat a ni bawk. Chanchinbu ‘Andhra Mahila’ a enkawl a, hei hian hmeichhia te freddom movement-a an thawhlawk theihzia leh an tangkai zia te a tarlang thin a. Hmeichhiate tan chona thu a tlangau pui nasa hle. Ani bakah hian, Ammu Swaminathan(Cheri Amma) pawh hi All India Women Conference dintute zing a mi a ni a, kum 1934- ah INC a zawm a, Quit India Movement lai kha a vang lai a ni awm e. Gandhi-a zirtirna zuitu(Gandhian) rinawm a ni. A hnu lamah chuan Constituent Assembly-ah te pawh member a ni chho ta hial bawk.
Heng kan han tarlan tak bakah hian India hmeichhe huaisen, India zalenna sualtu leh ropui tak tak te an la awm nual a. India hmeichhia te zinga Chief Minister hmasa ber - Sucheta Kripalani te, hmeichhe minister hmasa ber -Vijayalaksmi Pandit te bakah lang sar lem lo te pawh an awm bawk a, sawi kim vek sen an ni lo. India hmarchhak(northeast) ah pawh hian hmeichhe ropui tak tak, freedom movement laia tangkai tak tak te pawh an awm ve nual a.
Sawi hmaih hauh loh tur chu Manipur ami Rani Gaidinliu hi a ni. Rani Gaidinliu hi January 26, 1915 ah Manipur-ah a piang a, amah hi Naga hnam a ni. Kum 12 mi lek a nih in kum 1927 khan British ho laka helna (revolutionary movement against the British) a bei tan a, Haipou Jadonang-a hnung a zui a, ani kaihhruaina hnuaiah hian hnam rilru pu tanin ramdangmi te huatna leh duhlohna rilru a nei tan a. Kum 1931 khan a zui ber Jadonang chu British in an man a, August 29, 1931-ah an khaihlum ta mai a.Jadonang thih hnuah hian Gaidinliu chu British lak helna chu a kal chhoh pui zel a. British lam pawhin an ngaimawh chho ta hle a, Gaidinliu man thei apiang hnenah Rs. 500/- pek an tiam ta ngawt a. A tawpah October 17, 1932 khan Poilwa (Pulomi) khua (tuna Nagaland) ah an man a, damchhung lung In tang turin an ti ta a. Hetih lai hian kum 16 mi chauh a ni. Pandit Jawaharlal Nehru khan Shillong Jail-ah kum 1937 khan a tlawh a, Gaidinliu chu a ngaisang hle a, ‘daughter of the Hills’ ti a kovin “Rani Gaidinliu” or Queen of her people’ nihna a pe ta hial a ni. Kum 14 zet Guwahati, Aizawl, Tura, Shillong leh hmun dang Jail-ah te a tang kual a, kum 1947-a India in Independence a hmuh khan chhuah zalen a ni ta a ni. Jawaharlal Nehru chuan a chungchang thu hi kum 1932 khan tihian a sawi a,” Rani hnathawh hi India ram mipui ten an hriatrengna ni tur leh an chawimawi hun a la her chhuak ngei ang”( a day will come when India also will remember her and cherish her).
Ani bakah hian Amal Probha Das, Pushap Lata Das leh Anna Barua te hi Quit India Movement laia Assam leh a chhehvel a hmeichhiate huikhawm tu leh kaihruai tute an ni. Keini mizo te zingah pawh sawi hmaih hauh loh tur chu Lalnu Ropuiliani kha a ni. A huaisen zia leh mahni ramchhan tur a thih thlenga a tan ngam dan te kan hria a. Sapho/ram dangmi a huatna a lantir mai bakah khan Mizo hnam a dah chungnun zia leh a zah pui loh zia te pawh kan hre thei awm e. India zalenna sualna kawngah hian hmeichhiate thawh(contribution) hi a sang in a ropui hle a. Hun thenkhatah chuan mipa ten an hnung zui chang te pawh a awm thin. Hmeichhe pawl hrang hrang - All India Women’s Conference, Mahila Stra Raksha Samiti( Women’s Self Protection Society) etc. te pawh din a ni bawk. A huaisen zawk leh a hnarkaitu a an tan chang a tam awm e.

RORELNA DIK LEH FORENSIC

2011-09-29T14:55:00.000+05:30

Thuhmahruai: Tun hnai maia chanchinbu hrang hranga kan thil hmuh rilru khawih tak chu Zarzokima thattua puhte finfiahna awm loh vanga chhuah an nih thu a ni a. Hetiang deuh hian tun hma pawhin finfiahna awm loh avanga thil tisualtute chhuah zalen an nih fo thu hi a hretute kan ni \heuh mai.
Pawikhawihtute hrem lohva chhuah zalen an nih hian a tuartu lam tan rilru a na a, chhun leh zan pawh sawi lova rim taka thawktu leh misual mantu police-te tan a thanatthlak bawk. Amaherawhchu, roreltu thlirna a\ang chuan finfiahna awm loh avanga mifel pakhat dik lo taka hrem palh ai chuan misual sawmkua leh pakua hrem lohva chhuah zalen pawh a \ha zawk tih a ni a. Thil tisualtute an phu tawka hrema mifel, pawisawi lote humhima rorelna dik lekkawh tur chuan finfiahna \ha a awm tur a ni. Chu finfiahna chu a sap \awng chuan 'forensic evidence' tiin a sawi theih mai awm e. Rorelna dik nei tur chuan 'forensic evidence' hi thil pawimawh tak a ni.
Rorelna khawl: Rorelna khawl kan tih mai, Justice Delivery System hian ke pathum, pawimawh tak tak a nei a, chungte chu- Police, Judiciary leh Forensic-te a ni. Heng rorelna khawl ke pathumte hi an pawimawh dan a inchen vek lo a nih pawhin a pawimawh lo ber erawh a awm bik lo ang. An pawimawh dan chu Mizo khawsak phunga lungthu pathum ang mai kha a ni. Police te'n thil tisualtute theih tawp chhuahin an zawng a, an chhui a, an man veleh court-ah an thlen a. Chutih laiin forensic lamin science thiamna hmangin thil tisualtu nia puhte thiltih a nih leh nih loh finfiahna an lo zawng ve char char a. Chu an finfiahna hmuhchhuah hmang chuan court-in rorelna a siam ta \hin a ni. Fiah ret rawtin sawi ta ila- rorelna dik siam turin eng pawl pawl emaw te'n kawng an zawh bung bung lam a ni ber lo tihna a nih chu.
Thil thleng chanchin pakhat chauh han sawi ta ila. Kum tam pawh a la liam lo, Mizoram khaw pakhata hmeichhe pakhat chu a inchhungah thah a ni a. A hmunah hian police lam leh forensic expert-te an tih tur ve ve ti turin an kal hlawm a. Chu lai hmuna awm mi pakhat chuan a tih ngei a nih thu a sawi a sawi mai a. Mahse chu pa inpuanna chu police-te lu tihaitu mai chauh a ni. Vanneihthlak takin forensic expert te'n thil pakhat hmuh an nei hlauh mai a. Chu thil pakhat a\ang chuan a titu tak zawk chu midang daih a nihzia finfiah a ni a, rorelna dik hlenchhuahin a awm ta a ni. Hetiang thil hi sawi tur tam tak a awm a, sawi sen a nih loh bakah sawi vek chi a ni lo.
America ramah chuan forensic evidence hi an ngai pawimawh khawp a, forensic finfiahna a awm phawt chuan 'investigation' ti lem lo pawha hremna order an tihchhuah chang te pawh a awm \hin. Hei hi India ram tih dan phung nen chuan a inhlat hle a ni. Chutih laiin forensic finfiahna awm lem lo pawha \ha tak leh dik taka 'judgment' siam theih thil pawh a awm tho mai tih chu hriatsa a ni a.
India ram Dan: India ram dan kan en chuan CrPC Section 163-na chuan police officer te'na tharum hmanga mi an dawp a phal hauh lo tih kan hmu a. Tharum thawha mi dawp police officer-te chu kum 10 thleng tantir theih an nih thu IPC section 331-ah kan hmu a. Chu mai a ni lo, police hmaa inpuanna hi court-ah thu tlinga ngaih tur a ni lo tih pawh Evidence Act Section 25-ah kan hmu bawk. Hetiang taka mihring dikna chanvo dan rorelnain a humhalh avang hian forensic evidence hi court hmaah a hlu em em a, a \ul nia a lan phawt chuan court hmaah ngei forensic expert-te pawh an thil hmuh leh hriatte sawi tura koh theih an ni. Forensic scientist-te nihphung leh hnathawh dan tur hi CrPC section 293-ah hmuh theihin a awm.
Heng avang hian sorkar laipui leh National Human Rights Commission chuan forensic unit hi state tina a awm ngawt hi a tawk mai lo a, district zawng zawngah a awm vek tur a ni a ti a. District tina a awm loh chuan crime scene thleng phakin hna a thawk thei dawn lo a, rorelna dik a awm thei dawn lo a ni.
Tunlai hian sorkar laipuia chief forensic scientist, Dr VK Kashyap chuan forensic tihchangtlunna tura North East ho hmalaknate a duhkhawp lo hle a, sorkar laipui hnuaiah awm vek se a \ha ber ang tiin hma a la mek a. Hei hi North Eastern Council phei chuan a thuphungin a remti tawh a ni awm e, Home ministry-ah pawmpui turin thlen leh a ni ang a, a tawp berah chief minister \heuhte remtihna lak leh tur a ni ang. Chief Minister remti lo pakhat chauh pawh an awm chuan he thil hi a hlamzuih mai ang tih chu hlauhawm tak a ni.
Technology thar: Forensic DNA hmuhchhuah a nih hmain David Shephard chu pawngsual thubuaiah 1984 khan dik lo takin jail tantir a ni a. Tichuan Forensic DNA te hmuhchhuah niin, kum 12 lai hrehawm taka tantir a nih hnuah New Jersey Court chuan DNA hman te a lo phal ve ta a. A case chu DNA hmanga chhui \ha leh turin a ngen a. Chuta an thil hmuhchhuah tak chu pawngsualtute chu mi pahnih niin an DNA-te chu David Shephard-a DNA nen chuan a inmil hauh lo mai a. Tichuan DNA avangin jail a\ang chuan zalenna a lo chang ta a, dik lo taka kum 12 tantir a nih avangin sorkarin dollar 240,000 lai compensation a pe nghe nghe.
Dik lo taka hrem, DNA vanga jail a\anga chhuahtir hi America ramah chuan an tam khawp mai a, association din tham, mi 200 dawn lai an tling a; an zinga 13 phei chu khaihlum tura tih te an ni nghe nghe.
Australia-ah pawh DNA Technology avang hian Case 7000 dawn lai chu chhui \hat leh tur an ti. DNA aia Technology tharlam leh tunlai zawk forensic khawvelah hian sawi tur a tam tawh mai, amaherawhchu, DNA Technology aia \ha zawk anga sawi tur chu a la awm mai lo rih zawng a ni e.
He Technology ropui tak hian India ram pawh a tuam hneh ta viau a, India hmarchhak state pahnih, Assam leh Tripura te pawhin an nei ve ta reng mai. Rorelna dik hlenchhuak tura a pawimawhzia kan hriat avang hian Mizoram pawhin he DNA Technology hi nei ve se tih hi kan duh dan \heuh a ni awm e.
Tuna kan dinhmun: Tun dinhmuna Mizoramin rorelna khawl ke pathum (Police, Judiciary, Forensic) a neih dan han thlir thuak ila. Police lam hi 12200 vel an ni a, chu chu Mizoram Population nena khaikhin chuan police pakhatin mi 82 zel a veng angin a chhut theih a. Battalion 8 leh police station 30 velah inzar pharhin Mizoram hi min tuam a. Duhthusam pha chiah lo mah se kan changtlung khat alawm he lamah chuan tih mai theih zawng a ni awm e.
Judiciary lamah hian nikum lawk atangin Separation of Judiciary hmang \anin tunah hian judicial officer 34 vel an awm bakah officer dang 32 lai lak thar mek a ni a. Hetiang zat judicial officer bakah Gauhati High Court Bench awm nen chuan kar lovah judiciary lamah chuan kan changtlung thuai awm e.
A ke pathumna forensic lamah tunah hian forensic expert 14, discipline 7-ah an awm a, chungte chu- Ballistics-te, Fingerprint-te, Serology-te, Chemistry-te, Document-te, Toxicology leh Photography-te a ni a. Discipline pawimawh leh \ul tak tak heng, DNA, Cyber Forensic leh Lie Detector-te hi an la nei lo a; tin, Aizawl tih loh district dangah Forensic Unit bun a la ni lo bawk.
Heti ang dinhmuna kan awma District danga forensic unit kan neih loh reng chuan finfiahna a awm lo tiin misual pawikhawih chingte chhuah zalenin an awm zel ang tih a hlauhawm hle a. Rorelna dik kan duh chuan heng rorelna khawl ke pathum te hi an vaia an changtlun vek hi thil pawimawh hmasa chu a ni.

CHHUNGRIL CHAKNA

2011-09-29T14:53:00.000+05:30

Tun laiin kan hnamin engnge kan mamawh ber tiin min zawt ta se, 'Chhungril chakna' tiin ka chhang ang. Hei hi hnam te lo dinchhuahna leh ropuina a ni a, chung hnam te chuan, 'Chhungril chakna' an tlak chham hnuah chuan, an lo tla chhe leh ta thin. Khawvelah hian Civilization tam tak a lo ding chhuak tawh a, engemaw zat chu a tlu chhe leh ta reng a. Arnold Toynbee-a thukhawchang hian sawi chhawn a hlawh hle thin.

Khawvelah Civilization tlu chhe leh ta te zingah, pathum chauh chu, indona leh hripui vang a ni a, a bak zawng chu anmahni thiam loh laiu liau a ni' tih hi. Rom ram ropui tak lo tlukchhiatna an sawi thin pawh kha, chhungril lam chakna ropui tak nei thin hnam khan, chuti ang chu an lo tlak chham tak vang a ni.
Kan hnam pawh hian dinhmun khirh tak tak kan hmachhawn chho dawn a. Mi mal tin leh, a hnam a hrim hrim pawh hian, chu 'Chhungril chakna' chu kan mamawh zual sauh dawn a ni. Khawvel a changkang chho zeal, kan la hriat ngai loh thil tam tak takin nitin min rawn run zel dawn. Tuipui luang chaktak kara hnahthel ang chauh kan ni a, chhungril chakna thuk tak tak kan nei loh chuan khawvel tuipui fawn hian kan hnam hi min len bo mai dawn a ni.
Pawn lam atanga beihna hi kan la tawk zel dawn a. Pawn lama atanga beihna mah tih tawh nak alaiin, chhung lamah mizo theuh theuh, Zoram thlifimin a chawi len theuh theuh hi keimahni leh keimahni hi kan la indo zui a. Nazaret Tlangval ngei khan min hrilh tawh, 'Chhungkua leh chhungkua, ram khat theuh theuh, hnam khat theuh theuh, kan indo chuan kan chhe thuai ang a. Tin, kan hmelma te pawhin min zuam thuai dawn a ni'.
Tunah tak hi chuan, mi tin mai hian kan duh zawng zawng hi tih a neih vek kan tum a. Sum leh paiah kan huam hauh a, sawrkar hotu lu atanga ziak leh chhiar thiam mang lo thlengin dik mang lo pawhin, sum leh paia inhai vur kan hreh lo theuh a. Tu te pawh hian, ram leh hnam hmangaihna chu kan sawi theuh mai. A nihna takah hi chuan, ram leh hnam hi? tumahin kan hmangaih tak tak lo. Kan hlawkna tur theuh kan um mai? vek a ni. Mahni hmasialna hian he hnam hi a ei chhe mek a. Dinchhuah chu sawi loh, a rawih in a rawih tan ta mai em maw ni le tih turin kan kal ta.
John MC Cain-a, 2008 US Republican Presidential Candidate chuan, Republican Convention-a thu a sawi tumin, september ni 5-ah, mahni inhmangaih a, mahni hmasial thin a ni a, Vietnam war atangin, keimahni bakah thil ropui buaipuii tur a awm tih ahriat chhuah thu a sawi a. Ram leh hnam hmangaihtu a lo ni tak dan te, amah mi mal ropuina aia a ram leh hnam a hmangaih tak thute, ram tan theihtawpa chhuah tak zel thute a sawi a. 'Mahni nilo, keimahni aia ropui zawk rawngbawl hi hlimna tak tak chu a ni' (Hapiness is toserve a cause, greater than yourselves) a ti nghe nghe. Keini zawng, mahni leh mahni kan inhmangaih lutuk a, kan inti ti chhe zo a, kan hlimna pawh kan ti chhe zo ta. Mahni hmasialna leh, mahni inhmangaihna hi chhung ril lama mi chaklo te ralthuam a ni.
Patling pui pui thlengin saruak thla lak tih vel mai mai kan buai a. Sakhuana lamah pawh, kan kohhran kan duh khawp lo a. Kan kristianna te pawh hi a nihna takah chuan, nuam tawlna atana hman kan tum ta ni ber hian ka hre thin. Chhung ril lam kan inen fiah lo fo a, kan sakhuana in min zirtir ang hian kan nung hlei thei lo thin niin a lang. Kan sakhuana hi chu sakhaw tha a ni a, a zuitute erawh hi chu kan inen fiah deuh chu angai a ni. Kristianna hi a nih dan tur dik takin kan ramah hian parchhuak se, hnam ropui takah kan ding chhuak anga, hman hmanah Switzerland of the east chu kan ni daih tawh ang.
Kan ram a dam lo a ni, ti tu te hian an ti dik chiah a. Sum leh pai leh nawmchenna thilah kan buai a, thu tak pen sanin, thu lawilo kan buai pui a, mit chakna leh beng riltamna hian min hruai bo mek a ni. Pumpui lamah chuan, kham tih ni nei loin mitin hi kan riltam a. Ritphurh inchhawk tawn turin kan Bible-in min ti a. Chu chu mizo nunhluia nunphung pawh kha niin an sawi thin. Tunah chuan, kan phur tih zan nan kan thenawmte phur kan tih rih belh chhah ta zawk a. Thu ropui tak tak chu kan sawi thin a, chhung ril lamah kan chak lo miau a, heti ang hi kan ni ta a nih hi.
He ramah hian lungawi na reng reng a awm ta lo a. Thil reng reng dik taka tih pawh a awm ta lo em ni tih tur a ni ta a. Kan tlang ram te chu a la mawi reng a, thlifim te pawh an la thaw reng a. Kan rama ni tla turte hian Assam rama ni tla tur ai chuan lung a la ti leng daih zawk a. Mihringte hi chu danglam thin kan ni miau a. He ram duhawm taka cheng te pawh hi, nun hlu leh tha? atang kan bo tan ta a tih theih hial mai. Hei hian kan sual ta vek e, kan tihna chu a ni lo a. Khawvel hnam boral tate nun phung kan ang sawt em e, tihna mai a ni. Hei hi mitin kan inbih letna tur chu a ni.
Kan chenna khawvel hi zawng a sual tawh em a. Mi dik leh rinawm nih a? har ta kan ti mai thei. Mi te an dik bik loh avang hian kan dik bik lo thin a. Chu chu, chhung ril lama mi chak lo te mizia a ni. Vanneihtluanga'n 'Nihawi par' tih a ziak a. chutah chuan tlang pakhat, pangpar tona tura hmun duhawm fa hran loah nihawi pangpar hi a lo to ve tlat mai tih a ziak a. Chu nihawi chuan, a tlakna leilung a ngaihtuah lo a, siamtuin a siam chhan angin, a phak ang tawka nalha lo par vul ve a, a nihpung lo chhuah tur? kha a lo bei ve tawk tawk mai a ni. Chu chu nun ropui chu a ni a, chuti ang mi nei tam hnam apiang chu khawvelah hian an ding chhuak mai a ni.
A tua te pawh hian mahni hming mawina chu kan zawng theuh mai. Chu chu thil sual a ni hauh lo a. Hausakna um hi thil tha lo pawh a ni chuang lo a. Pawisa ngah te hi sual a ni hek lo. Chuti ang thleng tur chuan mi tam zawk hi chuan theih tawp chhuaha kan beih hi angai thin a ni. chuti ang kan umna lamah chuan, mizote hi zawngin kan thiam ve leh ta thin lo a, kan hnam tana pawi tur zawng hian kan pal darh ta thin a. A sawh khawk chu a na hle zel a. Kan hnam hian a that pui hauh lo. Kan hnam a chhiat chuan, engmah kan ni zo dawn lo. He thudik hi kan hmuh hmaih thin a, mahni hmasial takin kan la che zel a. Tin, kan hnam hian a chhiat pui zel a. kan la tuar zel dawn khawp mai.
Mimal anga chak turte, dik turte, dingchhuak turte, chhungkua anga hlawhtling turte, khawtlang anga zahawm turte, hnam anga ropui turte hian kan mamawh ber chu, 'Chhungril chakna a ni'. Kum zabi sawmhnihn a lai hawl vel khan mi pakhat Rokunga an tih chuan hla? a phuah thin a. A hla pakhat chu, 'Ro min rel sak ang che' tih a ni. Mizo hnamin duh thlang tura hun khirh khan taka a din laia a phuah a ni.
'Kan awmdan tur ngaituah a,
Mipui kan inkhawmin
Finna ropui min pe la,
Ro min rel sak ang che' a ti a nih kha.
A nihna taka chuan, kan hnam hian tunah pawh hian duhthlan tur a nei a ni.
Israel fate Jordan lui ral an lo kai khan, Josua a lo tar ta hle a. Israel fate a ko khawm a. Israel fate chuan, meialh leh chhum dinga an mahni rawngbawltu nge, an chheh vela hnam dangte Pathian rawng chu an bawl dawn tih a zawt a. Duh a thlan tir a ni. Keini pawh hian tunah hian, he duhthlanna chiah hi kan koah a lo tla a, eng zawk nge kan thlan dawn? Mahni theuhah i inzawt ang u.
Kan hnam zaipute chuan, Pathian chatuana ata chatuana awm zel tur chu an thlang a. 'Ro min rel sak ang che' tiin an au thin. Keini paw'n? thiam taka duh kan thlan angai . Rokunga Pathian hi kan zui tak tak dawn a ni chuan, Ani chuan chhungril chakna nei thei turin min tan pui ang. Chhung lam leh pawn lam hmelma do tur kan nei tam chho zel ang; chutih hunah chuan, 'Chhungril chakna' kan mamawh zel dawn a. Chu chu, Engkim ti theia hnen atang chauhin a lo thleng dawn a ni.
'Chhung lam leh Pawn lam hmelma
Indona thleng mah se,
Hneh zel turin min pui la,
Ro min rel sak ang che'

NGILNEIHNA LANTIRTU

2011-09-29T14:52:00.001+05:30

indo laia an President Abraham Lincoln khan sipai hliam tuarte kanin damdawi in tlawh a ching viau a. Tum khat chu chutia dam lote a tlawh lai chuan doctor chuan sipai pakhat hliam na tak tuar thi lek lek tawh hi a kawhhmun a, Lincoln-a chu a khum bulah chuan a va kal nghal a.

“Tihsak theih che ka nei em?” a va ti a. Chu sipai dam lo chuan President Lincoln-a a ni tih pawh hre chuang loin zawi te a phun sep sepin, “Ka nu lehkhathawn tur min ziahsak thei ang em?” tiin a chhang a.
President chu pen leh lehkha an pe a, sipaiin a sawi ang chuan ti hian a ziak ta a.
“Ka nu duhtak, ka mawhphurhna ka hlenchhuahna lamah na takin ka inhliam a. Ka dam chhuak leh thei tawh lo ang tih ka hlau hle a ni. Khawngaih takin, lo tuar lutuk lo hram ang che aw. Mary leh John-a te kha min lo fawhsak la. Ka pa nen khan Pathianin awmpui zel che u rawh se.”
A chauh tawh em avangin sipai chuan a sawi zawm thei tawh lo a, Lincoln-a chuan lehkhaah chuan a hming a ziahsak a, ‘I fap tana ziahsaktu Abraham Lincoln,” tih a telh bawk a.
Tlangval chuan lehkhathawn chu en a dil a, a han en chuan makti em em maiin, “President i ni tak tak em?” tiin a zawt phawng mai a. Lincoln-a chuan dam dapin, “Aw, ni e,” tiin a chhang a. Tihsak theih dang a nei em tih a zawt zui nghal bawk a.
Sipai chuan, “Khawngaih takin, ka kut hi min lo chelhsak teh, tichuan ka hun tawp thlengin min tanpui dawn nia,” tiin a ngen a. President chuan chu sipai kut chu a vuan a, hnem mawlh mawlh chungin a dawmhlum ta a ni.

(Sap \awnga ziak lehlin
- Lalthlamuana Ralte

JOYCE MEYER HI

2011-09-29T14:51:00.000+05:30

American nu tling, hlei tling zuah mai Pathian thu hril thin Joyce Meyer hi tam tak chuan kan hriain a rinawm. Khawvel huapa rawngbawltu hmingthang a nih bakah Pathian thu lam lehkhabu tha tak tak 90 chuang zet a ziaktu a ni a.

Joyce Meyer hi kum 1943 khan St. Louis, Missouri (USA) ah a lo piang a, a laiah hming chu Pauline Joyse Hutchingson a ni a. A pa hi sipaiaha a tang a, Indopui pahnihna a zawh hnu khan a lo haw a, Joyce Meyer hian chutih hun lai chuan a pain a pawngsual thin thu a sawi. O'Fallon Technical High School ah a lut a, a zawh hnuah car zuar thin nen an innei a. Mahse, kum nga chhung an inneih hnuah an inthen leh a.
An inthen hnu lawk chuan Dave Meyer, engineering draftsman, nen kum 1967 khan an innei a. A pasal hi a fel hle mai a, sum leh pai lamah pawh a pui fo thin a, a nun phung inthlakthlengna atana mi pawimawh ber a ni ta nghe nghe. Ama insawi danin an inneih tirh lam hi chuan nu nasa ve tak mai leh mahni hmakhawsial zet mai a ni thin awm e.
Meyer hian kum 1976 khan Pathian hnen atangin thuchah a dawn thu a sawi a. Chuta tang chuan rawngbawlna a tan ta a, Bible zirna a hawng a, rei lo teah Fenton, Missouri a kohhran nung tak maiah associate pastor-ah a tang zui a.
Chuta tang chuan an tual chhung radio programme-ah nitin minute 15 chhung thuchah a sawi thin a. Kum 1985 khan associate pastor atang chuan a bang a, ama pualin radio hmanga rawngbawlna "Life in the Word" tih chu a tan zui a. A pasalin a rawn angin TV hmanga rawngbawlna pawh an tihbelh leh ta zel a.
Tunah hian Joyce Meyer ministries zinga TV programme "Enjoying Everyday Life" hi tawng hrang 42 a lehlin a ni thin a, TV leh radio station 900 ah chhuah a ni thin bawk. Missouri a an headquarters-ah hian hnathawk 597 an awm a, khawvel hmun hrang hranga an office-ah hnathawk 300 chuang an awm bawk.
Naupanh lai atanga mipat hmeichhiatna lama khawih bawrhban tawk tawh leh nupa nun kawng bumboh tak lo zawh tawh Joyce Meyer hi tunlai khawvela Pathian thu hriltu hmingthang leh rawngbawltu langsar ber pawl a ni mek a, Pathian thu lam lehkhabu hralh kal tak tak 90 chuang a ziak tawh nghe nghe a ni.
Meyer-i website in a tarlan dan chuan an pawl hian nikum chhung khan international feeding programme kal tlangin mi maktaduai 29 hnenah chaw ei tur an pe a, khawvel hmun hrang hrangah naupang enkawlna hmun 40 vel an nei a, mi dang sang tam takte damdawiin an enkawl mek a, US leh ram danga chhiat tawkte tanpuina an sem thin bawk. Heng bakah hian khawpuia chengte zingah rawng an bawl a, lung in tangte an buaipui a, tui mamawhte hnenah an pe a, mihringa hmanga sumdawnna dotute nen an tangho thin bawk.
Rawngbawltu hmingthang tak ni mahse Joyce Meyer hian beihna pawh a tawk nasa hle tho mai. Kum 2007 ah khan U.S. Senator Charles Grassley, Republican party a mi chuan Pathian Thu hriltu langsar tak tak mi parukte a chhui a. A chhui chhan hi an khawsak a san em vang leh an hausak em vang a ni. Chu'ng zingah chuan Joyce Meyer Ministry pawh hi a tel ve a ni. Chuta tang chuan Meyer pawh hian ama hlawh leh a pasal hlawh a tihhniam phah a, a lehkhabu ziak atanga a sum hmuh te hi an chhungkaw sum hmuhna hnar pawimawh tak a nih phah ta a ni.
Pathian thu hriltu hausa thenkhat angin Joyce Meyer hian an pawl (ministry) atangin sum lehpai bakah hamthatna a dawng hnem hle a, chungte chu : ama mimal thlawhna (private jet), ama mimal in changkang leh nuam zet bakah a fate pali puitling tawhte hian anmahni pual theuhin in ropui leh nuam tak an nei vek a, car manto chi engemaw zat a nei a. Heng bakah hian an headquarters building ropui zet mai chu bungraw tha ber bera thuam an nei bawk.
Meyer thung chuan ama in, feet 10,000 bial zet a zau, swimming pool leh mikhual thlenna bik in hrang awmna, ropui zet mai chu kohhran tam takin an pastor-te chenna tur an pek aiin a ropui bik chuang loin a sawi thung. An nun phung hautak ang reng tak chungchangah pawh inthiam lohna leh pawi tihna a neih loh thu a sawi a, Pathian thu a awih vang leh a rawng a bawlsak vangin hausaknain a vur niin a ngai hmiah.

Mizoramin ram dang university 28 pawm

2011-09-29T14:43:00.003+05:30

Japan, China leh South Korea a\anga zirchhuak tan chuan an zirna chu eng anga university \ha leh hmingthang pawh ni se Mizoram sorkarin a pawm lo a, an tan awmzia a awm lo. Germany university pawh pakhat mah a pawm lo.

India ram pawn university zingah Mizoram sorkar chuan 28 chauh a pawm a, university awm lo University of Andrews chu a pawm zingah a tel mauh thung! University of St Andrews leh Andrews University te chu a awm a, mahse, Mizoram sorkarin a pawm tak University of Andrews hi chu a awm lo. Chutih lai chuan university hmingthang UCLA (University of California, Los Angeles), Princeton University, London School of Economics, Standford University, Cornell University, St John's University etc te chu a pawm lo lawi!
Mizoram sorkarin India ram pawn university a pawmte chu - Burma-ah 2, England-ah 12, Scotland-ah 4, Ireland-ah 3, Pakistan-ah 2, Bangladesh-ah pakhat leh America-ah 4 a ni. India \henawm China leh Sri Lanka-ah Mizoram sorkar chuan university pawm a nei lo. Thil mak deuh chu Mizoram sorkarin Burma-a university a pawm zingah hian English and Welsh Universities tih a tel mauh mai bawk a, chutiang hming pu university chu khawvelah a awm miah lo hi a ni! American university a pawm pali zingah University of Michigan chiah a taka awm a ni a, The University of Harvard tia tarlan hming dik tak chu Harvard University niin, The University of Yale tia tarlan chu Yale University a ni a, The University of Columbia tia tarlan chu Columbia University a ni bawk. Pakistan university zingah pawh The University of Punjab pawm a nih laiin University of the Punjab a awm. Pakistan University zingah University of Sindh a awm laiin The University of Sind chu hmuh tur a awm lo!
Heng university-te hi Mizoram Police Service Rules, 1997-a a lan dan a ni a; Schedule II-ah List of Universities Approved by the Government of Mizoram tia dah a ni. He rules hi The Mizoram Gazette Vol XXVI, Issue No 415-ah December 9, 1997 khan chhuah a ni nghe nghe.
Hetiang a nih avang hian Singapore a\anga zirchhuak emaw Russia, Ukraine, Germany, Japan, South Korea, Thailand, Italy, Denmark, Australia leh khawi ram pawh ni se a chunga ram pasarih tarlan a\anga zirchhuak lo tan chuan Mizoram sorkarah hian beisei tur tehchiam a awm thei lo ang. Ram pasarih tarlan a\anga zirchhuak tan pawh an zirchhuahna chu Mizoram sorkarin a pawm university 28 zingah a tel a la ngai tho a ni.
Tunhnaia Mizoram sorkarin DRDA hnuaia thawk tur a lak pakhatah pawh UK university lar ve tak pakhat a\anga zirchhuak chu a zirna Mizoram sorkarin university a pawm 28 zinga a tel loh avangin admit card pekchhuah a nih tawh hnuah 'verbal' complaint a awm avangin a dilna hnawlsak a ni a, chutiang khawp chuan Mizoram sorkar hian India pawn lama university a pawmte hi a ngai pawimawh a ni.
Sorkar rules a nih chuan a kaihhnawih department hrang hrang a kaltlang a ngai a, chuvangin Police Service Rules-a mi ni mah se Mizoram sorkar hnuaia zirna zawk buaipuitu higher & technical education department pawh hian he thil hi hriatpui ngei turah ngaih a ni.
Mizoram sorkarin university a pawm list aia he rules chhiartute tana thil hriat thiam zawk la awm chu he rules Schedule II hi rules 7 (2) (c) tlawhchhana siam a nih laiin Mizoram Police Service Rules 1997-ah hian a tlawhchhan rules ber chu a awm hauh lo si hi a ni. Rules 7 (2) chu a awm a, chutah chuan university emaw qualifications chungchang emaw engmah sawi a awm si lo. "The names of persons included in the list shall be arranged in order of merit" tih a ni daih. Chuti chung chuan law department hian rules turin an lo 'vet' tho ni ngei tur a ni.

Kohhran lian pathumah hnathawktu 4,863

2011-09-29T14:41:00.000+05:30

Tunhnai kum 2/1 a\ang khan Pachhunga University College chuan thil chin thar an nei a, chu chu pawn lam thil zirchiang tura an zirlaite an tir chhuak \hin hi a ni. PUC-a Economics subject zirlaite chuan an zirtirtu Lalthlamuana Ralte kaihhruaina hnuaiah Mizorama Kohhran lian zual chanchin, Hnahlan leh Champhai Grape Winery chungchang, Hydel project leh thil dangte zirin Group-ah an insiam a. Heng zirlaiten an zir chhuah zinga pakhat- Mizorama kohhran lian pathum hnuaia thawkte chungchang an zirna hi i'n bihchiang teh ang.

Heng zirlai, kohhran zirchiang tura ruatte hi mi pakua niin hmeichhia 6 leh mipa 3 an awm a. An thupui chu, 'A study on the role of churches in Mizoram Economy with Special focus in employment generation' tih a ni a, a zirchiangtute hi II BA Eco (Hon's) zirlaite an ni. Research pangngai tak anga ngaih chi erawh a ni chiah lo ang.
He thil an zir chhan hi Mizorama kohhrante hian hnathawktu eng zat chiah nge an chhawr tih leh eng tin nge unemployment problem an sutkian dan tih lam hawi a ni ber.
Heng hnathawktu tia tarlante hi kohhranin hlawh a pek, pastor, pro pastor, damdawi ina thawk, missionary leh office-a thawkte etc te huamtir vek an ni.
Zirchiannaa a lan danin kohhran lian zual pathum- Presbyterian kohhran, Baptish Kohhran leh Salvation Army-ah hian an vaiin mi 7,52,682 an awm a, hei hi Mizoram mipui zaa 69 (69%) an ni.
He zirchiannaah hian kohhran 100 vel a awm nia sawi a awm avang hian kohhran pathuma member-te hi 69% an nih chuan kohhran dang 95 bawr velte hi chuan member an ngah tawh lo hle ang tih a rin theih.
Kohhran lian ber presbyterian kohhran hian member 5,50,560 a nei a, hnathawktu mi 2519 an awm.
2011-a an budget chu Rs 10,21,634,000 a ni a, hnathawktu hlawh atan Rs 4,72,294,700 hman ral tura chhut a ni. Hei hi an budget pum pui a\anga 44.08% a ni.
Baptist kohhranah hian member 1,46,331 an awm a, Presbyterian nena kohhran member an inthlauhna hi 4,04,229 a ni.
Baptist kohhran hian hnathawktu 1938 a nei a, 2011-a an budget chu Rs 1,73,402,969 a ni a, hnathawktu 1938 hlawh atan hian Rs 61707536 a kal ve a, hei hi 35.59% a ni.
Salvation Army hian member 55,791 neiin hnathawktu 406 an chhawr a. 2011-a an budget 58,867,024 niin heta \ang hian hnathawktu hlawh atan 18,700,504 an hmang a, hei hi 31.77% a ni.
Heng kohhran lian zual pathum hian belhkhawmin hnathawktu mi 4,863 zet an chhawr a, 2011 an budget belhkhawm chu Rs 12,53,903,993 a ni a, heng atanga an hlawh belhkhawm chu Rs 5,52,702,742 zet a ni a, za zelah 44.08 a tling a ni.
He zirchiannaa a lan danin Mizoramah hian Kristian inti \heuh si, rin dan hrang, 100 vel a awm nia tarlan a ni. Tunhma deuh chuan heng kohhran pawl hrang hi 80 vel nia sawi \hin a ni.
Presbyterian kohhran hian 2009-a an chhinchhiah danin India leh foreign thlengin mission field 16 a nei a, heng hmunah te hian missionary, field secretary etc mi 1744 an chhawr mek.
Heng mite hlawh atan leh a \ula hman ral chu kum khatah Rs 2,88,957,225 a ni. Heta an hmanralna hi zirchiannaah hian chiang taka tarlan ni lo mah se, Mission and Evangelism chhungah dah a nih avangin revival team rawngbawlna zawng zawng te, Synod-in a thawhpui NCCI, NEICC, PCI, WCRC, CCA leh CWM te nena an thawhhonaa a \ula hman ral zawng zawng nen khaikhawm a nih thu zirlai zinga pakhat chuan a sawi.
Presbyterian kohhranin an hnathawkte hlawh atana an pek zawng zawng Rs 4,72,294,700 a\ang hian Rs 1,83,337,475 hi Synod hnuaia hnathawktu dangte hlawhah a kal ve thung tihna a ni. Mizorama hnathawh tur a van dan en hian Presbyterian kohhranin hnathawktu a neih dan en hian employment generate lamah a thawh hlawk hle ti zawng pawhin a sawi ngam awm e.
Prebyterian kohhran rawngbawlna lar leh pawimawh ber zinga mi chu damdawi in hi a ni awm e. Tun dinhmunah khum 300 neiin health center 39 an enkawl mek bawk. Fahrah chawmna In mi 50 awm theihna an siam bawk. Heng bakah hian thingtlang hmun hrang hrangah mobile clinic neiin an kal kual bawk thin niin he zir chianna hian a tarlang a ni.
Baptist kohhranah hian member 1,46,331 awmin tualchhung kohhran 530 an nei mek. He zir chiannaa a lan danin Baptist Kohhran hian 1944 khan kum 50 na an lo lawm tawh a. kum 1946-ah kohhran 141 an neih laiin 2011-ah chuan 560 an nei tawh. Heti a nih chuan kum 64 chhungin kohhran 419 a din belh leh hman tihna a ni.
Baptist hian 1945-a Assembly an neih \um khan Tuikuk leh Chakma te hnena rawngbawlna zau zawka neih ni se an tih angin hma an la \an a, an hmalakna leh kohhran dangte hmalaknain Tuikuk-te chu Kristianah an siam deuh vek tawh tih theih a ni a, Chakma pawh sang chuang fe Kristianah an siam tawh nia sawi a ni.
Baptist hian missionary, field secretary etc atan mi 742 an tir chhuak mek a, hnathawktu 1938 an nei mek a ni.
He zirchianna an tarlan tel loh, BCM te hmalakna lian tak pakhat chu Bru Baptist Church din chungchang a ni. BBC te hian Tuikuk te hi Kristiana an siam piah lamah 2025-ah chuan anmahnia BBC a an inrelbawl theih hun tur hi an ngaihtuahsak avangin hun engemaw lai atang khan hma an lo la tawh bawk a ni.
Salvation Army hi 1917 April ni 26-ah Lt. Col Kawlkhuma'n a din a ni a. An rawngbawlna pawimawh tak zinga mi chu Community Health Action Network (CHAN) a ni. Tunah hian hnathawktu 406 an awm mek a ni. An pawl inrelbawlnaah pawl division leh officer ang zawngin an kal mek a ni.

Kawng siamna tura sum hman zat sawi dan a inang lo

2011-09-29T14:39:00.000+05:30

Mizoram-a national highway siamna atana Public Works Department-in an sum hman nia an sawi chu inmil lo a awm nual niin Mizoram Road Transport Union chuan an sawi.

Hna thawh dan leh sum dinhmun thlirin hmun hrang hranga kawng siam mek leh siamthat ngai te chu tun maia siamthat a beisei awm loh niin an sawi bawk.
Mizoram Road Transport Union (MRTU) chuan Right to Information Act hmanga zawhna an zawh leh, PWD official te hnen atanga thu an lak thenkhat inmil lo te, kawng siam meka contractor te hnathawh dan a hmuna an enfiah chungchang te thuthar thehdarhtute hnenah hemi chungchang hi September ni 21-ah an sawi a ni.
RTI hmanga zawhnaah, finance department (budget) in Central Road Fund (CRF) atanga PWD hman tur budget a dah chu Rs. 929.46 lakhs tih a nih laiin, finance department control (EC) lamin kum 2010-2011 chhunga PWD hnena CRF a\anga pawisa a sanction zat chu Rs. 558.08 lakhs a ni, an ti.
NH-150 (NH Division II Seling to Zero Point to Darlawn Road) atana sum hman tarlanah pawh inang lo a awm niin MRTU chuan an sawi bawk.
2010-2011 chhunga Ministry of Transport & Highway atanga PWD-in kawng enkawlna tura sum a hmuh Rs. 5493 lakhs a\angin Rs. 601.50 lakhs hman nia chanchinbu pakhata tarlan a nih laiin, RTI hmanga zawhnaah chuan Rs. 829.93 lakhs hman anga chhan a nih thu an sawi.
Rs. 498.79 lakhs hmanralna nia department lam sawi NH-150 Darlawn Sub-Division chhungah alkatra luan (periodical renew) tih ala ni lo a, pawisa erawh contractor, Sunshine Overseas Ltd. hnenah advance-a pek a ni tih MRTU chuan sawiin, tun \hal chhung hian siam hman an tum tih a hmuna an tlawhnaah hrilh an nih thu an sawi. "Ordinary repair leh flood damage hi departmental work-a thawh nia NH Division II EE-in a sawi laiin, Darlawn Sub-Division PWD SDO chuan nikum June atang khan an division huamchhungah hnathawh engmah an nei lo niin min hrilh," MRTU secretary Lianlunga chuan a ti.
NH-150 Sub-Division-IV huamchhungah chuan Sunshine Overseas ten nikum chhung khan alkatra luana kawng siam hna thawkin, ordinary repair leh flood damage chu PWD ten departmental work-in an thawk a, a vaiin Rs. 331.41 lakhs hmanral a ni, MRTU chuan an ti.
NH-54 Lunglei, Lawngtlai leh Zero Point kawng siamtu Bengal Prakalpa Nirman Pvt. Ltd, Kolkata chuan hna an ngaihthah hle, tiin MRTU chuan, Mizo mipuite hmuhsitnaah an ngaih thu an sawi. "Oct. 22, 2009 khan work order an hmu tawh a. Alkatra an luan chhun Lunglei AOC atanga Khamhar quarry thleng pawh khawk chhia a tam leh tawh a. Tun \hal chhunga kawng siam tura an inpuahchahna hmuh tur a awm lo bawk," MRTU secretary chuan a ti.
Hetihlai hian NH-54 Lunglei, Hnahthial leh Serchhip inkar kawng siamtu Sunshine Overseas chu an thawk tha thawkhata an hriat thu MRTU hruaitu hian a sawi a. Tuirial - Serchhip inkar erawh contractor thlan fel ala nih loh avangin kumin chhungin hna an thawk hman dawn lo nia a lan thu a sawi.
World Bank kawng, Aizawl-Lunglei via Thenzawl chu lirthei tana kal harsa khawpa chhia a tam leh tawh hle a ni, tiin MRTU chuan, PWD ten chak takin a thuamthat hna thawk se an duh tih an sawi. Hei bakah hian, Lunglei leh Tlabung inkar te, Tlabung leh Chawngte inkar kawng chhia te chu, sum dinhmun ngaihtuahin tun maia siamthat a beisei awm loh niin an sawi.
Kawng chhiat avanga MST bus service tihtawp lailawkna, West Phaileng - Marpara kawng chu NABARD sum atanga siam turin contractor thlan fel a nih tawh thu leh, sum sanction hi finance deptt. atanga nghah mek nia an hriat thu MRTU chuan an sawi bawk.
MRTU president R. Lalhmunmawia chuan, kawng tha kan neih loh avangin mipui ten harsatna an tawh tam phah hle tih sawiin, sawrkar thuneitute chu plan leh estimate an siam thiam ang chiahin kawng siam tha thiam tur leh, Mizoram tana theihtawp chhuah tura an phut thu a sawi a ni.

Eng vangin nge chhiatrupna a thlen?

2011-09-29T14:29:00.001+05:30

Mizoram Polution Control Board member secretary Er. C Lalduhawma chuan, "Kan rama leimin hi chu thil pahnih - tuidawn leh thli luankawr kan ngaih pawimawh loh vang a ni," a ti.

"Tui chakzia hi kan hre tawk lo niin a lang; Tlawng luiah hian kal ila, a kuang pang vela a khawh khawk te hi en ngat ila, lung chang tak tak a tam ang," a ti.
"Research emaw, survey emaw ka ti lo na a, ka vei em avang hian ka kalna apiangah ka thlithlai \hin a, tumah hian thli luankawr leh tuidawn hi kan ngai pawimawh lo niin ka hria. Kan in chunga tui leh kan thli te hi a luan luanin kan luantir a, chu chu lei chhungah relhlut a, lei a chiah nem ta a ni. Keini ram leilung, nghetlo sa tan phei chuan hei hi a pawi hle. Ruahsur te kan puh \hin a, a dikna chen pawh a awm ang, mahse, kha lei nem sa kha ruah baw-hawkah a min ta \hin zawk a ni. Aizawla leimin tam zawk hi chu chutiang chu a ni ang," a ti.
"Bawlhhlawh reng reng treatment awm lovin kan riral tir a, treatment chu sawi loh a luan luanin kan luan tir a, kan thli ni se mahni in chhung chinah pipe te kan han siam ve a, chu chu kawmthlangah kan han khawhchhuah tir ringawt a," tia sawiin, "In hmun \ha pawh ni se hetianga tuiin a chiah reng chuan lei a nem a, a min a hlauhawm tho," a ti.
"Loh theih loh chin chu awm mah se kan buaina tam zawk hi chu keimahni thlen a ni. Tui luankawr mumal awm loin, kawmthlangah a chhuak mai mai a. Khua hi 'planning' awm miah lovin kan din a, hetiang hi a hlauhawm lutuk," tiin disaster management lama mithiam pakhat, a hming tarlan duh lo chuan a sawi.
"Kan leilung a nghet lo tih chu a chiang a, mahse, kan minna ber chu management kan neih loh vang a ni," a ti a, "Kan in sak te hi a him leh him loh kan ngaihtuah lo. A foundation a him em tih te kan ngaihtuah lo a, cement \ha kan hmang em tih te, hmanraw \ha kan hmang em tih te kan ngaihtuah lo. Vai mistiri-in a duh dan danin kan in te hi min sak sak a ni ringawt," a ti bawk.
Mizoram sorkar hian sorkar laipui a\angin Building Code a dawng a, chu chu in sak dan chungchanga zawm tur a ni. Lirnghin thut theihna ram a ni a, chutiangah chuan Zone 5-ah Mizoram hi dah a ni. Chutiang hmuna him taka in sak theih nana inkaihhruaina tur chu a ni Building Code chu. Mahse, tuna in zaa 90 vel hi chu Building Code phal loh anga sak a ni hial ang tih chu a hriate sawi a ni si.
"Tunah han siam\ha dawn ila, in zawng zawng \hiata a thar kan sa leh dawn te a nih ngawt loh chuan a ngaihna a awm tawh lo a, chuvangin, chhiatrupna hi chu a la thleng ang tih a lang thei a ni," tiin engineer pakhat chuan a sawi.
"Leivung kan paih dan pawh a dik lo," tiin official pakhat chuan a sawi a, "Kan duh duhin leivung kan paih a, rei tawh deuha mi pawh ni se leivung na na na chu a lo nghet lo a, nala kan nei mumal lo nen, hetiangah hian leimin hi a thleng duh a ni," a ni.
'Chhiatrupna' tih mai hi sap \awng chuan 'disaster' a ni a, chu chu 'manage' theih a ni. Chu chu khawvelin a pawm dan a ni a, Mizoramah pawh 'manage' theih a ni tih chu pawm a ni a, sorkar pawhin Disaster Management Committee a din nghe nghe. He Committee hi state level-ah, district level-ah, village level thlenga din a ni.
Mahse, chhiatrupna chu ven a ni lo a, control emaw manage emaw a ni hek lo. A pumpelhna tura hmalakna pawh a awm lem lo. Lei a min pawhin a bialtu MLA leh DC te'n an tlawh a, a min tawh hnuah silpoulin an pe \hin! Hnatlangte thingpui man tur an pe \hin bawk.
Engineer pakhat, a hming tarlan duh lo chuan, "Chhiatrupna nasa tak hi lo thleng palh ta se engtin nge kan tih ang aw? Disaster Management Committee chu kan nei ngei a, mahse, anni pawh a tuar theitu tho an ni a, engtin nge an tih bik ang?" tiin hemi chungchanga a ngaihdan a sawi.
Limin bakah lirnghing laka inven dan tur emaw a inhmakhua dan tur emaw pawh ngaihtuah a ngai a, mahse, ngaihven a hlawh si lo.
"Eng lai pawhin lir a nghing thei; chhunah emaw, zanah emaw, nipuiah emaw, furah emaw, thlasikah emaw pawh ni se. A hun leh hmun a thuin a khawihchhiat dan erawh a nasa thei hle thung," tiin Lalliana Mualchin chuan Mizoram tan lirnghing laka inralrin \ul a tih thu a sawi.
Hmarchhak hi lirnghin mai theihna hmun a nih thu mithiamte'n an sawi \hin; December ni 26, 2004-ah Indonesia rama Sumatra-ah nasa takin lir a nghing a, a nghawrin tsunami namen lo tak a thlen avangin Indian Ocean kam ram tam takah mi 230,000 lai an thi a nih kha. Sumatra-a lirnghing awmna kawng (zone) kal zel hi Mizoram chhung emaw, a bulah emaw a kal tlang nia hriat a ni.
Lirnghing hi sap \awng chuan 'the shaking of the earth' an ti deuh tawp a, leilung insawi che vel tihna a ni ber ang. Lir tinghingtu tam ber leh nasa ber chu Techtonic Plate movement hi a ni. Khawvel khawmualpui 'Crust' kan tih mai hi a chhah lai (tlangsang zawnah chuan km 40 laia chhah te a ni a, a pan lai, tuipui hnuai angah chuan km 7-10 chauh pawh a ni thei) hi a khi phek phuk a, khawmual lian pui pui leh te deuhah an in\hen hlawm a, chung chu Techtonic Plates an ti. India plate leh Burma plate/ China plate tih bawk hi plate lian leh harh vang an nia, an che hrut hrut reng ani awm e.
Heng plate pahnihte hi lei thuk takah leikhi lianpui 'fault'-in a phel phawk a, a kal dan chu- Turkey ram a\anga rawn in\anin, Afghanistan-Pakistan-Foothills of Himalayas- Northeast India-Burma -Indonesia- Java- Japan hrul hian a khi kual ruah a, chu chu han en maia \hi (ring/ necklace ) a an avangin 'Ring of Fire' an ti. Chu chuan hmarchhak hi a huam a, khawvela lirnghing tam berna niin, 'Zone V' tia sawi a ni.
"Ring of Fire huam chhunga awm kan nih avangin engtik lai pawha lirnghin mai theihna hmun kan ni. An chhut dan phei chuan keini Northeast India huam chhungah pawh kum 50-60 danah nasa takin lir a nghing \hin," tiin mining engineer, lei chhungril chanchin zirtu Hriata Chhangte chuan a sawi.
1897-ah Assam-ah lir a nghing a, kha kha khawvela lirnghing nasa an 'record' hmasak ber niin, Ritcher Scale 8.7 zet a ni. Khami \um khan Brahmapoutro lui pawhin a kuang a sawn hial. 1950-ah Cachar-ah lir a nghing leh a, Mizovin 'minpui kum' kan tih khan hei hi a zawm nghe nghe.
2010 vel hi hetiang 'cyclic major eartquake' awm leh hun turah leilung chanchin zirmite chuan an ring a, mahse \henkhat chuan hman deuhva Tsunami awm tirtu indonesia-a lirnghing kha ni turah te pawh an beisei.
Engpawhnise, NE region-ah hian kum tin vawi 300 bawr lir a nghing a, Ritcher Scale 3 leh a hnuai lam hi mihringin kan hre pha ve lo a, Ritcher Scale 3-5 vel hi chu kan hre ve a, 5 chin chu a hriat hle. Tun hnaiah Sikkim-ah a nghing leh a, hmarchhak pawh a sawi a nih kha.
Lirnghing kawng hian hmarchhak lam zawngin Manipur leh Nagaland-a kaltlang a, Arunachal Pradesh hmarchhak tawp vel a\angin khawthlang lam zawngin Himalaya tlang a zawh a ni. Mithiam \henkhat chuan Mizoram chhaklama Burma ramri bulah a kal an ti. |henkhat chuan Mizoram thlanglam Bangladesh ramri bulah a kal an ti thung. He lirnghing kawng hi Mizoram chhak emaw, thlang emawa kal-a sawi a ni.
Chutiang chu Mizoram dinhmun chu a ni a, sorkarin eng nge a tih? Mipuiin eng nge an tih?
Zoram Research Foundation Distinguished Lecture Series-a lirnghing chanchin sawitu Dr Lalliana Mualchin chuan, "A enga pawh chu lo ni se, heng zone-ah hian lirnghing lian tak a lo awm hun chuan ma thei lovin Mizoram chuan nghawr/nghing nasa tak chu a tuar tho tho dawn tih a lang chiang hle a ni. Mahse, mi tumahin engtikah nge a lo awm dawn an hre thei lo," a ti a, "Tin, eng tin tin emaw a rawn nghin hun tur chu lo hre lawk thei tehreng pawh ni ila, kan inte leh kalkawngte hi thawklehkhatah kan sawn mai thei dawn chuang lo a, a nghawr chuan nasa takin a sawi dawn a ni. Chuvangin, a lo thlen hma hian kan inralrin hle a ngai a ni ber mai," a ti bawk.
Inralrin dan tur sawiin, "Inralrin dan pawimawh ber pakhat chu- kan insak leh kan kawng siamte hi lirnghing na ber lo awm thei nghawrna laka kan him theihna turin mithiamte'n a sak dan tur an tih anga kan ruahman a \ul ai. A nghin huna chet dan tur 'plan' fel tak kan neih a ngai bawk," a ti.
"Mizoramah hian chung thil chu engemaw chen an ruahman tawh \hin awm e," a ti a, "A hnulam thil tih dan tur pawh ngaihtuah tel ngei tur a ni a, chu chuan in sak \ha tawk lote siam\hat dan leh hmun \ha lo kalsan zawnga ruahmanna siam a keng tel ngei ang," a ti bawk.
"Lirnghingin mi a tihlum lo a, in sak \ha lo emaw vanga chim hian mi a delhhlum zawk \hin. Leilung nghehna hmun leh lirnghing awmna a\anga hmun hla zawka in sak hi a him a, awmhmun benbelna atan a \ha a ni," Lalliana chuan a ti.
"Hetianga lirnghing nghawr nasatzia chhutna mumal neih hi hmalakna hmasa ber tur a ni. Chutah chuan ram pum pui lang thei tur leh kan chhawr nghal theih turin map a siam a \ul," a ti bawk.
"Mizoram awmna hmun, kan in sak dan leh kan kalkawngte ka ngaihtuah chang hian ka hlauthawng \hin," tiin Mizoram a hmuh dan a sawi a, "Kei chauh ka ni lo a, hetiang thil hrethiamte pawhin an ngai pawimawh zel a ni," a ti bawk.
"Hotute hian lirnghing vangin Mizoramah mipuite tan thil hlauhawm tak lo thleng thei a awm reng tih hi an lo hriat nawn leh a, mipui himna tur ngai pawimawh tura ka duh avangin ka han sawi nawn leh a ni e. Hun tam tak chhunga hmasawnna avanga kan thilsiam leh in sak ropuite hi second tlemte chhungin lirnghing lian chuan a tichhe vek thei a, mi tam tak an thi thei bawk a. Chumi laka him tura inralrinna atana hmalak chu development atan a pawimawh em em a, ngaihthah tur chi a ni lo," a ti bawk.
Lalliana hi 2005-ah chief seismologist, California Department of Transportation a\angin pension-in a chhuak a ni.
"Aizawl khawpuia chhiatrupna tam tak pawh hi enkawl lohva kan khawpui kan \hanleh tir avanga thleng niin a lang hlawm. Vanduaina thleng theite pumpelh tumin ruahmanna a siam theih a, chu chu 'disaster control' tum hi a ni. Hei hi khawvelin hma a lak dan ber pakhat a ni nghe nghe. Kan 'control' thei ta lo a ni pawhin mihringah thlamuanna tal a pe a ni, thlamuanna - suma lei theih loh chu," tih te, "Chhiatrupna pumpelh leh a invenna lam hi mi \hahnem ngai pahnih khat tih chi a ni lo, thuneihna sang tak nei sorkar hmalakna chi a ni. Mipui hian kaihhruai kan ngai reng a, khuahkhirh hial pawh kan ngai fo. Chu chu sorkar lo pianchhuah chhan pawh a ni," tih te chu heti lama mithiam te thu vuakthlak a ni.
Vanduaina hi a awm ngei a, pumpelh ngawt theih pawh a ni lo. Chutih rualin vanduaina thleng theite pumpelh tumin ruahmanna a siam theih a, chu chu 'disaster control/manage' tum hi a ni. Hei hi khawvelin hma a lak dan ber pakhat a ni.
Ram changkangah chuan chhiatrupna laka himna turin khawpui ruahmanna uluk takin an siam a, in pawh nghet tawk takin an sa \hin. Ruah sur nasa lutuk avanga chhiatna thleng \hin tam tak chu pumpelh theiha ngaih a ni miau a. Hmunhim lo laia in sak loh, lei timin theitu tuihawk control, ruahtui, tuihawka luangral leh mai tur a tam thei ang ber lo khawl, hmun him lo lai chhinchhiaha in sak phal loh, in sak dan khuahkhirh (regulate) te hi chhiattrupna thleng thei laka invenna ralthuam \ha ber ber a ni. Mizoramah erawh mipui leh thuneitute ngaihthah ber berte a ni si!
Chhiatrupna pumpelh leh a invenna lam hi mi \hahnem ngai pahnih khat tih chi a ni lo, thuneihna sang tak nei sorkar hmalakna chi a ni. Mipui hian kaihhruai an ngai reng a, khuahkhirh hial pawh an ngai fo. Chu chu sorkar lo pian chhan pawh a ni. Dik tak, fel tak leh mipui himna tura thil a tih theih nan dan a nei a, chumi lekkawh tur chuan thuneihna pawh a nei \hin. Mizoram-ah sorkarin chutiang atan chuan hma an la \hin em?

Mizoramah ruah

Aizawl khawpuia ruahtui tlak dan Science and Technology Wing-in an chhinchhiah dan chuan nikum August thla thlenga ruahtui tla zawng zawng belhkhawm chu 1809.2 mm a nih laiin kuminah chuan 1469.65 mm a ni. Nikuma thla riat chhung ruahtui tla zat chawhrual chu 226.15 mm a nih laiin kuminah chuan 183.70625 mm a ni.
2010 kha kum 10 kal ta (2001-2010) chhunga ruahtui tlak tam ber kum a ni reng a, 2557 mm a tla a ni.
August thla chhunga ruahtui tlak danah pawh nikum August thlaa ruahtui tla chu 507 mm a ni a, kuminah erawh chuan 412 mm a ni.
June leh July thla chhunga ruahtui tlaah pawh kumin hian nikum a pha lo a, nikum June thlaa ruahtui tla chu 335.4 mm a nih laiin kuminah chuan 302 mm a ni a, July thlaah pawh nikum khan 399.7 mm a tlak laiin kuminah chuan 235.9 mm a ni. May thlaah erawh chuan nikum aiin kumin hian ruahtui a tla tam zawk a, nikuma 299.9 mm a tlak laiin kuminah chuan 369.3 mm a tla.
January thlaah kumin hian 8.8 mm a tla a, nikumah erawh chuan a tla lo thung. February, March leh April-ahte pawh kumin ai hian nikumah ruahtui a tam zawk bawk.
Kum 10 kal ta khan 2001, 2003, 2007 leh 2010 te khan thla riat (January - August) chhunga ruahtui tla chu kumin aiin a tam zawk a; nikum khan tam berin 1809.2 mm a tla a, 2001 khan 1566.5 mm a tla a ni.
Hemi hun chhung hian 2009 khan ruahtui a tlem ber a, August thlenga ruahtui tla zat belhkhawm chu 1116 mm a ni. Kum tluana ruahtui tlak tlem ber kum erawh 2009 ni lovin 2004 a ni thung. Ruahtui tlem ber kum hian 1,551.42 mm a tla a, a dawttu 2009 khan 1,628.30 mm a tla a ni. Chumi awmzia chu 2009 khan September-December chhungin ruahtui a tam a ni a, khami kum khan September-November chhung khan 512.3 mm a tla a, December chuan a tla lo. Hetih lai hian 2009 chu September-December chhunga ruahtui tlak tam ber kum a ni chuang lo.
September-December chhunga ruahtui tlak tam ber kum chu 2003 hi a ni a, 885.8 mm a tla a ni. Hemi kum hian kumtluana ruahtui tla zat chu 2537.8 mm a ni a, 2010 tih lohah chuan kum 10 kal ta chhunga ruahtui tlak tam ber kum a ni nghe nghe. Kumtluana ruahtui tlak tam ber kum 2010 khan September-December chhungin 819.2 mm a tla a ni.
Kum 10 kal chhunga ruahtui tlak dan chawhrual chu kum khatah 2032.662 mm a ni a, hemi phak tur chuan kuminah hian September-December chhungin 563.012 mm ruahtui a tlak leh a la ngai a ni. September-December chhung hian 2001, 2003, 2005 leh 2007 kumte kha chuan hei aia tam ruahtui a tla a ni. Hetih lai hian 2005 tih lohah chuan August thlenga ruahtui tla hian kumina tla tawh zat a kum vek a ni. September-December chhunga hian December-ah chuan ruah a tam tawh ngai lo a, September leh October-a a tlak dan hian hemi hun chhunga ruahtui tam leh tam loh a hril ber \hin. Kum tawp lama ruahtui tam ber kum 2003 erawh kha chuan December thla hian 51.50 mm a sur a, kum dangah erawh kumtawp lama ruahtui tam kumah pawh december-ah chuan a tla tawh lo thung.

Mizoram leh chhiatrupna

Disaster Management and Rehabilitation deptt. te'n an chhinchhiah dan chuan kum 6 (2004-2010) chhungin Mizoramah chhiatna chi hrang hrang - leimin, kangmei, thlipui, rial, tuilian leh accident dangte vangin in 42,323 a chhia a, heng chhiatna hrang hrang vang hian mi 87 an thi.
Leimin vanga thi an tam ber a, mi 24 an ni. Lirthei chetsual leh chetsualna dang dang vangin mi 23 an thi a, in kang vangin mi 15, ram kang vangin mi 11 an thi. Thlipui (cyclone) vangin mi 4 an thi a, tuilian vangin mi 10 an thi. Vanneithlak takin ruah leh rial vanga thi an awm lo.
Kum 6 chhung hian chhiatrupna hrang hrang vangin in 42323 a chhia a, mi 240-in hliam an tuar a, chhiatrupna vangin ram bigha 348947 a chhe bawk. Mizoram hi lirnghing nat berna (Seismic Zone V) huamchhunga a awm bakah thlipui (cyclone) nat duhna ram a ni a, Mizoram sorkar chuan chhiatna lo thleng palh thei laka inruahman lawkna atan Disaster Management Cell (ATI) te, Hazard Safety Cell (PWD), State Disaster Response Force leh Disaster Management Committee hrang hrangte a din bakah Awareness campaign te an buatsaih \hin.

2004-2010 chhunga Mizoramin chhiatrupna a tawrh dan:

Chhiatrupna In tihchhiat zat Thi zat Hliam tuar zat
Leimin 6421 24 38
In kang 1498 15 10
Ram kang 749 11 8
Cyclone 20279 4 13
Ruah leh rial 10895
Tuilian 2481 10 3
Chhiatna dang 23 168
(Lirthei chesual etc)
A vaiin 42323 87 240

Khuangruah sur maw i tuar a? Chhiatrupna hmachhawn tura inpeih lo Mizoram

2011-09-29T14:26:00.001+05:30

Mizoram fur chhinchhiahna pakhat chu chhiatrupna (disaster) a ni tiin a sawi theih ang. Chanchinthar langsar ber chu in chim leh leimin tih vel a ni \hin. He ram hi furah chuan ralram ang maiin a him lo \hin.
Fur laia chhiatrupna thleng \hin chu hriat lawk a ni a, India hmarchhak hi lirnghin mai theihna hmun a ni tih pawh tlang hriat a ni. Hmalakna mumal erawh a awm lo. Hlauh vak ngaihna a awm lo a ni ber e.

Fur laia chhiatrupna thleng \hin chu hriat lawk a ni a, India hmarchhak hi lirnghin mai theihna hmun a ni tih pawh tlang hriat a ni. Hmalakna mumal erawh a awm lo. Hlauh vak ngaihna a awm lo a ni ber e.
Mizoramah hian fur laiin chhiatrupna a thleng \hin tih chu tlang hriat a ni a, mahse chumi laka invenna lam leh a inhmakhuana lam erawh chhuan tlak sawi tur a awm lo. Fur a liam a, thla a muang leh a, lemin chungchang chuan theihnghilh a hlawh zui mai \hin niin a lang. Mahse, tui a harsa zui nghal \hin a, harsatna dangin a zui nghal zel tho.
Fur ruahtui tlak tlem kumah chuan lei pawh a min nasa lo a, a min loh kum te pawh sawi tur a awm ang. Mahse, chutianga lei a min loh chuan ram a kang \hin thung. Chutiang chhiatna hrang hrang laka invenna lam chu ziak leh chhiar thiam tamna state hian a ngaihtuah lo khawp mai.
Engpawhnise, Mizoramah chhiatrupna a thleng fo a, chhiatrupnaah pawh leimin hi a thleng zing ber awm e. Fur a lo thlen tawh chuan mi tam takin mahni in an chhuahsan \hin. Fur a liam a, thla a muang leh mai a, mahse, a kum lehah chu chhiatrupna bawk chu a lo lang leh \hin. Chutiang chu ni mah se, silpoulin sem bak hmalakna a awm chuang lo.
September ni 20-ah pawh tlai lamah ruah a sur a, a sur hnem bawk lah tak a, a tuka chanchinbu leh TV lam luahtu chu leimin chungchang a ni nghal.

LUNGHLU - PLANET TIAT HMUCHHUAK

2011-09-14T17:02:00.002+05:30

Van thengreng-ah khian lunghlu (diamond) hlawm lianpui, Jupiter tiat vel a awm niin tun hnai khan Swinburne University of Technology (Australia) astronomer-te chuan an sawi. Jupiter hi kan chenna khawvel let 11-a lian a ni a, he lunghlu len dan hi a suangtuah theih awm e.

Scientist-te sawi dan chuan he lunghlu hi kan chenna khawvel a\anga km vaibelchhetak hlir maktaduai 1.6 vela hlaa awm a ni a; a tir chuan kan Ni (sun) ang vela lian, arsi pakhat ve tho niin an sawi. Chu arsi bul hnaiah chuan arsi dang pakhat, a let 10 vela lian zawk a awm \hin bawk a; an pahnih hian an invirkual tawn (orbit) \hin niin an sawi. Arsi lian zawk chu puak kehin, thil sakhat, muk leh hipna (gravity) nasa tak nei, Neutron Star-ah a chang a; arsi t? zawk chu White Dwarf, arsi lumna dai tawhah a chang ve thung bawk.

Neutron star chuan a bula White Dwarf leilung pawn lam zawng chu a hip bo sak vek hnuin, White Dwarf leilung la chambang zawng, carbon leh oxygen inchawhpawlh ringawt chu ama gravity a la nasat avangin a muk tual tual a, lunghlu hlawn, Jupiter ang tiat velah a chang ta niin an sawi a. Tunah hian planet pakhat ang chiahin Neutron Star chu a la hel kual zak zak \hin niin an sawi bawk.

Fiamthu hahthlak

2011-09-14T16:56:00.002+05:30

Scientist hmingthang Thomas Alva Edison kha fiamthu duh deuh mai a ni a, na tak taka \hiante han fiam vel pawh a hrat hle.

Vawi khat chu a nipui in a huan mawi zet mai hi a \hiante a fanpui a, chu hmun chu a chei nuam bawk a, an hlim tlang hle. A let leh lamah chuan thir gate kual, han nam kuala pakhat te tea chhuah theihna hi a lo awm a, tahchuan an chhuak tliar tliar hlawm.

An chhuak kim ta tihah chuan a \hian pakhat chuan, "I huan chu a mawiin a nuam tak zet mai. Mahse, i gate zet erawh kha chu a \hing thlawt a ni! Tha tawpa nawr \ang \ang loh chuan kan chhuak thei lo a chha a nih kha," a ti bai bai a, Edison-a chu a nui ruh ruh duh chauh.

"A ni tak e. Ka gate in nawr hawn pah khan ka in chung tuizemah khian tui gallon 8 min pump chhohpui zel tih ka lo hrilh lo bawk che u a ni!"

KAWVELA AWLE MAN LIAN BER NI THEI

2011-09-14T16:47:00.003+05:30

Kar thum zet an veh hnuin, khawvela a mana man tawh zinga lian ber ni thei tura ngaih chu Sept. ni 4, 2011 (Chawlhni) khan Philippines-a a nung chunga hnuh chhuah a ni.

He awle hi, Salt-water crocodile an tih ang chi a ni a; feet 21 (metre 6.4) laia sei niin, kg 1,075 laia rit a ni.
A man hma hian mi eng emaw zat a lo seh tawh niin an sawi a; a seh zinga 2 phei chuan an thihpui nge nge a ni.
He awle, a hmingah Lolong tia an phuah hi tunah hian thingtlang khaw pakhat, Consuelo-a bawm an siamah khawi mek a ni a. Wildlife thuneitute chuan khawvela awle man tawh zinga lian ber a nih leh nih loh finfiah tumin hma an la mek a ni.
The Guinness Book of World Records-ah chuan khawvela awle man lian ber chu Australia-a an man, feet 17.97(metre 5.48)-a sei niin a inziak a; tuna an man hi a lian bera puan a la nih chhoh a rinawm hle a mai.

LIBYA BUAINA LA TAWP LO

2011-09-14T16:45:00.001+05:30

Helte’n Libya ram khawpui ber Tripoli an lak hnu leh, Muammar Gaddafi a tlanchhiat hnuin kar hnih lai la liam ta. Tunah chuan Libya ram hi mipui kutah a awm tawh, a tih theih laiin Gaddafi lam\ang \henkhat chu khawpui lian tak tak pahnih laia an la inkulh tlat avang leh, an mahni thu-a inpek an tum loh avangin Libya ram helte hian indo an la hmachhawn cheu a ni.

Tlawm ve duh lo khawpui pahnih zinga pakhat chu Tripoli chhimchhak km 145 vela awm, Bani Walid khawpui, mi sing khat vel chenna hmun a ni a. He khawpui-ah hian Libya rama Gaddafi tana la rinawm tam zawkte an fuan khawm a; tlawm ngawt an tum lo hle niin a lang.

Kar liamta chhung zawng khan hel lamte hian he khawpui awptute hi inbiakna neihpuiin, thisen chhuah lova inpe mai turin an nawr a; awmzia a nei thui lem lo. Tunah hian inpekna hun atang an ruat chu Sept. ni 10, 2011 thleng an pawisei leh chungin, he khua hi a tawp a tawpah chuan ralthuam hmanga lak a la ngai tho dawn niin a lang ta.

Hetiang ang deuh tho hian Gaddafi pianna hmun, Sirte khawpui-ah pawh Gaddafi lam\ang inhawrkhawmte chuan tlawm an tum loh thu-in hel lam palai-te chu an lo chhang a. Helte’n Sept. ni 3 thleng inpekna hun a siamsak tawh chu Sept. ni 10, 2011 thleng an pawt sei sak leh a ni.

Hel pawl sorkar, Libya Transitional Council bakah, hel sipai leh mipui vantlang pawhin indo-na leh tharum thawhna hi tawp tawh se, kawng \ha zawk zawhin, hma lam panin rilru pawh insiam se tih hi an duhthusam a ni a. Mahse, an duh anga thil a kal theih si loh avang hian indo an la hmachhawn leh a \ul dawn niin a lang a; hel sipai tam tak chuan an peih lovin, an hreh ru viau awm e.

Bani Walid khawpui hi Gaddafi rorel kum 42 chhung zawng khan duhsakna nasa tak lo dawng tawh \hin a ni a. He khawpuia cheng tam zawk, Warfalla hnam (tribe) zinga tam tak hi Gaddafi security force chi hrang hrangah lak leh duhsak bik hlawh \hin an nih avangin tunah hian an hotupa hi an phatsan duh lo niin a lang.

Sirte khawpuia mi chengte pawh hi Gaddafi hnampui an ni fur hlawm a; ro a rel chhunga sorkar hna hrang hrang leh dinhmun pawimawh deuh deuha a lo duhsak \hinte an fur bakah, ralthuam \ha tak taka a thuamte an nih hlawm avangin Gaddafi tan hian an nun pek an la huam hle niin a
lang.

KHAW’NGE GADDAFI?

Tun thlengin Col. Muammar Gaddafi hi a awmna chin hriat a la ni lova; Tripoli khawpui erawh a chhuahsan tawn ni ngeiin a lang.

Ni 10 liamta khan Gaddafi leh a fapa hriathlawh ber, Saif al-Islam-te chu Bani Walid khawpui an paltlang tawh niin sawi a ni a; hetah hian ralthuam \hahnem tak an mahni lam\angte an sem niin sawi a ni.

Hetih lai vek hian Gaddafi leh a fapa Saif al-Islam-te chu Niger ram lamah an tlanchhia niin mi tam takin an ngaih thu tarlan a ni a. Niger-ah hian Gaddafi lam\angte hi convoy pahnih, motor 200 rual ve ve-in an inthiar lut tawh a; he’ng zingah hian Gaddafi hi a tel leh tel loh finfiah theih a nih lo laiin, a tel ve ngei rinna a lian hle.

Niger President, Blaise Compaore hi kum 1987-a tharum hmanga sorkarna a lak hma khan Libya-a hian sipai nunchan lo zir hrep tawh a ni a; Gaddafi nen pawha inhmelhriat \ha tak an ni.

EPL khel turte chu

2011-09-14T16:43:00.002+05:30

2011-12 Season a khel tur player 25 te chu Premier League Club hrang hrang ten an submit ta a, nikum atanga FA dan thar EPL Season khat ah Squad member 25 an ni tur a ni a.

Home Grown player 8 an awm ngei ngei tur a ni a, a bak 17 te chu Home Grown player a ni lo a, kum 21 hnuai lam player-te chu duh zat zat a neih theih a, squad-ah ziahlan ve kher a ngai lo thung.

Eng Nge Home Grown Player awmzia

World Cup 2010-a a chetchhiat vang leh Euro 2008 an khelh phak loh avang tein FA-in English player-te ham\hatna tur mumal takin dan a duang thar a, EPL khel phak Club tinah Home Grown player 8 tal awm ngei ngei turin dan thar an siam a ni.

Home Grown player te chu FA emaw Welsh FA emawa in-register, an khua leh tuite an ni. Chu bakah ram pawn a\angin thla 36 (kum 3) club academy-a awm tawhte chu Home Grown player-a chhiar tel an ni \hin. Entirnan- Fabregas kha kum 17 a nih laiin Arsenal-in an academy-ah an la a, kum 21 a pelh chuan Home Grown player anga chhiar tel a ni. Kum 21 chin chunglamah chiah he dan hi siam a ni a, kum 21 hnuai lam chu Squad-a ziak tel lovin duh zat zat a neih theih thung.

Man City Striker Balotelli hi Squad-ah telh a ni lo a, hei hi a chhan chu kum 21 a la tlin loh vang a ni a, mahse EPL a khel thei dawn tho a ni.

iverpool hian 25 neih tur ah Squad list 19 chiah an submit a, Home Grown player 8 an nei sa tawh a, January-ah 25 tling turin an duh chuan player 6 Home Grown ni lo lei theihna reserve an nei thei a. Kum 21 la tling lo regular squad-a mi J.Henderson, Jonjo Shelvey, M Kelly leh J Flanagan te hming an ziak lut tel ve lo a, mahse an khel thei dawn tho a ni.

Chelsea hian Squad member 22 an nei a, Home Grown player A Cole, Lampard, Mikel, Sturridge, Terry, Bertrand an nei a, Mikel hi kum 18 a nih laia Chelsea-in an lak a ni a, Home Grown-a chhiar tel theih a ni. Home Grown player 6 chiah an nei a, 8 neih tur a ni a, mahse squad 25-ah 22 an submit a, 2 hi reserve a ni a, Jaunary-ah player pakhat (Modric?) an lei thei. Home Grown player ni lo an lei chuan, tuna an register player-in a tuar dawn a ni.

Man Utd hian Squad list member 23 an submit a, home grown player 8 an nei sa a, January-ah player 2 home grown lo an la lei thei tihna a ni a, squad-ah hian tun hnaia che \ha D Welbeck te, Rafael leh a unaupa Fabio te chu kum 21 an la tlin loh avangin ziah lan an ni ve lo.

MESSI, KAN NGAI A CHE

2011-09-14T16:41:00.001+05:30

A hmuna inkhel entu zat an sawi a inang lo nuai a, \henkhatin 85000 niin an sawi a, \henkhat chuan 100000 vel niin an sawi. Ziah dan tlanlawn berah chuan 85000 vel an nih hmel.

Engpawhnise hetiang zat inkhel entu hi Argentina leh Venezuela pawhin an tawng tam bik lo tawp ang. Kan ngaihsan leh en tam English Premier League-ah hian enkhel entu tam ber \um chu mi 83,260-in an en \um kha a ni a, chu chu Manchester United leh Arsenal inkhel a ni.

September ni 2-a Kolkata-a Messi & Co inkhel te inkhel kha India ram mai bakah khawvel hmun dang a\ang pawhin an en nasa hle a, ram dang a\anga he inkhel en tura Kolkata-a zin an tam hle.

FIFA hriatpuia international friendly India-in a thlen hmasak ber Kolkata khawpuiin a thleng hi a inhmeh a, India ram hmun danga football fans te tel miah lo pawhin Kolkata hian heng ram pahnih player-te hi a mikhual tawk tho ang.

Zan dar 7-a inkhelh \an tur kha, chawhma dar 11 velah chuan gate chhunga luh tumin an intlar put tawh a. Venezuela lamin sawi an hlawh ve lo, mipui tam zawkin Argentina an \an em a ni! Messi-a'n ngaihsan a hlawh zual a, a hming inziahna Argentina national team jersey ang, addidas siam chu Kolkata-ah hralh a kal hle a, a khelhna club FC Barcelona jersey Nike show room-ah hralh a kal hle bawk. Kolkata tualchhung kutchhuak Argentina leh FC Barcelona jersey ang pawh hralh a kal hle.

Inkhel entu te'n Argentina jersey ang an ha sup sup a, hmai chei rang an awm a, Argentina colour anga hmai chei ran man chu Rs 100 a ni a, scarf pawh Rs 100 man a ni.

Flag quality \ha deuh chu Rs 150 a ni a, taxi pu te'n Salt Lake stadium-a an passenger-te an hruai thlen nan ni dang zawng aiin rate an ti to deuh vek. Kawngpui dunga thingpui zuar a\anga shoping mall leh show room lian tham leh a te deuhte zingah pawh hlawk lo fa an awm lo ang. Hei hi Messi & co te vanga thil thleng a ni.

Inkhel an \an hmain 'warming up' la tura khelmual chhunga an rawn luhin Messi-a'n ball a khawih apiangin thawm a ring zual a. Venezuela tan away ground-a khelh ai pawhin a la 'away' zawk mah emaw tih mai tur khawp a ni thung. Argentina tan erawh an home ground ang maiin lawm leh hlut an hlawh si.

Kolkata-a Salt Lake stadium kha Messi ngaisangtute inhmuhkhawmna hmun emaw tih tur khawp a ni a, Messi-a'n ball a chan apiangin an au ring zual \hin. Chutiang mipui hmaah chuan Argentina-in 1-0-in Venezuala an hneh.

Zan dar 6.59-ah khan team pahnih player-te'n Salt Lake stadium centre an pan a, dar 7.10-ah inkhel turte hnam hla an sa. Argentina hnam hla sak turah Venezuala hnam hla an sa a, Venezuala hnam hla sak turah Argentina hnam hla an sa thung!

An inkhel ta. Team \ha zawk Argentina-in game an thunun nghal a, an nawr na nghal hle. Mahse, Venezuala lamin an nawr ve changin an hlauhawm thei hle.
Venezuala defender-te an inringtawk hle a, tunlai football khawvela attacker hlauhawm rual, Argentina hmatawngte hmaah an zam lo.

Messi a che \ha a, ball a chang ngunin a bei hmuhnawm thei hle. A \hiante tan \ha deuh deuhin a siam thei reng a, goal-ah a hlauhawm thei hle bawk.

Messi hi mipuiin an ngaisang hle a, ball a chan hlek chuan thawm a ring thei hle. Mahse stadium kha amah ngaisangtutein an khat a ni tih hria ang pawhin a awm lo a, vawi khat corner a pet dawna mipui lam hawia a kut a vai ve zeuh tih lohah chuan mipui a 'khel' lo. Salt Lake studium mipui khan Argentina an \an hle reng reng a, Argentina tan chuan mahni 'home'-a khelh ang mai a ni.

Messi bakah Maria, Higuain, Pastore leh Argentina player dangte pawh an che tha a, Aguero erawhin \um dang a pha lo tiin a sawi theih ang.

Minute 67-naah Messi corner chhuih chu Argentina defender Otamendi chuan a tauh lut a, an coach Alejandro Sabella hnuaia an khelh hmasak berah Argentina hian si khat faiin hnehna an chang ta a ni.

Minute 16-naa Rondon-a \helh leh minute 34-naa Feltscher-a \helhte kha Venezuala tan a uiawm hle.

Venezuela lam khan first half tawp lamah an khel \hat avangin inkhel thawh hnihna lamah chuan lawmtu an ngah ta deuh.

Team pahnih player-te hian khaw lum uap chuar mai an zo lo deuh a, second half-ah pawh rei lo te an chawl nghe nghe.

Ten Sport-a an commentator lar Joe Harrison pawhin he inkhel hi a en a, Dubai a\angin Kolkata hi a pan vang vang. Bhaichung Bhutia pawhin a en a, Kolkata-a football club hrang hrangte'n a huhovin an en deuh vek bawk. Mizo pawh an \hahnem hle a, 300 vel lai an nih a rin thu a hmuna entu Mizo pakhat chuan a sawi.

Inkhelh a zawh hnuaah Messi Mania chu a zual zel a, security lamin harsatna liam tham tawk lo mah se Argentina team-in Mother Teresa din Missionaries of Charity hmun an tlawh \umin, Lionel Messi erawh fimkhur thu hla vangin an kaltir ve ta lo. He hmun hi Argentina's legendary football player Diego Maradona pawhin kum thum kal ta khan a tlawh tawh. An thlenna hotel lamah bawrtu an nei chhunzawm reng a, 'a puan hmawr chauh pawh dek ila' ti ni awm takin, Hyatt Hotel bulah mi za tel an fuankhawm deuh reng.

Messi & co ten India ram an rawn thlawh hian India football-ah rah \ha a chhuah ngei a beiseiawm. Zofate tan pawh a hring a hrana Messi hmu theia kan awm ve kha malsawmna a ni. Messi, kan ngai a che.

CHELSEA AN CHAMPION DAWN: CIES

2011-09-14T16:39:00.003+05:30

Football chanchin zirchiangtu pawl pahnih \ang dun, CIES Fooball Observatory leh RunningBall-te chuan kuminah English Premiere League-ah Chelsea Champion an rin thu an puang tlat mai le!

Heng pawl pahnihte hian nikum season chhung khan League hrang hrang panga an zirchiang a, chutah chuan Champion tur an rin club 5 zinga club 3 an Champion a ni. Hei vang hian phur tharin kuminah an zirchianna an tichhuak leh ta a ni.
Nikum khan Europe-a League lian zual pangaah club lian pathum- Manchester United, Barcelona leh Lille-te an champion vek a, mahse an rin zinga mi Inter Milan leh Bayern Munich erawh an Champion zo ve ta lo.

Kumina Club Champion thei tura an rinte chu Inter Milan, Barcelona, Paris St-Germain, Bayern Munich leh Chelsea-te an ni.
An chhut dan kawng thumte:

1. Practice: Season panga liam taa an club khelh dan leh an league khelh (big game) hnuhnun 5-a an chet danah.

2. International Experience: Kum kal taa club chhunga player mahni ram tana khel thei zat leh an khelh zat (percentage) chhut leh ram tana an khelh laia result awm dan.

3. Stability: Club-a player zawng zawng an club tana an khelh hun chhung chawhrual. Hetah hian 1st team-a tel thei an defender leh an midfielder-te an dah pawimawh.

Heng zirchiangtu pawl pahnih \ang dun hian nikum khan Champion tura an rin za a sawmruk (60%) a tleng dik!

Joe Jonas-a'n Taylor a rim em ni?

2011-09-14T16:37:00.002+05:30

Joe Jonas hian tleirawl rual zinga ring taka \e teng tung hi nuam a ti viau a nih lo vek chuan a tawih hlui Taylor Swift nena an inkar chhem alh leh a tum a ni chiang ang- Taylor Swift concert zan khat mai pawh ni lovin, zan hnih a chhim ta tlat mai!

Taylor Swift-i'n Speak Now tour a neih mekah tunlai hian Los Angeles-ah show a nei \hin a, L.A-a a show \um hnihah Joe Jonas hi a kal ve tlat a ni.

Jonas Brothers milai Joe hian kar hnih vel liamta khan Swift nen hian \hian \ha tak an nih thu a sawi a, hla te pawh phuah dun an tum niin a sawi. Khami chin kha chu a la \ha viau, mahse, tunah chuan Taylor Swift hi a rim leh \an a ang ta tlat.

Joe Jonas hian Taylor Swift hi phone call second 27 chhungin a \hen tih a hrilh a, hetiang teh hrepa in\hen hi Taylor-i pawhin a la na viau nghe nghe a nih kha.

Engpawhnise, han tum ve leh chhin hrim hrim sela, Taylor-i tan hla thar te pawh a pian phah ve leh maithei a sin!

JB-a'n ha dar a vuah!

2011-09-14T16:36:00.003+05:30

Justin Bieber-a fans tan thu lawmawm a ni lo mai thei- JB-a'n ha dar a vuah!

Ha dar vuah lama mithiam, celebrity-te ha siam sak \hintu Internally Flawless & Co. neitupa Ben Baller chu tihian a tweet-a, "Tunge ha dar vuah thar in hre duh em? amah chu JustinBieber" tiin.
Ben Baller chuan kum 17 mi JB-a hian a ha paruk-ah ha dar a vuah niin a sawi! Ha dar kan ti tak nain JB hian dar awzawng a hmang lo, diamond ngat a nia a hman!

Ben Baller hian Drake, Michael Jackson leh Kim Kardashian te pawh ha dar a lo siam sak tawh a ni.

Mahse, JB-a ha dar hi parmanent a ni lova, dun hun huna lakthlak theih, duh huna vuah leh mai theih a ni awm e.

JB hian tunhma deuh khan a ha hi invisalign hmangin a lo siam mawi tir tawh a, tun \uma a ha a siam tir leh hi chuan a \hianpa Sean Kingston pawhin ha dar a vuah ve nghal a ni awm e.

JB chu a nui tle set set tawh dawn a nih hmel!

Comedian Search an tan ta

2011-09-14T16:34:00.002+05:30

Comedian Search Sesion 4 chu September ni 7-ah an \an a, a telte'n fiamthu an thiam hle niin a huaihawttute chuan an sawi.

Ni 7-ah hian Selection Round an nei a, ni 11 zanah LPS-ah a chhuak ang. October ni 15 thlenga neih tur, fiamthu thiamte inelnaah hian mi 70 chuang an inel dawn ta a ni.
Selection Round-ah hian mi 40 chuang an tling a, kum hmasa lama lo tel tawhte kha Selection Round-a an tel ve a ngaih loh avangin First Round an lut sa a, chutiang chu 30 vel an awm.

"Tun \um hi contestant kan ngah ber \um a ni a, an inrual tlan ber \um pawh a ni mai thei," chief organiser, H Rotluanga, Zephyr Mapuia tia hriat lar chuan a ti.
"Selection Round-ah pawh kan chhangchhe lo. A round tir ber a ni chungin an fiamthu a \ha thei hle a, Final Round atana awhawm tak tak an ni nghal nawk mai. Mittui tla phungin kan nui," a ti bawk.

Comedian Search Seasion 4 hi Season 3 judge Rosiamngheta, Aizawl Municipal Council councillor ni ta Rosiamngheta'n a hawng a, fiamthu hlutna leh fiamthu thiamte ngaihsanawmzia a sawi.

Rosiamngheta hi councillor a nih tak avangin a tel ta lo a, a aiah B Lalthlengliana, Thangkura tia hriat lar a tel.

Comedian Search nghakhlel fe fe an tam hle nia sawiin Mapuia chuan, "Kum tluanin min zawt a, min nawr bawk a," a ti.

"A mak lutuk; kum a thar hian ti leh dawn tawh turah min ngai tawp niin ka hria. 'Eng tikah nge in tih leh dawn?' tia min zawt hi an awm reng a, nghakhlel taka min zawt hi an awm deuh reng," a ti bawk.

"Kan rin phak bakin Comedian Search hi a hlawhtling a, kan lawm khawp mai. Mizoram chhung bakah ram pawn, foreign thlengin an en a, foreign a\anga min rawn zawt nawlh nawlh pawh an awm fo mai. Keini show ve mai mai heti taka mipuiin min hlutpui hi kan lawm khawp mai," Mapuia chuan a ti.

Judge thar, Thangkura tia hriat lar, B Lalthlengliana chuan a phur thu a sawi a, "Mizo fiamthuin hma a sawn theih nana a theih ang anga tha thawh ve hi ka duh a ni," a ti.

"Comedian Search hi ka ngaihlu a, Comedian Search vang hian tukverh tharah kan dak tih hi ka ngaihdan a ni," a ti bawk.

Judge dang pakhat, Mafaa Hauhnar pawhin Comedian Search nghakhleltute'n ti leh thuai thuai turin an ngen reng reng niin a sawi a, "Kan tih leh hun tur min zawt an awm reng a, ti leh thuai thuai tura min ngen an awm reng bawk a. Mizote hian fiamthu kan ngaina a, kan mamawh bawk niin ka hria," a ti.

"Mizo fiamthu chawisan hi kan tum a, kan phak ang tawk tawkin chumi atan chuan kan bei a, mipui thlawpna kan mamawh a, kan phu lohvin min thlawp \ha niin kan hria," a ti bawk.

Airtel Mizo Music Awards board tifel ta

2011-09-14T16:32:00.002+05:30

Airtel Mizo Music Awards-a nomination siam tur leh award dawngtu thlang tur board chu din fel a ni ta a, awards buatsaihtu member pangate bakah music lama mi pawimawih leh hriat hlawh tak tak mi 11-te board (judge) atan hian thlan fel an ni.

Awards board member-te hi kar leh hian inhmukhawmin awards nomination an buaipui \an dawn a ni.

Board member-ah hian Rebecca Saimawii, Vanhlupuii, C.Luri, PB Lianhminga, R. Lalremruata (Parema), OPA (Tribal Power), Romawia (Synod music instructor), David Z Hmar (Dreamhunter), Zothanmawia (Mystic), Marokima (Music Plus) leh Hmingpuia (Albatross) te an awm dawn a ni.

Board member-te hian award nomination siamin awards dawng tur hi an thlang leh ang.

Airtel Mizo Music Awards nomination-ah hian October 2010 leh September 2011 inkara record tihchhuahte telh theih a ni dawn a, nomination list hi tih fel hunah a hranpaa show neia puan leh tura ruahman a ni.

Airtel Mizo Music Awards hi October ni 20 zana sem tur a ni a, award-te hi category 10-ah sem a ni ang.

Awards buatsaihtu te leh Airtel hian kumin chhung zawng thawhhona tur an siam fel a, awards hi kum tina sem chhunzawm tum a nih avangin kum dangah pawh Airtel nena thawhho zel theih an inbeisei thu organiser-te chuan an sawi bawk.

Airtel Mizo Music Awards hi a vawi khatna tur a ni a, kumin hian category 10- Best Artist, Song of the Year (Gospel), Song of the Year (Lengzem), Best Music Video, Best Album (Gospel), Best Album (Lengzem), Best New Artist, Critics' Choice Award, Peoples' Choice Award leh Best Beat Group-ah te award hi sem a ni dawn a, category hi kum dangah chuan a pung chho hret hret ang.

Hard Ray comeback video 'Min Hlan Rawh'

2011-09-14T16:31:00.000+05:30

Hun engemaw chen an reh hnu-ah Hard Ray chuan music video thar nena rawn kir leh an tum a, an inbuatsaih mek.

Hard Ray hian 2008-a an album 'Hringnun'-a hla pakhat 'Min Hlan Rawh' tih chu video siam tumin hma an la mek a, he hla hi record \ha lehin, music arrangement pawh an thlak nual a, original kha a hniam an ti deuh a, an record thar lehah chuan a key an san ta.
Hard Ray hian music video panga- 'Hringnun', 'Thinlai Luahtu', 'Vawng Zel Ang', 'Engtin' leh '|hahang Ngaihnobei' te an lo siam tawh a, an video parukna tur hi a dang zak dawn a nia!
Hard Ray bassist Mawitea chuan, "He hla hi video siam lova han ral tir ringawt chu kan ui a, a tlai deuh tawh viau nain kan thar thawh leh ta a ni," a ti.
Video hi an tan a pawimawh dawn khawp mai. Mawitea chuan, "Video hi a fuh chuan kan band tan pawh a phurawm dawn a, kan hmalam hun hriltu tur te pawh a nih theihna chen a awm ang," a ti bawk.
Hard Ray vocalist Manuna chungchangah hman deuh khan sawi neuh neuh a awm a, Manuna'n solo project te a lo nei ve leh bawk nen, band a\angin a chhuak ta ni awma sawi te pawh a awm. Mahse, Mamuna hian band a chhuahsan lo, Hard Ray video thar-ah pawh hian a tel dawn a ni.

Mizo Idol Top 10-ah tute nge lang ang?

2011-09-14T16:30:00.003+05:30

Mizo Idol Top 20 intihsiak an zo ta a, Top 10-ah tute nge lang ang? Hei hi Mizo Idol entute titi a ni.
Judge-te chuan Top 20-a langte hi an thiam dan rual tawh em avangin Top 10 tlangtu nih pawh huphurhawm an tih thu an sawi.

Top 20 hi group 2-ah \henin, zan hnih intihsiak a ni a, intihsiak zan hmasa zawka zaite an che \ha tlangpui a, che\ha rau rauah Suangpuilawn nula Lalengvari Sinate-in boruak a siam viau a, judge-te fak pawh a hlawh viau. Mahse, judge-te hian tumah an sawisel em em an nei hran chuang lo.
Round hmasa lama che\ha Thiamchantira Ralte-in beisei a pha lo deuh niin a ngaih theih a, round hmasa lama a lo chet tawh dan a\angin beiseina a san deuh vang pawh a ni thei ang. Judith Lalremruati pawh a che\ha zingah keini chuan kan chhiar tel e.

Idol judge Rebecca Saimawii chuan a tlangpuia lakin round hmasa lama an zai an pha lo deuh \heuh niin a sawi a, "A hma chuan Zonet studio-ah, room te deuh zawkah an zai \hin a, hall a lo ni ta si a, a lo zau deuh huau a, mipui an lo awm ve tawh bawk nen. Chu bakah a stage a lo sang ta deuh bawk a an zâm ve deuh te pawh a ni thei. Nidang chu an pha lo deuh vekin ka hria," a ti.
Top 20 round hniha intihsiak result la khawmin Top 10-a lut tur thlan leh tur a ni a, a zan khatna leh zan hnihna a\angin chuti zat lut rawh se tih a awm chuang lo a, round hnih result lak kawp a\anga en tur a ni.

FULBRIGHT GRANT- A THLAWNA USA-A LEHKHA ZIR THEIHNA

2011-09-14T16:23:00.000+05:30

Fulbright Grant hi USA-a a thlawna lehkha zirna programme pakhat a ni a, United States sorkarin ram dang nena Educational Exchange (zirna) hmanga inlaichinna \ha siam a tumna hmanraw pakhat a ni. India ramah chuan United States India Education Foundation (USIEF), New Delhi-in an buaipui \hin. Tun hma chuan US Sorkar pawisa veka enkawl a nih avangin United States Education Foundation, India (USEFI) tih a ni \hin a, mahse 2009 a\ang khan India sorkarin sum engemaw zat a thawh ve tak avangin a hming hi an thlak ta a ni.

A dil dan hi USIEF website- usief.org.in ah chipchiar takin a awm tho na a, hriat a awl lehzual nan thiam ang tawka sawifiah han tum ila.
An website- usief.org.in- ah lut ila. Scroll down menu a lo lang ang a, "Fellowship for India" kha India mite en tur chu a ni. Fellowship for India han scroll khan, "For students, For lecturers & Teachers, For researchers, For professionals," etc tih a lo lang leh a. Chung zing a\ang chuan keimahni category kha thlan tur a ni. Eng category ber emaw-a kan luh khan, course hrang hrang, duration, grant benefits, application procedures, guidelines, application form download, etc tih a lo awm ang. Category-a kan course duh kan thlan fel chuan kan category duhna taka application form kha download tur a ni.
Application chungchang
He application hi dilna hmahruai (Preliminary Application), USIEF-in candidate an thlanna tur a ni. He application form-ah hian kan bio-data te, kan educational history leh thil dang tam tak tarlan a ngai a. Tin, kan zir duh subject sawi zauna leh USA khera zir kan duh chhan te ziah a ngai. Tin, hei hi tlinna leh tlin lohna hriltu leh interview board-in an en ber a nih avangin uluk taka ziah a \ha a, sap \awng dik leh \ha a pawimawh hlein ka hria.
Tin, he Application rual hian Letter of Reference, keimahni min hrechiangtu mi pathumin kan mizia, zirna lam leh kan hnathawhna lama min hmuh dan thil tel a ngai. He form hi application form-ah khan a awm nghal. Letter of Reference pathum leh kan application te chu envelope hrang te te-ah thunin, envelop lian deuhvah khungkhawmin hetah hian thawn tur a ni:
Regional Director,
Eastern Region, USIEF Regional Office
The American Center,
38A Jawaharlal Nehru Road,
Kolkata- 700 071.
Regional Office hrang hrang te'n dilna an hmuh zawng zawng chu Main Office (New Delhi)-ah an thawn leh a, India ram a\anga application zawng zawng kha an endik hnuah interview tur an thlang ta a ni.
Interview hi Delhi-a USIEF office; United States India Education Foundation, 12 Hailey Road, New Delhi-110 001-ah an ko hin. Interview kalna senso hi USIEF tum vek a ni a, pawisa hmanna receipt hmanga reimburse mai tur a ni.
Board member 10 (sawm) an awm a, member-te hian an interview turte application-a an Project Description kha uluk takin an lo enlawk a, an zawhna pawh a tlangpuiin Project aang deuh vekin a ni. Tin, US-a awm hlen kan tum lohzia te, kan thil zirchhuahte mahni rama thehdarh/hman \angkai kan tum dante sawifiah chian a pawimawh. Personal interview neih hnu chawlhkar 3 vel-ah result chu email hmangin an thawn \hin a, post copy erawh chu chawhkar 5 velah a beisei theih ang.
Interview Board-in an thlante hi Washington DC-ah Fulbright Scholarship Board-in a approve leh tur a ni a, mahse hei hi chu formality ang chauh a ni a, Delhi interview-a tling tawh chu hnawl an ni ngai tawh chuang lovin a lang.
Final application
Interview-a tlin hnu hian US university lama dilna tak tak tur siam a ngai leh a, a dilna form chu online-in a hranpain a tlingte hnenah an thawn mai \hin. Dina Form fill-up dan tur kaihhruaina engkim an rawn thil tel a, online-a tih tur a ni a, online bawka submit tur a ni. Hei hi a hma-a dilna (application) aia uluk a ngai a, US university-te pawm tlaka siam a ngaih avangin fimkhur tak leh chipchiar taka siam a ngai a ni. Tin, Final Application hi hun bichilh deuhva hmanhmawh taka siam a ngaih avangin inhmakhawsuih lawk a pawimawh khawp mai.
US University a affiliation
Washington DC-a organization pakhat, CIES (Council for International Exchange of Scholars) hi Fulbright Programme lo buaipuitu an ni leh a. Kan Final Application kha USIEF-in CIES-ah hian an thawn a, anni hian university affiliation an lo buaipui ta \hin a ni. Mahse anmahnia innghat mai lova mahnia University zawn tho a \ha (Keimah-ah chuan CIES hian University of Las Vegas leh University of New Hampshire-ah affiliation min hmuhsak a, mahse keiman University of Minnesota-ah affiliation ka hmuh tho avangin he university hi ka thlang ta a ni). US University zawn nan hian website pakhat- www.gradschools.com hi a \angkai khawp mai.
Pre-Departure Orientation Program: Fulbright Grantees, USA-a kal turte hi USIEF hian training an pe vek a. Zin kawnga thil \ul tur te, US thlen huna hriat tur pawimawh te, American-ho mize tlangpui leh student-te class room nungchang etc. an zirtir lawk vek \hin. He programme-a an lehkha sem zawng zawngte uluk taka zir chuan zin kawng leh US-ah engmah buaina tur a awm lo tluk a ni. He orientation Program-a tel tura senso, air ticket, airport pick-up, hotel thlen man etc, zawng zawng hi USIEF tum vek a ni.
Visa Application
VISA application hi online-a thawn tur bawk a ni. Mahse USIEF office, Kolkota-in form fill out, online-a thawn, etc engkim min tihpui vek a, buaina tur engmah a awm lo. Ningani hi interview ni (Fulbright etc tan) a ni a, VISA application kha a hma ni hnih (Thawhlehni-ah) kan submit. Kolkata US Consulate-ah personal interview rei lo te kan nei a, a tukah USIEF Office-in kan visa (stamped passport) chu an va lam a, keini'n an office a\angin kan va la leh mai.
Grant benefits
Fulbright-in \anpuina sum (Grant) a pek hi a course a zirin a dang thei ang a, mahse senso engkim huapzo tura chhut vek a nih avangin kan indaih viau mai. Inrenchem thiam deuh phei chuan pawisa an khawl thei hial zawk ang.
A tlangpuia grant an pek dan chu hetiang deuh hi a ni: (i) Thla kip Stipend, (ii) US-a zuk inbenbelna senso (Settling in allowance), (iii) Excess baggage allowance, (iv) Airport kalna leh US thlen hnua taxi fare, (v) US kal lam leh hawng lam air ticket, (vi) Health insurance, etc.
Fulbright Grant hi mahni pawisa engmah seng lova America ram thiamna kan zir ve theihna leh ram changkang zawka thil thleng hriat zauna \ha tak a nih avang hian Mizote hian Fulbright Grant hi bawh nasa ila ha ka ti a, kan Mizo \halaite leh kan mithiamte Fulbright Grant hmang \angkai turin duhsakna ka hlan e.

Alexander leh Diogenes

2011-09-14T16:19:00.002+05:30

Tum khat chu Alexander Ropuia khan Korinth khawpuia Greek hruaitute a tlawh a, ropui takin an lo hmuak a, nasa takin an chawimawi a, thilpek hlu tak tak an lo pe a.

Mi ropui leh mifing (philosopher) zawng zawngin duhsakna chibai an buk vek lai chuan philosopher dangdai leh nuihzatthlak tak pakhat Diogenes-a chu a tel ve lo a. Diogenes-a hian khawvel kalphung leh hringnun thlir dan dangdai tak mai a nei tlat mai a. A ngaihdan chuan, kan thil neih zawng zawng leh kan mamawh thil dang zawng zawngte hi min kaihruaitu mai a ni a, chungte chuan hlimna holam tak min pe ve mai mai niin a ngai. Chuvang chuan, a neih zawng zawng a sem ral vek a, saruak deuhthawa awmin Korinth khawpui bazar lun laiah tuizem chungah a \hu \hin a, chu hmunah chuan ui chuang ang maiin, zalen tak leh mi dang tibuai miah lohvin a khawsa a ni.
An lal Alexander-a chuan chu mifing chu hmuh a chak em avang chuan a va tlawh ta a. Ralthuam famkimin a inthuam a, a thir lukhum, chhipa sava hmul pehbukte chu thliin a chhem leng siau siau a.
Diogenes-a \hutna tuizem chu a thleng ta a, lungawi hmel tak hian ni lum a lo ai a. Lal chuan, "Ka mi duh zawng tak i ni a. I duh duh min dil rawh ka pe ngei ngei ang che," a ti a.
Nilum lo ai mek Philosopher Diogenes-a chuan, "Teh reng mai, ka pu. Duh chu pakhat ka nei alawm." tiin a chhang a. Alexander-a chuan, "A \hat chu, eng nge i duh chu le?" a ti a.
Thil danga chhang loin philosopher chuan, "Ka nilum ai lai i hlimin min rawn hliah daih a, tlemin tawlh sawn deuh la, ka lo ai leh ang a," a ti a. Alexander-a chuan mak a ti hle mai a, "Alexander-a ni ta lo ila chuan Diogenes-a anga awm ve hi ka duh," a ti hial a ni
("A Little History Of The World" by E.H. Gombrich atanga lakchhawn a ni
- Lalthlamuana Ralte)

Ruihhlo zuar thin kha Pastor a ni tawh

2011-09-14T16:14:00.002+05:30

Ruihhlo zuar thin, kum 12 zet lung in tang tawh chu Welsh ram khaw pakhatah Pastor a ni dawn. Caerphilly kianga Oakdale khaw Baptist Kohhran chuan Pastor Brian Morris chu an kohhran pastor atan lungrual takin an thlang ta. An pastor thar tur hi tun hma lamah kha chuan heroin ngawlvei a ni a, ni khatah Pound 100 man a ti thin a, ruihhlo a a sumdawn avangin lung inah a tang hrep tawh bawk.

Pu Morris-a hi kum 57 a upa a ni a, Cardiff University atangin theology ah a a graduate hlim hlawl a, he kohhranah hian rawngbawltu hna a lo thawk tawh thin nghe nghe a. Thla thar atang hian a hna hi a zawm dawn a ni.
Tun hmain police-ten a thlenna hotel an dap thut a, ruihhlo chi khat cocaine Kg khat a lo kawl avangin Swansea Crown Court-in thiam loh a chantir a, kum 12 chhung a tan phah ta a ni. Chutih lai thil thleng chu sawiin, "Police-in min koh hun nghakin police cell-ah ka lo nghak ran mai a. Chutihlai chuan zawi te a tawng ri hi ka hria a, 'hei hi i nun i thlakthleng theihna tur leh mi tha tak i nih theihna tura hun tha a nih hi aw' tiin a rawn sawi a. Ka mitthlu lai Pathianin min rawn kaitho thut ni maiin ka hria, 'ka thusawi chu i ngai pawimawh dawn em?' a ti zuiin ka hria," a ti a.
Dartmoor lung inah khung a ni a, chu hmunah chuan a dam chhunga a vawi khatna atan lehkha a zir ve ta a, lung in tangte tan tawngtai pawl te a din bawk a. Chutianga nun inthlak hlak a kum nga chhung a tan hnu chuan chhuah lailawk (parole) a ni a, Baptist kohhranah a tel zui a, pastor ni turin a inzir chho ta a ni.
"Harsatna leh buaina chi hrang hrang ka pal tlang nasa ve hle thin a, bansan leh mai pawh a chakawm thin. Mahse, ka nihna leh ka nun hlui hre reng chunga pastor atana min thlang hian mipuiten ka lakah rinna an nghat a ni tih leh min ngaidam a ni tih a tilangin ka hria," a ti.
Nupui neiin fa panga a nei tawh a, ama hun tawn chanchin lehkhabu a ziak tawh bawk. Lung in a tan laia a identity card a la kawl tha reng a, a hun kal tawh hriat rengna atan a hmanng thin. "Ka thil lo tih tawh te kha thupbo ka tum ngai reng reng lo," a ti bawk.

Zirtirtute Ni lawm nan vawksa!

2011-09-14T15:19:00.001+05:30

Naupang \henkhatin thil man to pui pui hmangin an zirtirtute an chawimawi laiin anni chuan zirtirtute 'present' tur an nei ve lo a, mahse, an ei phak zen zen loh- vawksa an ei thung.

TNT sikul naupangte chuan September ni 5-ah khan sikul dang ang bawkin Zirtirtute Ni an hmang ve a, chhunah thingpui paw, a thlum ngat lehnghal an in bakah tlaiah puar el euhin vawksa an ei.
Thutak Nunpuitute Camp, 'TNT Camp' tia hriat lar, Zuangtui-ah hian sikul an nei ve a, Kalvari Comprehensive School tih a ni. Nursery a\anga pawl 10 thleng he sikul-ah hian a awm a, sikul dang ang bawkin Zirtirtute Ni (Teachers' Day) an hmang ve a ni.
Sikul naupangte chu enkawltu nei loh vanga TNT Camp-a awmte an ni a, naupang dangte angin pawisa han dilna tur nu leh pa an nei ve lo. Mahse, an zirtirtute chu chawimawi ve ngei an duh si a, an theih tawk- pangpar \hi an awrhtir ve a ni.
An pangpar \hi chuan 'pangpar \hi' tih hming pu ve mah se pangpar a\anga siam pawh a ni tak tak lo a, lehkha cheh mawi hmanga siam a ni.
Chu pangpar \hi chu han hmuh mai pawhin a hlui tawh tih a hriat a, tun hmain tute emawin an lo awrh tawh \hin ang tih a hriat. Mahse, an neih chhun a ni a, phur takin Zirtirtute Ni-ah zirlaite'n an zirtirtute an awrhtir ve tho.
An thiam thil hrang hrang an entir a, hnam lam leh rimawi hmangin kalkhawmte mit leh beng an titlai hle.
Zirtirtute Ni lawm nan sikul naupangte chuan thingpui paw, a thlum lehnghal an in bakah tlaiah ruai an \heh a, vawksa an hmeh. A tukah erawh atta thlum chhum an hmeh ang. Chini tuiin atta an chiah a, chu chu chhumin an chaw-ah an ring \hin a ni.
Education deptt. lam a\angin sikul dang ang bawkin he token flag hralh turte pawh an dawng ve a, mahse, an tan chutiang thil chu hralh ngaihna a awm loh avangin Zirtirtute Ni an hman lai pawhin a kim thlapin an la kawl. An zirtirtute'n a tihral dan tur ngaihtuah an tum nia hriat a ni.
Kalvari Comprehensive School-ah hian zirtirtu 22 an awm a, he sikul a\ang hian mi 40-in matric an pass tawh. BA pass tawhte pawh an awm a, an sikul chhuakte chu zirtirtu-ah an \ang zui tlangpui.
Teachers' Day hi SSA state project director T Rohmingthanga'n a hmanpui a, a zuitu pakhat chuan, "Mittui tla zawih zawihin Teachers' Day kan hmang," a ti.
Zirtirtute Ni hian ngaihhlut a hlawh deuh deuh a, a sum hrawm pawh a na deuh deuh bawk. Krismas leh Valentine's Day te ang em chu ni lo mah se card leh thil inpek chi (gift item) zuarte pawh an inhralh theih phah viau mai. Kum tinin an inhralh thei deuh deuh nia sawi a ni.
Naupang \henkhat chuan card leh 'gift item' mai ni lovin calculator leh sana te hial an lei a, zirtirtu \henkhat chuan an dawng hlu sawt khawp mai.
Sikul \henkhat chuan hetianga naupangin an zirtirtute thilpek an pe \hin hi a hautak avang \ha an tih loh hrim hrim avangin inkaihhruaina te an siam a, sikul \henkhat phei chuan an khap hial. Kalvari Comprehensive School-ah erawh khap a ngai ve lo!

Mizoramin larsap thar nei

2011-09-14T15:14:00.002+05:30

September ni 1chawhnu dar 1.45 khan Mizoram larsap Lt. Gen. (Retd) MM Lakhera leh a nupui leh a tute pahnih chuan Lengpui airport a\angin Air India thlawhna AI-713-in Mizoram an chhuahsan a, a tukah Mizoram larsap thar atan Vakkom B.Purushothaman lakluh a ni.
Larsap chhuak ta Lakhera hi airport-ah speaker R Romawia, finance minister H Liansailova, tourism minister S Hiato, chief secretary Vanhela Pachuau, DGP Lalrokhuma Pachuau leh officer \hahnem takin an thlah liam a, Airport-ah hian Mizoram Police-ten amah thlahna parade an buatsaih chu a endik hnuah larsap chuan Mizoram chu ban vaiin a mang\ha ta a ni.
Mizoram Larsap thar tura India President Pratibha Devising Patil-i'n a ruat Vakkom B.Purushothaman chu a tuk, Zirtawpni September ni 2-ah Gauhati High Court Chief Justice, Justice M.B.Kokur-a’n thu tiam tirin a lalut.
Larsap lakluhna inkhawm hi Baj Bhavan tualzawla (Circular Lawn) neih tura ruahman a ni a, mahse \an dawn \epah ruah a sur thut avangin chawpchilh takin Raj Bhavan Durbar Hall-ah sawn leh a ni. Tlai dar 5-a tan tur kha dar 5:15-ah an \an ta chauh a.
Inkhawm hi chief secretary Vanhela Pachuau-in a kaihruai a, India president-in Mizoram larsap atana a ruatna lehkha (warrant of appointment) a chhiar chhuah hnu-ah Gauhati High Court chief justice-in Vakkom Purushothaman chu India constitution venghim tur leh dan leh hrai hnuaiah Mizoram mipui tana a theihna zawng zawnga rawngbawl turin Mizoram Larsap atan a lalut ta a ni.
Larsap thar lawmna thingpui ruai an kil zawhah larsap chuan thuthar lakhawmtute a kawm nghal a, India hmarchhakah a kal fo tawh thin na a, Mizoram chu a vawi khat kalna a ni, a ram chungchangah emaw, a sorkar chungchangah emaw sawi tur a la hriat loh thu a sawi.
Mizoram chu an state Kerela nen literacy percentage-ah a sang an nih \hin avanga inanna tam tak an neih a rin thu leh Kerela-ah pawh 50% dawn lai Kristian an nih thu a sawi.
“Mizoram chanchin hi ka la zir dawn chauh a ni a. In hriat angin larsap thuneihna chuan huam chin a nei a. India constitution huang pelin engmah kan ti thei lo,” a ti.
Congress hruaitu hlun leh advocate Vakkom B. Purushothaman hi April ni 12, 1928 khan Vakkom, Kerala-ah a piang a, a pa chu Bhanu Panicker niin a nu chu Bhavani a ni.
Zirlai a nih lai a\ang tawha politics ngaihven mi a ni a, 1946 khan Congress a zawm a, 1953-ah Vakkom Panchayat member a ni. Thiruvananthapuram District Congress Committee president, Kerala Pradesh Congress Committee general secretary leh vice president te a lo ni tawh a, All India Congress Committee-ah pawh kum 25 zet chu member a ni tawh.
Kerala Legislative Assembly-ah hian member a ni ngun hle a, speaker leh minister te pawh a ni fo. 2006 khan World Economic Forum, Davos-a an chief minister Oommen Chandy a kal hlanin chief minister leh house leader mawhphurhna a lo la tawh a ni.
Lok Sabha-ah pawh \um hnih lai member a ni tawh a, Committee on Public Undertakings and Committee on Subordinate Legislation of Parliament chairman te pawh a ni tawh. Kum nga chhung Consultative Committee of Experts to the CIDP of Inter Parliamentary Union, Geneva chairman a ni tawh bawk.
Andaman and Nicobar Islands-ah March 1993 a\angin kum thum chhung Lt Governor a ni tawh a, 1996-a Global Conference on the Sustainable Development of Small Island Developing States, Barbados-a neih a nih khan India palaite hotu a ni.
Vakkom hian a nupui Dr. Lilly nen fapa pahnih leh fanu pakhat an nei.

Rel kawng kalna tur ram neitute luhai

2011-09-14T15:13:00.003+05:30

Bairabi leh Sairang
inkar rel kawng siam tum mek kal dan tur hriat theih loh avangin Bairabia ram neitute chu an luhai hle ni-a hriat a ni.
"Rel kawngin a tihchiat tur ram neitute'n compensation claim theih a nih thu leh pass thehluh tur a nih thu VC-ten an autir a, eng chin nge rel kawng chuan a huama a tihchhiat dawn tih hriat a ni si lo a, rinthutein kan thehlut vel mai mai," tiin Bairabi pa pakhat chuan a sawi.
"Claim theih hun chhung a rei lo bawk si a, kan lo claim thei ta lo a nih pawhin claim thei reng si-a claim lova chan ngawt ai chuan a \ha zawk e, kan ti ringawt mai a ni," a ti bawk.
"PWD-in kawng an sial dawn a, a huam chin tur an sah en ang kha a awm ve lo a, pillar chu an phun a, mahse, a karah tlangte a lo awm a, enzawn theih pawh a nih loh avangin a claim thei tur chin hi hriat a har khawp mai," tiin Bairabi VCP J Lalchhuanawma chuan a sawi.
"Anni'n khawl hmang vekin thil an ti a, khawl kan nei ve si lo a, chutih laiin helaia min awmchilhtute lah station master-te an nih avangin an hriat zawng a ni ve si lo a, a buaithlak khawp mai. DC kan han zawh fiah dawnin Delhi-ah a lo zin daih si a. Claim thei reng siin in hmuh loha min puh ai chuan rawn theh lut rawh u kan ti ta a ni," VCP chuan a ti.
"DC a\anga lehkha kan dawn ang angin kan puang ve tawp mai a ni," a ti bawk.
Rel kawngin a tihchhiat tur ram neitute hnena compensation an claim theih leh theih loh hrilh fiah turin VC te pawh rel kawng kal dan tur hi hrilh fiah an ni bik lo a; VC lam chuan rel kawng kal dan tur sketch map an hmu nia sawi chungchangah pawh VCP chuan, "Railway lam a\angin ni lovin SDO (Sadar) te an lo kal a, lei verhna tur khawl dahna tur ram neitu compensation pek a ngai dawn a, chu chu a suma pe lovin a pawh tur kawng laih sak zawk ila tia dawrpui turin min sawm a, chumi \uma kan hmuh chauh chu a ni," a ti a ni.
Bairabi leh Sairang inkar rel kawng siam turin a tihchhiat tur ram neitute tan hian chawlhkar hnih chhung compensation claim nan hun hawn a ni a, chu chu karleh September ni 5 khan a tawp a ni.
Rel kawngin a tihchhiat tur ram neitute bakah leiverhin a kaltlang tur ram neitute chuan compensation an dawng thei dawn nge dawng thei dawn tih an inhre lo a, pass erawh chu an thehlut nual hlawm niin thudawn pakhat chuan a sawi.
Bairabi leh Sairang inkar rel kawng siam turah hian Bairabi huam chhungah km 1.8 vela thui leiverh a awm dawn nia sawi a ni.
Thudawn pakhat chuan rel kawng tur survey-tute hian pillar- a sen, a eng leh a var an phun a, a sen chu rel kawng lai tak tur niin a var leh a eng te chu a sir tur nia sawi a ni a; chutih laiin a sen a\anga a eng leh a var awmna hlat zawng chu a inchen lo nuai niin a sawi.
Chuvangin rel kawng hian metre 50 a huam dawn nia sawi a nih laiin hmun \henkhatah chuan pillar var an phunna hi metre 30 chuang hret a nih laiin metre 20 tling loa phunte pawh a awm leh tho avangin compensation claim thei nih leh nih loh hi inhriat a harsa hle niin a sawi bawk.
"Ram hi kan enkawl dan leh cheibawl dan chu a inang hauh lo a, enkawl \ha vak lote pawh an awm laiin theihtawp chhuaha hun leh tha, sum leh pai neih zawng zawng senga lo enkawlte kan awm ve tho a. Enga mah hmu lova chung zawng zawng kan chan vek ringawt chu thil ni thei a ni bik lo. Mahse, hei chinchang kan hre lo tlang si a, thil kalhmang leh a ngaihna hre deuh hlek min buaipui turte han awm se kan ti ngawt mai," tiin pa pakhat chuan a sawi a ni.

A |UL CHUAN MITTUI NEN PAWH RUANG HI KAN ZAWNG ZEL ANG...

2011-09-14T14:58:00.001+05:30

August ni 27-a
Kurung lui-a tuitla Vanlalrema 5th IR ruang chu thawhlehni (August 30) chhun dar 11:15 khan a tlakna atanga feet 300 velah hmuh a ni.
Vanlalrema leh a thiante pahnih hian August ni 27 khan Kurung luiah hian len an deng a, sangha Kg 3 vel an man hnu chuan tlai dar 3 velah hawn tumin lui dung an zawh chho a, lungpher atanga lungko danga an lawn kai tur chu chesualin Vanlalrema chu lungpher leh lungpui inkara tui luang chak takah a tla lut ta hlauh mai a, lungpher hnuai puk thuk takah tui khauh tak chuan a len ken lai chawpin a len lut ta a ni. He lui hi a khawkrawkin a chhengchhe em em a, a tlak luhna atanga thlang deuhah tui hi chak takin a luang chhuak leh a, chutah chuan a thiante pahnih chuan engemaw chen an lo chang a, mahse engmah an chan chhuah tak si lohah chuan mi dang an pun ta a ni.
Vanlalrema Kurung luiah a tla tih hriat a nih veleh Sairang, Sairang Dinthar leh Sihhmui atangin tui thiam rualin ruang zawn hna hi an thawk nghal a. Tui a tam avang leh a lui dung hi, lung khawkrawk chet harsa tak mai a nih avangin tui thiam tak tan pawh chetsual hleka thih mai hlauhawm tak a nih avangin Val Upate chuan ruang zawnga lui dung luhchilh tur pawh hian mi na zawng kal an phal lo. Tui thiam leh helai lui dung chinchang hriate thlang chhuakin, group-ah insiamin group tinah hruaitu bik an ruat thlap thlap zel a. Chutianga uluk leh fimkhur taka ruang zawn hna an thawk chung chuan, vanduaithlak takin, ruang zawngtute zinga mi Sairang tlangval Biaknunga kum 22 chu August ni 28 (Chawlhni) khan Kurung luiah hian a chesual ve leh ta hlauh mai a ni.
Biaknunga te group hi group number 3 an ni a, an group-ah hian mi pasarih an awm a, pathumte chuan hma hruaiin an kal hmasa a, pali dangte chu hnung deuhah an rawn kal ve bawk a, sawi tawh angin he lui hi a khawkrawka lungpui leh lung bang sang tak tak hel ngai a tam avangin inzui diah diah reng hleih theih a ni lo fo ang. Biaknunga chesual lai hi a thiante zingah tumah hmu an awm lo. Biaknunga thiante luikam a an kal vel chuan lungpui bul tuia mihring ke lo lang chu an zuk hmu ta mai a, an hmuhna atang hian ruang awmna hi feet 30 vel lek mah nise lui hi a khawkrawk em avangin ruang awmna hi an pawh mai thei lo.
Mihring ke ngei a ni tih erawh an hmu chiang hle a, an mi zawn Pu Vanlalrema, 5th IR ruang ni ngei turah an ngai a, mi dang hrilh turin lamkal an intir nghal a. Chutia an thlir lai chuan ruang chu tuiin a len sawn a, a pil zui leh ta mai bawk si a, an mangang hman hle mai. Lui mawng lamah an tlan khalh a, a thlang lawkah chuan lui lah chu hmun hnihah a inthen phawka a khawi zawkah nge ruang hi a len tak ang! Lamkal an intir then bawk si an indaih lo hle mai. Mahse, mi dang an rawn thleng thuaia ruang an hmuh tanna atanga feet 100 vel, lungpui ti rek ruk hmunah ruang chu bawkkhup zawngin tui luang chuan a len bet leh ta hlauh mai a.
Ruang chu a bawkkhup avangin, an thianpa, an group member Biaknunga ruang a ni tih reng reng an la hre chuang lo. Vaukamah hnuh chhuah tuma an bawr lat lat lai te chuan a hma ni a, tuitla ni si a dul leh taksa a la puam lem miah lo te chu mak a ti hle tih an group leader chuan min hrilh nghe nghe. Tichuan, vaukamah an zalha an han enchiang chu leh!..an thianpa an group member Biaknunga a lo ni reng mai si..an hrilh a hai tlang ngei mai! Nichin lawkah an inzui tlang si..a la reilo lulai em mai..thawktir leh hram dan a awm thei ang em le!..a dulah te nemin a taksa a letling zawnga dahin a kawchhunga tui tih chhuah te an han tum a, mahse an thianpa hi chhan theih a ni tawh lo. A hma lawka inzui tlang, an zingah a la awm ve zel tura an ngaih, an thianpa ruang an chhar ta mai chu mak an ti a, a tlak lai hmu leh hria an awm bawk si lo. Biaknunga hmuiah hian hliam a awm a, a hnarah atangin thi a chhuak bawk niin an sawi.
Lungpui sira Biaknunga ke lo lang an hmuh hlim khan an mi ruang zawn Vanlalrema ni turah ngaiin ruang an hmuh thu te pawh an hrilh darh hlawm a, Sairang khuaah pawh vantlang mike-in Vanlalrema ruang hmuh a nih tawh thu an puang hman a, chu thu chuan vahchap kang ang maiin hun rei lo te chhungin Aizawl khawpui pawh a fan zau hman hle. Mahse, tlangval tlawmngai huaisen thian chhan nana a nun hlantu Biaknunga ruang zawk a lo ni..
Sairang khawtlang hi an fakawm thlawt a ni. An thian duhtak ruang an chhar ta mai hian an rilru a ngawng na hle mai. Mahse, an beihpui thlak mekah chuan tlawm an tum lo a, an in sang mar sauh sauh zawk a, "A tul chuan mittui nen pawh ruang zawn hna chu kan chhun zawm ang a, he kan ruang zawn hi chhuah kan tum lo a ni," tiin an Pi Teressa, Sairang YMA President chuan LPS Report-a ka interview-in min hrilh a ni. (Pi Teressa, Sairang YMA President hi kum 64 mi a ni a, Sairang Joint YMA ah President te pawh lo ni thinin, Sairang Branch YMA ah hian kum 2 President hna a chelhna a ni). YMA President-in a lo sawi tawh angin tukin (August 30) khan khawtlang hruaitute ruang zawn zel dan tur chungchangah an inhmu khawma, "Kan khaw tlangval tlawmngai Lalbiaknunga'n a nun a hlanna a nih avang pawhin he ruang hi tuiah emaw, khawmualah emaw kan hmu ngei ngei tur a ni a, kan hmuh hma chuan kan zawng tur a ni" tih chu kalkhawm te tho rolum chu a ni ta bur mai a ni.
August 30 chuan khua a tha tan ta a, ruah tih tham pawh a sur ta lo a, Kurung lui pawh chu a kam chak khawp mai. Tlangval tui thiam rual chu group hrang hrangah inthenin lui dung suartluan turin an thawk chhuak ta. Vawiin (Aug 30) hi Vanlalrema a chetsual ni atanga ni 4 hmel a hmuhna a ni tawh a. Fimkhur takin tumruhna zawng zawng nen tlangval rual chuan ruang zawn hna chu an bei tan leh ta a ni. Tichuan chumi ni chawhma dar 11:15 velah khan a tlakna atanga feet 300 vel a hla, lungpui kehkak karah Vanlalrema ruang chhe tawh tak chu an hmu chhuak ta a ni.
Ruang hi a pilh nasa tawh hle a, thawmhnaw pakhat mah a inbel tawh lo. A puam nasa hle a, a kuang tura an siam pawh hmang ta lovin kuang dang lian zawk an siama tah chuan an zalh ta a ni. Vawiin chhun khan Vanlalrema ruang hi Sairang damdawiinah postmortem a ni a, postmortem tih zawh hnu hian Sairang khawtlang VC leh YMA ten a thlahna hunserh tawi te an hman zawh hnuin an veng, Chite veng lamah lak a ni ta a ni.
He chhiat tawhnaah hian 5th IR bakah Mizoram Police te an thawk tha hle a, Aizawl veng hrang hrang atangin tlawmngaia thawk chhuak an thahnem hle bawk..Mizo nih hi a van nuam tak em!
(A ziaktu hi LPS-a Special Report ti \hintu a ni)

Gorkha-te duh dan tlawmngai pawlte'n pawm lo

2011-09-14T14:52:00.001+05:30

Mizoram sorkar
chuan Gorkhali-te OBC dinhmuna dah hi, Supreme Court thupek anga din permanent body-in a recommend niin a sawi a; he permanent body din tur hian Supreme Court-in tunhnaiah Mizoram sorkar thu a pe thar anga ngaih tur erawh a ni lo. 1991 daih tawh khan thubuai pakhat- Indra Sawhney and Others Versus Union of India & Others a remnaah Supreme Court chuan OBC chungchang ngaihtuah turin central, state leh UT-ahte hian permanent body din ni se a lo tih tawh vanga parmanent body hi din a ni.
Supreme Court chuan OBC chungchang ngaihtuahtu tur permanent body chu commission leh tribunal te ang chi a ni tur a ni a, an thu leh hla pawh sorkar chuan a ngaichang tur a niin, permanent body rawtna hi sorkarin a hnawl a nih chuan chhan mumal takin a dah tur a ni, a ti.
OBC-a dah thar tur an awm a nih chuan permanent body ngaihdan a la tur a ni. Tin, OBC a dah an nih loh avanga lungawi lo an awm a nih pawhin permanent body chu an zualkona tur a ni ang a, OBC-a tute emaw dah an nih avanga sawiseltu an awm a nih chuan permanent body chu an thuthlenna tur bawk a ni, a ti bawk.
Mizoram sorkar chuan 1991-a Supreme Court thupek chu kum engemaw zat a liam hnu leh sorkar hrang hrang engemaw zat a pian hnu-ah ngai pawimawh tharin Gorkhali te'n OBC nihna an dil chungchang ngaihtuah turin tunhnai khan sorkar chuan a din ta a, chu permanent body chuan Gorkhali-te hi OBC-a dahawm an nih leh nih loh tehna (criteria) atan hian electoral roll-a awmzat lakkhawm chu a hmang ta niin a lang.
Sorkar thuchhuah a\anga a lan dan chuan Gorkhali-te hi chawikan ngai khawpa hnufual an nih leh nih loh lam chu permanent body hian an thlek vak lo a, inthlana awmze nei tham an nih loh chu OBC an dilna chu tihhlawhtlin sak hi thil a awm a nih leh nih loh a ngaihtuahnaah pawh a dah pawimawh ta zawk ni awm tak a ni.
Tichuan, permanent body chuan Gorkhali-te hi OBC-a dah awm an ni tia ngaihdan a siam \anchhan atan ('justify' nan) India rama state dang pariata OBC-a dah an nih leh nih loh leh sorkar a\anga ham\hatna eng eng emaw an dawn leh dawn loh zawk chu a buaipui ta zawk niin a ngaih theih a ni.
"Kumin January ni 28-a an meeting thurel bawhzuiin district hrang hrang a\anga Gorkha Electoral Roll-a hming chuang zat an lakkhawm te, Gorkha-te khawsakna ram chhung State 8 a Gorkhali-te dinhmun, OBC dinhmuna dah tura puan an nih leh nih loh te bakah state sorkar hnuaia hna dil theihah te Reservation an pek leh pek loh te thlir ho a ni a," tiin August 26, 2011-a Mizoram sorkar press release chuan a sawi (http://dipr.mizoram.gov.in/press-release/permanent-body-thukhawm).
Eng vangin nge Mizorama Gorkhali awmte dinhmun zirchian a, backward (hmasawn lo), chawikan ngai leh ham\hatna pek \ul an nih leh nih loh tih lam buaipui lova electoral roll-a hming chuang zat lakkhawm ringawt chu permanent body hian OBC-a dah an nihna tura thutlingah a ngaih tih chu zawhna a ni ta a ni.
Gorkhali-te OBC an nih dodaltute chuan sorkarin a pawm hma a\angin dodalna thuchhuah an siam nghal \ak \ak a. Dodaltute zing pawl pakhat, CYMA-a an general secretary Lalbiakzuala chuan kum 14 vel zet inchiah tawh a nih thu te, Gorkhali te'n thawm an neih \an laia hruaitu hmasa ten ram leh hnam himna a ti derthawng dawna an hriat avanga an pawm theih loh thu an lo sawi tawh thin chu vawiin thlengin an dinna a la ni reng tih a sawi.
Gorkhali te OBC-a pawm an nih chuan India ram pawn Nepal atangin hna zawng an lokal phah vak an hlauh thu sawiin, "Tuna E/Roll-ah pawh hian India khua leh tui ni lote thun \alh te pawh an tum niin kan hria a, ngun taka kan ngaihtuah hnuah pawm chi niin kan hre lo a ni," a ti.
Gorkhali te'n an \anchhan pakhat- 'OBC Quota avang hian Mizoram chan tur a hek dawn lo a, central Govt service leh ham\hatna tenau kan \angkaipui dawn chauh a ni' tia an sawi chu chhangin Lalbiakzuala chuan, "Tuna mite hian heti hian sawi mah se, danah a awm tawh chuan an tu leh fate'n \anchhan an nei dawn a. He dan hi ngun taka kan zir chian hnuah pawm chi a ni lo hle a ni," a ti bawk.
Permanent Commitee/Body rawtnaah chuan kum khata cheng nuai 4.5 lalut chinte chu OBC-ah telh theih an nih loh thu a chuang tih sawiin CYMA G/S chuan, "An zingah hian Central leh State a sorkar hnathawk, officer pawh an tam hle a, heta tang pawh hian OBC a puan ngawt hi a him lova ni," a ti.
Mizorama Gorkhali-te nen chuan \ha takin Mizo mipuite an awmhona chuan boruak \ha lo a hrinchhuah phah palh a hlauh thu a sawi bawk.
Hetianga Mizorama Gorkhali awmte OBC pek chungchanga thu a inmun mek lai hian India rama state 9- Punjab, Haryana, Himachal Prades, Sikkim, Tripura, Meghalaya, Assam, Manipur leh Delhi te chuan Gorkhali te chu OBC ah an lo puang ve mek bawk. Tunhnaia state piang thar Uttarakhan pawhin Gorkhali te hi OBC-ah an puang ve nghal nia hriat a ni bawk.
MSU general secretary Zodinpuia chuan Gorkhali te OBC chungchanga an ngaihdan sawiin, "Mizo hnam himna leh him lohna chungchangah hian kan hmalam hun thlirin sorkar hian mipui hi rawn ve \hin se, chutiang ni lova an kal a nih chuan kan hmabak hi a thim hle dawn a. Tuna Parmanent Committee in rawtna a siam ringawt pawh hi kan duh lo hle a ni," a ti.
India ram State tam takah OBC a pawm an nih avanga chiang lo ruaia lo pawm ve ngawt chu a him lo hle nia sawiin, "Keini aia OBC nih an dilna hmasa leh Gorkhali pawh an tamna Arunachal Pradesh-ah pawh pawm an la ni chuang lo," a ti bawk.
"OBC-a awm tur hian vangtlang nunphunga hniam bik ngawih ngawih nih a ngai a, hei hi Mizorama Gorkhali te dinhmun hi a ni em tih hi ngaihtuah a ngai a ni," a ti bawk.
Mizorama Gorkhali pawl hruaitute chuan OBC an lo nih chuan an ham\hatna tur Ministry of Social Justice & Empowerment in a siamte chu an dinchhuahpui ve thei dawn niin an sawi.
Pre Matric Scholarship, Pre Matric Scholarship, OBC zirlaite tana Hostel siam, Hna lak dawna kum lama inngaihnathiamna, Civil Service Exam vawi sarih ziah theihna leh a dang \henkhatte an ni. Hengte chang tur hian State sorkarin a pawm a ngai a, chu a pawmna chu Government of India-ah approval lak a, executive order hmanga puan tur a ni a. Hemi hnu hian Gazetted notification hmanga mipui hriata puanzar mai tur niin an sawi a, heng thilte hi OBC nih chak tirtu niin an ngai a ni.
Mizorama Gorkhali-te hi Mizoramah an awmna a rei tawh hle a, Chakma leh Tuikuk te ang lo takin pun lam aiin tlakran lam an pan zel nia ngaih theih a ni. 1950 hmalama Mizorama chengte chu sorkar hriatpuinain kum 1998 khan chhiar an ni a, mi 4453 vel chauh an ni a. Hei hi 2001 khan sorkar in Gazetted-ah a chhuah a. A dik tawk lo leh famkim lo laite thlir lehin mi 769 chu sorkarah an thlen belh leh a, he rawtna hi pawm a la ni lo, hei hi anmahni sawi dan a ni.
Hetih lai hian Mizorama Gorkhali te' association neih ngiata hma an lak meknaa tha thawh nasa ber MZP chuan Gorkhali te chungchangah hian ngiahdan fel tak a lo nei tawh \hin a. Hemi chungchang hi sawiin MZP general secretary H Lalremsiama chuan 1950 hmalama Mizorama chengte leh an thlah kal zel bikte chu inthliar fel se a duh thu a sawi. Mizorama
Gorkhali-te chu OBC-ah puan lo ni ta se, Nepal leh hmun dang a\angin hemi zarzo tuma Gorkhali tam zawk an lo luh vak an hlauh thu a sawi a. Hetianga inthliar fel chuang si lova OBC-a puan an nih chuan harsatna tam tak a thlen theih dawn avangin tun dinhmunah chuan a nawlpuia OBC a puan chu hun rih lo niin MZP chuan a ngai a ni a ti ve bawk.
MZP G/S chuan, "Tuna Parmanent Committee/body in an rawtna ang hian Gorkhali-te hi OBC-ah puan lo ni ta se, OBC te ham\hatna state dang Sikkim ten an pek ang hi kan duh loh chung pawhin kan pek ngei a ngaih hun a la thleng ang tih hi a rinawm tlat a ni," a ti.
Sikkim state hian an state chhunga central department mai ni lo, state dept hrang hrangah OBC reservation hi an lo pe vek tawh nia sawi a ni bawk.
Mizorama Gorkhali-te hi pi leh pu a\anga Aizawla awm tawhte an ni a, heng mi 5000 bawr lekte hian Mizoram bak ram dang an nei chuang lo niin an sawi \hin a. Aizawl veng hrang hrangah an insem darh vek a, Mizorama piang leh seilian an nih hlawm avangin chhiat ni \hat niah pawh Mizo takin an che mai \hin.
Mizoram UT nih lai, 1960 khan khatih laia ram hruaitu pawimawh Pu Hrangaia chuan Mizorama Gorkhali awmte chu tribal a puan an nih theih nan an duh leh duh loh a lo zawt tawh nghe nghe a. Khatih hunlaia Gorkhlai te khan thil an la ngaihtuah thiam tawk loh avangin pawmna chang an lo hre lo niin an insawi.
Mizoram UT a nih lai hian Kapur Chand Thakuri chu Gorkhali MLA (Nominated) tan a ruat a ni a, a dang an awm zui tawh lo. OBC a puan an nih theih loh avang hian kum 1998 a\ang phei chuan sipai/police leh sorkar hna dangah an fate tan 'chance' a awm meuh lo niin an sawi a, hei vang hian tuna an pawl hruaitu hrang hrangte chu an mipuiten chak tawk lo tiin an nawr nasa phah ve nasa tawh hle niin an insawi nghe nghe a ni.
n

Unau boral tur chhandam ngai an awm e

2011-09-14T14:32:00.004+05:30

Mizoramah sorkarin Anti-Corruption Day a hmang ngai lo a, World Suicide Prevention Day pawh sorkarin a la hmang ngai lo. World Suicide Prevention Day chu September ni 10 a ni a, tun hnai kum hnih khat chhung khan mi \hahnemngai \henkhatin he ni hi lo hmang tawh \hin.
"Mi beidawngte hian chhan an ngai a, heti lamah hian theihtawp chhuah a \ul khawp mai. Mimal, sorkar, Kohhran, tu pawh kan \an tlan a ngai a ni," tiin mi beidawngte kawma \anpui \hintu Dr Zawmsanga Sailo chuan Zozam Weekly a hrilh.
CID (Crime Branch) te'n an chhinchhiah dan chuan 2004-ah khan Mizoramah mahni intihlum mi 26 an awm a, 2005-ah 24, 2006-ah 27, 2007-ah 29, 2008-ah 20, 2009-ah 43 an awm.
Kum 6 (2004-2009) chhungin Mizoramah mahni intihlum mi 169 an awm a, \halai an ni tlangpui. Kum 15 leh 29 inkar mi 84 an awm a, kum 30 leh 44 inkar 72 an awm.
Hriat theih chinah Mizoramah mahni intihlum zinga naupang ber chu kum 10 mi a ni a, a upa ber chu kum 84 mi a ni.
2009 vel a\ang khan mahni intihlum an tam thu hian ngaihven a hlawh ta hle a, media lama a lan zin vang pawh a ni mai thei. Mi \hahnemngaite chuan mi beidawng, dam thlahlel lote chungchang hi mut mawh hnar mawhah neihin theihtawp an chhuah mek. An hmalakna hian rah pawh a chhuah a, mahse anni aia thei zawk leh chak zawk che se an duh hle.

Kuminah a ziaawm

NGO pakhat- NELICS (New Life Charity Society) te hi mi beidawngte kawma puitu an ni a, a theih ang angin mi beidawngte an kawm \hin. Mizoram puma mahni intihlum zat chhinchhiahin a theih ang angin an zirchiang \hin bawk.
NELICS-in an chhinchhiah dan chuan, kuminah mahni intihlum an tlem a, nikum nena khaikhin chuan a tlemna pawh a tam tham ang reng viau.
Nikumah khan September ni 10 thlengin mahni intihlum 74 an awm a, kuminah chuan September ni 8 thlengin mahni intihlum 45 an awm.
"Kuminah nikum aiin mahni intihlum an tlem rih a, a lawmawm khawp mai. Mipui an harh vang te, mi \hahnemngaite thawhrah te a ni ang a, mahse \an mar reng a la ngai," Dr Zawmsanga Sailo chuan a ti.
Kumina intihlum zat hi nikum aiin tlem mah se hmeichhia bikah chuan kuminah hian an tam zawk; nikumah hmeichhe intihlum 5 an awm a, kuminah chuan 13 an tling tawh.
Kum dang ang bawkin kumina intihlumte hi \halai an ni tlangpui; mi 45 zingah hian kum 45 chung lam 5 an awm a, kum tling lo an awm lo, a naupang ber chu kum 16 niin, kum 16 mi hi pahnih an awm.
Mi 45-te hi inawkhlum vek an ni a, kum dangah pawh mahni intihlumte hi inawkhlum an ni tlangpui. Dr C Lalhrekima, psychiatrist chuan mahni intihlumte hian thil remchang ber an hmang mai \hin tih a sawi a, vai ramah chuan loneitu zingah tur eia intihlum an tam tih sawiin, 'fertilizer' te an dawng thin a, chutiang te chu an ei mai thin niin a sawi. Mizoramah inawkhlum an tam chhan pawh mahni intihlumte'n remchang bera an hriat a nih vang a rin thu Zozam Weekly a hrilh.
Dr Zawmsanga chuan nikum aia kumina intihlum an tlem zawk chhan nia a rin a sawi a, "Inzirtirna te a awm ta deuh bawk a, mithiamte rawn kan hreh ta lo tial tial a, hei hi a hlawk khawpin kan hria," a ti.
NELICS te hian mi beidawng, dam thlahlel lo, mahni intihhlum tum an chhante pawh an chhinchhiah zel a, kuminah mi 420 an chhan tawh tih chu an chhinchhiah dan a ni.
Mi 420 zingah hian mipa aiin hmeichhia an tam zawk daih a, anmahni pantu hi nikum aiin an pung bawk.
"Rilru dik lo, mize dik lo an tam," tiin Zawmsanga chuan mi 420-te chungchang a sawi.
"Nun awmzia an hre lo...mihring nun awmzia hi an hre lo a, tawrh an peih lo. Chutiang chu tunlai \halai zingah hian an lo tam niin a lang," a ti bawk.
Naupan tet a\anga duat hlawh, nu leh pain an duat hliau hliau, nu leh pa bakah \henawm khawvengte pawhina an duat hliau hliau an tam tih a sawi a, chutianga seiliante chuan nun awmzia an hre lo tih a sawi a ni.
"Nu leh pa te'n an duat hliau hliau a, \henawmte pawhin an lo duat a, an rilru a no. Awlsam taka duh duh nei thei an ni a, thil hahthlak an tawng lo a. Mahse, an lo puitling a, chutiang ringawt a ni thei ta si lo a. Mihring nunah chuan a beih-a beih a ngai a, thlan tui luang zawih zawiha beih te a ngai ta a, chutiang chu an hmachhawn peih lo. Chutianga \hang liante chuan engmah an tuar peih lo a, an rilru a piangsual ta a ni ber," a ti.
"Mahni thu an duh a, mi zawng zawng hi an thuhnuaia dah an tum a. Mahni nu leh pate ngei pawh an thuhnuaiah an dah a, nu leh pa meuh pawh thuhnuaiah an dah thei a nih chuan midang zawng zawng pawh an thuhnuaia dah an tum ta a. An bo hi a ni ringawt," a ti bawk.
Anmahni pantute zingah nulat tlangval thil vanga rilru na, beidawng ta pawh an tam a, chutiang chu mipat hmeichhiatna hman khawlohna nen a inkaihhnawih tlangpui tih pawh a sawi.
"Ngaihzawng lama buai pawh an tam a, ngaihzawng te nena sex an lo hman tawh avanga buai ta an ni duh khawp. Tam tak hi chu, sex lo hmang lo se chu an buai lo ang, sex hian rilru natna leh hahna a thlen a ni," a ti.
"Kohhran leh khawtlang pawhin hemi chungchang hi kan lak thutak a hun khawp mai. Mahni intihhlum hi 'emergency case' tak tak a ni tih kan hriat a \ul. 'Ani hi a lo intihlum mai palh ang a' ti-a kan ven a ngai a, chutianga ven ngai an awm a nih chuan YMA te pawh hian veng \hin ila a that ka ring," tiin Dr C Lalhrekima pawhin a ngaihdan a sawi.
"Kan Mizo society-ah hian inngaihsakna lama \an kan lak a ngai a. Khawtlangah te, chhungkuaah te, \hianzahoah te, midang ngaihsaktu nih tum tura inzirtir a ngai a, midang care thiam nih kan tum a ngai a ni. Kan hriat lohvin mi rilru a lo na reng thei tih hriaa inkawmkhawmna leh awmhonaah te fimkhur taka kan awm a ngai. I induat teh ang u," a ti bawk.
“Mizote hi 'emotion control'-ah kan sang lo a ni,” a ti a, “Emotion control-ah hian kan puitling lo em em mai a, kan thiam lo bawk. Thil kan duh pawhin nasa em emin kan duh huam huam a. Ngaihzawng kan neih pawhin a ni tho, eng thilah pawh kan inpe tawp hreh lo. Chu chu sex thlengin a ni a, kan ngaihzawngte tan kan inphal mai a,” tiin a \anlak a \ulna lam pawh a sawi.
“Nu leh pa kan demawm thei hle ang. Kan fate kan enkawlna kawngah tih dik loh kan nei a ni thei a. Chutiang bawkin society pawhin kawngro a su thei a, kan chhehvel thil kan tawn leh thleng mek pawhin kawngro a su thei bawk. Thil chiang tak erawh chu kan emotion control-ah hian kan sang lo em a ni,” a ti a, “Nun kawng dik inzirtirna hi chhungkuaah kan uar tawk lo,” a ti bawk.
NeLiCS-in kumthum leh a chanve chhunga mahni inthah duhna khawp rilrunatna (disease) vei mi 1,400 an kawmte a\anga an zirchiannaah chuan rilru nguina vanga dam thlahlel lo an tam ber. Inngaihzawnna leh mipat hmeichhiatna leh a kaihhnawih lama rilru nain an dawt. A kum zawnga chhut chuan kum 30 hnuai lam an tam ber.
Eizawnna lama harsatna tawh vang, eizawnna tlakchham vanga dam thlahlel lo pawh an lo tam hle a, unemployment problem hian Mizo society a tibuai tih a chiang hle.
"Eizawnna a vang a, a lo harsa ta a, a ngaihna hre lo thalaite hi an mangang a ni," tiin Zawmsanga chuan a sawi.
"MA val te'n thla khatah Rs 3000/4000 lek te an han hlawh hi an zak a, inferiority complex hial an neih phah thin. Chhungte sorkar hnathawk nei ve lote phei chu an mangang a, chhungte sorkar hnathawk neite pawh an chhungte nen te chuan an inkhaikhin a, an inthlahrung a," a ti.
"Rim takin private hnuaiah te an thawk a, an hlawh a tlem bakah a then chu an thawhna hmunah an hlim lo a, hetiang hian a nghawng thui khawp mai. Entirnan- tlangval pakhat chu an chhungkaw zinga mi pakhat, sorkar hnathawk khan, 'Nangni lah hi in chhuak ni tin a, eng tham in hlawh si lo,' a lo ti a, chu chuan a tihrehawm khawp mai," a ti bawk.

NEITU NEILO MIZORAM!

2011-09-14T14:27:00.002+05:30

Kum 1998 khan kum khat dawn Delhi-ah ka khawsa ve a. A khaw lumzia leh ro dante sawi dawn pawha ngaihnawm tham sawi tur a awm laiin ka rilru-a riak reng chu New Delhi khu neitu neilo khawpui ni tlata ka ngaih thinna kha a ni a. Mahse, Mizoram dinhmun ka’n bih chian hian keini ai chuan Delhi chuan neitu a lo nei hle mai, a inti-tatu-te pawh an changkang e tih ngaihdan ka chhar thar a ni.
New Delhi-a khawsa thenkhat kan kawmnaah chuan neitu nihna an neilo hle tih ka hmu chhuak a. Sumdawnna, politics, lehkhazir leh sorkar hna thawh vanga awm ve mai mai an nih thu an sawi hlawm a. An MP nih hunte, an sumdawnna hmundanga hlawk zawk an hmuh hunte, an zirlai an zawh fel hunte leh hmun danga sawn an nih huna Delhi chhuahsan mai tur an nih avangin neitu nihna tak tak an pu theilo tih an sawi a. Ka thianpa Nirendra Dev phei chuan, “New Delhi hian refugee culture (pemkhawm zia) an kalpui a nih hi,” a ti fo thin.
Mahse, sorkarin a tak taka hna a thawh dan han hmuh erawh chuan rualawh a na thin a. Khuti khawpa ruahtui tlem si ‘Green Delhi’ movement avanga a lo hrin tak dup dan te, an thing phun an enkawl zui dante hmuh chiah chuan ngaihtuah a thui thin a. Neitu nihna neitu sorkar leh mipui khawsazia khu hmuhnawm ka ti fo thin. Mihring hlau hauh lova hleimualrang duhtawka khawsa ringawt pawh khuan rual min awhtir ngawih ngawih fo a ni.
Kan Mizoram dinhmun i han thlir teh ang. Sailo lal lai leh a hnu-a Kumpinu sorkar awpna hnuaia kan awm laite kha a ngaihawm ta hle mai a. Kan ram ngaw leh nungcha, a bikin lui-a awmte kan nghaisak dan hi chu tun ang kum zabi 21 hnu lamah chuan a zahthlak tawpkhawk a, hnam mawl (savage) rilru leh thinlung la pu reng angin kan awm a nih hi. Kan Mongolian pui, hnam mawl taka kan ngaih thin, America rama Red Indian hovin kum za thum chuang kal taa ramngaw leh ramsa humhalhna thuthlung an lo vawn thin pawh tunah hian kan pha lo chiang khawp mai.
Kawtchhuah leh feh kawnga thingtuai lian deuh ka fik theih leh theih loh, ka chem hriam leh hriam loh chhinna atana hman la ching hnam kan ni a. Lui kal leh ramvah haw lama kawng sira hnim ro lo awm nawalh emaw lighter emaw hmanga han deh kai thlazen ching hnam kan la ni bawk a. Mei kawng kan sial that tawkloh emaw kan sial miahloh vang emaw-a kan lo halin ram a tihkan hi a rapthlak rualin tute kuthlei emaw vanga ram kang leh ram ngaw kan chan hi a va rapthlak em! Hnam mawl, lehkha thiamlo chu sawiloh mahni tana pawi tur pawh hre pha hauhlo ‘Barbarian’ an tih thin kum za tam tak kal taa hnam mawl ang chiah kha kan la ni.
Kan ram luite lah chu tur hmangin kan hrai chamchi a, nimin lawk thleng khan he thil mawl tak hi kan la ti ta reng a. Kan man sen loh lui-a nungcha kan la suat burh burh reng mai. Hetiang kan chin avang hian kan lui-a nungchate kan tihlumin tute eizawnna emaw nasa takin ka tichhe satliah mai a ni lova, kan hriselna thlengin kan tichhia a. Kan rama cancer vei kan tam em em chhante hi zuk leh hmuam kan uar piah lamah sangha, chakai leh sava thlenga tura kan hrai kan zawrha kan ei vang a ni lovang tih sawi theih a ni lo.
Kan Naga unaute khi tribal ve tho an ni a, anni chuan lo an hal dawnin tunhma atang tawhin bengchheng siamin ramsa-te ‘warning’ an pe a, ramsa enkawltu pathian hnenah lo an hal tur thu leh ramsate insaseng tura hrilh turin an hriattir thin an ti. Keini chuan ramsa kan hlum pawi kan tilo khawp niin a lang thung. Ziak leh chhiar thiam tam kan inchhuan em em lai hian kan ram leh ram ngaw leh a chhunga cheng nungchate laka hlei kan len dan leh neitu nihna thinlung kan pu lo lutuk hi inenletin zaka kun ngawih ngawih tur kan ni a. Hetianga ram kang duai duai mai titawp tur hian sorkar hian dan dinglai hi khauh takin kengkawh tawh sela, ram humhalhlo VC te pawh hremin hrek ngei tawh teh se. Chumi atang chuan ram hal mai mai leh meikawng sial thalova lo halte chungah VC-te thikthu a chhe thei chauh ang.

COMPUTER THLUAK NEI TAK TAK

2011-08-26T16:43:00.002+05:30

Khawvela computer khawl lama sulsutu company lar, International Business Machine (IBM) mithiamte chuan tun hnai khan thluak (brain) ang deuha hna thawk thei computer chip (microprocessor) an siam chhuah thar thu an puang. He electronics khawl hian nitin-a a thil tawn (experience) ang zelin thil thar a zir thei dawn niin an sawi.

He khawl, SyNAPSE system an tih hian computer chip pahnih a nei a ni.

Thluak hi nerve cell (neuron) tam tak inzawmkhawm a ni a; miin thil a zir belh zel hian chu?ng neuron-te chuan inzawm dan (synapse) chi? thar an siam belh zel a, thil kan hriat belh zel \hin.

Tuna khawl kan sawi mek hi chutiang ang deuha hna thawk tura duan ni mahse, chip-a electronics circuit-te chu an thil zir thar ang zela inzawmna insiam belh theih an nih ngawt loh avangin circuit awmsa-a signal chi hrang hrang-te chu thil an tawnhriat (experience) ang zela nasa leh nasa lo bikah hna thawk thei tura duan an ni a. Chutiang chuan ngaihpawimawh bik leh hnathawh dan phur bik chi thar insiam zelin, thluak angin hna a thawk thei dawn niin an sawi.

Tom Hanks-a'n ticket man pe let

2011-08-26T16:38:00.003+05:30

Hollywood legend Hanks chuan a fan pahnihin a channa thar Larry Crowne hmuhnawm an tih loh thu an hrilh hnuah an cinema ticket man a pe let leh!

Tom Hanks, kum 55 mi hi California-a petrol station-ah heng mipahnih te nen hian intawngin, a film chu an en thu an hrilh a, eng nge a an tih a zawh chuan, "A hmuhnawm fahran lo," tiin an lo chhang a ni.

Chutia an tih takah chuan Hanks chuan, "A nih tak chu maw le, a pawi ka ti hle mai, in remtih chuan in ticket man ka lo kir leh mai ang che u," tiin a wallet a\angin dollar 25 a phawrh a, a pe ta a ni.

Larry Crowne film-ah hian Julia Roberts nen an changdun a, box office lamah pawh beisei a pha chiah lo a ni.

Carey pasalin mi kuah hnem record siam thei lo!

2011-08-26T16:36:00.002+05:30

Miriah Carey pasal Nick Cannon, America's Got Talent host chuan darkar khat chhunga khawvela mi chi hrang hrang kuah hnem ber record siam a tum a, a hlawhchham!

Cannon hian August ni 19 khan tiang hian a tweeter-ah a ziak (tweet) a, "hey NYC! Mi kuah hnem record siam ka tum a nia, lo tel ve rawh u."

Tichuan Inrinni (keini ramah Pathianni a ni tawh) khan New York-a Citi Field-ah Guiness Book of World Record (bamboo dance-a record kan siamna nen khan a record siam tumna hi a thuhmun a nih chu!) a lan tumin, darkar khat chhung chu mi chi hrang hrang a kuah ta mawlh malwh mai a ni.

Darkar khat chhunga mi kuah hnem record singlai chu 1,749 a ni a, he record hi Cannon hian a pha ta lo. Mahse, a record siam tum hi naupang dam lo ten an hlawkpui ve thung a, mi pakhat a kuah zelah Met Care Room, New York Hospital of Queens a naupang dam lo tan toy pakhat an donate zel a ni! Nick Cannon hian mi engzat chiah nge a kuah hman tih kan thu laknain a tarlang tel tlat lo!
n

Nui hiau hiau, Nui tut tut

2011-08-26T16:33:00.002+05:30

A thau lutuk a, a hnar a pil vek.
- 8575186390

Kan awmpui pawh Hei den rial-in a chiah hneh hle a ni ang, 'Oval' a ti reng mai
- 8575187407

Vincy-a hla- 'Ka thisen leh taksa' tih kha a lo hresual pek a, "Ka thisen leh zakkha..." tiin a lo sa ve chiam chiam.
- 9436159317
Anna Hazare hi Mizote chuan kan \an ngei tur a ni; kum 4 vel liam taah khan Mami Varte chuan, "Anna e, phurh zawh loh zuna uai chu..." tih hla a lo sa daih tawh tlat.
- 8974589540

Ninja pawl pakhat pawh kha an camp-a an awm laiin an boss khan a kid pakhat hnenah, "Tui min han suah teh," a ti a, chu ninza chuan a hmai a lo tuam mar lutuk a, "Yet Bot," a ti vel!
- 9862751603

Tunlai hian Japan mithiamte'n TV chi thar, mit-in a huat loh tur chi siamchhuah an tum a, a dangdai awm khawp mai, a lem tel lo, a ri ringawt a ni dawn! Boxing te pawh kan ngaithla \hup \hin dawn ni awm tak a ni. Mit chuan a haw lo ve khawp ang.
- 9612566920

Zu rui pakhat pawh kha an sual mai mai, Nu-i chaw ei min han siam teh, mahse ka ei lo vang, te a ti vel.
- 9862375770

A êng zawngin thlir rawh

2011-08-26T16:32:00.001+05:30

Mithiamte'n an zirchianna a lan danin mi hlim thei leh a êng zawnga thil thlir thiam te'n stroke (thluaka thisen zam chat/block) an nei tlem bik tlat.

University of Michigan-a mithiamte'n hemi chungchang hi an zir a, an hotupa Eric Kim chuan, "A êng zawnga thil thlir \hin chuan a hmalam hunah beiseina neiin, an hriselna pawh an vawng uluk bik a ni," a ti.

He zirchianna hi a êng zawnga khawvel thlir leh stroke inkaihhnawih dan chungchanga zirchianna hmasa ber a ni.

Mithiamte chuan Health and Retirement Study a\angin stroke nei tawh in-report leh psychological data te an lakhawm a, kum hnih chhung an zir hnu-ah thutlukna hi an siam ta a ni.
Optimism (a êng zawnga thil thlir) leh stroke inkaihhnawih theih dan ni-a an sawi erawh a kual ve ang reng viau a, a êng zawnga thil thlir \hinte chuan vitamin ei leh taksa sawizawi te an peih zawk a, ei leh in lamah pawh an insum thei zawk niin an sawi.

He zirchianna chungchang hi Stroke: Journal of the American Heart Association-ah tihchhuah a ni.

2011-08-26T16:21:00.004+05:30

Libya ram hel pawlte’n Col. Muammar Gaddafi tawmkuk leh a hmunpui ber, Tripoli khawpui an luchilh hnu pawhin amah ber hi a awmna chin hriat a la nih lo. A birukna a\anga aw rawn chhuahin, Nilaini (Aug. 24, 2011) khan Al-Ouraba TV kaltlangin Libya khawpui ber mipuite chu zawngho lak a\anga an khua chhanchhuak turin a rawn fuih leh a; a awphawi erawh a hma anga phunglung a ni tawh lo thung.

Kum 42 dawn lai Libya ram lo hruai tawhtu, Col. Muammar Gaddafi laka helte hi Pathianni liamta (Aug. 21, 2011) zan khan Libya ram khawpui Tripoli hi an lut \an a. He khawpui hi harsa taka lak a ngaih an rin laiin, hel pawlte hian lo bei lettu an hmachhawn tlem hle a; Gaddafi tana nunna chan ngam an awm mang ta lo emaw tih mai tur a ni.

Pathianni zan dar 11:30 vela hel pawlte Tripoli laili an luh lai hian mipui tam takin an lo lawm a. Helte chu pick-up truck \hahnem taka rawn inzuiin, hlim taka au chungin an silai van vawrh zawngin an kap a; a pawr zual \henkhat chu, Lukir, lo inring rawh, kan rawn \ham chhuak dawn che,” tiin an au chel chul bawk niin an sawi.

OPERATION MERMAID DAWN: Libya rama inbeihna chungchang ngaihsak vak lo tan chuan? hel pawlte hian an beisei loh takin hnehna hi an chang ta thut emaw tih mai tur a nih laiin, awmze nei taka ralrel chunga Tripoli beihpui hi thlak a ni.

He beihpui, Operation Mermaid Dawn hi Aug. 20, 2011 (Inrinni) a\anga \an tura ruahmanna siam a ni a. Hemi hma hian hel pawlte hian Tripoli khawpui hi khawthlang, chhak leh chhim lamah an hual vek tawh a; Gaddafi hian he khawpui chhunga a \huihruaite bawk innghahna a nei tawh lo tih theih a ni a. Hemi hma bawk hian Mediterranean tuipui kama awm, Tripoli-ah hian lawng hmangin hel pawlte hian ralthuam \hahnem tak an lo chaw lut hmasa tawh bawk.

Tum lawk angin Aug. 20 zan hian Tripoli khawpui chhunga awm, hel pawl thlawptu tam takte chuan an ralthuam dawn thar hmangin Gaddafi pawlte chu an bei \an ta a. Hetianga khawpui chhunga harsatna siamtute hi sorkar sipai lam chuan bei let vatin, inbeihna nasa tak a thleng a. Tripoli-a cheng mipui tam tak, ralthuam nei ve lem lote pawh chuan khawpui chhunga hel pawlte chu puiin, veng hrang hranga kawngpui-ah te chuan Gaddafi sipai-te kal tlang theih loh turin tyre, lung leh thil chi hrang hrang an lo tiang khawm hner hnur bawk a. Veng \henkhata sorkar sipai leh helte nasa taka an inbeih hnu hian helte chuan Tripoli International Airport leh ralthuam dahkhawmna hmunpui an la thei niin an sawi.

A tuk (Aug. 21) khua a lo var chuan Tripoli khawthlang lama awm, Az Zawiyah khawpui a\angin hel pawlte chuan Tripoli lam panin beipui an rawn thlak \an ta bawk a. Tripoli khawpui thlen hmaa khua-te chu awlsam taka la zelin, Tripoli pawh an hnaih nghal ruak ruak a ni. Tlai dar 7:20 velah Tripoli dai an thleng hman tawh a ni.

Hetih lai vek hian tuipui lam a\angin, lawng hmangin hel pawl \hahnem tak chuan hmar lama a\angin Tripoli khawpui chu an rawn luchilh bawk a; khawpui chhunga hel pawl awm mekte chu an rawn pui zui nghal niin an sawi.

Kil tin a\anga beihna an tawh avang hian Gaddafi lam \ang sipaite hi hmun tinah nawr beh tawlh tawlh an ni a; Aug. 22 (Tawh\anni) khan Tripoli khawpui 80% vel chu hel pawl kutah a awm tawh niin sawi a ni.

Aug. 23, 2011 (Thawhlehni) khan Col. Muammar Gaddafi hmunpui, Bab al-Azizia hmun hmu hel pawlte hian an bei \an a; nilenga an inbeih hnu, tlai lamah chuan Gaddafi \anhmun tawpkhawk hi helpawlte hian an la thei ta niin sawi a ni.
Hemi hnu hian Tripoli khawpui hmun hrang hranga Gaddafi lam\ang ruh zual an chambangte nena inbeih a la thleng zel a ni.

GADDAFI LEH A CHHUNGKUA : Hemi thu ziah lai thleng hian Muammar Gaddafi bikbo-na chin hi hriat theih a la ni lo va; tun thleng hian a awmna chin hriat a la ni lo chungin a \huihruaite fuihna thu la chham chhuak tur erawh chuan a dam dam ngei tih erawh a chiang a ni.
Gaddafi fapa pathum, Al-Saadi al-Gaddafi, Khamis Gaddafi leh Abdullah Senussi-te pawh an dinhmun chiah hriat chian an la ni lo bawk a. A fapa zinga hriat hlawh ber, Al-Saadi al-Gaddafi hian Thawhlehni khan journalist-te hmaah thu sawiin, a pa chu Tripoli khawpui chhungah a la awm ngei a ni tih a sawi a; an pathum hian an thih thu hriat a la ni lo.

Kolkata-ah Messi

2011-08-26T16:20:00.002+05:30

September ni 2 hian Kolkata khawpuiah Argentina leh Venezuela an inkhel dawn. He inkhel hi FIFA-in football tihlarnana a ruahmanna a ni a, Messi pawh a inlan dawn.
Kolkata-a an inkhelh hnu hian Argentina team hian Bangladesh an pan leh ang a, Nigeria nen an inkhel ve leh thung dawn a ni.
Argentina tem hi a \ha thei ang ber lo kal tura beisei an ni a, 'Argentina Football Association chuan national squad \ha ber an tirh tur thu an sawi chiang a. Player lokal tur zingah hian Messi leh Carlos Tevez te pawh an tel a ni' tiin Celebrity Management Group hotu Bhaskar Goswami chuan a sawi.
"Contract kan ziak a, kan contract ziahah hian an lo kal ngei tur thu tihchian a ni," a ti.
Argentina squad hian August ni 30 hian Kolkata an lut dawn a, charity programme leh naupang te tan football clinic velah hun an hmang ang a, India ramah hian ni 4 an cham dawn a ni.

Kolkata a\ang hian Dhaka an pan leh ang a, Nigeria nen September 6 hian friendly match an khel leh dawn a ni.

India ramah hian tunhma chuan football hian hmun a luah hle \hin a, kum 1950 leh 1960 khan Asian Games-ah Gold medal an lo la tawh a, mahse, cricket in hmun a luahlanta a ni.
India ram hi khawvel huapa ram lian ber pawl a ni a, marketing zawnga ngaihtuah pawhin hmun \ha leh duhawm a nih avangin Football chawisan leh tihlar tum chu nasa taka buaipui mek a ni.

A hma pawhin Bayern Munich pawhin India ram hi an tlawh tawh a, Blackburn Rovers pawhin tlawh tura ruahmanna an neih laiin an \hulh leh a. Khawchhak ram lama nasa taka premier league pawhin ram lak an tum laiin India rama ram lak hi an tum zual zel dawn nia ngaih a ni bawk.

English Premiere League an |an ta

2011-08-26T16:00:00.003+05:30

Manchester United
chuan a vawi 20-na atan premier league nomawi lak leh an tum a, Community Shield-ah Manchester City an hneh bakah premier league match hnih an khelh chinah an che turu hle.
Pawisa ui hauh lova seng Man City hian 2011 FA Cup an la a, an \henawm Old Trafford-a nomawi lut reng \hin hi an dang thei ang em? A nih leh Chelsea boss naupang leh dahsan tak Andrea Villas-Boas hian Stamford Bridge-ah nomawi a luhpui thei ang em?
Kenny Dalgish chuan Liverpool manager January thlaa a zawm a\angin player lei nan pound million 100 a seng tawh. Chung pawisa zozai chuan Champions Leaque a thlenpui zo ang em?
kai thar - Queen's Park Rangers, Norwich City leh Swansea te hi premier league-ah an inham tang thei ang em? BBC ngaihdan i'n thlirho teh ang.
ARSENAL
Arsenal Gunner manager a nih hnua sawisel a hlawh ber lai hmachhawn mektu Arsene Wenger hian tTrophy la lovin season 6 a hmang ta.
Samir Nasri leh Cesc Fabregas te'n an chhuahsan a, Gervinho leh Alex Oxlade-Chamberlain te an lut thung. Gunner supporter te lunpgawi lohna ber chu 'naktuk' tih fo a ni. Chumi awmzia ber chu heng player naupang rual ho hi nakinah an \ha dawn tihna a nia.
Defence lamah an nawi a, player huhang nei leh game thlak danglam thei an awm lo tih chu critics ho ngaihdan a ni.
Rin dan: 5-na

ASTON VILLA
Aston Villa manager Alex McLeish hi tun season tira manager zinga boruak nei ber a ni mai thei. Birmingham City chu division hniamah a tlakthlakpui a, Aston Villa-ah a insawn a nih kha.
Villa player chhuanvawr Ashley Young chuan Manchester United a pansan a, Stewart Downing pawhin Liverpool a zawmsan bawk. Mahse, player pawimawh tia sawi Charles N'Zogbia chu Wigan a\angin a la lut thung a, Brad Friedel a chan bawk a, mahse, a aiawh turin Shay Given a la lut thung.
Villa hi Darrent Bent lakah an innghat nasa dawn hle a, prmomising player Marc Albrighton an nei bawk a, che chhe lutuk tur chu an ni lo.
Rin dan: 8-na

Blackburn Rovers
Season hmasa khan a tawp lamah che \hain an him chang chang a, Sam Allardyce an ban thut kha an tuar hle a, mahse, Steve Kean a pawh a che chhe lem lo.
An player pawimawh Phil Jones chu Manchester United-in an lei a, Dundee United a\angin David Goodwillie an la lut a, Serb Radosav Petrovic lakah beiseina an nei sang hle.
Defensive giant Chris Samba erawh an la hum thei a, experience player an neih \hatho Ryan Nelsen, David Dunn leh Brett Emerton bakah keeper Paul Robinson te chu an pawimawh viau ang.
Rin dan: 18-na

BOLTON WANDERER
Manager \ha Owen Coyle an nei a, nikum khan season tir lamah an che \ha hle a, mahse, a tawp an kharna lamah an che zuih deuh. FA Cup-ah Stoke 5-0 in an hneh lo a, an game hnuhnung pasarih laiah hneh an ni bawk a, 14 na an ni pha \awk a nih kha.
Nikuma an goal thun thei Chelsea a\anga an hawh Daniel Sturidge chuan a chhuahsan ta a, an top scorer Johan Elmander chuan Galatasaray a chhuahsan bawk.
Tyrone Mears an lalut a, mahse, player talented deuh mai South Korean Lee Chung-Yong erawhin a ke a titliak hlauh.
Gary Cahill chu Arsenal pan tura sawi a ni reng bawk a. Mahse, Bolton hian Kevin Davies an nei tlat a, he pa hi player rintlak lutuk a ni a. Villa a\angin Nigel Reo-Coker an lalut bawk a, Chris Eagle an lalut bawk.
Rin dan: 12-na

CHELSEA
Season thar a ni a, manager thar hnuaiah an khel a. Roman Abramovich chuan kum 33 chauhva upa Andre Villas-Boas chu Porto a chet\hat em vangin a lalut a.
Luka Modric chu lakluh tumin an hel reng a, Fernando Torres leh Didier Drogba te a inkawp fuhtir thei tawh ang? LIverpool a miropui a nih angin Chelsea-ah Torres a che thei lo.
Villas-Boas hian Abramovich duh ber Champions leaque nomawi lak chu a tihtur pui ber nia ngaih a ni a, mahse, player upat lampan Frank Lampard leh John Terry teah an innghat leh lutuk ang em.
Midfield player \ha em em la naupang si Josh McEachran an nei a, Daniel Sturidge a awm bawk a, chumai a ni lo Romelu Lukaku chu Anderlech a\angin an lei thar bawk.
Rin dan: 3-na

EVERTON
Transfer money nei ve ngai lo tia sawi \hin a ni a, David Moyes chu manager dahsan ber pawl a ni. Season hmasa khan dinhmun zahawm tak 7 na an hauh pha. Season kal ta khan Goodison Park-ah Liverpool, Spurs, Manchester City leh Chelsea te chu an tlawm vek.
A pawimawh lai ber chu transfer fund nei thei si lo hian engtia rei nge an kal ang? Manager \ha tak nei mah se player \ha leinan sum a mamawh a ni, chutiang a nih loh chuan top four dinhmun luah ngaihna a awm lo.
An defender chhuanvawr Phil Jagieka chu Arsenal in lei an tum reng a, youngster Jack Rodwell chu player duhawm ber pawl a ni chhova. Hei mai hi a ni lo, teenager Ross Barkley chu player duhawm tak a ni mek bawk.
Rin dan: 7-na

FULHAM
Nikuma an manager Mark Hughes chuan dinhmun \ha takah hlangkai mah se a chhuahsan a, mahse, manager \ha Martin Jol an la lut thei hlauh.
Tottenham manager nireng tawh Jol hi a chhe lo a, kuminah pawh an che chhe lutuk lo tura ngaih a ni. Chutih rualin an innghahna chu Brede hegeland leh Danny Murphy an la ni lo thei lo.
Fulham hi an chet chhiat a rinawm lem lo a, mahse, Europa khel tur an ni a, hei hian EPL-a an dinhmun a siam chhe thei deuh ang em, tih mai a ni.
Rin dan: 11-na

LIVERPOOL
Kenny Dalgish manager atan an la thar a, Jordan Henderson, Charlie Adam, Stewart Downing, Andy Carroll leh Luis Suarez te man chu pound million 100 chuang a ni.
Dalgish chu Liverpool siamthar leh thei tura an ngaih a ni a, player leithar an neih zingah Suarez chu fakhlawh berte zinga mi a ni,
An player lak tharte hi \ha tak tak vek an ni a, attacking lamah option an ngah ta deuh bawk. Steven Gerrard an la nei cheu a, Carragher lah a la tar lo.
Liverpool neitu John W. Henry chuan top four dinhmuna inhlankai ngei ngei a duh a, Dalgish hian a hlangkai thei ngei tura rin a ni bawk.
Liverpool hi an hlauhawm thei viau a, chutiang a nih chuan Arsenal leh Spurs te nen palina dinhmun an inchuh viau dawn niin a lang.
Rin dan: 4-na

MANCHESTER CITY
FA Cup an la a, kum 35 chhung trophy la lova an awm chu thaireh a ni ta. Champions leaque an khel dawn bawk. Carlos Tevez chungchanga buaina neuh neuh a awm tih mai loh chu thawm duhawm lo an nei lo tiin a sawi theih ang.
Sergio Aguero an lei a, a chhe lo tih hriatsa a ni. Aguero a che \ha nghal a, Boss Roberto Mancini chuan Arsenal a\angin Samir Nasri a lalut leh bawk a, player zawnga teh chuan he City hi an turu khawp mai.
Player \ha chungchuang David Silva an nei bawk a, khawi department-ah mah chhiatna tak tak an nei lo tih mai tur khawpin an player te hi an \ha a ni.
Rin dan: 2-na

MANCHESTER UNITED
Manchester United chu champion ngun ber niin \um 19 an champion ta. Kumina an champion leh ngat chuan \um 20-na a ni mai dawn a, record an siam belh zel dawn tihna a ni.
Edwin van der sar a chawl ta a, Gary Neville pawhin a boot a khai ta a, Paul Scholes a chawl ta bawk. Mahse, tichung chuan team ropui an nihna chu laksak theih a ni chuang lo.
David De Gea chu lak thar a ni a, ani bakah Phil Jones leh Ashley Young te lakthar an ni bawk. Chumai a ni lo, Wayne Rooney a awm a, Javier Hernandez a awm bawk a, Nani lakah a game a puitling tial tial bawk.
Sir Alex chuan Tom Cleverley leh Danny Welbeck a kokir a, duhthusamin an che \ha nghal zui.
Tun hnaiah Tottenham chu Man Utd naupang rualin 3-0 in an sawp leh zui a, hei hian United siamthar rual ho turu zia a pholang nghal.
Rin dan: 1-na

NEWCASTLE UNITED
Andy Carrol an hralh a, Kevin Nolan pawhin West Ham a zawmsan bawk. Mahse, manager Alan Pardew hi mifing a ni a, Demba Ba la lutin ani hi game tidanglam the khaw a ni thung.
Cheik Tiote an nei a, Hatem Ben-Arfa leh Sylvain Marveaux an nei bawk. Joey Barton pawhin club dang a la zawmsan chuang lo.
Gabriel Obertan chu Man Utd a\angin an lei a, che \ha lutuk tura beisei tur anni lova, mahse, relegate em tura ngaih chi erawh an ni lo.
Rin dan: 15-na

NORWICH CITY
Manager Paul Lambert hi Norwich City ho idol a ni a, Norfolk club hi premier league-a a champ pui theih phawt chuan a dinhmun chu sawhsawn theih loh khawp a ni tawh mai thei.
Norwich innghahna tur chu Grant Holt leh Wes Hoolahan an ni a, Everton leh Millwall a\angin James Vaughan leh Steve Morison an lalut bawk a. Spurs defender Hyle Naughton chu loan-in an lalut bawk.
Rin dan: 17-na

QUEENS PARK RANGERS
QPR hian manager Neil Warnock an nei. Ani hi team promotion lamah chuan mikhual lo berte zinga mi a ni.
Player \ha deuh mai Adel Taraabt an nei a, Loftus Road hming timawitu a ni. PSG lama kal tura tlangthang hman a ni a, mahse, QPR-ah a cham rih dawn niin a lang a, hei hi QPR tan chuan chanchin mawi a ni.
Striker hlauhawm tak pahnih DJ Campbel leh Jay Bothroyd an nei a, West Ham a\angin Kieron Dyer a la lut bawk a. Club fund ngah lo tak an nih avangin an inham tan theih erawh beiseiawm a ni.
Rin dan: 16-na

STOKE CITY
Team dangdai tak mai an ni. Season kal ta khan 13-na niin FA Cup final an khel bawk a, an manager Tony Pulis hi a nep lo.
Jermaine Pennant leh Mathew Etherington an nei a, striker pasang Kenwyne jones leh Jon Walter te hi hlauhawm tak ve ve an ni.
Inhliamin a tlakbuak Jonathan Woodgate an nei a, inhliam lova a khel tluan thei a nih chuan Stoke City chuan an \angkaipui ber tur pakhat a ni.
Big match-ah an che \ha thei hle a, an dahhniam theih lohva, tun season-ah pawh an che chhe lo mai thei.
Rin dan: 9-na

SUNDERLAND
Season kalta khan an player pawimawh Darrent Bent chu 24 million pound in Villa-ah loh theih lohvin an hralh a. Kuminah lah a midfield tiphuisuitu ber Jordan Henderson chuan Liverpool a awmsan bawk. Nikum khan 10-na a nihpui thei a, kuminah hian engtak ang maw?
Wes Brown leh John O'Shea chu Man Utd a\angin a lei a, Ipswich Town a\angin striker duhawm Connor Wickham chu 9 million pound-in a lei bawk. Midfield-ah Seb Larsson leh Craig Gardner a nei a, Blackpool a\anga a lei David Vaughan a awm bawk.
Rin dan: 10-na

SWANSEA CITY
Manager Brendan Roger hi management lamah chuan beiseiawm ber pawl nia ngaih a ni. Swansea ho tun dinhmuna hruai thlengtu pawh hi a ni. Jose Mourinho zuitu a ni a, 1983 hnua division sang a thlenpui leh ta a ni.
Watford a\angin 3.5 million pound in Danny Graham an lei a, hei bakah hian Wayne Routledge an nei bawk a, hei bakah hian Leroy Lita chu Middlesborough a\angin pound million 1.7-in an lei bawk.
Swansea hi Wales club zinga premier league khelh hmasa ber an ni.
Rin dan: 19-na

TOTTENHAM HOTSPUR
Season kal ta khan AC Milan leh Inter Milan an hneh a, top four dinhmun thleng thei tura ngaih an nih laiin season tawp lamah an che chhe ta a ni.
Manager ropui Harry Redknapp an nei a, chairman Daniel Levy a phur bawk a, Luka Modric an chelh din theih leh theih loh turin awmzia a nei viau thung ang.
Spurs tan chuan Modric chu player pawimawh ber a ni a, Chelsea lamin lak tumin an hel reng thung. Mahse, Rafael Van Der Vaart an nei thung. Churih rualin Modric cham leh cham lohvin Spurs chet \hat leh \hat loh chu a hril viau ang.
Rin dan: 6th

WEST BROMWICH ALBION
Hawthorns tan chuan Roy Hodgson chu manager duhthusam a ni. Liverpool-in an ban a, Roberto di Matteo thlak turin an lalut nghal a, mahse, an tisual lo.
Ben Fostor a lalut nghal a, Chris Brunt contract thar a ziahpui bawk a, chu mai ni lovin Peter Odemwingie chuan a la cham zel tur thu a tichiang bawk. Reading a\anga a lei Shane Long che vel chu a hmuhnawm hle a, Hawthorns ho attacking tichaktu a ni.
Liverpool-ah che ropui lo mah se West Brom tan erawh mi ropui a tling nghal a, Hodgson hi experience manager a ni a, an che chhe em em lo tawp ang.
Rin dan: 13-na

WIGAN ATHLETIC
Manager Roberto Martinez chuan Aston Villa sawmna a hnawl ngam tlat! Mahse, loh theih lohin a player \ha ber Charles N'Zogbia chu a hralh.
Season kal taa a player pawimawh Tom Cleverley chu Man Utd- in an kokir tawh bawk si. Talented midfielder James McCarthy chu an innghahna pakhat tur a ni a, Hugo Rodallega pawh an player pawimawh tur a ni.
Rin dan: 20-na

WOLVERHAMPTON WANDERERS
Season kal ta khan Stephen Hunt goal vangin an cham thei a, Mick McCarthy hnuaiah dinhmun sang zawk an beisei.
Chairman Steve Morgan chuan McCarthy chu pound million 12 player thar leinan a pe. Jamie O'Hare chu a la nghet a, Birmingham City a\angin Roger Johnson chu 7 million pound a a lei kha a tifuh ang em.
Steven Fletcher a la nei a, Kevin Doyle pawh a la awm a, Hunt leh Matt Jarvis te pawimawhna pawh sawi hmaih chi a ni lo.
Rin dan: 14-na

Kim-i'n khiang a awi ta e

2011-08-26T15:56:00.003+05:30

Kim Kardashian leh Kris
Humpries te chu official takin nupa an ni ta!
Kim leh Kris te hian Montecito, California-ah August ni 20 khan an chhungkhat leh \hian hnai mi 440 te hmaah inneih thutiam te an chhan ta a ni.
Inneih thlaklak hi tihchhuah a la ni lo a, mahse, an inchei dan vel erawh media lamin an tarlang thei. Kum 30 mi Kim-i'n Vera Wang gown a ha a, a pasal ni ta Kris-a, kum 26 miin Ermenegildo Zegna kutchhuak peak lapel tuxedo jacket leh tuxedo pant dum te an ha.
Moneitu \hiante pawhin Ermenegildo Zegna kutchhuak suit dum an ha \hap a, mo \hian, Kim-i naute pawhin Vera Wang gown an ha vek bawk a ni awm e.
Inneihnaah hian milar tak tak an tel nual a, chung zingah chuan- Ryan Seacrest, Lindsay Lohan, Dina leh Ali Lohan, Avril Lavigne, Melanie “Mel B” Brown, Venus leh Serena Williams, Kathie Lee Gifford, Cheryl Burke leh Mark Ballas, Babyface, Demi Lovato, designer Vera Wang, Brody Jenner, leh Sugar Ray Leonard te pawh an tel.
He inneihna hi E! channel chuan October ni 9 leh ni 10 hian special part hnihin a tichhuak dawn a 'Kim's Fairytale Wedding: A Kardashian Event' tih a ni ang.
Kim Kardashian leh Kris Humpries, New Jersey Nets star te hi December 2010 khan intawngin, an inkar a kaltluang viau a, dollar maktaduai 2 hman inhualna zungbun pein Kris hian 'Min nei duh ang em?" tia a sawm hnuah tun hi an thleng ta a ni.
Kris Humpries hi feet 6 leh inches 9 zeta sang a ni a, feet 5 leh inches 2.5 a sang Kim Kardashian nen hian insan hleih ve tak chu an ni!

Black Sabbath reunion!

2011-08-26T15:55:00.003+05:30

Black Sabbath original
member te chu an tour ho tei leh dawn ta!
An indin a\anga kum 42 hnuah heavy metal legend Black Sabbath chu Ozzy Osbourne hoin an che chhuak leh thei dawn ta.
Ozzy hian Black Sabath original line-up te nen album thar an buaipui mek niin London chhuak chanchinbu The Sun chuan a tarlang a, member te hi kum 60 chunglam \hiau an ni tawh. Album an puitlin hunah tour an tum niin an sawi nghe nghe.
An guitarist Tony Iommi, kum 63, chuan album thar leh tour chungchang hi a sawi chhuat niin The Sun chuan an tarlang a, bassist Geezer Butler, kum 62 leh drummer Bill Ward, kum 63,leh Ozzy, kum 62 te nena an reunion thu hi a sawi chhuak a ni.

Kate Winslet-i'n anti-cosmetic surgery group din

2011-08-26T15:54:00.006+05:30

Kate Winslet leh a Hol
lywood \hiante Emma Thompson leh Rachel Weisz te chuan Hollywood-a cosmetic surgery (plastic surgery) an ti nasa lutuk chu \ha an tih loh thu tlangaupuiin, cosmetic surgery duh lo pawl an din.
Winslet chuan engti kawng maha a taksa lan dan tihmawi tuma cosmetic surgery tih a tum loh thu sawiin, a \hiante nen hian group pakhat 'British Anti-Cosmetic Surgery League' an din ta a ni. Winslet chuan, "Cosmetic surgery hi ka chhia leh \ha hriatnain a duh ngang lo, kan pian phung leh nih danah ka lung a awi a, natural beauty hi ka ngaisang a ni," a ti.
Titanic changtunu chuan, "Actress ka ni a, mahse, ka hmai vun chuar tur te pawh mar ka tum lo. Ka lanmawi dan tur ngaihtuaha ka taksa tihdanglam ka tum. Hetiang thil hian \halaite rilru a huaikawi zo tawh. Tunah chuan kum 60 mi pawhin kum 30 mi anga lan kan tum \alh tawh a ni," a ti.

Tunge King of Hip - Hop ?

2011-08-26T15:53:00.002+05:30

Kanye West, Eminem,
Lil Wayne leh Jay-Z, tu ber hi nge 'King of Hip-Hop' chu ni ta ang? Mahni tawka \ha bera inngai vek te zinga a \ha ber thlan chu huphurhawm ve tak tur a ni, mahse, khawvela rimawi lam ziahna magazine hriathlawh tak Rolling Stone chuan 'King of Hip-Hop' an thlang ta tlat mai.
Weezy leh Dizzy Drake ten kar tin deuh thaw hla hit an nei thei emaw tih tur a ni a, chutihrualin Jay-Z lah chu sawi loha leng a ni, Kanye West nena a album thar Warch the Throne phei chuan fak a hlawh mawlh mawlh hle.
Rolling Stone chuan kum 2009 leh 2011 inkara an album hralh tam dan te, R&B, hip-hop leh rap chart ranking hrang hrang bakah YouTube video hit, social media, concert a\anga an sum lakluh leh award an dawn te bakah critic lamin an thlir dan te tehna a hmangin 'King of Hip-Hop' atan Mr Marshall Mathers, Eminem ti a kan hriatlar chu an thlang ta tlat mai.
Eminem hian 2009 leh 2011 inkarah album copy maktaduai 7.5 a hralh a, YouTube view pawh vawi tluklehdingawn 1.3 a nei a, social media-ah nise Facebook-ah like-tu maktaduai 44 neiin Twitter follower maktaduai 5 a nei bawk. Rapper dang hian an khang ngang lo a ni.
Rolling Stone chuan, "All-time greatest kan zawng lova, tunlaia lar ber leh ropui ber kan zawng mai a ni," tiin 2009 hnulam chauh tehna atana an hman chhan an sawi a, mahse, 2009 hmalam pawh telh se tu nge Eminem hi an el pha reng reng ang le!
Rolling Stone-in rapper \ha zual mi 20 an tralan zingah Top 10-ah hmeichhe pakhat a lang ve a, chu chu No.6 Nicki Minaj a ni!
n

C Pahlira kha

2011-08-26T15:52:00.001+05:30

Mite chuan mi ropui leh chhuanawm niin an hria a, amah ka hmuh dan leh mi hriat dan a inan leh an loh chu thuhran ni se, amah hi ka kawm ve tawh tih sawi ka chak tlat. Chu chu a sulhnu chauh hmuh tur a awm tawh hnua a taksa ka thlah vena ni rawh se.
Tunge ka nih a hre lo a, tlai hnih a titi ngaithlaa a ina kal bak chu hmun danga kan inhmuh pawhin
ka be lem lo. Ka thiam loh liau liau a ni, sawi zui lo ang. Mahse, amah ka hriat reng nana thu tlem tal ziah ve erawh bain ka inhria.
A thih thu ka hriat khan, ka hmuh dan sawi ve dawn ila, 'eng tin nge ka sawi ang?' tih ka ngaihtuahnaah a lo lut a; 'genius' tih tur a nih ka'n ring phawt a. Ka ngaihtuah zui a, "Mi hlawhchham a ni em?" tih a lo lut leh. 'Mi hlawhchham' han ti dawn ila, Zofate'n kan hriatrengna tur chu a sulhnu, a hnathawh chu a ni si.
Keia ngaihah chuan mi hlawhchham tih hian amah a tinep pha lo a, a chhungte leh amah lainattute tan chuan a lawmawm lo mai ang em aw, ka ti deuh. Tichuan, 'dreamer' tih te ka'n tum chhin a; chu pawh chu college ka kal laia college week motto atana "dare to dream" leh "follow your dream" tihte kan hotute'n an hman mawi ka tih em avanga ka ngaihtuah chhuah a ni. Mahse, chutiang \awngkamte pawh chu a hmangtu azirin \awngkam mawi a ni lo ve thei tho awm e. Engpawhnise, mihring - hmathlir thui tak nei chu niin ka hria. Hmathlir chu suangtuahna khawvela innghat ni maiin ka hria a, sapho chuan a taka thleng si lo thil ropui taka suangtuah chungchangah hian "castle in the air" tih \awngkamte pawh an nei ni awm tak a ni.
Pahlira khan hmathlir a nei a, chu a hmathlir tihhlawhtling tur chuan ruahmanna a nei a, tihhlawhtlin tumin a penchhuak bawk. Mi chuan ruahmanna an siam dawnin, tunlai \awng takin research an nei a, data an lakhawm \hin. Pahlira chuan hmathlir a nei a, suangtuahna/dream a nei bawk a, chumi tihhlawhtling tura a 'resource' pui ber chu rilru huaisenna a niin ka hria. A 'resource' leh Mizona chu \hen hran theih niin ka hre lo bawk. Hmathlir, suangtuahna leh huaisennate chu ruahmanna siam tura thiamna a neih chhun nen pawh a khaikhin theih ang. Chu thil pathum hmang chuan Mizoram awm dan tur ruahmanna a siam a, chu ruahmanna chu kum zabi chanve zet a liam hnuah Mizorama khawpui lian deuh leh pawimawh zualte innghahna chu a la ni reng.
Ruahmanna siam dan chu university zawng zawng deuhthaw a\angin a zirchhuah theih a, Pahlira thiamna neihte chu khawi university mahin zirtir chhuah an intiam thei lo a, a 'resource' pawh khawvelin pek ngei a intiam thei lo. Miin eng tin tin emaw experience a\angtea an hmuchhuak a nih ngawt loh chuan. Engpawhnise, thiamna sang zawk, data leh resource \ha zawk nena tunhnua ruahmanna siam lehte aiin Pu C Pahlira ruahmannate chu Mizoram hian a la \angkaipui zawk ti ila duhthawh lutuk kan ni lo ang. Ruahmanna awmze nei siam tur hian university leh khawvelin a pek mai theih loh thil \ul tak a awm tihna pawh a ni mahna.
Aizawl khawpui hi ruahmanna \ha tak awm ni se a hlawk dan tur ka ngaihtuahnaah a awm fo a, kum tin leimin vanga chhiatna thleng a tlem zawk ang tih chu thudik chiang sa a ni. 'Disaster management' lama sorkar senso tlahniam tur chu thuhran ni se, ni thum ni li ruah a sur buan buan chang pawha thlamuang taka awm theihna tur kha a ni hlu ber tur nia lang chu. Chutiang chu ni se kei chuan Aizawl khawpui hi tourist hiptu \ha tak a nih nghal mai ka ring. Mahse, Aizawl khawpui hi 'tourist hiptu' ni se ka tih ngawih ngawih pawh ka hre chuang lo, thil pakhat erawh chu a mi chengte hi tun aiin an hrisel zawk ang, an hmel\hat hlawm hle na a, tun aiin an hmel\hat ka ring tlat bawk. Lirthei a tlo ang a, 'fuel' an hmang tlem ang a, boruak a thianghlim zawk ang. Ke-a kal a hahdam zawk ang a, hmun \henkhatah chuan thirsakawr pawh a hman theih hial ang. Sum leh pai zawng pawhin chu chu thil awmze nei leh hlu tak a nih ka ring. Khawpuia 'public transport' \ha lo hian economy thui tak a nghawngin ka'n hre ve ngawt a!
Heng thilte hi kei chuan 'informal'-a 'information' tam tak ka dawn hnua ka ngaihtuahnaa lo awm a ni a, chuti chung pawhin chance nei ta ila, hma ka la ang em aw? Chu mai a ni lo, ka lo ngaihtuah dante hi thudik niin \an tur ni se ka \an ngamin ka peih tak tak ang em? Chutiang vel chu ka ngaihtuahnaah a la awm tho. Pu Pahlira chuan khawpui \ha tak awhna rilru a nei a, mahse, ka dawn ang information chu a dawng lo. Chuti chung chuan ani chu huai tak leh rilru nghet tak puin a pen chhuak a ni.
Min hrilh dan chuan Aizawl khawpui tana ruahmanna a siam khan mi nuai nga len hal halna tur a ni. Chhim lamah Melriat, hmar lamah Sihphir, chhak lamah Tuirial, thlang lamah Sairang. Inkalpawhna kawng awm dan turte pawh a riruat a, ngaih pawimawh hmasak \ul nia a hriatna laiahte chuan kawngte pawh a zawng. A kawng zawnte chuan a hmathlir hmuhthiampui ve lote zah leh ngaih pawimawh a hlawh lem lo a ni ang, a \hen chu a ping leh a, a \hen tihhlawhtlin lohvin a thamral a, a thei theiin an nek bawk a ni ber. Chuti chung chuan kum 50 zet a liam hnu-ah pawh Aizawl khawpui tan chuan 'nerve' pawimawh ber pakhat a la ni hlawm.
Aizawl khawpuia mi nuai nga vel an khawsak dan tur a mitthla lai a\anga kum 50 zet a liam hnuah pawh Aizawl khawpui chu sawi loh a district pumah mi nuai nga an la awm lo thung. Chu chu thil atthlak mai a ni em? A lo nih chuan C Pahlira hi a lo fing hle ang tih a hlauhawm awm mang e. Mahse, a mitthla ni lo, a taka a thawh chin hian Aizawl khawpui chu a dawl tawh lo a, chu pawh thuneitute zingah C Pahlira hmuh chen hmu an awm loh vang ti ila a sual lo ang. Chuti ni lo se a tira kawngpui zauhna tur feet 15 an ruahmante tal chu a him ang a, Aizawl khawpui hian traffic jam vang harsatna leh buaina a tawh mek hi a tawk kher lo tur.
Suangtuahna leh hmathlir \ha tak awm mah se a tihhlawhtlin chu thil awlai a ni lo. Mi tam tak ang chu ni se Pu Pahlira suangtuahna pawh hmalak ngaihna awm lovin leh engmah chhui tur awm lovin a thamral vek ang. Mizoram inrelbawlna naupang tak chuan record mumal takin a vawng lo a, ani- office hnathawh dan phunga experience chhuan awm tak nei pawh ni bik lo chuan record a nei bik lo.
Mahse, a suangtuahna leh a hnathawh tihhlawh tlinna tur sum sorkar a\angin beisei tur a awm lo tih chuan a tibeidawng ve lo a, kut kuangkuahin a awmtir hek lo.
Ram an sem a, a kawng tur an ruahman bawk a. Chu ram sem feet 100X60 chu kawngin a pawh a ngai a. Ram neitu chuan jeep kal theihin ama kawng tur a sial tur a ni. A ram thleng kawng a sial hnu-ah district council sorkar chuan 'pass' siamsakin a lo pe chauh \hin. Sorkar sum bawm a hranpaa sawk hek lovin kawng engemaw zat chu sial zawh a ni ta hial mai. Mahse, harsatna dang a la awm ta cheu; ruam leh kawrin kalkawng a dangchat a, inkalpawh mumal theih lohna hmun a awm nual. Sorkar a\angin chung ruam leh kawr chunga lei (bridge) dawhna tur sum chu beisei ngaihna a awm si lo. Lei tel lo chuan kalkawng hi kalkawng a tling lo a, chutah pawh thing dawh kai ringawt ni lo, hautak zawka siam te a la ngai leh ta nghal. Kawng siala ram neitute hnenah chuan 'cheng 50 zel rawn thawh rawh ule' an ti ta ringawt mai. Anni pawhin phunnawi lovin an thehkhawm liam liam ve mai bawk. Mahse, sorkar sum bawmah erawh an thehlut phal lo.
"Sorkar sum chu hman leh dawnin dan zawm tur tam tak a lo awm a, a buaithlak," tiin thlirlawktu C Pahlira chuan a sawi. District council-a an head clerk hnenah an pekhawm a, ani'n him takin a lo vawng a, chu chu ruam leh kawra inkalpawhna tur siam nan an hmang ta a ni.
Pu Pahlira'n Aizawl a ruahman lai kha chuan Aizawl chawhmeh zawrhna hmunpui ber ni ta New Market chu 'Sakawrpu Lane' tih a ni a, Assam Rifles sakawrpute an awm \hin. Aizawl khawpui hian chawhmeh zawrhna hmunpui a neih \ulin a hria a; Delhi khuan Aizawla sipai ram zau tak mai chu a ngai pawimawh lua lo niin Pahlira chuan a hre bawk a, Aizawla Assam Rifles commandant a dawr ta a ni:
"Sakawrpu lane hi in sawnchhuak tur a ni. Sipaiah lal ber i ni a, kei civil-ah ka thu ber bawk. Keini pahnih kan inrem chuan a tawk mai," tiin.
Sipai lal pawh chuan a lo 'aw' ve mai bawk. Assam Rifles-te chuan tuna New Market-a an sakawrpuho chu Babaji Veng lamah an sawn thla ta a, sakawr inte chu chawhmeh zawrhna tura chei a lo ni ta a ni. New Market hmun tur pawh tun aia zau fe-a ruahman a ni nain a hnua " mi thiltitheite'n" an hlep tam deuh ni awm tak a ni. Thakthing khamah pawh bazar in ropui tak sak turin ruahmanna siam a ni a, mahse, ruahmanna chu a piangchhuak zo lo, mimal in a ding zawk fur bawk.
Shivaji Tilla leh Khatla kawnte pawh sipai ram vek a ni a, mahse, ziak pawh ni lo \awngkain an va dawr a, sipai chuan civil tan an lo pe ta a ni.
Hetih lai hian Venghnuai field a\anga kawngpui rawn kala, Republic Veng-a rawn phei, Venghlui tan tlanga Babaji Venga kal zel a, Lammual hnuaia kal zel, Modern English School bul kawng kawi lai taka chhuak tur pawh tun thlengin a la tlang lo a; tlak lampang kawngpui, CP Road tia vantlangin a sawi mai, Khatla kawna chhuak tur pawh Assam Rifles lamin an hnawh ping leh tawh bawk.
Aizawl khawpui tan chauh ni lo Lunglei, Champhai, Kolasib, Serchhip leh Vairengte tante pawh C Pahlira chuan ruahmanna a siam a, Lunglei, Kolasib leh Serchhipahte chuan hma pawh a la hman nghe nghe. Mahse, ram buaiin a nang a, zinchhuah a harsat avangin a chhunzawm thei ta lo a ni. A zinchhuah theih loh avangin Aizawl khawpuiah a insawrbing theih phah ta thung.
Pu Pahlira chuan Mizoram mihring zawng zawng khawpui nuam taka cheng vek turin a duh a, a duhthusamah chuan khaw 700 vel chu khaw 10 vela chen khawm hi a ni. Chu erawh chu a beisei ngam bik lo a, khaw 100 vela insawikhawm theih erawh a beisei.
Hengte hi C Pahlira thil tih tlem azawng chu a ni a; ka ngaihtuahnaa awm fo erawh chu engatinge a hun lai khan khati taka 'urbanisation' a lo tuipui tih hi a ni. Sawi awm lo a ni emaw, tunlaia 'urban
history' an tih ang chite hi a zir chu sawi loh a hre hman pawn ka ring lem lo! 'Mizo a dah ropui lutuk hi hetiang ngaihtuahna, suangtuahna leh hmathlir neihtir a, hnathawhtirtu a ni thei ang em aw?' tiin ka ngaihtuah \hin.
A Mizona leh hnam rilru chu midang \awngkam a\angin ka hre \hin. Kei chuan Aizawl khawpui ruahman chungchanga a titi ngaithla turin ka va pan kha a ni a, politics pawh a sawi kai. Mahse, zep nak emaw ngaihthlak chin ka nei alawm. MNF-in Zoram independence an sual laia India hnuaia Mizote awm rih \ha ti zawktu Mizo Union hruaitu, Mizote chu independent awm tak ni mah ila thil harsa a nih dawn avangin India hnuaiah awm rih ila, chuta dinhmun \ha taka awm chu a hahdamin a finthlak a, independence sual chu thil atthlak leh awmze nei lo leh \ul ber a ni lo tih ngaihdan nei ni turah ka lo ngai a ni. Chuvang chuan politics chungchanga a titi chu ka chhinchhiah tlem a, sawichhawn tur pawh ka nei ve meuh lo.
Amah kawm nasate chuan Zohnahthlak insuihkhawm hi a beisei tlat thu an sawi \hin a, a rin loh zawngin politics her mah se a duhthusam her chhuahpui tura hun \ha zawk a lo thlen leh a beisei niin an sawi. Zoram independence hi hmuh phak chak tih an sawi pawh ka hre \hin.
Engpawhnise, a suangtuah leh beisei, tihhlawhtlin tuma hma pawh a lo lak tawh 'urban state Mizoram' chu a la hla viau a, khawpui nuam tak din a tum chu thil ho ang reng tak, 'traffic' vangin a buai ta a ni ber e. Chutiang bawkin 'independent Zoram' leh 're-unified Zohnahthlak' hmel pawh a la lang lo a, India sorkar hausakna inchuhin unau kan inmelh hrek hrek chu a nih hi. Thil pakhat ka la sawi leh hram duh chu- a suangtuahna leh duhna lian tak, tlahniam ve mai mai ngai lo chuan a rinawmna leh dik nia a hriatna a hruaisual mai mai lo ni-a ka rin thu hi a ni.

MIZO LUNGPHUN HLUI TE HI

2011-08-26T15:51:00.005+05:30

Tunhnaiah Mizoram
khawchhak lama Vangchhia khaw daia hmanlai lungphun tam tak awmkhawmna ‘Kawtchhuah Ropui’ an tih mai chu Archaeological Survey of India (ASI) te’n hmun pawimawh leh humhalh ngai (Site of National Importance) atan a puang a. A lawmawm hle a ni. Heng bakah hian Mizoram sorkar pawhin 2001 khan ‘The Mizoram Ancient Monuments and Archaeological sites and Remains Act, 2001’ chu a lo pass tawh a, chumi hmang chuan ‘The Mizoram Ancient Monuments and Archaeological Sites and Remains rules, 2003’ chu hman a ni ta. He Rules hmang hian Mizoram chhunga hmanlai thil hlui leh historical places engemaw zat chu humhalh a ni ta a ni.
Tunhnaiah Archaeological Survey of India (ASI) te’n Vangchhia-a lungphun an humhalh tur pawh hi thil lawmawm tak leh Mizo history-a thil thleng pawimawh tak a ni. Vangchhia Lungphun chungchang hi Vanglaini, 13.8.2011-a chhuakah Pu B. Lalthangliana’n bengvarthlak takin a rawn ziak tawh a. Hmanlai Lungphunte hi Mizote kuthnu a nih leh nih lo chungchanga a ngaihdan te a rawn ziak a. Tlema lungphun danglam deuh hlek te chu hnam ang kuthnu nia kan ngai lat \inte chu pawm har a tih thu te pawh a rawn ziak a. Entirnan, East Lungar khaw bula ‘Lungvando’ chu Mizo lungphun pangngai ang a nih loh avanga hnam dang kutchhuak a nih rin tlatna te hi a awm ve bawk a. Chutiang ngaihdan chu Mizote zingah hian tun thlengin a la awm. Tin, Mizo ni lo, hnam dang kutchhuak pawh a ni thei tho bawk.
Lungphun chungchang hi tlem han tarlang ta ila. Lungphun culture (megalithic culture) hi khawvel ram dang chu sawi loh, kan chhehvela hnam dangte – Khasi, Naga etc. te hian an ching hle a, an hnam nunphungah pawimawhna a nei nasa hle a ni. Keini Mizote ai mah hian Khasi-ho chuan an nunphungah awmzia an neihtir nasa a, an uar hle. Hriatrengna lungphun piah lamah an chhungte thi tawh ruh dahna atan te leh thil dang atan an hmang \hin.
Archaeology-ah hian zirna peng hrang hrang zingah megaliths lam hi tunlaia langsar pawl tak a ni a. ‘Megaliths’ tih hi Greek tawng ‘mega’ leh ‘lithos’ atanga lak a ni a. Mega tih chu ‘lian(large)’ tih a ni a, lithos hi ‘lung’ (stone)’tihna a ni. Tichuan, megaliths tih chu lungphun lian sawina a ni a, a huhova lungphun emaw phun tlar tuarh ang hi megaliths tih hian a hawi mah zawk a, a mal din (single upright stone) hi ‘monolith’ ti a sawi a ni thung.
Engpawhnise, Vangchhia leh Lianpui leh hmun danga Mizo lungphun awmte hi a danglamna chu milem inziak te hi a pawngchhuaka ziak an ni hi a ni. Mizo lungphunte hi chi thumin an \hen a, chungte chu- engmah inziak lo (plain monument), a pawnga inziak (engraving of figures in high relief or embossing) leh thuk taka ker (engraving of figures). Heng zingah hian a pawng chhuaka ziak hi a har ber a, a ‘skill’ pawh a sang ber. Mizo lungphun (Megaliths) chungchanga research ti a kan zinkual velnaah pawh hetiang ang lungphuna milem a pawnga inziak hi a tam lo hle a, Zoram hmun hrang hrangah hian chhiar tham lek a awm. Heng lungphun a milem inziak hrang hrangte hian hmanlai kan pipute themthiam zia a tarlang a; tin, kan history chhuina atan thil tangkai tak (archaeological sources) an nih bawk avangin an hlu a, humhalh an ngai em em a ni. Hemi chungchangah hian sawi tur tam tak a awm thei awm e.
Megaliths (lungphun) hi khawvel hmun hrang hrangah hmuh tur a awm a, India hmarchhakah pawh hiana bikin Meghalaya ah hian a tam leh zual. Lungphun te hi chi hrang hrang a awm leh a, chung zinga thenkhatte chu han tarlang leh thuak thuak ila –
a) Menhir – lung phun pangngai/ a tung, hei hi lung mal din a kawk deuh
b) Alignment- hei hi a huho/a intlara lungphun sawina a ni.
c) Stonehenge – a kuala lungphun
d) Dolmen (table stone/stone seats) –a bawk a phun
e) Cairns – lung chhun pawn (stone heaps)
Heng bakah hian phun dan chi hrang hrang a tam hle a, sawi vek sen pawh a ni awm love. Heng zinga Mizorama kan neih te han tarlang ila –
a) Menhir – hei hi chu Mizo lungphun pangngai hi a ni a, a tung chho a phun ho hi a ni. Mizorama lungphun tam ber hi ‘Menhir’ a ni.
b) Alignment – Lung phun tlar hi a ni a. Hmanlaiin pasaltha te hriatrengnan lung an phu tlar thin a, chung chu ‘Hranglungphun’ an ti. Tin Mizoram hmarchhaka Lungphunlian pawh khi a piah deuhah khian a khat tawkin an inphun tlar hlawm bawk a. Hetianga lung phun tlar hi Alignment chu a ni.
c) Dolmen – hei hi a bawk/tlu a phun a ni a, a hnuaiah kamtu a awm thin. Mizoramah chuan Champhai Zote tlanga ‘Sikpui Lung’ ang hi a ni. A phek zawngin leiah an phah a, a hnuaiah lungthu pathum in an kam kang a ni. Hetiang hi khawvel hmun dangah pawh hmuh tur tamtak a awm a, amaherawhchu an phun chhan (ideology) erawh a danglam thung.
d) Cairns (kians ti a lam tur) – hei hi lung chhun pawn a ni a, a chung lamah a zuih ral thin. Mizoramah chuan Mara hnam hovin an lal hriatrengnan a an phun thin ‘Pura’ ang hi a ni awm e. Pyramid ang hian a hnuai lama a arh a, a chung lamah a zuih ral thin a ni.
Hetianga lungphun dan chi hrang hrang a awm avang leh a phun chhan pawh a inan loh nuai avang hian Lungphun hlui te atang hian a phuntute chanchin leh an nunphung, an hnam chin dan te a hriat theih a. Chuvangin lungphun(megaliths) hi history chhuina atana thil tangkai tak a ni reng a ni. Entirnan, Sikpui Lung chu Hmar ho kut pui khat ‘sikpui Roui’an hman laia an phun thin a ni a, a phun dan pawh a awm thlap a ni. Hemi chungchang hi hun remchangah ziah leh kan la tum dawn nia.
Tin, Mizo te khan an lungphun reng rengah milem an ziak nasa hle a, ziah lohna (plain monument) pawh a awm tho bawk a. Heng milem te hi a tlangpuin Sial lu, dar lem, mihring lem, puan, sava, sakawr, silai, fei, sakhi/sazuk leh thil chi hrang hrang te an ziak/ker thin a. Thil mak ve deuh mai chu Zoram khawi hmuna mi pawh hi en ila, milem inziak a awm chuan an ziah dan kalhmang hi a inang vek a ni. Khawchhaka Lianpui leh Vangchhia vela lungphuna mihring lem an ziah dan(style) leh khawtlang Pukzing daia lungphun te, South Sabual kawtchhuaha lungphun a mihring lem inziak te chu a inang vek a ni. Tin, Mizo te thlang tlak dan leh an pem zel dan (routes of migration), an khawsak tawhna (settlement pattern) te kan zir chuan Mizoram khawchhak atang hian khawtlangah an chhuk thla zel tih a lang a. Chuvangin milema thil inziah dan(style) pawh an chhawm thla zel a nih hmel. Tin, khawchhak lama lungphun te hi a tlangpuiin khawtlang lama lungphun te aiin an upa zawk niin a lang, a phuntu ni a an sawi te chanchin enin.
Tin, ‘Pura’ hi Mara hnam chenna velah hmuh tur a awm nual a, Chin Hills-ah Mara ho lo awm tawhna ah te pawh hmuh tur a la awm. Chuvangin ‘Pura’ lung atang ringawt pawh hian Mara hnam ho thlang tlak dan leh an kalkawng(routes of migration) hi a hriat theih ve riai riai a, chutiang zelin Sikpui Lung pawh Hmar ho chanchin chhui nan a tangkai bawk. Hetiang a nih avang hian lungphun hi chanchin hlui(history) chhui nan a tangkai em em a ni.

PHEIKHAWK SIAMTU’N KHAWVEL A NGAM

2011-08-26T15:51:00.003+05:30

Kum 1700 chho vel kha chuan England a tlangval tam takte chak ber chu lawng a han zin kual a, hmun hrang hrang tlawh chhuah a ni. Pheikhawk siam pa pakhat rilruah pawh chu chu a lian hle a, hei vang hian geography leh ram danga chengte chanchin a tuipui phah hle a ni. Map-ah ram hrang hrang chanchin leh a mi cheng maksak deuhte chungchang pawh a chhinchhiah thluah nghe nghe a. Savun a siam khawvel lem (globe) a neih phei chu ram dang chanchin sawia an titi changin a leklam zing khawp bawk. Chutia ram hrang hrang chanchin a zir ngun em em lai chuan Jeremy Taylor-a sermon a chhiar fuh ta hlauh mai a. A nun inthlak ta vek a, a tui zawng pawh a dang ta dawrh mai a ni.
Tum khat chu William-a chuan pheikhawk siam zirna a a thawhpui pa hnenah pianthar awmzia a zawt a, ani chuan chumi chhanna hmu tura inkhawm ve turin a lo rawn a. Mahse, thil buaithlak a awm ta tlat mai, inkhawm tura a sawmna kohhran chu pheikhawk siam tlangval tan chuan kal a chakawm lo, a chhan pawh an kohhran pui ber Churh of England atanga inla hrang Kohhran an nih vang a ni. A hnuah pawh William-a chuan a hnial zela, a sawmtu lah chuan "Pawl chhuak niin ngai hlawm mahse, Bible behchhan thoin alawm thu an sawi. Chu chu a pawimawh ber asin!" a ti thin a. Thla engemaw zat chhung chu William Carey chuan chu kohhran sawmna chu a hnar tang tang a. A tawpah chuan a inkhawm ve ta nge nge a, an hrilh ang ngei chuan Bible behchhanin Pathian thu an lo sawi ngei tih a hriat phah ta bawk. A inkhawm ve ta fo mai a, ni khat chu, thusawitu chuan Krista hnung zui dan diklo chungchang sermon a thlak a. William-a chuan a lo ngaithla fuh khawp mai a, chutihlaia a awmdan chu ti hian a sawi a, "Tlachhe ta vek leh tanpuitu nei ta lo niin ka inhria a. Krista hnungzui ka chak ta em em a ni" tiin. Tichuan a ama tana tawp chin thleng tawha inhriain a nun chu Isua hnenah a inpumpek zui ta a ni.
Pheikhawk siam zir a inhlawh chungin tawng hrang hrang a zir tan ta a, nitin fianriala Pathian pawlna hun a hmang ziah a. English, Hebrai, Greek leh Latin tawng a ziak Bible a chhiar thin a. An hotupa thih hnuah a thawhna dawr chu a rochun zui a, nupui a nei ta bawk a. An khua a naupangte luhna zan school-ah lehkha a zir tha leh a. A pianthar atanga kum sarih a vei leh chuan William Carey chu Pastor atan nemngheh a ni ta nghe nghe a ni.
Chumi hnu chawlhkar rei lo teah chuan rawngbawltu rual inhmuhkhawmnaah ti hian a zawt a, "Hnam tin hnena chanchintha hril tura Thupek khan vawiin thleng hian a la huam em?" tiin. Rawngbawltu langsar tak takte chuan, "Pathian hian ringlote ringtua siam a duh a nih phawt chuan nang leh keia puih kher ngai loin Amahin a ti mai ang" tiin an chhang thung. Chu chhanna chuan William Carey-a chu a hmin lo kher mai, chuvangin Pathian remruat leh a kaihhruaina ang zela kal turin a inpuahchah ta a. Kum ruk dawn lai a vei leh a, Carey-a chuan missionary society a din a, a kum lehah chuan amah ngei chu an missionary hmasa berah tangin a chhungte nen India ram an pan ta a. Chutah chuan harsatna a tawk nasa em em a, a nupui chuan rilru lam harsatna a nei a, an awmna hmun a hrisel loh vangin missionary engemaw zat an thi a, rilru hah leh mangang takin a awm fo a ni. Mahse, rim takin a thawk zel a, kum sarih zet a thawh hnuah baptisma chang tur a nei chauh a ni. Heti chung hian a beidawng duh lo a, theihtawp chhuahin a thawk zel a ni. A rawngbawl chhung hian a thawkrim hle a, a tawpah meuh chuan William Carey-a hian India rama tawng lian zual paliin Bible bu pum hi a letling zo a, mission school pawh za sawmhnih paruk lai a din hial a ni.
Pheikhawk siam zira inhlawh chunga khawvel chanchin tuipui em em mai ni thin khan pianthar awmzia a hre ta mai a ni lo, chhandamna hna nasa takin a thawk zui a, 'the father of the modern missionary movement' (Tunlai huna chanchintha hril hna a a sulsutu ber) ti a vuah hial a lo ni thei ta a ni.

LEMZIAK TIHCHHIAT

2011-08-26T15:50:00.005+05:30

Tum khat chu lemziak
thiam hmingthang tak mai hian milem a ziak a, a zo dawn hnai tawh a. Chu lemziak chu Princess Diana te inneihna huna pho chhuah tur a ni nghe nghe a.
Lemziaktu chuan a kutchhuak chu mawi a ti em em maiin a thlir vawng vawng a. Lemziak chu metre 2 a hlai metre 8 a sei a ni a, in chung zawlah chuan a hung tha sauh sauh a, uluk takin a thlir a, thlir pah chuan a hnung tawlh hret hret zel a. A lemziak chauh a en avang chuan a hnung lam hawina chang reng reng a hre lo a. Chutia hre lo leh ngaihtuah miah lo a a hnung tawlh zel avang chuan in chung zawl tawpah chuan a tla thla tep tawh mai a. Pen khat lek pawhin hnung tawlh ta sela chuan inchhawng sang tak atang chuan a tla thla tawh ngei ngei dawn a, dam chhuah ngaihna a awm dawn lo hrim hrim bawk.
Chulaia awm ve pakhat chuan lemziaktupa che vel chu a rawn hmu thut a, a dinhmun hlauhawm zia a hmuh chuan han auh mai a tum a. Mahse, a tihamhaih anga, pen khat lek pawh a a hnung tawlh phah vaih chuan a chesual zui ngei ngei dawn si. Tihngaihna dang a hre tawh lo a, hmanhmawh takin rawng leh a hnawihna brush a la lawk a, chu lemziak chu a hnawih ta bawrh bawrh mai a, a tichhe zo ta vek mai a.
Lemziaktupa chuan a kutchhuak chhe ta a hmuh veleh chuan thinrim em em maiin a rawn thawk a, kut rawn thlak a tum a. Mahse, chu lai vela lo awm ve te chuan an lo dawm bet a, a dinna hmun chu an kawh hmuh a. A han enchian chuan a tim sung sung mai a, a dinhmun hlauhawm zia leh chu pain a chhanchhuah dan a han hriat chuan a nunna chhanhimtu chu lawm takin chibai a buk ta a.

(BROKEN PAINTING tih lehlin a ni
- Lalthlamuana Ralte)

Mizoram Annual Plan punna a tlem

2011-08-26T15:50:00.003+05:30

Mizoram Annual Plan
punna chu a tlem an tih thu MNF-in an puang a, Congress-in mihring tam zawng a\anga chhut nia sawiin MNF an chhang.
August ni 18-ah khan MNF chuan thuchhuah an siam a, 2011 - 2012 chhunga North East states 8-te Annual Plan peihfel takah Sikkim tih lohah Mizoram chu Plan tlem berah a tang niin an sawi. Mizoram Annual Plan punna 13.33% chu Nagaland leh Tripura tih lohah a punna hniam ber a ni bawk nia sawiin, plan tlem leh a punna percentage a tlem hi mak an tih thu an sawi.
"Central a\anga a thlawna sum hmuh tur Special Programme Assistance (SPA) leh Additional Central Assistance (ACA) sumah pawh a tlem ber dawttua Mizoram, Congress sorkar a \ang hi, an pi leh pute laka an tlaktlum lohzia lannaah kan ngai," an ti. Mizoram sum hmuh tur tlem chhan hi kum kal ta lama cheng vaibelchhe 72 chuang an tih ‘lapse’ vang a nih leh nih loh sorkar an zawt bawk.
"Chief minister Lal Thanhawla'n 2008 MLA inthlan campaign laia, 'Congress a sorkar chuan Prime Minister Manmohan Singh, Sonia Gandhi leh Rahul Gandhi te'n Prime Minister Special Package’ min tiam tawh a ni,' tia a sawi leh; AMC inthlan dawn thlenga PM Special Package a\anga NLUP hmu tur anga an la insawi lai khan, MNF chuan Additional Central Assistance leh CSS a\anga kum tina Mizoram-in sum a hmuh \hin, Plan Fund chhunga mi tho a ni a ti," an ti bawk.
Kumin March thlaa Assembly Session-ah NLUP nodal minister H Liansailova'n NLUP chu PM Special Package atanga hmuh a nih loh thu a puang a ni, an ti a, kum lo kal leh tur atan chuan NLUP atana sum dah hran zat ang tal, Mizoram Annual Plan a pun theih nana theihtawp chhuah turin MNF chuan finance minister thar an ngen.
Mizoram Pradesh Congress Committee (MPCC) chuan state tinte annual plan dawn dan chu a mihring tam dan ang zela chhut a nih thu sawiin MNF te chu awmze nei loa sorkar sawisel chingah a puh.
Thuchhuah siamin MPCC chuan hmarchhak state 8 zingah Sikkim sorkar tih lohah Mizoram chu Annual Plan sum hmu tlem ber a nih thu MNF-in thuchhuah siama sorkar lai party an sawisel chu an chhang a, "Annual Plan hi mihring tam dan ang zelin chhut a ni a. 2001 Census Population based-a chhutin Assam-ah mi nuai 266.56, Tripura-ah nuai 32, Meghalaya-ah nuai 23.19, Manipur-ah nuai 21.67, Nagaland-ah nuai 19.90 an awm laiin Mizoram-ah chuan nuai 8.89 chauh kan awm a, chuvang chuan Annual Plan sum hi kan hmu tam thei lo a ni," an ti.
Hman deuhah pawh MNF hian "hmarchhak state 8 zingah Sikkim sawrkar tih lohah Mizoram-in SSA sum a hmu tlem ber," tia thuchhuah siamin so,kar lai party an sawisel tawh niin MPCC chuan an sawi a, sorkar laipuiin SSA sum a pek dan hi zirlai enrolment tam dan anga pek a ni, tiin, SSA sum min pek dawn khan state dang, zirlai ngahte an pekzat min pe ve thei lo a ni tiin MPCC chuan mipui a lo hrilhfiah tawh a ni, an ti.
Tunah pawh MNF chuan "Annual Plan sum hmu tlem ber,” tiin thu an chhuah leh ta nia sawiin MPCC chuan, "Sorkar laipuiin hmarchhak state 8-te hnenah mihring tam dan anga chhuta sum a pek reng rengin Sikkim-in an chang tlem ber ang a, Mizoram-in kan dawt ziah ang. Chu chu sorkar laipui nawr thiam leh thiam loh vang ni lovin mihring kan tlem vang a ni," an ti.
MNF hian mipui rilru tih chi-ai tumin sawrkar lai party an bei mai mai a ni tih hre turin MPCC chuan mipuite an ngen tih an sawi.

Kum chanve chhungin motor thar 6453Kum chanve chhungin motor thar 6453

2011-08-26T15:49:00.005+05:30

Kumin January
a\anga June thleng khan Mizoram-ah motor 'registered' thar, sorkar laipuia Ministry of Road Transport & Highways-in a hriatpui thlap tawh chu 6453 a awm.
Motor thar zingah two wheeler a tam ber a, 4503 a ni. Aizawl district chu motor registered thar tamna ber niin, 4015 ziahluh a ni.
Motor registration tih tharah hian two wheeler motor cycle leh scooter/moped tia dah hi a tam filawr hle a, district tinah a tam ber vek.
Two wheeler dawttu chu LMV (car, jeep, van, gypsy) a ni a, 878 registered thar a ni. Light goods vehicle (407 truck etc.) chu a tam leh deuh niin, thla 6 chhunga registered thar hi 331 a awm. Heavy good vechicle registered thar 137 a awm bawk.
Motor an \henhran danah motor cab/car taxi leh three wheeler te chu a tam leh deuh. Lei laihna atana hman excavator 59 leh JCB 25 a awm bawk.
Aizawl district-ah motor registered thar hi a tam hle. Ministry of Road Transport & Highways-in a hriatpui chinah January-June chhung hian 4015 niin, July telin 4647 a ni. District Transport Office, Aizawl district-in record a neih dan phei chuan kumin Jan-July chhung hian motor registered thar hi 5411 an nei a, tun thla ni 16-19 inkar khan motor registered thar hi 172 a ni.
Aizawl district bikah Jan-July inkarah two wheeler 3463 registered a ni a, LMV 694, heavy goods vehicle 87, light goods vehicle 181 a awm. Excavator hi 46 leh JCB 3 a awm.
January a\anga June inkarah khan enforcement staff lamin dan bawhchhia motor document an hrensak zat chu 813 a ni a, pawisa chawitir 480 niin, an pawisa chawi tlingkhawm hi Rs. 425,300 a ni. He thla 7 chhung hian road tax-ah Rs. 15,050,337 a lut a, passenger & goods tax Rs. 6,176,437 niin, fees Rs. 6,757,738 nen, a vaiin an revenue tlingkhawm hi Rs. 27,984,512 a ni.
Aizawl district tih loh, district danga kumin thla 6 chhunga motor registered dan chu : Lawngtlai-ah 248 niin heng zinga 111 hi two wheeler, LMV 25, heavy goods vehicle (HGV) 38, light goods vehicle (LGV) 20 leh excavator 3 a awm. Kolasib-ah motor 409 registered-ah two wheeler 219, LMV 63, LGV 32, HGV 10, excavator 9 a awm. Mamit-ah motor registered 230 a awm a, 173 hi two wheeler niin LMV 19, LGV 8, excavator 3 a awm. Serchhip-ah motor 305 registered-ah 186 hi two wheeler, LMV 24, LGV 21, JCB 4. Champhai-ah motor 396 ziahluh tharah two wheeler 257, LMV 42, LGV 39, JCB 2 a awm. Lunglei-ah motor 662 registered thar a awm a, two wheeler 478, LMV 66, LGV 24, HGV 11, JCB 6 a awm. Saiha-ah motor registered 188-ah two wheeler 82, LMV 17, JCB 10, excavator 1 a awm.
Heng bak motor class then dangah hian light tractor, motor cab/car taxi, three wheeler (goods/passengers), Maxi Cab, medium goods vehicle, ambulance, recovery van, multi axle goods vehicle, medium bus, mini bus, mobile crane, tanker te a awm bawk.

Pawisaa sumdawngte khuahkhirh dawn

2011-08-26T15:49:00.003+05:30

Mizoram-ah
peipun tura pawisaa sumdawn tum te leh, Reserve Bank of India a\anga phalna nei pawh ni se sum puk tira sumdawn tumte tan sorkar phalna lak a ngai tawh dawn. Dan zawm lova tite hrem theih an ni tawh ang.
Tuhnaia Budget Session neih zawh taka member te'n an pawm, dan lova sum khawlna leh a kaihhnawihte khuahkhirhna dan hman tum mek chu August ni 23 khan Secretariat Conference Hall, New Secretariat Complex-ah Mizoram district tina Deputy Commissioner te leh Superintendent of Police ten an zirho.
He workshop-ah hian dan phal lohva sum peipunna chi hrang hrang lo hluar chho zel khuahkhirh a nih theihna tura Mizoram Legislative Assembly-in dan a siamthat - 'The Mizoram Protection of Interest of Depositors (in financial establishment) Amendment Act, 2011' kenkawh a nih theihna tur sawiho a ni. He Amendment Act ang hian mipui hnen a\anga peipun tur pawisa (deposit) laa sumdawngte chuan anmahni bialtu DC te hnenah an sumdawnna an report ngei tur a ni. In-report lote chu pawisa chawi leh jail tan thlenga hrem theih a ni.
Mi hnen a\anga peipun atana pawisa la a, pawisa dahtute hnena pawisa pe kir duh lo emaw thei lo te chu an bungrua leh ro sum mansak theih a ni.
Dan bawhchhiaa mipui hnen a\anga pawisa lakhawm (deposit dawng) te chu, miin complaint an siam kher loh pawhin police te'n an chungah action an la thei dawn a ni.
'The Mizoram Money Lender & Accredited Loan Providers (Regulation) Act, 2010' leh budget session neih zawh taka pass he dan siamthatna Amendment Act kenkawh dan tur pawh ngaihtuahho a ni. He dan hmang hian Registering Authority (DC te) hnen atanga phalna (registration) nei lo tan sum puk tira sumdawnna reng reng chhunzawm phal a ni tawh lo. Mimal emaw company emaw, RBI atanga phalna nei Non Banking Financial Company (NBFC) pawh ni se, Mizoram-ah sum puk tira sumdawn an duh chuan phalna an lak a ngai tawh a ni. Dan bawhchhia te chu hrem theih an ni.
He dan hian a pung (interest) bithliah theih zat te a bituk a, mi harsa te'n sum an puk avanga in leh lo an dahkham te dik lo taka an chan lohna turin ruahmanna te a siam a ni. Sum puktira sumdawngte chu DC/ Registering Authority te khuahkhirhna hnuaiah an awm tawh dawn a ni.
He workshop-ah hian chief secretary Van Hela Pachuau chu khuallian niin, finance secretary Lalmalsawma IAS, chuan a sawihawnna a nei a. Law &Judicial department principal secretary P Chakraborty, finance department addl. secretary Vanlalnghaka leh finance department under secretary Dr PC Lalawmpuia ten zirtirna an pe a ni.

HIV+ve vanga inthup lo Mizo hmeichhia Switzerland-ah lawm a hlawh

2011-08-26T15:46:00.000+05:30

Inthup hi a \ul lo, inzep ka
tum lo. Kan nihna kan pawm ngam a ngai a, mahni nihna pawmin midangte tana \angkai kan tum tur a ni ka ti," a ti a, chutiang thu chu Switzerland-ah pawh a sawi. African nu pakhat phei chuan a melh rum phah nghe nghe.
Melh rumtu a tawng a, lawmtu pawh a tawng \euh tho. Kawrchei leh Vakiria hmanga a inchei ni phei chuan thil dang ti hman lo khawpin a thla an la!
December ni 28, 2006-ah daih tawh khan, a fa pahnihna a pai laiin, nau pai dangte ang bawkin a thisen a test a, HIV+ve a ni tih hriatchhuah a ni. Chuta \ang chuan a khawvel a dang ta a, a khawvel tharah chuan Switzerland te hial pawh a tel.
"Ka hmel\hat vang a ni lo, lehkha ka thiam vang pawh a ni lo, positive ka nih vang a ni Switzerland te hial ka hmuh chhan hi," a ti.
Awmkhawloh vang emaw tal duhdah vang emaw he natna hrik hi kai a ni lo a, tihpalh thil thu, vanduai vang liau liau a ni.
"A tirah chuan ka mangang a, sawi ngaihna ka hre lo. Ka \ap tawp," a ti a, "A hrehawm a ni tawp mai. Tumah ka kawm duh lo a, ka chhungte pawh ka hmu duh lo," a ti bawk.
HIV+ve a ni tih hriatchhuah a nih lai hian a \hiannuin a kalpui a, a \hiannu chu amah tih lohva a hre hmasa bertu a ni. A pasal erawhin a pawm thei lo a, "Kei chu ka ni ve lo, rawn haw tawh suh," tih chu a thudawn a ni.
Mangang takin awm mah se a nu leh pa, a chhungte chu a lamah an \ang tlat a, an thinhrik ve lo. Ani pawh a insangmar a, tunah chuan Mizorama HIV+ve te enkawla buaipuitu a ni ta. Switzerland-a a zin hnu-ah phei chuan Mizoram mai ni lovin India ram a vil tawh dawn.
A hming chu Lalchhuanzuali a ni a, Mizorama HIV+ve te inzawmkhawmna- Positive Network of Mizoram-ah councellor a nih bakah women cell bikah president a ni.
July ni 9-17 chhung khan Switzerland-a Zurich khuaah Young Women Christian Association (YWCA) khawmpui lian, kum li dana neih, World Council neih a ni a, HIV +ve hmeichhia tir tura tih an nih angin Mizoram YWCA te'n Chhuanzuali hi an tir a ni.
Ram hrang hrang 100 chuang a\angin an kalkhawm a, positive hi chu 20 vel an ni. "Ka hlawkpui a, hmasawnna tur a tam khawp mai. Mizorama hmeichhe positive-te tan hmasawnna tur a tam a, \hahnemngaih a na khawp mai," Chhuanzuali chuan a ti.
Hmeichhe positive-te hian mahni rama harsatna an tawhte an sawi a, Chhuanzuali chuan Mizoramah nu \ha tak tak, pasalte vanga he natna hrik kai an tam thu a sawi. "Chutiang chu ram dangin an sawi ve lo," a ti. Nimin khan YWCA office-ah thuthar lakhawmtu \henkhatin Chhuanzuali hi an kawm a ni.
"Nu, a \hen chu la naupang takte an ni a, pasalte a\anga kai an tam thu te, inenkawlna lama kan pachhiat thu te ka sawi a, tin, inzirtir a \ulzia te pawh ka sawi. Hmeichhiate hi inchhungkhurah kan buai a, inah kan tawm deuh reng a, zirtirna kan dawng lo. Kan chep a, hun kan nei lo bawk a, enhran kan hlawh a. Chutiang chu ka sawi," Chhuanzuali chuan a ti.
"Ram dang chuan condom chungchang te, nutrition chungchang te an sawi a, a bak chu kan sawi a inang tlangpui a. Inzirtir a \ul thu leh hmeichhiate an chep thu te, enkawlna \ha an mamawh thu te an sawi ve tho a, mahse pasalte vanga harsatna lam hi chu an sawi ve lo, tuman an sawi ve lo," a ti bawk.
Zurich-a a thil zirchhuah sawiin, a him tur zawnga mipat hmeichhiatna hmang (safe sex) tura inzirtir \ul a tih thu a sawi a, "Sex hmang lo tura inzirtir hi a \ha a, mahse a tawk lo. safe sex hmang tura inzirtir a \ul tih hi ka thu hawn a ni," a ti.
"Nu leh pate'n sex hmang lo turin an fate an zirtir a, mahse an fanu kha a lo virgin lo daih tawh thei a. Tin, nupa karah pawh safe sex hi sawi a \ul. Entirnan- nu pakhat chuan a pasal kha a ringhlel a, a pasal chu sex lama tladah tak a ni a. A pasal chuan a hmeichhe kawpte a\angin natna hrik a kai ta a, a nupui chuan a pasal hnen a\angin a kaichhawng ve leh a. Chutiang chu Mizo zingah pawh an tam a, safe sex hmang tura inzirtir hi a \ul a ni," tiin a sawi zawm a ni.
"Mi ramah chuan positive-te hian enkawlna an dawng \ha a, ei leh in pawh a \ha a. Positive-te pawh an hawiharh a. Keini ramah chuan enkawlna dawngte ngei pawh hian mahni damdawi ei hming leh a thawh dan tur pawh kan hre lo. Tin, tuna positive kan hriatte hi a rethei lam, \anpuina mamawh leh chenna tur thlenga mamawh te kan ni a. A hausate chu an inthup tlat a. Rualawh a na duh khawp mai," tiin a rualawh thu a sawi.
Tihpalh thil thua he natna hrik kai, Lalchhuanzuali hian a natna hi a zep lo a, a inthup ngai hek lo. Khawvel ram hrang hrang a\anga kalkhawmte zingah pawh inthup a \ul loh thu a sawi a, inthup \ultitu African nu pakhat phei chuan a melh rum phah nghe nghe.
Khawmpuia tel HIV+ve zingah inthup, mi hriat hlau ngawih ngawih an awm a, mahse Chhuanzuali chuan, "Ram tana thawk tur, midangte \anpuitu tur kan ni a, chuvangin inthup hi \ha ka ti lo. Kan nihna hi i pawm ngam ang u," a ti.
African nu pakhatin chu chu a haw ta a, \awngkam na khel khawla a chhan bakah a dawhkan a chum bur bawk. An hruaitute tih ngaihna hre lovin chawlh rih an rawt hial.
Tlaiah chuan khawvel puma YWCA hruaitute chaw eipui tur a ni a, mahse boruak nuam lo a thlen loh nan Chhuanzuali chu hotel lamah an eitir. Mahse, a hnu-ah Washington DC a\anga kal mithiam pakhatin thu a sawi a, Chhuanzuali ngaihdan chu a \an ta hlauh; "A ngaihdan kha a dik a ni. Mi tan in thawk dawn a nih chuan inzep a \ha lo. Kha nu kha entawn rawh u," tiin.
Global Fund hotute nena hun an hmanho \umin hmeichhe condom chungchang an sawiho a, hmeichhe condom \ha ti zawng ding tura an tih chuan Chhuanzuali chauh a \hu.
"Ka la hmu lo a, hmuh pawh ka la hmuh loh chu eng tin nge \ha ka tih theih ang?" a ti a, chutianga huai taka mahni ngaihdana ding ngam a nih avang chuan an ngaina hle.
Hmeichhe tleirawlte zirtir turin an ti a, fimkhur a \ul thu leh kawppui thlan thiam a \ul thu te a hrilh. "Kawppui thlan dik loh vangin he natna hi a kai theih, fimkhur a \ul a ni," tih chu a sawi dan fo a ni a, Switzerland-ah pawh chu chu a sawi.
Mizo incheiin a inchei \hin a, lawm a hlawh thei hle. Kawrchei, puanchei-a inthuama vakiria a khim \um phei chuan nalh an ti ngang a ni ang, thla an lakpui luih luih a, thusawi pawh ngaithla thei lo khawpin a thla an la.
"Khami ni kha chuan ka rawl vek. Thla min lakpui nasat bakah ka thla an la reng a, engmah ka ti hman lo," a ti.
Kawrchei, puanchei leh vakiria te chu leiah te an dil a, ram dang palaite chuan mawi an ti ngang mai. Mahse, "Ka ta a ni si lo a, ka hawh a nia, ka hralh thei ta lo a," tiin nui chungin a sawi.
"Kan hnam incheina hi a zahpuiawm loh a, khawvel huapa ngaihtuah pawhin a mawi a ni," a ti.
HIV+ve te tan rualawh a nat thu a sawi a, Mizoramah CD4Count pakhat chauh a awm thu sawiin, "Mi ramah chuan an ngah a, Mizoramah chuan mi 3000/4000 velin pakhat kan in\awm a, tlo pawh a tlo lo," a ti a, Zurich-ah pawh a sawichhuah thu a sawi nghe nghe. CD4Count hi HIV positive te enna a ni a, CD4Count hmanga en an nihin, a hniam chuan ART an la \hin a, positive-te enkawl nana thil pawimawh ber pakhat a ni.
Mizoramah enhran an hlawh thu sawiin, positive-te hi an chhungte'n an hnawtchhuak fo tih a sawi a, chutiang mite leh thingtlang a\anga inenkawl tura Aizawl pante tan han riah maina tur (short stay home) an mamawh thu pawh a sawi a, amah \awiawmtu YWCA hruaitute pawhin lo zawmin, sorkar hruaitute hnenah pawh a thuphunga an lo thlen tawh thu an sawi.
Chhuanzuali hi a fa pahnihna a pai laia a inentirna lama inhrechhuak a ni a, vanduai vanga tihpalh thil thua he hrik hi kai a ni. Amah anga harsatna tawkte puiin hun a hmang zui a, YWCA lam nen inchharin Zurich thlengin a kal ta a ni. Zurich-ah hian fak a hlawh hle a, India ram YWCA-ah pawh hruaitu chanvo chelh nghalin, National PIYA Committee of the YWCA of India atan an ruat nghal a ni. India rama hmeichhe positive-te \anpuiin a buaipui \hin ang.
Switzerland pana a zin tur hi a huphurh hle. A zin hmain Shillong-ah Switzerland-a a thusawi turte sawi chhin turin an ko a, chu chu Mizoram pawna a zin vawi khatna a ni. A vawi hnihna tur, chutah pawh mahniin, foreign-ah daih lehnghal, huphurh awm tak pawh a ni e.
"Ka kal tur kha, ka huphurh khawp a. Duhthusamin \awng ka thiam lo a, a hmain Mizoram pawn ka zin ngai bawk si lo. VISA interview ka neih hma zanah phei chuan ka mu thei lo," a ti.
|awng lamah duhthusamin chak lo mah se a zin chhungin harsatna a tawk lo tih a sawi a, "Pathianin min pui a, an \awng hriatthiam loh ka nei lo a, ka duh sawi theih loh ka nei hek lo," a ti.
"YWCA hi belh tlak a ni. Hmeichhiate tana beitu pawl hrang hrang a awm a, hmeichhiate thuamchak an tum vek a, mahse hmeichhe positive-te thuamchak tumtu chu YWCA chauh hi an ni mai thei," tiin amah tirtute a fak.
"Mizorama positive-te hian \anpui kan ngai a, kan harsatna hi mi hian min hriatthiampui se ka duh khawp mai. Vanduai vanga he natna kai hi an tam a, mi langsar leh hausa zingah pawh an tam, an inthup mai mai alawm. Nu- pasalte'n hmeichhe dang an kawp \hin vanga he natna kai ve tate pawh an tam a, mahse thinhrik an hlawh zel si," a ti.

Anna Hazare leh Mizoram

2011-08-26T15:45:00.001+05:30

Tunlaia India ram titi
siamtu Anna Hazare hi Mizoramah a awm tawh a, sipaia a \an lai khan Mizoramah a awm \hin. Sikkim, Bhutan, Jammu-Kashmir, Assam,Leh, Ladakh leh Mizoram-ah te sipai a nih lai khan a awm a ni.
A awmna hlui Mizoram-ah thlawptu mi engemaw zat a nei; April ni 8-a chawnghei a \an pawh khan khami ni la la khan amah thlawptute'n Mizoramah thawm an nei ve nghal.
Prism, SOSA leh FOMTU te chuan April ni 8 khan eiruk dona tura dan siamna tur 'Lok Pal Bill' siam\hat a nih theih nana chawnghei Anna Hazare thlawpin FW Savidge Hall-ah hun an hmang a, thusawitute'n Hazare hmalakna ropui an tih thu an sawi rualin Mizoram an vei thu an auchhuahpui hlawm.
Thusawitute chuan Mizorama political party-te chu sorkar loh laia eiruk hua, sorkar hnua haw ta mang lo an ni deuh zel tih te, tun sorkar ngei pawh MLA inthlan dawna an manifesto-ah eiruk veng tur Vigilance Committee din tumtu an nih laiin, tunah chuan an din dawn loh thu sawi leh si, tiin an sawi.
Eiruk donaah awmze nei tham tur chuan \halaite an pawimawh tih an sawi a, chutihlaiin eiruk dona lam hawia inhmuhkhawmnaah \halai an tlem zawk fo chu an vei thu te, chu chuan an rilru a tih beidawn hial \hin thu te an sawi.
Kalkhawmte hin resolution an siam a, "Citizen Fight Against Corruption Campaign leh Jan Lok Pal Bill siamthat anih theih nana Anna Hazare hmalak mekna hi pawl pathum - Peoples Right to Information and Development Implementing Society of Mizoram (PRISM), Society for Social Action (SOSA) leh Federation of Mizoram Trade Union (FOMTU) leh vawiina kalkhawm te hian kan thlawp tlat a ni," an ti.
President, prime Minister, Mizoram chief minister leh governor bakah, chief vigilance officer, Mizoram te hnenah resolution copy leh hmala tura ngenna lehkha pek turin an ti bawk.
August ni 18-ah khan Anna thlawptute'n Aizawlah hmun hnihah hun an hmang leh bawk.
Chawhnu dar 2-ah Press Club-ah corruption do nana Lokpal chak tak ngiattu Anna Hazare leh a thurualpuite thlawptute'n hun an hmang a, a huikhawmtu M Lalmanzuala, chief secretary hlui chuan Hazare te duh danin Lokpal hi din ni se Congress MP 245 vel chu lung inah an lut nghal thei ang, a ti.
MLA hlui, Bualhranga pawhin he hunah hian thu a sawi a, corruption vangin hnam a him lo tih sawiin, "He thil hi nuai bo a nih loh pawhin kan control tal loh chuan ram hmakhua a hrisel lo ang," a ti.
Zoramin zalenna a sual laia MNF defence minister R Zamawia pawhin thu a sawi a, "Kan ram sum leh pai che vel hi mipui tan a ni em? A ni lo chiangbal a ni. Chu chu eng nge a chhan? Corruption vang a ni," a ti.
Tlai dar 3-ah Vanapa Hall kawtah pawl hrang hrang 11 te'n vantlang inkhawm an huaihawt bawk.
"Eiruk thubuai nei te - In hun a tawp ta"... "Kan ram hian eng nge a mamawh? - "Sorkar \ha"... "Eng sorkar nge kan duh? - Corruption do ngam"... "Mipui sum eitute u - Kan ram hmelma in ni"... titein an aurual a, corruption dona thuziak an keng fur bawk. Lokpal din ngiata beitu Anna Hazare thlawpin corruption dotute an kalkhawm a ni.
IAS officer hlui SL Sailova'n corruption dova theihtawp chhuah a \ul thu leh Lokpal awmzia a sawi a, India sorkarin Lokpal din a tum chu "ha nei lo, thuneihna tak tak nei lo" a nih thu leh Anna Hazare leh a thurualpuite duh dan chu an duh dan a nih thu a sawi.
NESO vice chairman Lalmuanpuia Punte-in Arab ram hrang hrang buai chhan thil hrang hrangte chu India ramah a awm ve vek nia sawiin, a chhan ber chu roreltute lal lutuk leh corruption a nih thu a sawi a, chu chu Mizoram leh hmarchhakah a awm ve tih a sawi. "India hnuaia kan awm hnu-ah vaiho ze chhia leh an curruption hrang hrang kan lalut a ni," a ti.
Human rights activist Ruatfela Nu pawhin thu a sawi a, khaw 29-a forest deptt hmalakna an chhui thu leh an sum sen anga tarlan cheng nuai 800-ah cheng nuai 100 bak an hman a rin loh thu a sawi. "Chutiang zat sum tichingpentute chungah sorkarin action a lak ka beisei lo; a lak ngai loh avangin," a ti a, corruption do tura ke pen turin mipui a sawm a, mipuite chu corruption vanga an tawrhna hre turin a chah.
Ngursailova Sailo-in Mizoramah corruption vanga tawrhna a nasat thu leh mipui an harh a \ul thu a sawi a, PRISM president Vanlalruata pawhin corruption do tura mipui sawmin, "Pi pu a\angin hnam rinawm kan ni a. Corruption hi kan mikhual a ni. He kan mikhual, min tibuaitu hi kan umbo thei ang," a ti.
IPS officer hlui, MLA hlui ni bawk, FLR Siama chuan sorkar hruaitute chu corruption a awm thu sawi sawi ringawtah a puh a, "Pu Hawla leh a hote hian 'nang kha' ti mai rawh se," tiin mi-corrupt chu vantlang hmaa sawi sawi ringawt lova siam\hat tum turin a chah.
Thiltithei, dinhmun sanga dingte hlemhletna a huatthlala tih leh party hrang hrang sorkar laiin chutiang chu a awm tih a sawi a, "Tun sorkar ding laiah ngei hian en rawh u," tia mipui sawmin, "Anmahni leh an chhungte an duhsak hmasa phawt ang. Chumi dawtah an party worker, an chhawr \angkaite an duhsak leh ang," a ti a, chumi dawtah chuan dan bawhchhiain an duhsak zawngte an duhsak leh ang tiin a sawi bawk.
A tukah Millenium Centre kawtah pawl hrang hrang 11 te hian hun an hmang leh bawk.
Mizoramah Anna Hazare thlawptu an \hahnem ve hle a, Hazare-a pawlte duh dana Jan Lokpal din duh an \hahnem ve hle. Hmarchhakah phei chuan Mizoram hi Anna thlawptute thawm rinna ber a ni hial mai thei. Anna Hazare leh a pawlte pawhin hei hi an hria a, anmahni thlawptute nen hian telephone hmangin an inbe ve reng a ni.

Anna chu tunge?

2011-08-26T15:44:00.002+05:30

Ahming pum Kisant
Bapat Baburao Hazare, 'Anna Hazare' tia hriat lar hi January ni 15, 1940-ah Ahmedadbad bul hnai thinglang khawte tak Bhingar-ah a piang a, an unau hi paruk an ni. A pa hi Ayurbeda Ashram Phramacy-ah 'unskilled labourer' a ni a, a pu hi India sipai a ni a, Bhingar-a awm laiin he khuaah hian Anna hi a piang a ni.
A pu thih hnuah kum 1952 khan a pa chuan a hna bansanin an khua Ralegan Sidhi-ah a let pui a, an chhungkua an harsa hle. Hei vang hian Anna Hazare chu a ni (aunt), Bombay-a awm chuan lehkha zir turin a awmpui a ni.
Chhungkaw harsatna avangin pawl 7 thleng chauh lehkha a zir thei. Dadar-ah chhungkaw chawmnan pangpar zuarin a inhlawh lawp lawp \hin.
1963-ah Sipai-ah lutin, Indian Army zawmin driver a ni a. 1962-a India leh China an indo khan sorkar chuan \halaite chu ram chhannana sipai zawm turin a sawm nasa hle a, chuvang chuan san zawngah tling lo mah se Anna pawh hi sipaiah an la ve hram. Kum 15 chhung sipai-ah hian a \ang.
Beidawnna leh mangannain a hual fo a, mahni intihlum mai te pawh a rilruk rum rum \hin. Dam a thlakhlelh loh thu te pawh lehkha phekah a ziak \hin. Mahse, Swami Vivekananda lehkhabu a chhiar a\angin a zawhna chhanna hrang hrang a hmu ta. Mihring nuna pawimawh ber chu mahni mihringpuite tana thawh a ni a, mihringpuite \hatna tura thawh chu Pathian hnena \awng\ai nen thil thuhmun a ni tih hmuin chulam hawi chuan ke a pen ta a ni.
1965-a Pakistan leh India indo \um khan Pakistan chuan thlawhna hmangin Hazare te awmna a bei a, amah chauh a damchhuak chu mak a tiin khawvelah tih tur pawimawh neiah a inngaih phah a, chu chu vawiin thlenga amah turtu pawimawh a ni. Chutihlai chuan kum 26 mi chauh a la ni a, eitur ngaihtuah ringawt hringnun hman zawh chu a tum ta lo. Chu chu nupui a neih loh phah nia sawi a ni nghe nghe.
Sipai a\anga a pension hnu-ah Ralegan Sidhi-ah a inbengbel ta a ni.
Ralegan Sidhi khua hi khawkhengin a tibuai fo a, ruah a sur khat hle. A khaw mihring 80% vel chu ei leh bar zawngin khaw dangah an kal \hin a, hnathawh tur zawngin darkar 6 vel te kea an kal a ngai \hin.
Anna Hazare chuan Ralegan Sidhi mipuite harsatna chu hriain theihtawp chhuahin hma a la ta a, tuizem te siamin tui an neih theih dan tur a ngaihtuah ta a ni. A hlawhtling hle a, World Bank meuh pawhin chu khua chu model village-ah a puang ta hial.
1991 vel a\ang khan eiruknain hmasawnna a tih\huanawpzia chu hriain Bhrashtachar Virodhi Jan Aandolan (BVJA) tia hriat lar pubilc movement against corruption a tuipui hle. Forest officer 42 laiin dik lo taka thil tiin pawisa tam tham tak an tichingpen nia sawi a ni a, sorkar-ah an thlen a, mahse, minister pakhat a inrawlh ve avangin sorkarin eng vak a ti zui lo.
Hei hi duh lovin Hazare chuan Padmashree Award, president of India-in a pek leh Vriksha Mitra Award, khath laia Prime minister Rajiv Gandhi-a'n a pek chu a pe let leh a ni.
Hazare chu a tlawm duh lo a, chawnhgeiin a nawr zui. A tawpah chuan sorkar zawk chu tlawmin officer hlemhlete chu na taka hrem an ni a, minister 6 an ban phah bawk a, kha thil vang khan officer 400 vel chu siksawi an ni bawk.

Jan Lokpal chu

2011-08-26T15:43:00.001+05:30

Havilder bang, Laldenga'n ram ropui inti India a chawhbuai a\anga kum 45-naah sorkar ropui inti India sorkar chu Havilder bang bawk Anna Hazare-a'n a chawkbuai a, chu buaina chuan India ram a pel nghe nghe.
Havildar bang Anna-a'n India sorkar a chawhbuai chhan chu corruption dotu tur Lokpal ruangam leh a kalphung tur chungchangah Anna te pawl leh sorkar lam ngaihdan a inan loh vang a ni.
Corruption do nana Lokpal din ngiattu Anna Hazare hi August ni 16 tuk khan police te'n an man a, India ram titi a tling nghal.
Kum 74-mi Hazare hian Lokpal ngiat nan Delhi-a JP Park-ah chawnghei a tum a, a thurualpui Prashant Bhusan chenna in a\anga JP Park pan tura an chhuah dawn lai velin police 22 velin kalchilhin an man ta a ni.
Hazare hi police te hian Innova car-in Delhi Police Mess an panpui nghal a, chumi hnuah special executive magistrate hmaah an hruai.
Hazare chungchang hian titi a luah nghal a, parliament-ah pawh an bengchhenpui nghal. Home minister P Chidambaram-a'n thil awmzia sawifiah a tum pawhin eptu pawl lamin an lo au bengchheng a, chuti chungin home minister chuan hreh tak chungin Hazare hi an man niin a sawi.
CrPC Section 151-na hmangin Hazare leh a thurualpui mi paruk an man a, mi 1000 chuang daih hreng bawk tiin home minister chuan a sawi.
Mi corrupt-te chhuia hrem theitu tur Lokpal din ngiatin Hazare hian April thla khan chaw a lo nghei tawh a, sorkarin a duangtu tur dinin Hazare leh a thurualpuite pawh member atan an ruat a, mahse an thu a rual theih loh avangin Hazare chuan August ni 16 a\anga chawnghei a tum leh ta a ni.
Hazare leh a thurualpuite'n Lokpal hi prime minister pawh huam tura an duh laiin sorkar lamin chu chu an remti lo a, hei hi an thu inhmuh lohna ber pakhat a ni. Hazare leh a thurualpuite chuan sorkarin din a tum Lokpal chu engmah tak tak ti thei lo tur, a hming maia awm ve mai mai turah ngaiin ni 16 a\anga tiamchin awm lova chawnghei hi an tum a, thlawptu mipui an ngah hle.
India ram hmun hrang hrangah Hazare \antu mipui an che ve nghal a, Hazare te khua, Maharashtra-a Relegan Siddhi-ah pawh mipuiin lirthei tlan lai dangin lungawi lohna an lantir a, sikul naupang pawh an tam hle.
Hazare chuan mipuite thu chahin Lokpal din ngiata beihna chu zalenna atana beih vawi hnihna tiin a sawi.
"He rama ka chenpui duh takte u, zalenna atana beihna vawi hnihna chu a in\an ta a, kei chu min man ta. Kei min man avang hian he thil hi a tawp ang em? Ni lo e, tawp lul lo ang. Chutiang a nih chu phal suh u," a ti a, "zalenna sual vawi hnihna" chuan India ram hmun hrang hrang a kangkai ta a ni.
Lokpal (Citizen's ombudsman) hi eirukna dona tur a ni a, Scadinavian rama 'Ombudsman' an tih a\anga lak a ni ber. Scandinavian ramah chuan politician leh officer lian eirute hremna \ha tak dan an nei a, chu chu Ombudsman an tih chu a ni. 1966-a Administrative Reforms Commission (ARC) chuan Lokpal ruangam hi siamin Centre-ah Lokpal ni se state-ah Lokayukta ni se tiin an ruahman a ni.
Lokpal tih hi Hindi \awng a ni a, 'Lok' tih chu 'mipui' tihna niin 'Pal' chu 'venghimtu/enkawltu' tihna a ni. Lokpal-in a tum ber chu India rama eirukna tihrem a ni ber mai awm e.
Kum 42 hnuah pawh India huan Jan Lokpal Bill chu a puitlin hlei thei lo. Lok Sabha palina, 1969 khan pass daih tawh a ni a, mahse, Rajya Sabha-ah a tlang lo thung. Chumi hnu-ah 1971, 1977, 1985, 1989, 1996, 1998, 2001, 2005 leh 2008-ahte khan 'introduce' leh a ni chungin pass a ni ngai lo chuang a lo.
Parliament-a 'introduce' a nih a piangin a enchiangtu bik committee tih velte lo zirchian atan dah a ni \hin a, chumi chhung chuan sorkar changtu lam an inthlak hman \hin vangin a puitling ngai lo.
Tun hnaiah Justice Santosh Hegde, Prasant Bhushan leh Arvind Kejriwal te'n an duang leh a, mahse sorkarin din a tum tak tak lo nia hriain Anna Hazare hian April ni 8, 2011-ah chawngheiin sorkar a kar ta a ni.
Ni 4 chhung chaw a nghei hnu-ah sorkarin Lok Pal bill siam\hat an tum thu an tiam tak avangin Anna chuan a chawnghei a titawp ta a, mahse, sorkar chu a kar reng tur thu sawiin LokPal bill hi August ni 15 hmaa pass a nih loh chuan chaw nghei leh a tum thu a sawi.
"Mipui te duh dan hi a thamral ka phal lo. Sorkar hian Lok Sabha neih leh hun monsoon session-ah he bill hi a pass lo a nih chuan national flag pu chungin lungawi lohna ka lantir leh ang," a ti.
Sorkar chuan a duang turin committee a din ta a, Hazare leh activist dang palite leh minister panga an tel. Mahse, an thu a rual ta lo a, minister-te duh dan zawk chu parliament-ah putluh a ni ta a ni.
August ni 4-ah Lokpal Bill chu parliament-ah putluh a ni a, hetih lai hian Lokpal ngiattu langsar Anna Hazare chuan a copy a lo hal.
Kum 74-mi Hazare chuan sorkarin Lokpal din a tum dan chu "hnam phatsatna" tiin a sawi a, sorkar lamin Hazare chet dan chu "Parliament zah lohna" an ti ve thung.
Lokpal hi hlemhletna dona atana tih, chak taka chhuia hrem tura beisei a ni a, a ngiattu Hazare leh tlawmngai pawl \henkhat chuan sorkarin din a tum dan hi an pawm ta lo a ni. Sorkarin Lokpal chu prime minister leh a office huamtir loh an tum chu an pawm loh chhan ber pakhat a ni a, mi hlemhlete chhui turin thuneihna a nei tak tak lo niin an sawi bawk.
Hazare leh a \huihruaite chuan India sorkarin Lokpal din a tum hian thuneihna a nei tak tak dawn lo tiin an pawm loh chhan an sawi.
Lok Sabha-a an sawihonaah BJP lam chuan Lokpal-in Prime Minister's Office a huam loh chhan hi sorkar an zawt a, a hma chawlhkara cabinet meeting-ah prime minister-in Lokpal hi a office huamtir duh loh chhan a nei lo tih a sawi thu sawichhuakin BJP hotu Sushma Swaraj chuan, "Tuman prime minister thu hi an awih nange?" tiin sorkar lam a zawt.
Lokpal-in huam loh bik nei lo se tia ngiattu Hazare leh a pawlte chuan New Delhi-a Jantar Mantar-ah drafting committee te Lokpal Bill buatsaih hi an lo hal a, August ni 16 a\angin chawngheiin sorkar an kar zui ta a ni.
Anna Hazare chuan an chawngheina hmun, Ramlila Maidan-ah amah thlawptute hmaah thu a sawi a, "Revolution meichher hi a nung reng tur a ni," a ti.
Anna leh a \huihruaite hian August ni 19 a\ang khan Ramlila Maidan-ah chawnghei an \an a, a tanna Tihar Jail a\anga chhuakin Anna hian Gandhi-a thlan leh India Gate te a tlawh phawt a, tlai lam dar 2-ah chawngheina hmun hi a thleng a ni. August ni 16 a\ang khan chaw hi a nghei tawh a, Tihar Jail-a an dah lai pawhin a ei lo.
India sorkar chu India awp \hintu British sorkar nen a tehkhin a, "British-ho chu an chhuak tawh a, mahse he ram hi a la zalen lo, tun hi zalenna sual vawi hnihna a ni," a ti. Chu 'revolution' meichher chu a mit ang tih a hlauh thu a sawi a, amah a tel ta lo a nih pawha mit lova chhi zel turin \halaite a chah.
"|halaite chakna hi hnam chakna chu a ni, Hazare tel leh tel loh lam a ni lo. Chu revolution meichher chu a nung reng tur a ni," a ti.
Doctor 36-in kum 74 mi Anna hi an chawngheihna hmunah hian an vil a, an enkawl uluk hle. August ni 23, ni riat chaw a nghei ni-ah a chawngheinaa viltu doctor-te'n Anna hi ngaihtuahawm chu ni lo mah se a chak tawh lo tih an sawi a, hei hian thuneitute a awm hle hletir thei ta lo; prime minister-in a chawnghei titawp turin a ngen.
Prime minister Manmohan Singh chuan Anna hi lehkha thawnin, "I hriselna kan ngaihtuah a ni," a ti a, Lokpal din dan tur chungchanga an duh dan chu parliamentary committee-in Lok Sabha speaker hnenah zirchian an dil tur thu a hrilh bawk.
He committee hi Standing Committee on Law, Justice and Personnel a ni a, sorkarin Lokpal Bill duang tura a tih committee rawtna lo thlifimtu kha an ni. An thlitfim hnu-ah cabinet-ah thlen a ni a, Parliament-ah putluh a ni ta a ni.
Kum 74 lai ni tawh mah se Anna chuan a ni riat ni-ah a la \hat thu a sawi a, "Ka \ha e...ka doctor-te hian ka thih an phal lo ang," a la ti.
Prime minister-in lehkha a thawn hma hian sorkar lam a\angin Anna te duh dan chu bill awm mekah dah belh theih a nih tur thu a ri bawk.
Anna hian \antu a ngah bakah an thawm a ring tial tial a, sorkar lam hi tawlh lo thei lo dinhmunah an dingah ngaih a ni. Sorkar hian a tirah Anna leh a pawlte chakzia an hre pha lo tih chu mi tam tak ngaihdan a ni.

A mak ANNA

2011-08-26T15:42:00.001+05:30

IAS officer hlui SL Sailova
chuan India sorkarin Lokpal din a tum chu "ha nei lo, thuneihna tak tak nei lo" a nih thu leh Anna Hazare leh a thurualpuite duh dan chu an duh dan a nih thu a sawi.
M Lalmanzuala, chief secretary hlui chuan Hazare te duh danin Lokpal hi din ni se Congress MP 245 vel chu lung inah an lut nghal thei ang, a ti.
Mipui Pawl hruaitu Manzuala chuan Anna te ngiat Lokpal kalphung tur chu an pawlin corruption do an tum dan nen a inmil niin a sawi a, corruption do turin mipui zirtira kaihharh \ul a tih thu a sawi bawk.
PRISM president Vanlalruata chuan Anna leh a thurualpuite duh dana Jan Lokpal din chu an pawl duh dan a nih thu leh corruption do nan chu chu tih makmawha an ngaih thu a sawi.
"Jan Lokpal hmang hian eirukna chu do a ni dawn a, politician eiru te, bureaucrats eiru te chu dan an ni thei dawn a ni," Anna Hazare chuan a ti a, Kiran Bedi pawhin mipuite chu Cricket World Cup ang bawka Jan Lokpal atchilh tura a duh thu a sawi.
Mahse, Anna leh a pawlte duh dan chu tihpuitlin lohvin a awm leh \hin a, putar kum 74 mi zet ni tawh mah se Anna chuan chaw a nghei a ngai leh tlat. Thuneitute rin phak bakin thlawptu a ngah a, amah thlawptute tam leh tam loh chu thuhran ni se, amah thlawptute'n kil tin kil tangah thawm an nei ringawt pawh hi a mak a ni.
India sorkar chu Lokpal chak tak din duh lovah a ngai a, chu chu na a ti hle. Corruption vanga mipuite tawrhna chu na a ti a, chuvanga che chu niin a insawi. Chu chuan India ram mipuite a chhem alh mek.

Vei ngah lutukin mihring inkungkaihna a tichhia

2011-08-16T16:33:00.002+05:30

Vei i ngah lutuk em?
Eng emaw ngaihtuahin i rilru a buai a, chutiangin i kawppui ngaihtuah ta reng rengin i hun i hmang bawk a. Chutiang a nih chuan i kawppui nena in inkar i tichhe thei niin mithiamte'n an sawi a nia.
Case Western Reserve University-a psychology faculty member-te'n hemi chungchang hi an zir a, vei ngah lutuk leh eng emaw vanga rilru hahna ngah lutuk hian kawppui te nena kan inkar, kan inlaichianna a tichhe thei niin an sawi.
Vei leh ngaih\hat lohna leh rilru hahna nei nasa leh nei hma lutuk chu he zirchiannaa an hotu psychologist Amy Przeworski chuan generalised anxiety disorder (GAD) tiin a sawi.
GAD neite chuan an chhungte, an \hiante leh an thawhpui te ngaihtuah an ti na thei lutuk a, mahse, chu chu an tilang thiam leh \hin si lova, chu chuan inlaichinna boruak a tichhe zawk hlauh thei niin an sawi.
He zirchianna chungchang hi Journal of Abnormal Psychology-ah tarlan a ni.

HEALTHY EATING AND DIET-1

2011-08-16T16:31:00.002+05:30

Thau hi chakawm viau
mahse nalh lo khawpa thau hi a hlauhawm a. Vawikhat thau vak tawh chuan intih cher leh tum hi thil hautak a ni. Thau inti cher leh te hi chuan theihpatawp an chhuah thin vang a ni a, a tlangpuiin mi cher hi chuan chaw an ei tlem a, an ei dan pawh a danglam bik a ni. Mi cher hi chu chaw ei laiin an titi a tui a, mi thau erawh hi chuan tawng miah lovin an ei char char thei thung a, thil dang an ngaihtuah hman thin lo.
Cher ria thlarh leh hrisel nih i duh chuan a hnuaia thil ei dan tur ang hian han ti chhin teh.
1. Thei ei tam rawh.
2. Chaw i ei apiangin thlai hring hel ei chi ei tel tum rawh.
3. Chawhmeh kan ro ei uar lutuk suh.
4. Nitin tui no riat in tum la, hei hian i kawchhung a tifai anga, i thisen a fai bawk ang. Tui tih hian thingpui, coffee, cold crinks etc. te a huam lo.
5. Chaw nghei mai mai suh. Chaw tak i ei peihlo anih pawhin thei leh taksa tana tha tur thil dang tlem tal ei thin ang che.
6. Chaw i ei hmain thingpui thlum te, chhang thlum te ei suh. I pumpui tan a tha lova, i chauh phah zawk daih thei bawk.
7. I chaw ei hmain aerated drinks - Pepsi, Coke etc. in lo la, a ti puar luah che anga, i taksa tana tha tur i ei na a dal thei a ni. Hengah hian chakna a awm loh avangin taksa tan thatna a nei hranpa lo.
8. I thil ei reng reng thial sawm tha la, i thial sawm that chuan tam lutuk i ei tur a ti ziaawm anga, i pumpuiin a pai tawih sam bawk ang.
9. Chaw i eiin hmanhmawh lutuk suh. I pumpuiin a puar tawh tih thluak hnena hrilh chhawn nan minute 20 chhung hun a duh a ni.
10. Thlai hring hel ei chi ei tam la, i thisen a chak ang.
11. Sangha tin, vawksa tin etc. te hi siam awlsamin tui viau mahse chakna an pai tlem avangin ei tam loh a tha zawk.
12. Masala leh chi ei tam loh a tha.
13. Sa ei tam lutuk suh. Sa i ei pawhin a ti ei tam zawk la, a thau ei nasa suh.
14. Artui hi siam a awlsamin a tui viau a, mahse ei tam lutuk erawh a tha lo tih hriat a tha.
Chaw ei kar lakah hian thil dang hmawmsawm ei hi a chakawm duh viau a, mahse hei hian mi a tih thau duh em avangin tih loh hram hram a tha a ni. Chaw i ei hma si a i ril a tam chuan thauna lampang ei mai lovin thlai a hela ei chi - carrot, fanghma etc. leh thei te ei zawk ang che. Inti cher duh i nih chuan nidanga i duh hun huna i thil ei ang kha i ei thei tawh lo tih hre reng la, tumruhna tak tak nen insum hram hram zawk ang che.
Zingkar chaw ei hmaa thingpui leh chhang ei hi tih than phei chuan a tui duh viau a, mahse chaw ei leh mai si chuan pumpuiin a zo duh lova, thau mi tan chuan thau lehzualna a ni ringawt mai a ni. Cher i duh chuan thingpui leh chhang ei lovin tui in la, hei hian thil dang i ei chakna a tibo anga, i taksa tan pawh a tha zawk dawn a ni.
Kan sawi tawh ang khan thau tawh hnu chuan intih cher leh hi thil awlai a ni lova, taima tak leh tumruh taka insum chunga inenkawl loh chuan a theih loh tluk hial a ni. Mahse duh tak tak tan chuan theih loh thu a awm lova, a chunga kan sawi tak te khi zawm la, cher nalh tak nih i duh chuan bei tak tak teh. Thil reng reng tum tak taka tih chu theih loh mang hi a awm lo ania. I lo cher chuan nangmah pawh i inthazo sawt anga, i nun pawh a hlim sawt ngei bawk ang.

MIZO 5 TELNA INDIA U-16 TEAM CHE THA

2011-08-16T16:28:00.002+05:30

India leh Pakistan inkhel chu eng level-ah mah a boruak a hniam thei lo hrim hrim. SAFF Cup (U-16 ) Football Tournament khelh mekah India leh Pakistan te chuan final an khel dawn a, India team-ah hian Mizo 5 an tel.
Ram pahnihte hi Group league-ah an lo inhmachhawn tawh. Pakistan hi 1-0-in an chak a ni. South Asian Football Federation Championship (SAFF Cup) khel turin SSA Mizoram Football Academy a\anga zirchhuak Mizo naupang pangate chu India U-16 team-ah hian an tel a ni.
August ni 1-10 chhunga Nepal khawpui Kathmandu-a khelh mek, SAFF Cup 2011 (U-16)-ah hian ram paruk- Bangladesh, India, Maldives, Pakistan, Sri Lanka leh a thlengtu Nepal te an tel a, SAFF member pahnih Afghanistan leh Bhutan te chuan team an tir thei ta lo a ni.
He tournament hi a vawi khatna a ni a, India hian champion ngei an inbeisei hle. Team parukte hi group pahnihah in\henin point hmu sang pahnihte'n semi final an khel a, India leh Pakistan hian final an lut ta a ni.
India team-a tel Mizo naupangte hi SSA Football Academy atanga inzirchuak te an ni a, a hmain India U-13 team velah pawh an lo tel tawh \hin.
K Lalramzauva, Luangmual leh Daniel Lalhlimpuia, Serchhip te chu SSA hmalaknaa Chandigarh Football Academy-a awm mek te an ni a, Lalrammuana, Ramthar Veng leh Vanlalduatsanga, Mamit te chu AIFF leh IMG Reliance \angkawp huaihawt USA-a thla 9 chhung training nei a kal tawh te kha a ni. Vanlalthlamuana, Ramhlun South chu India aiawhin U-13-ah a fehchhuak tawh a, tunah hian a ute pahnih pawh India U -19 team an khel mek bawk.
India hian match hmasa berah Pakistan an hneh loh hnuah Maldives an hmachhawn leh a, India hi 3-0-in Maldives hi an hneh a. India tan Daniel Lalhlimpuia (Min 31), Raja Rawat (Min 36), Vanlalduatsanga (45+2) te'n goal an thun a ni.
India team hian semi final-ah a thlengtu Nepal chu semi final-ah penalty shootout-ah an hneh a, final-ah an hneh loh hnu Pakistan final an khel dawn ta a ni. He chanchin buatsaih lai hian result kan hre hman ta lo a ni.
Semi final ah India leh Nepal hi 1-1 in an inhnehtawk a, Nepal tana Rishi Thapa goal thun chu hun tawp dawnah substitute Nitin Jyala-a'n a sût a; a khela tha zawk India tan Vanlalduatsanga, Raja Rawat leh Suman Saha-te'n uiawm takin an thelh hlawm a, a tawpah penalty pet a ngai ta a ni.
India tan Vanlalduatsanga, Suman Saha, Myron Mendes leh Harmanjot Singh-te'n an pet goal a, Lalrammuana'n goal bar a pet per a; nimahsela India keeper Supratim Bhattacharya chuan penalty vawi hnih a dang a, India 4-2 in an chak.
India hmachhawn tur Pakistan hi SAFF Cup-ah hian hneh lo nei lo a, final lut an ni. India 1-0-in an hneh a, Maldives 6-0-in an sawp. Chumi hnuah Bangladesh 2-0-in an hneh leh. He tournament-a goal khung hnem ber an ni. An innghahna chu Mansoor Khan leh an winger, Sher Ali te an ni a, tun tournament-a goal khung hnem ber ni mek Muhammad Bilal hi Pakistan tan thlamuanpui tham a ni bawk.
India chhuanvawr leh innghahna chu Mizo naupang Danial Lalhlimpui, K. Lalramzauva leh Vanlalduatsanga te an ni. India goalkeeper Supratim Bhattacharya hi 1980 vela India internatioanl keeper \hin, Asian All Stars team-ah pawh lo tel tawh Atanu Bhattacharya tupa ngei kha a ni.
India coach pawhin Mizo naupang pathumte hi a fak hle a, India team innghahna an nih thu pawh media hmaah a sawichhuak nghe nghe.

Zo Inpui-in ro a rel ta e

2011-08-16T16:21:00.002+05:30

Hmun hrang hranga
cheng Zofate tana roreltu tur Zo Inpui chuan a vawi khatna atan August ni 10-ah ro a rel a, rorel khawla telte erawh an kal \ha lem lo.
Zo Inpui hi UNO thu anga din a ni a, India, Burma leh Bangladesh-a \hendarha awm ta Zofa zawng zawngte tana din a ni. A dintu ZoRO (Zo Re-unification Organisation) chuan Zofate chenna hmun hrang hrang chu Zo Inpui hnuaiah hian hmun sarihah an \hen a, chung ram bung hrang hrang aiawhte chuan Zo Inpui-ah ro an rel \hin dawn a ni.
UNO-in a ngaihtuah laiin India pawh a remtitute zinga mi a ni. Mahse, India sorkar hian hnathawk thei turin a la siam lo thung. Rorel vawi khatnaah hian hemi chungchang hi sawichhuah a ni a, hnathawk theia siam tura India sorkar ngen an rel.
"He Zo Inpui hi hnathawk theia siam turin India sorkarah dilna thawn ni se kan ti a, a copy Mizoram sorkar pek bakah a hranpain Mizoram sorkarah pawh ngenna lehkha thehluh \ha kan ti," an ti.
Ram bung \hen hrang hrangah Zo Inpui din an tum a, remchang hmasa berah Hnam Inkhawmpui koh an tum bawk.
"Mizoram sorkar bakah Mizorama political party hrang hrang leh pawl hrang hrangte Zo Inpui hmalakna turah office bearer-te'n lo kawm se kan ti," an ti.
Zo Inpui chu India sorkarin hnathawk thei turin la siam lo mah se environment tichhe thei tur zawnga hnathawktu company leh corporation te chu chawl lailawk tura ngen an rel.
"India sorkarin UN thutlukna hi hnathawk theiah la siam lo mah se environment tichhe thei pawl, company leh corporation etc te'n tuikhuah leh thil dang an thawh mek pawh hi lo chawl lailawk tura ngen ni se kan ti," tiin an rel.
"Mizoram sorkar pawh hi hemi chungchangah hian hma min lakpui tura sawm ni bawk se kan ti," an ti bawk.
Rorel inkhawm hawngtu, ZoRO president R Thangmawia chuan UNO-in tual\o hnamte (indigenous people) a ngaihsakin an chanpual an chan loh a hlau hle tih a sawi. Ani hi 'Zo Inpui khaipa ber' a ni bawk.
"Khawvel hi development hmingin mihringte hian kan tichhe mek a, a zual zel bawk a," Thangmawia chuan a ti a, "Kan ram mite ta tur ni hauh lo, mahse kan ram hausakna lak dan tur ruahmanna, oil leh gas laihchhuah te, tuikhuah te, phai lam company-te ta tur rel kawng te, Indian National Railways, central sorkar tana ram pek zui nghal tur, Mizote thuneih phak lohna tur te, vai ram lo tleng lut siamna tur ruahmannate hi sawi kan neih ve a ngai hle," a ti bawk.
India, Burma leh Bangladesh-a \hendarh Zofate tana din, Zo Inpui hi UNO-in tualchhuak hnamte tana rorelna tur 'traditional institution' a tih a ni a, nikum August ni 9-ah khan Mizoram larsap MM Lakhera-in a hawng a ni.
Hnam lian leh changkang zawkten tualchhuak hnamte awp a, duh duha an ram neka an tihchhiatsak hian ecology a tibuai a, boruak chhia lo hip tur thing leh mau pawh an tlem telh telh a, carbondioxide a pun avangin khawvel chu kum 100 chung lek pawha inup hlum thei mai tur dinhmunah a ding a; chuvangin UNO chuan tualchhuak hnamte chu, an ram leh a leilung hausaknate humhalha an remtihna leh mamawh ang chauha lakchhuah theiha siam tul a ti ta a ni. Chumi atan chuan UNO chuan tualchhuak hnamte'n ro an relna tur, 'traditional institution' din \ul a ti a, Zo Inpui pawh ram hrang hranga cheng Zofate tan din a ni ta a ni.
India, Bangladesh leh Burma hnuaiahtea thendarh tak Zofate chenna ram zawng zawng hi hmun 7-ah then a ni a, chung \hen hrang hrangte chuan Zo Inpui-ah hian aiawh tirin, an aiawhte'n ro an rel dawn a ni. An duh chuan mahni bial bik rorelna, Zo In tia vuah an nei thei bawk ang. |hen hrang hrang hnuaiah hian bial hrang hrang a awm leh bawk.
Zofa zawng zawng, India, Burma leh Bangladesh-a thendarhte aiawha rorelna inpui tur a ni a, a hmun tur hi ngaihtuah mek a ni. Chu rorelna hmunah chuan Hnam Inkhawmpui (National Assembly) chu rorelna sang ber a ni ang a, a hnuaiah Tlangbawih In leh Zawlbuk a awm ang. Tlangbawih In chu Rajya Sabha ang hi a ni ang a, Zawlbuk chu Lok Sabha ang a ni ang.

- Zozam News Service

UPC (NEI) Vrs UPC (Mizoram)

2011-08-16T16:20:00.000+05:30

United Penticostal
Church International chu 1945 khan Penticostal Assemblies of Jesus Christ (PAJC) leh Penticostal Church Incorporated (PCI) te inchhunkhawma din a ni. Penticostal Kohhran hi Kohhran dangte nena rinna thu-ah danglam deuh an ni a, Pathian pakhata minung pathum awm (Trinity) pawm lotu an ni. Gneral Suprentendent hmsasa ber chu Howard Goss niin Assistant General Secretary hmasa ber chu W.T. Witherspoon a ni.
1913 khan RE MCAlistair chuan sermon sawin Pathian hming chu Isua a ni, a ti a, chuta \ang chuan Isua chu chawilar zualin Kohhran \henkhatin Trinity- Pa leh Fapa leh Tlarauthianghlim chu thil pakhat a ni an tih chu an pawm lo a, chu thlir dan chuan UPC chu Kohhran dangte nen a hrang hlawk angin a kaltir ta a ni. A tirah chuan 'international' tih hi telh a ni lo a, a hnua telh a ni. 1970-ah khan Hazelwood, St Louis-ah headquarters neiin vawiin thlengin hei hi an hmunpui a ni.
Mizoram UPC hi February ni 19, 1950 khan Rev. EL Scism-a din a ni. Rev Scism-a hi 1949 khan India ramah lutin Kodaikanal leh Travancore vela a awm hnuah Mizoram a chuangchhuak ta a ni.
February ni 18, 1950 khan Aizawl a lut a, a tukah UPC hi a din nghal. Zakamlova chu he Kohhran zawmtu hmasa ber a ni a, UPC international hnuaiah awmin UPC of India thuneihna hnuaia awm tura tih an ni. Headquarters pawh Kerala-a Adur khuaah daih a awm a, mahse, hei hi Madhya Pradesh khawpui Bhopal-ah an sawn. UPC India Unit hrim hrim hi khatihlai khan an thuhnuaiah a awm a, 1969 khan inrelbawlna a \hat zawknan UPC NE India tia awmin chuta \ang chuan UPC North East India tih an pu ta a ni.
UPC NEI hian member 67,000 nei hmanin an inchhal. Mahse, 1994-1995 chhung khan anmahni chhungah buaina neiin an phel ta a ni. UPC (NEI) a\ang chuan UPC of Mizoram din a ni ta a, biak in leh Pastor quarters te inchuhin Court-ah an inkhing ta a ni.
UPC (NEI) hi religious leh charitable society angin Registration Act 1860 hnuaiah register a ni. March ni23, 1963 khan Shillong-ah an register a, North East pum pui leh Mizoram-ah branch an nei.
December ni 22, 1995 khan Societies Registration Act 1860 hnuaiah UPC (Mizoram) chu register a ni ve leh a, hei tak hi UPC (NEI) lam chuan duh lovin court hial thlen a ni ta a ni.
UPC (NEI) chuan Court-ah thu thehlutin UPC (Mizoram) chu register a nih loh theihnan hma an la ta a ni ber a, chu chu an chakpui pawh a tih theih ang.
United Penticostal Church, Mizoram emaw United Penticostal Church of Mizoram emaw chu a inan em avangin Mizoram sorkar chu register lo turin an ngen a ni.
Hei hi UPC (Mizoram) chuan thu tlingah ngai lovin United Penticostal Church of Mizoram leh United Penticostal Church, North East India chu inanna nei lo leh ngaihpawlh theih loh tiin an sawi ve thung. Religious society engmah United Penticostal Church of Mizoram emaw United Penticostal Church, North East India tih hmingin Mizoram sorkar hnuaiah register a la ni lo hrim hrim an ti a ni. United Penticostal Church of Mizoram tia an register chu pawm loh theih lohah an ngaih thu an sawi bawk.
Court chuan he inkhinnaah hian thu pali chhawpchhuak a nei a - He inkhinna hi kalpui zel chi a ni em tih te, hming inang tak te hi register theih a ni em tih te, United Penticostal Church North East India leh United Penticostal Church, Mizoram te hi thil inang leh ngaihpawlh theih a ni em tih te, United Penticostal Church, Mizoram registration hian thu thehluttu United Penticostal Church, North East India hi a hliamin a tichhe thei em tih te, United Penticostal Church (North East India hi) hian he dinhmun hi hauh a phu chiah em tih te a ni.

Jeje-a zet zawng

2011-08-03T18:12:00.002+05:30

UAE nena Delhi-a an inkhelh \um khan a mitah hliam a tuar a, tunhnai khan doctor-in enfiahsakin Delhi-ah a inenkawl mek. He Hnahthial tlangval Jeje Lapekhlua hian football-ah hming a chher mek a, a chanchin hian India rama football fans te ngaihven a hlawh hle.
Football academy a\anga inzirchhuak a ni lo a, talent leh theihna a neih erawh tumahin an hmuh hmaih thei lo. India mipui nuai tel hian a hming an lo hre ta.
Tunlai Indian football-a footballer pek 'hlu' ber ni mek hian Hnahthial a\angin bul a \an a, Mizoram kal pelin, India ram leh India ram pawn thlengin Indian football-in a mamawhna hmun apiangah AIFF leh club 'kohna' chu a chhang \hin a ni.
Tunhnaia khelh zawh tak 2014 World Cup qualifying round UAE nen an khelh \um pawhin home leh away-ah India tan player pawimawh a ni.
Mizo footballer zingah World Cup rim nama goal thun hmasa ber a ni. Age level-ah chuan Mizo footballer India aiawha khel thei an awm nual tawh. Senior team-a India aiawh phak erawh an awm lohna a rei ta.
World Cup qualifer-ah khan India chuan September ni 8, 2004 khan Salt Lake stadium-ah mipui 90,000 zet hmaah Japan a mikhual a. Hemi \um hian Jerry Zirsanga, khatih laia Mohun Bagan player chu India senior team-ah hian a tel ve a. Khatih lai khan player naupang pawl a nih avangin Jerry hian a khelh phak lo deuh bakah senior level-ah tawnhriat an la nei lo a, first XI-ah hmun a chang lo. Hemi \um hian Japan chuan India chu 7-0 ngawtin an sawp a nih kha.
Mizo tlangvalte zinga India aiawha khel hmasa ber chu K Kawla a ni a, 1977 khan India aiawhin Kabul Football tournament-ah a khel. Hemi hnu hian K Kawla hian India aiawh bawkin 1978-ah khan Aga Khan Cup, Bangladesh-a khelhah India aiawhin a khel leh. 1986-ah Zomuanthanga chuan Asian School Games 86, Brunei-a khelah ah India aiawha khelin jersey no 10 ha pha ngat tiin Mizo mipuiin an chhuang hle a nih kha. Tunah India senior team-ah Jeje Lapekhlua chuan jersey no 10 a ha ve leh ta.
India U-19 team captain ni \hin Jeje Lalpekhlua hi F Liankima leh Hnunpuii te fapa a ni a, Hnahthial Model Veng-a cheng an ni. Unau pathum niin tunah hian I-League club Pune FC-ah a khel.
2007 a\ang khan India team-ah age level hrang hrangah a tel \an a, tunah hian senior team-ah a inpet kai ta. India footballer zingah Bhaichung Bhutia a ngaisang ber a, India ram pawnah chuan Cristiano.Ronaldo a ngaisang ber.
India striker zingah chuan hmabak nei eng ber pawl a ni phak. Pune FC a zawm hma hian Mizoram aiawhin Mizoram XI hmingin Sikkim-ah te , Mizoram U -19 team hmingin Noagong (Assam), Mizoram XI hmingin (Kailasahar), North East Sport Festival(Sikkim), Mizoram U-21(Guwahati), Santosh Trophy 2008 (J&K), Santosh Trophy 2009 (Tirchy) ah te a lo khel tawh. State pawna a kal hmain FC Kulikawn leh Dinthar FC-ah te a lo khel tawh bawk.
India aiawhin (AFC U-19 2007& 2009) ah te a khel tawh. India tan vawi ruk khel tawhin goal 3 a thun tawh. Khawvel hmun hrang hrangah India aiawhin a fehchhuak fo tawh. Jeje hi SAFF Cup, nikum December thlaa India-in U-23 team a tirhah khan telin a champion pui. 2010 Asian Games-ah te India aiawhin a kal bawk. Olympic qualifying round khelh mekah India team-ah a tel bawk.
Jeje Lalpekhlua chuan tiang hian Zozam Weekly a hrilh a:
India senior team atan an thlang che tih i hriat khan eng nge i rilruah lo lang hmasa ber?
Jeje: A hmasa berah chuan Pathian vanga he dinhmuna ding thei hi ka ni a. Pathian hnenah lawmthu ka sawi nghal a. Ka thawhrim vena te Pathianin mal a sawm a, tun dinhmun hi ka thleng ta ni-ah ka ngai.
India ram tan age level-ah vawi tam tak i khel tawh a, senior level danglam dan?
Jeje: Age level-ah te vawi tam lo khel ve tawh mah ila, senior team-ah ka tel dawn tih ka hriat tirah ka lawm dan kha ka sawifiah thiam lo. Proffesonal football ka khelh tirh a\ang leh India camp-a ka awm tirh a\anga senior team-ah hian tel ve theih hlan ka nghakhlel \hin a, ka ngaihtuahna leh suangtuahnaah pawha awm ve \hin a ni a. Tunah a taka a lo thleng ta mai hi ka lawm khawp mai. Lawm tak ka ni, ka sawi thiam lo.
Mizo footballer-te hmabak i hmuh dan ?
Jeje: Kan hmabak chu a eng khawp mai. Tunah Indian football-ah Mizote min hmelhriat chho zel a, mahse tih tak takna leh tumruhna, insumtheihna hi kan neih a pawimawh hlein ka hria. Hengte hi kan neih loh chuan eng anga player \ha pawh ni se chance a awm lo ang.
Mizote tan football hi khelh zel tlakah i ngai em ?
Jeje: Ngai tehreng mai. Kei aia player \ha hi Mizo zingah an la tam a, kei tak ngial pawh hetiang dinhmun hi ka thleng thei a. Ka thlen aia thleng thui thei hi Mizo footballer zingah an awm \euh ka ring. Mahse ka sawi tawh ang khan tumruhna leh tih tak zetna nen lo chuan thlen thui a har tawh a. Inkhel zel se, \hahnemngaih takin thuawihna India ram football hi nakin lawkah chuan kan thuhnuaiah a awm theih ka ring tlat a ni.
India senior team-a tel leh age level a tel engnge danglam deuh ber nia i hriat?
Jeje: Age level-ah pressure awm ve tho bawk mah se a nep deuh a, senior chu pressure a awm nasa a. Mawhphurhna a sang hle a. Age level ka dah hniam tihna a ni lovin ni dang zawng zawng aiin \an a ngai nasa zualin ka hria.
India player-te hi fit lo deuh bik nia sawi \hin an ni a, international-ah hian hei hi a dik em?
Jeje: Ka tel ve hma chu ka hre lo a. International match kan khelh ve phak chinah chuan an fitness a hniam bikna ka hre lo.
Mizo hlang khelhna club hian I-League khel se eng ang beiseina nge i neih?
Jeje: A \an tirhah chuan a chet \hat a har deuh mai thei, hun a duh deuh ka ring a. Mahse an awm theih phawt chuan a che chhe pawlah chuan an \an ka ring miah lo. Mizoram hian player a nei \ha tawh em a.
Pune FC-ah hian engvanga let leh nge i nih?
Jeje: India Arrows kha AIFF hruaitu lamte ngenna avangin Pune FC a\ang khan zawm min phalsak a, Pune FC-ah khan contract ka ziak tawh laklawh bawk si a. Indian Arrows-ah khan loan player angin ka chhuak a, season a lo thar hian AIFF lam chuan Indian Arrows-a khel chhunzawm leh turin min duh viau nachungin Pune FC-ah ka contract hman zawh a ngai si a, ka let leh dawn a. Mahse tunah hian AIFF lam chuan Pune FC leh Arrows-a player dangte pawh an khelh chhunzawm leh theihna turin hma an la leh ta tho a. Khawiah pawh khel ila a pawi ka ti hran chuang lo.
Mizo footballer-te hian eng nge an tlakchham ber nia i hriat?
Jeje: Skill chu a \ha reng mai a. Kan tlakchham ber nia ka hriat, kei pawhin ka mamawh ve tho chu tih tak takna leh tih tak zetna niin ka hria.
Foreign coach leh Indian coach danglamna nia i hriat pawimawh deuh deuh eng nge?
Jeje: Foreign coach leh Indian coach-te hi senior level-ah chuan an danglamna em em ka hre lo. A bik takin tuna national coach Armando Colaco leh Pune FC coach Derrick Pareirra te hi chu an \ha ka ti khawp mai. Chutih rual chuan age level angah chuan Indian coach-te hi chuan foreign coach te chu an tluk lo deuhin ka hria. Foreign coach-te hi chuan tih tur leh tih loh tur te fel takin an duang sa thlap a, an tum an chiang deuh zawkin ka hria. Indian coach pawh chutiangin an chhia ka ti chuang lo.
Indian Arrows-a i khelhpui leh ram aiawha vawi tam tak i lo khelh pui tawh \hin Didika \hatna lai ber nia i hriat?
Jeje: Didika hi chu ball a thiam em a, ball pet a thiam a, a ball pek hi lak a nuam khawp mai. A duhna hmunah hian a dah thei. A \ha ka ti khawp mai.
Mizo players \hat bikna sawi tur nge nge i neih?
Jeje: Mizo footballer chu a tlangpuiin an huaisen a, team tan an inpe em em a, hei hi hnam dang, a bikin India player dangte tlakchham niin ka hre ve \hin. Kan skill hi a tlangpuiin a \ha thawkhatin ka hre bawk.

SSA NAUPANG PANGA INDIA U-16 TEAM-AH

2011-08-03T18:09:00.001+05:30

South Asian Football Fed
eration Championships (SAFF Cup) khel turin SSA Mizoram Football Academy a\anga zirchhuak Mizo naupang pangate chu India U -16 team turin thlan an ni.
August ni 1-10, 2011 chhunga Nepal khawpui Kathmandu-a khelh tur SAFF Cup 2011 (U-16) football tournament-ah hian ram paruk Bangladesh, India, Maldives, Pakistan, Sri Lanka leh a thlengtu Nepal te an tel ang. He tournament-ah hian SAFF member pahnih Afghanistan leh Bhutan te chuan team an tir thei ta lo a ni.
He tournament hi a vawi khatna tur a ni a, India hian champion nih ngei an inbeisei hle. Team parukte hi group pahnihah in\henin point hmusang pahnih te'n semi final an khel ang a, a chak zawk team pahnih te'n final khelin, champion nomawi an inchuh ang a, a chak lo zawk team pahnih ten pathumna an inchuh bawk ang.
India team-a tel Mizo naupangte hi SSA Football Academy a\anga inzirchuak te an ni hlawm a. A hmain India U-13 team velah pawh lo tel tawh \hin te an ni.
K.Lalramzauva Luangmual leh Daniel Lalhlimpuia Serchhip te hi SSA hmalaknaa Chandigarh Football Academy a awm mek te an ni a, Lalrammuana Ramthar Veng leh Vanlalduatsanga, Mamit te hi AIFF leh IMG Reliance tangkawpin USA-a thla 9 chhung training neia kal tawh te kha a ni. Vanlalthlamuana, Ramhlun South pawh hi India aiawhin U-13-ah a fehchhuak tawh a, tunah hian a u te pahnih pawh India U-19 team an khel mek bawk.
India team hi thla hnih chhung vel he tournament atana inbuatsaihnan Assolna, Cuncolim leh Chowgule College ground Goa te an hmang. India coach Thomas Joseph chuan, "Naupangte chungah hian beiseina sang tak kan nei a, anni hi India tana beiseiawm tak pawh an ni," tiin a sawi.

US-in leiba a ngah

2011-08-03T18:02:00.002+05:30

Khawvel ram ropui ber United States chu leiba vangin a buai hle a, US Senate chuan sorkar leiba chungchang hi khelin sorkar chuan a bat belh a phalsak ta hial.

Khawvel ram ropui ber
United States chu leiba vangin a buai hle a, US Senate chuan sorkar leiba chungchang hi khelin sorkar chuan a bat belh a phalsak ta hial.
Kum 10 chhungin US deficit (leiba) chu $2.1tn (trillion) vela tihtlem tura ruahman a ni a, hetihlai hian $2.4tn chu bat belh phalsak a ni thung. Hei mai hi nilovin Congressinal Committee siam a ni nghal a, leibate rulh theihna tur hian ruahmanna siam November thla hmaa an thil hmuh angte report tura tih an ni bawk.
He bill ngaihven hlawh tak hian Senate-ah thlawptu 74 a nei a, 26 chuan an duh lo thung. Debt ceiling 14.3 trillion chu $2.4tn belhin kum 10 chhungin 2.1tn saving nei thei tura ngaih a ni.
Debt ceiling tihsan hian financial market erawh a \halamin a nghawng lem lo. Wall Street chu 2% in a down a, international market a khawih nghal vek a, Japan Nikkei index pawh 2% vel thovin a tlahniam a ni.
Washington credit score pawh a khawih hle a, Chinese credit agency Dagong chuan US credit score A+ chu A-ah a tihhniam sak niin Xinhua news agency thuthawnah tarlan a ni.
Debt Ceiling tihsan leh tihsan lohah hian Senate ho ngaihdan a inang lo hle a, thutlukna pawh hi hun tiam chhung darkar 10 chauh a awm tawh hnuah an siam thei chauh a ni.
President Obama debt celing tihsan leh tihsan loh vel boruak chuan sumdawngte leh consumer-te a tibuai hle niin a sawi a, "Hetiang dinhmun duhawm loh hi kan tawng lo tur asin mawle," a ti vawng vawng.
US president chuan pawisa hmanna tihtlem ringawt chu a chhanna nia a hriat loh thu sawiin, "Ruahmanna dang kan siam a ngai a ni," a ti a, Senate-ho chu economy siam\hatna kawnga thawhpuiah a sawm a ni.
US sorkar khuan a duh zah zah sum a pukin a ba thiang lo. Sorkar hnathawkte hlawh tur te, sipai hlawh, loan rulhna tur leh medicare te atana sum sen theih zat chu $14.3tn lai a ni a, US hi a indaih lo mek a ni.
Kumin May thla khan US sorkar hi a talbuai ta hle a, a sum neihin a tlin ta lo. August ni 2 thleng khan pension schemes tam zawk chu tihkhawtlai a ni a, mahse, tax revenue an hmuh \hat avangin mualpho lutuk lovin an kal thei hram.
Heti khawpa US sum dinhmun a chhiat lai hian US president Obama chuan thuneihna a nei vak lo. Barack Obama hian a duh ang angin sum a puk ngawt thei lova, debt ceiling hi US congress in a siam thlap a nih avangin a thlak danglam theitu ber pawh Congress tho a ni.
US-in debt ceiling an siam hmasak ber chu 1917-a siam tawh kha a ni a, khatihlai kha Indopui-I-na lai niin sorkarin indona atana sum a hman theihnana siam a ni. Chumi hnuah \um tam tak tihsan leh tawh niin thil thleng pangngai leh kalphung pangngai anga ngaih a ni tho.
US congress khu a thu khawp a, sorkar sum hmanna tur leh tax tihsan chungchang thleng khuan an thuneihna a ni. Hei vang tak hian Obama kaihhruai sorkar hian a thawhchhuah aia tam a senral pawhin thlak danglam theih a nei lem lo a, chu mai a ni lo, sorkar sum puk chu an khuahkhirh tel tlat bawk si a ni.
US economy hi tunlai hian a chhe hrim hrim a, nikum vela global financial crisis khan a khawih hle nia ngaih a ni. Sorkarin sum a seng \euh \euh a, tax revenue lut a tlem si a, an buai ta a ni.
Hei vang hian sorkar leiba a pung a, pawisa pawh sang tak taka a puk a ngaih phah ta a ni.
Democrats pachal Barack Obama chu president ni mah se Senate thuneihna chu an party lo lam, Republican kutah a awm tlat. Tax tihsan chu Republican hovin an duh lo a, chu ai chuan US-in pawisa lian tham tak taka a hmanna thil dang chu tihtlem an duh thung. Democrats lam chuan healthcare programme mirethei leh kum upate tana ruahman leh social security programme chu kalpui zel a, chuta tana pawisa dah tihtlem chu an duh lo thung.
US hian social security atan $23bn (billion) lai budget-ah a dah a, hei hi a tam tham hle. President Barack Obama thlantlin a nih theihnana campaign auhla pawimawh ber a ni lawi si!
United States danpui chuan sorkar chu pawisa puk a phalsak. Sorkar hmalakna kalpui mekah te chhiah hmanga lakluhin a phak loh chuan bat phalsak a ni. Sorkar chuan mimal a\ang te, instituition s leh Federal reserve, state government leh ram dang a\ang pawhin a puk phalsak a ni.
US-in debt ceiling a tihsan hma khan leiba an neih chu thla tin $118bn anga chhut a ni hial. 1917 thleng khan US Congress chuan leiba a neih eng pawh a hrangin a kalpui \hin. Mahse, Indopui-I lai a ni a, US sorkar chuan ralthuam leh a kaihhnawiha sum a hman tam zawk theihnan Second Liberty Bond Act a siam a. Heta clause pakhatah bonds issue theihzat tur 'ceiling' a siam ta a. Khatihlaia ceiling zat chu $11.5bn a ni.
Mahse, tunlaia debt ceiling bul\hut an siam ber zawk chu 1939 leh 1941-a Public Debt Act an pass a\anga siam vek zawk a ni. Congress chuan Treasury chu sorkarin a mamawh ang zela sum pechhuak thei tura tih a ni. 1979 thleng khan US leiba chuan debt ceiling a pel ngai lo.
Debt ceiling hi tihsan a nih hma chuan $14.294 trillion lai a ni a, chu chu February 12, 2010 a tihsan kha a ni. Mahse, ba neihbelh tur chuan rulh \hen a ngai \hin a, US sorkar chuan tun hnaiah a ba te rul hleithei lovin a hnathawkte leh sorkar kalzelnana a sum mamawh a phuhruk zawhloh avangin debt ceiling tihsan hi rawt a ni ta a ni.
US-in 1979-a debt ceiling a tihsan khan a nihna takah chuan dan siamtu te'n pawisa hmanral leh tax cut a awm apiangin debt ceiling hi an tisang mai \hin. Leiba siamna thar a awm apiang hian debt ceiling a sang tih mai tur a ni a, US dan siamtu te'n debt ceiling an tihsan hian a nihna takah chuan sum an neihsa tawh leiba pekna an neihsa tawh a\anga leiba an neih pek leh pek loh chungchang a ni deuh ber.
1962 hnu a\ang khan debt ceiling hi \um 74 lai tihsan a ni a, 2001 hnu khan \um 10 lai tihsan a ni. Debt ceiling hi dan siamtutena sum dinhmun a \hat theihnana ruahman a ni.
Heti taka US leiba tam chhan hi 2001 leh 2003-a George W Bush president nih laia income tax pe tam theite pek tur 39.6% a\anga 35% chauha a tihhniam vang leh capital gain tax 20% a\anga 15% a a tihhniam vang nia ngaih a ni. Hei vang hian tax pek a\anga American hovin income tax an pek chu 1950 hnulama a tlem ber \um a ni.
George Bush-a'n tax a tihhniam rual hian US chu Afghanistan leh Iraq-ah Indona-ah inhnamhnawihin sum tam tak sen a ni a, hei hian US leiba chu a maka makin a tisang ta a ni. Chutihlaiin khua leh tuite tan medicare lamah sum tam tak sen a ni a, 1999 a\anga 2009 inkar chhung khan medicare-a US sum hman chu 137% laiin a pung.
2008-a global financial crisis chuan US economy a nghawng a, bailout tur tam tak a awm a, chutilaiin tax revenue a tlahniam bawk si, revenue hmuh a tlem tial tial a, sum senna a tam tial tial thung a, leiba a pung lo thei lo a ni.
US sorkar sum sen tihtlem a ni emaw tax tihsan emaw a nih chuan leiba tam tak rulh theih a ni. Sum senral aia tax revenue a san zawk chuan 'budget surplus' a ni mai a, chuta sum awm chu leiba rulhnan hman a ni thei a, leiba a tlem poh leh ceiling a hniam a tih theih awm e.

Hrisel nan ni tin minute 15 tal nui rawh

2011-08-03T17:58:00.004+05:30

Tunhma deuh kha chuan khawvela mihringte hi chawhrualin ni khatah minute 18 vel nui \hin ang kan ni a

unhma deuh kha
chuan khawvela mihringte hi chawhrualin ni khatah minute 18 vel nui \hin ang kan ni a, mahse, tunah chuan chawhrualin ni khata minute 6 vel chauh nui \hin ang kan ni ta!
Mithiamte chuan naupangte hi ni khatah vawi 300-400 vel te an nui thei niin an sawi a, chutihlaiin puitling te chu ni khatah vawi 15 vel chiah chawhrualin an nui niin an sawi bawk.
Dr S K Guota, senior consultant, cardiology, Indraprastha Apollo Hospitals chuan, "Kan nuih vak vak hian kan lung (heart) tan exercise \ha tak a ni a. Kan nuih hian ka heart rate a sang a, kan thluak a hahdam \hin," a ti.
Cardiologist dang Dr Kataria chuan, "Tunlai khawvela intlansiaknaa khatah hian stress kaihhnawih natna a tam ta hle a. Tunlaia kan natna 70% hi chu stress kaihhnawih a ni. Stress pumpelh tumin miin zu a in nasat phah a, meizuk leh ruihhlo khawih te a chin phah a. Heng zawng zawng te hian nuih hi damdawi \ha tak a ni tih hre hlauh se la aw!" a ti.
Mithiamte chuan ka âng meuh a za taka nuih (open-mouthed laughter) hi a \ha ber niin an sawi a, hmui chipa nuih (closed mouth laugh, scientist te chuan 'pant-pant' tiin an sawi mai a) erawh kan taksa tan a \ha lo (opposite effect) leh zawk hlauh niin an sawi tlat mai.

Chhuihthangvala te'n an chhuih zele

2011-06-22T18:27:00.001+05:30

Mizote infiamna ngainat ber chu football a ni. Mizo mipa tawh phawt chuan an khel a ni ber. Mahse Football kan khelh \anna erawh a la rei lo. Kum 100 em pawh a la tling lo.
1954-ah Lalsangliana (Ex-MP), HK Bawihchhuaka, Lalhmingthanga (P&Sons) te leh midangte'n Aijal Sports Association an din a, anni hi Mizote tana football kawng sial hmasatute an ni. Football tihlar tumin chu pawl chuan theihtawpin an bei a, khatih lai pawha field \ha ber Lammualah heng hruaitu hmasate hmalakna hian football chu an khel ve \hin.

Kum 2001 kha Tata Football Academy a\anga S Malsawmtluanga (Mama) chhuah kum a ni. India rama club \ha ber ti hiala chhal ngam East Bengal a zawm a, Kolkata Derby-ah an hmelma kumhlun Mohun Bagan nena an inkhelh \um pawhin hnehna goal a khunga nih kha. Mama thawm chuan Mizo mipuite a tiphurin chakna thar a siam nasa hle.
Mama chuan India ram chhungah Mizote a pholang a, India ram football ngaihventute chuan Mizoram lam an hawi ta fur mai. Mama chuan Kolkata khawpuiah ngaihsan a hlawh a, a pet goal changin mipuiin an bawr nasat lutuk avangin thuhruk te pawh a ngai ta hial mai.'Tulunga' a ni emaw 'Mama' a ni emaw, S Malsawmtluanga chu Mizo tlangval a ni reng a, a ropui zual zel. Indian football lai lum laia Mizote hruai luttu chu Mama hi a ni chiang.
2001-ah Asian U-17 Football Championship-ah India aiawhin Jerry Zirsanga, Vanlalrova, Malsawma leh Lalmuankima te'n an khel a, anniho hian India team chu ropui takin an chetpui. Malsawma leh Jerry Zirsanga phei chu Asian All Star team-ah an lang nghe nghe.
2011 AFC Football Festival Iran-a khelhah India aiawhin Mizo naupang paruk ngawt an kal a, he intihsiaknaah hian India chu a che \ha hle. Mizo naupang parukte hi India team tichaktu an ni a, India striker Lalremruata leh midfielder Lalmuanzova te chu 'Best Players,' atan Asian Football Confederation experts te chuan an puang hial.
Tunah hian Mizo naupangte hmabak a eng hle; Zothanmawia leh Lalremruata te chu India aiawhin Arsenal Cup kel tura thlan a ni a, an vanneih hlauh chuan Arsenal academy-a awm tur pawhin an thlang lo ang tih tunge sawi thei. Shillong Lajong junior team-a khel mek Tlungvel naupang Jacob Lalrawngbawla pawh Bayen Munich-a training turin thlan a ni. Naupang beiseiawm dang an la awm nual bawk.
Mizoram chu 'football thiam state' tia hriat a ni \an ta. All India Football Federation pawhin Mizoram a hmelhriat tawh hle. Football hmasawnnaah hian media lam an thawk hlawk hle.
1954-a Aijal Sports Association dintute khan tuna Mizoram dinhmun hi an thlir lawk thiam kher lo ang a, hruaitu hluite kha la dam kim se, lawm avangin kut an beng ve ngei ang.

Chhantu ka ngai, puitu ka ngai...

2010-09-19T17:21:00.002+05:30

Ka nu leh pa, ka ute leh thenawmte chungah thlengin ka lawm lo. An chunga lawm lo nih hi dik ka ti lo a, lawm hram hram ka tum thin. Mahse, ka natna hi an hrethiam lo a, a chang phei chuan tiderah min puh a, thatchhiat vangah te min puh a, ka rilru hi a na ngawih ngawih," tiin nula pakhat, depression (rilru lam natna) tuar mek chuan a sawi.

He nula hian dam a thlahlel lo a, intihhlum a ngam chiah si lo. Vawi hnih emaw chu muthilhna damdawi tam tawk eia harh leh tawh lo tura muthilh a tum tawh. A vawi khatnaah chuan a neih zawng zawng a ei a, mahse, a lo ngah tawk lo a ni mai thei, a harh leh. A vawi hnihnaah chuan ei a tum laiin a pindanah a thiante an lut a, a ei thei ta lo.

"A hnu-ah chuan ka inchhir a, khatiang ka lo ti kha ka inchhir. Mahse, a hnu-ah tih duhna rilru ka pu leh tho," chu nula chuan a ti.

Mipain mipathmeichhiatna hmanpui tumin an 'fight' tawh thin a, amah beiseitu pakhat phei chu an thenawm tlangval a ni.

"U ena ka en a ni a, ani leh zelin khatianga min ti kha mak ti a, ka ngaihtuah let chang pawhin ka la khur thin," a ti.

"Ka chhungte'n hnathawh peih loh vangah te min puh a, ka chak ber chu lehkha zir zawh thuai thuaia hna neih a ni. Mahse, lehkha zir zo ila hna ka hmuh ka ring chuang si lo. Theihtawp chhuaha zir tum thin mah ila hetiang natna nei chunga lehkha zir chu a har khawp mai," tiin a dinhmun a sawi.

"Khawvelah hian thlakhlelh ka nei lo a, mahse, thih hi ka ngam lo, hremhnun ka hlau. Mahse, rilru hah zual lai chuan hremhmun pawh ka hlau lo thin," a ti bawk.

Zozam Weekly-in a hriatchian nula pakhat, dam thlahlel lo chuan: "Khawvelah hian dam chhan awmin ka hre lo a, tuna ka awm dan anga awm zel hi ka ngam lo a ni," a ti.

He nula hi nula hmeltha tak a ni a, eizawnna lamah pawh sorkar hna tha tak vuan a ni. Rilru lamah harsatna nasa tak a tawk a, dam a thlahlel lo tih hi a thian thate ngei pawhin an hre lo a, a chhungte meuh paw'n an hre lo.

"Ka hnaah ka hlim thlawt lo. Pute tilawm thiam thiam an tlatlum ni berin ka hria," tiin a hnaa a hlim loh chhan a sawi.

"Pute thilsual tihah kan tel zel a, pawisa an thamnaah pawh a thuptu mai ni lo, a tihpuitu-ah ka tang fo. Ka thil tih hi a dik lo a, sual a ni tih ka hria. Mahse, ka hnial ngam si lo a, hre kur chungin thilsual ka ti fo a, ka inthiam thei lo. Tumah tak tak hi vanram an kai pawh ka ring lo thin," tiin a sawi zawm a ni.

"Chutah insawi neuh neuh a lo awm a, pute tilawm thiam thiam an tlatlum a ni mai a, mahni nawmna tur a nih chuan thiante rel te a lo ngai a," a ti a, "Kum 3 vel liam taa ka thil tihdik loh thleng vawi khat pawh an lo sawichhuak a, chu phei chu hna thil pawh a ni lo, mimal thil tak tak a ni a, chutiang te han tawn han tawn chuan rilru hi a na ngawih ngawih mai a ni," a ti bawk.

2006 vel atang khan Mizoram-ah mahni intihlum an tam sawt hle nia hriat a ni a, 2009 kum chawhnu lamah phei kha chuan tualchhung chanchinbu lamah pawh mahni intihlum an awm thu chhiar tur a tam viau. Nikum August thlaah phei kha chuan Aizawl-ah ringawt mahni intihlum 8 zet an awm a nih kha.

Aizawl SP Lalbiakthanga Khiangte chuan kumin chhunga Aizawl District-a mahni intihlum zat a chhinchhiah zel a, kuminah mi 37 an intihlum tawh tiin a chhinchhiah.

Kumin January ni 1 atanga April 19 thlengin Aizawl District-ah ringawt mahni intihlum mi 16 an awm hman. Nikum khan mahni intihlum an tam thu khan sawi a hlawh viau na a, kumin ngaihtuah chuan a lo nasa vak lo niin a lang; nikumah kha chuan Mizoram pumah January atanga July thlengin mi 16 an intihlum a, kuminah chuan April ni 19-ah Aizawl District bikah ringawt pawh mi 16 an intihlum hman!

Unau boral tur, chhan ngai an awm e

2010-09-19T17:21:00.001+05:30

September ni 10 kha intihhlum laka inven ni- World Suicide Prevention Day a ni a, Aizawl SP office-in an chhinchhiah dan chuan he ni thleng hian Aizawl District-ah kumin chhungin mahni intihlum mi 37 an awm tawh. An zingah hian patling, kum 71 mi pawh a tel. A naupang ber chu kum 9 mi a ni.

Hrangbana College-ah chuan Civil Hospital hnuaia deptt. of psychiatry te'n World Suicide Prevention Day pual hian hun an hmang a, zirlaite hmaah thu sawiin zawhnate an chhang bawk.

Hun an hman zawhah chu huna thusawitu Dr C Lalhrekima, psychiatrist chuan a phone a'n en a, sms a lo awm; 'Pu Hrekim, ka lawm hle mai, in thusawi avangin ka thil tum ka thulh nghal e,' tih a ni.

A zanah pawh: "Ka pu, vawiin HBC-a in rawn kal kha chu ka tan chuan vantirhkoh rawn kal ang in ni e, ka lawmin ka hlim tawh tak zet a ni. Duhsakna ka hlan che u a, theih tawkin tan ka lo la ve zel ange," tih a dawng leh.

Hrangbana College zirlaite hian ziakin zawhna an thehlut a, chungah chuan an harsatna leh beidawnna te, dam an thlakhlelh loh thute bakah mangangte tanpui theih dan tur kawnga zawhna a inziak tlangpui niin thu dawn a ni.

Nikum-ah khan Hrangbana College zirlai zingah inawkhlum 3 an awm a, NGO pakhat- NELICS (New Life Charity Society) te'n chumi hnuah hun an hmang ta a ni. NELICS te hian zirlaite chu fuihin thil awmzia an hrilh a, mi beidawng tan rawn theih an nih thu te an sawi bawk. Chutah programme an hmang zo, an han haw chu, he college zirlai 6, mahni intihhlum tum mi beidawngin an be nghal! Chu'ng mite nun chu chhan hman a ni ta.

NELICS hian kuminah Pachhunga University College-ah World Suicide Prevention Day hi an hmang a, he huna thusawitu Dr Zawmsanga Sailo, NELICS general secretary chuan he college zirlai pakhat inawkhlum a awm tawh nia a hriat thu a sawi a, "He thihna duhawm lo tak hian nangmah leh i thiante a man tawh lohna turin theihtawp lo chhuah la kan duh ngawt mai," tiin zirlaite a sawm. Zirlaite chu eng bawiha mah tang lo turin a chah bawk.

"Zirlai zingah he harsatna nei an lo tam hle a, nun beidawng leh intihhlum mai rilruk te, chutiang thian neite an lo awm tih kan hrechhuak a, he thil hi ngawrh lehzuala beih a tul khawp mai," tiin Pachhunga University College zirtirtu Paul Lalremruata, Students Welfare secretary chuan Zozam Weekly a hrilh.

"Heti khawpin kan zirlaite'n harsatna an lo tawk nasa ang tih ka lo ngaihtuah ngai lo. He harsatna hi ngawrh taka beih let a lo hun tawh tak zet a ni," a ti bawk.

Tute nge? Eng vang nge?

2010-09-19T17:19:00.000+05:30

"Mizo zingah mahni intihlum an tam sawt hle a, mahni intihlum kher lo, dam thlahlel chuang lo pawh an tam. Ka ngaihtuah mai mai thin a, kum 5 hnu-ah chuan Mizo thalaite zingah mahni intihlum leh dam thlahlel lo mi beidawng hi an tam tawh awm ange, ka ti thin," tiin Dr Zawmsanga Sailo, NELICS general secretary chuan Zozam Weekly a hrilh.

NELICS (New Life Charity Society) hi NGO a ni a, nun beidawng, dam thlahlel lote chhan tuma beitu pawl an ni.

September ni 10, 2009 atang khan a duh apiangte tana dawr theih turin an inhawng a, pantu an thahnem sawt hle. An chhinchhiah dan chuan, nikum September ni 10 atanga December ni 31 thleng khan mahni intihhlum tum mi 67 an chhan hman a, kumin APril ni 10 thleng khan mi 49 an chhan tawh.

Kuminah hian pantu an ngah hle; mi 400 chuang an chhan tawh tiin a sawi theih ang.

Dam thlahlel lo, mahni intihhlum rilruk, NELICS pantute hi chi thumin an then a, mahni ngei kala an hnen pan, hmaichhana an kawm mi 70, phone call hmanga an hnena mahni harsatna thlentu mi 243, sms hmanga mahni harsatna thlentu 200 vel kuminah an nei tawh a ni.

"Mi hi kan inang lo a, a then chuan mahni ngei rawn kal an duh a, a then chuan phone hmanga min rawn biak an duh a, a then erawh chuan sms lo chu an hmang ngam lo," Dr Zawmsanga Sailo, psychologist chuan a ti.

"Hmaichhana inkawm te, phone call hmanga inkawm te chu a tih theih mai a, sms hmanga counselling tih erawh a hautak khawp mai," a ti bawk.

"Hetia sms-a in rawn betute hi chuan call an duh lo a, call chi an ni lo, sms hmanga biak ngat ngat a ngai," a ti.

"Kan hnena rawn tlulut zingah thalai an tam a, mipa aiin hmeichhia an tam zawk. Hmeichhia hi za zela 80 an tling hial ang," tiin a sawi a, hmeichhia an tam zawk chhan an hriat bik loh thu a sawi a, mipa aiin hmeichhiain harsatna tawrh an chak zawk nia a rin thu a sawi.

Mizom nunphungah hmeichhia chu in chhungkhurah mawhphurhna an ngah a, han hauh deuh te pawh an tawng zing a, chuvang chuan mipa aiin hmeichhia tawrh a fei zawk niin an ring a ni.

"Dam thlakhlelh loh vanga kan hnena rawn kalte leh phone leh sms hmanga min rawn betute zingah maltlat kan tih ang chi, midang zinga awm lova mahnia awm melh melh chi an tam," tiin an dinhmun a sawi.

"Mahni inngai ropui, midang ngaisang bik lo, mahse mahni theihna hmang tak tak chuang lo an tam a, mahni khawvel zim taka khawsa an tam," a ti bawk.

An hnen pantute hian midang an ngaisang lo a, ngaihsan an nei lo mai ni lovin, rin pawh an nei lo niin a sawi.

"Kohhran hruaitute emaw tlawmngai pawl hruaitute emaw pawh an ngaisang lo a, tin, an ring bik lo a. 'Mahni intihlum tamna society nih a zahthlak' tia sawi an awm thin a, kei chuan kan inhmeh ka ti. Kan society hi a buai a, a fel lo a, corruption a nasa a, uar taka sawi phei chuan 'tu hi nge corrupt lo?' te pawh a tih theih hial ang. Chutiang khawvelah chuan kan thalaite hi an mangang a, an beidawng a ni," Dr Zawmsanga Sailo chuan a ti.

Lehkhathiam rual inkawm pawhin "hmanlai kha la ni se aw" an ti vawng vawng thin nia sawiin, unemployment problem-in thalaite a timangang niin a sawi a, "Chutah hna hmu tur chuan sawipuitu nei tha nih a ngai tih te an hriat dan a ni leh zel a, a buaithlak khawp mai," a ti bawk.

"Kan rin ve tak takte'n an eiruk thu kan han hria a, chutiang chu hriat tur a tam hle a, chutiang khawvelah chuan hausa tawh phawt eiru tur te'n an ring a, ngaihhlut tur, rin tur an tlachham a, kan thalaite'n harsatna an tawk ta niin ka hria," a ti a, "Kan ni tin nun danah hian thil dik lo a tam a ni. He thil hi sutkian a tul khawp mai," tiin thalai beidawng an kawm atanga ngaihdan a siam thu a sawi.

Thalaite'n harsatna an dawl lo a, an tawrh a fei lo niin a sawi bawk.

"Nu leh pate'n kan fate kan induatsiak a, chutiang fate chuan harsatna an hmachhawn ngam lo a, an thiam hek lo, mahni kawng an su kaw zo lo," a ti.

Tun hnaia inawhhlum tum an chhan hman pakhat chanchin sawiin, "Motor a ni emaw, thil dang pawh ni se a pain a duh duh a leisak theihah a inngai tlat a, a pain chutiang a lo tlin bik si lo a, duat loh niin a inhre ta a ni," a ti a, chutiang chu an tawng hnem niin a sawi nghe nghe.

"Sual ni lo, mize dam lo Mizo zingah an tam. Hei hi tihdam a ngai a, inpuih a ngai khawp mai," a ti.

Pawisa vanga mangang leh beidawng an tam tih pawh a sawi a, a pung awma pawisa puktir emaw mi pawisa puk emaw, loan la emaw, a let leh dawng ta si lova mangang an tam tih a sawi a, chutiang zingah chuan nu an tam tih a sawi bawk.

"Kan bulah mi beidawng, mahni intihhlum hial duh an lo awm reng mai thei; hei hi kan ngaihtuah a ngai a, kan khawsakhonaah hrim hrim hian inngaihsak a tul. Na deuh deuha intih te hi ching lo ila, fimkhur takin i khawsaho ang u, kan zavaia mawhphurhna a ni," tiin psychiatrist Dr C Lalhrekima chuan Zozam Weekly a hrilh.

"Mahni intihlum duh khawpa beidawngte hi enkawl an ngai a, heti lama inzir deuh deuh kan mamawh. Mahni intihlumte hi depression vang a ni mai a, chu rilru natna chu mi tam takin an nei a, enkawl dam theih a ni. A enkawlna lamah hian tanlak a ngai," a ti.

Mizo zingah miin depression an neih chhan sawiin, "An nunah harsatna an tawk a, chu chu an hmachhawn thiam ta lo a. Tin, rilru zirmite leh anmahni pui theitute pan nachang kan la hre tawk lo a, chumi tura inzirtir chu a ngai a ni," a ti.

"Harsatna tawk lem lo pawhin depression hi an nei thei tho; entirnan- zunthlum te pawh miin an nei mai a, chutiang deuh chuan mihringah depression a rawn awm ve tawp thei. Thluak lam chak loh vang, chemical a in-balance loh vang te a ni thei. Engpawhnise, hetiang natna hi kan la hrethiam tawk lo a, a thiamte pan hi zah-a la lo tura inzirtir kan ngai," a ti bawk.

Nunna hrui thlung r'u

2010-09-19T17:17:00.000+05:30

Tunlaia kan titi ber pakhat chu mahni intihlumte chungchang hi a ni awm e. Titi a luah a, chanchinbu leh media lam thlengin a luah. Chutih laiin he thil rapthlak tak laka invenna tur lama tanlakna lian tham erawh kan la nei lem lo.

Kan mithiamte leh media lam an tang bawk a, tun hma ngaihtuah chuan mahni intihlumte chungchangah kan ngaihdan pawh a dang ta hle. He thil hi tawngtaw indemna chi a ni lo tih te pawh kan hre ve ta hle. Amaherawhchu, eng tin nge khua leh tui tinin dam kan thlakhlelh ang tih lamah leh mahni intihhlumna laka invenna tur lamah erawh kawng thar kan la rek lo khawp mai. Mi thahnemngaite'n theihtawp chhuah bawk mah se a sorkar-a ber hi chu a la che lo niin a lang.

Heti lam buaipuitute chuan kan population atanga chhutin mahni intihlum an tam niin an sawi a, intihlum lem lo, nun beidawng si, dam thlahlel lo an tam niin an sawi bawk. Hei hi ngun taka ngaihtuah a ngai a, a siamthat dan tur pawh ngaihtuah a hun hle a ni.

Engatinge miin dam an thlakhlelh loh? Mihring chu khawsaho tura duan kan ni a, chutih laia dam thlahlel lo an awm a nih chuan an khawsakpuite thiam loh a awm ang tih a rin theih. Kan society thlahlel lo, hrehawm ti an awm an tam a nih chuan he society siamtu mihringte hian tihdik loh kan nei tihna a ni thei.

Mahni intihhlum duhna rilru pu ni kher lo, thalaite nun hrim hrim hi thlir ila, kan thalaite hi an hlim em tih hi ngun taka ngaihtuah a ngai a ni.

Kan thalaite hi eng khawvel nge kan pek? Tih tur tha kan hrilh em? Kawng dik kan kawhhmuh em?

Dik chiah chuan, tuna kan khawtlang nun hi a hrisel lo a, a him lo bawk. Nu leh pa thenkhatin an fate lehkha zirna atan Mizo awm lohna an thlang mauh mai te hi ngaihtuah ila, kan hnam hi khawsakpui tlak kan lo ni lo em ni?

Kan khawtlang nunah hian dikna a lal lo a, sual a huaisar hle. 'Misual an dingchhuak lai kan hmu kan hmu a ni mai e' ti hial pawhin sawi ila, thu uar kan ni lo ang. Khawtlang, Kohhran leh sorkar-a kan hruaitute'n rin an hlawh lo a, zah an hlawh hek lo. A mawi kan zawng a, kan inzah der mai mai a ni. Kan rin em emte eiruk thu emaw te kan han hria a, kan ngaihsante thil tihdik lo te kan han hria a, kan 'hero' te an 'zero' mawlh mawlh mai zawng a nih hi. Rin tur awm si lo, ngaihsan tur awm si lo, a zak thei lo lote dinchhuahna ram ti hialin mi thenkhat chuan kan ram hi an sawi thin. Chutiang chu a lo ni tak tak a nih chuan, la puitling ve lote tan chuan beidawnna tham a ni ngei ang!

ZINMITE HIPNA’N

2010-09-19T17:14:00.001+05:30

¢ HC Vanlalruata

Kan hotute hian Cheraw kan (an sawi danah bamboo dance) a World Record kan siam chuan kan ramah zinmi (tourist) tam tak kan hip ang an ti a. Chubakah chuan kar hmasa lamah khan Reiekah kum dang ang bawkin tourist hipna’n tiin Anthurium Festival ni hnih awh an buatsaih leh bawk a. Kei chuan heng avang ngawt hian Mizoramah tourist an lokal tam phah ka ring lova, pakhat pawh an rawn kal belh ka ring hranpa lo.

Hman deuhah tawh khan kan Tourism Ministerin press conference a koh tumin Tourist Lodge leh Highway Restaurant-ah te hian Mizo chaw leh chawhmeh-te hi siam ni ta zawk sela a that ka rin thu rawtna ka siam a. Chuta min chhanna chu, “Mizo chaw leh chawhmeh hi kawng dunga hotel-te anga kan chhawp chuan kan Highway Restaurant leh Tourist Lodge te a tawp ang,” tih a ni a. Tourism kan man loh tlan dan leh kan sorkar hnathawk atanga politician thlengin ngaihdan vawn ngheh tlat (mindset), hmasawnna lama ke pen tura thil kalphung thlak thei reng renglo khawpa kan chut dan hi a la ngai rengin ka hria.

Mi ram tourism lam ke pen dan ang tam tak hi kan ramah a hman ve theih loh tih kan pawm phawt a tul. Vura tleng nuamti-te lokal chakna turin kan ramah vur a awm ve lova; tourist ho bawh nasat berte zing a mi nuamtawlna tur tuifinriat kam kan nei hek lo. Kan ram a la naupan’ avangin hmuhnawm tham tur thil hlui (heritage/historical sites) kan nei miah bawk si lova. Tuikhawhthla kan neih chhun lah chu mi ram tuikhawhthla sang nena khaikhin chuan nep tak a ni a, ennawm tur pawh kan nei lo.

Kan ramin kan neih chu kawng chhe takte, lui khawkrawk tak tak te, a michengte nelawmna-te, ram ngaw tlem a zawngte a ni ber a. He’ngte hi kan hman thiam chuan tourism hmasawnna atan kan her rem thei ngei ang. Kan kawngchhiate leh kan tlang kham chhengchhe takte hi adventure sports leh adventure tourism atan te, eco-tourism atana hman tangkai theih a ni a. Kan lui khawkrawk tak pawh hlauhawm taka khawsak chak mingo-ho leh India mi dangte tan pawha thelret lawng hmanga infiamna atana hman tangkai theih a ni. Sawi tawh angin kan ram ngaw-a nungcha thenkhat, khawvel hmun danga awm velote zir chiang duh kan hip thei bawk ang.

Mizorama Tourism tih-hmasawnna atan chuan kan nih ang ang leh kan neih ang chin chin hi tangkai taka kan hman thiam a tul a. Kan hotute ngaihdan ang a sap nial nual vai nial nual eitur leh tihdan phung hi chuan kan hip hauh lovang. Ramdang atanga zinmi (tourists) lokal-te hian an ramah chenna in leh thil dang tha ber ber an nei tih hriat tur a ni a. Sum senga an lokal duh chhan chu kan chaw leh chawhmehte an ei chak a, kan hnam siam chhuah zu thlengin an in chhin duh a. Kan in tha vaklo, keimahni’n tunhma atanga kan lo chenna thin tura kan sak ve-ah te an khawsa chak zawk a ni.

Zu chungchang sawi ta i la Scotch Whisky kan neih ve tha ber ber lo chhawp mah la, an ramah a aia tha an nei a, an in tawh bawk. Eitur tha ber nia kan hriat, Indian emaw Chinese emaw Continental emaw pawh lo chhawp ve tum eltiang mah ila a aia tui leh changkang ei thin hlir an ni. Chuvang chuan kan zu tuitling emaw, rakzu emaw zufang emaw kha an temin an in chak tih kan pawm a tul a. Changkang nia kan hriat kan chaw ni hauhlo, thiam tawka an duh tur ang hnaih bera kan lo siam ve ai chuan kan bai leh bawl leh tlak-te, vawksa leh antam chhumte hi an tem chhin chak a, an ei duh zawk a ni. Chaw tui leh changkang nia kan hriata theih tawpa kan lo tih ve hi ei chakin helai thleng thlengin an lokal lul lovang, an ka-a a aia tui leh changkang an ramah, an inah ei tur a tam lutuka an ei rei tawh lutuk.

Chuvangin tourism ti hmasawna, tourist tam zawk an lo luhna tur chuan kan nihna angin awm mai i la, kan rama awmte hi hman tangkai i tum mai i la. Chumi atan erawh chuan kan intihlar thiam a tul ang a, khawvel media leh Indian Embassy te, Mizoram House te kan hman tangkai a tul hle ang.

Hmanni khan Baktawng Tlangnuam venga awm Chana Pawl te kan tlawh a. Chuta ka thu ziah chu internet atanga lo chhiar-in Europe ram atanga tlawhtu an lo nei nual a lo ni a. Highway Restauranta Omlette an siam leh Chinese siam dan niawm taka chow an siam eitur ni lovin khawvela chhungkaw hung ber zanriah kilnaa tel ve tumin an lo han tlawh a lo ni. Enge kan neih a, India ram hmundang leh ramdang atang pawha an rawn tlawh chak tur enge kan lo hlui theih tih hre chiang hmasa phawt a, chuta tanga kan nihna diktak hmanga zinmite hip dan kan thiam a tul a. Tuna kan kal dan ngawt hi chuan Tourist lodge te kan siam hnem leh kan hloh hnem mai dawn a ni.

Kan hun tawng zingah Khawkhawm a pawi ber mai...

2010-09-19T17:12:00.000+05:30

"Ka duh ber chu thih a ni mai... kan awmna grouping centre piah, daiah kalin Pathian hnenah ka va tawngtai thin a, ka nunna la turin ni tin ka dil thin. Khang laia ka duh ber chu thih a ni tawp," tiin khawkhawm tuartu pakhat chuan a sawi.

Rambuai laia khawkhawm chungchang zirhona, Zoram Research Foundation (ZoRF) te buatsaih, 'International Seminar on Grouping of Villages' chu September ni 6 zanah Tourist Lodge-ah larsap MM Lakhera-in a hawng a, ni 7,8 leh 9-ah te chhunzawmin, ni 9-ah hian chief secretary Vanhela Pachuau-in a khar a ni.

Seminar-a paper present-tu pakhat, Mizoram University-a psychology zirtirtu Dr HK Laldinpuii Fente chuan khawkhawm vanga tawrhna chungchang a zirchiannaah, khawkhawm tuartute'n rilru lama natna hrang hrang an nei nasa hle tih a hmuh thu a sawi.

Khawkhawm tuartu leh tawngtute a kawmte tawngkam hrang hrang a sawichhuak a, "Kan khaw pitar pakhat chuan a thih dawn thleng khan eng dang mah pawh a sawi thei lo, ‘Sikh-ho kha chu an va sual tak e aw, hmeichhia te an lo khawih a’ tih bak... a thih dawn thleng khan a sawi a sawi mai a ni," tia mi pakhatin a sawi thu pawh a sawichhuak.

"Khawkhawm sawi hi chuan ka hnual rawih zel... tunah chuan thawnthu hlui sawiin kan sawi thei tawh a, nuih te pawh nuihpui hawk hawk thei tawh angin lang mah se kha kan thil tawrh rapthlak tak kha nuihpui chi a ni lo... dik chiah chuan, tun thleng hian khawkhawm chungchang sawi chuan rilru hi a hnim ruih mai a ni," midang pakhat pawhin a ti niin Dr HK Laldinpuii Fente chuan a sawi.

Khawkhawm tuartute khan rilru lam natna hrang hrang- anxiety, tension, depression te an nei nasa tih a sawi a, a hnu zelah pawh nghawng neiin, 'Posttraumatic stress disorder' an la nei nasa tih a sawi. Rilru lam natna vanga natna awm thei- BP tha lo, lung lam natna, pum tha lo, dermatitis (vun lam natna) thlengin an nei tih a sawi bawk.

Khawkhawm vangin khaw pakhatah khaw hrang hrang khalhkhawm an ni a, an awmkhawmna khaw tharah chuan khawchhuak 'feeling' an nei nasa hle tih sawiin Dr HK Laldinpuii Fente chuan, tun hmaa midang tanpui thinte khan rilru hran an lo pu ta a, hei hian Mizo nunah nghawng a nei tih a sawi.

Assam chief secretary hlui Vijendra Singh Jafa chuan: "Khatiang ralrel kha India hian tunlai hian hnam tenaute lakah hmang leh se chu, he kum sangbi tharah hian media zingah lehnghal, ram chhung leh ram pawnah insawifiahna tur a ngah khawp ang, 1960s vel ang mai mai kha chu a ni lo ang," a ti.

Ani hian seminar rawn hmang thei lo mah se a paper a rawn thawn a, 1967 leh 1970 inkara khawkhawm khan Mizote thinlungah ser lian pui a hnutchhiah tih a paper-ah chuan a ziak a, "Mizote thingtlang nun nuam tak chu kumkhua atan a thi ta a ni," ti hialin a sawi.

Rambuai laia Aizawl Citizens Committee hruaitu Rev Lalngurauva Ralte chuan khawkhawm kha rapthlak a tih thu a sawi a, Mizo hnam nun tichhetu ni hiala a ngaih thu a sawi.

Grouping centre-a khalhkhawm an nih hnuah an buh kalsante chu hal zui a ni a, hal lohte pawh lak lohvin a tawih ral a, mipuiin ei tur an nei lo thuai niin a sawi. Khatia mipuiin ei tur an neih loh khan sipai lam chuan 'control' buhfai leh atta an sem a, mipui chu an thuhnuaia kun lo thei loin an siam ta a ni, a ti.

Mipui chu an dinhmun a phet chhe vek (uprooted) a, mahni ke ding leh ei zawng mumal thei pawhin an awm lo a ni, a ti bawk.

"Mahni thawhchhuah ei a awm tawh lo a ni," Rev Lalngurauva chuan a ti a, khawkhawm hian Mizo nun leh hnam nun a ching let nasa tia sawiin, Mizo nun mawi a awm ta lo a, sakhuana leh nun dan tha ai chuan taksa himna leh ei tur ringawt chu mipui ngaihtuah leh buaipui ber a ni lo thei lo tiin a sawi. "Sipai laka tlaktlumna a nih dawn chuan mahni rinawmna pawh hralh duhna a lo awm ta a ni," a ti.

Rev Lalngurauva Ralte hian rambuai laiin buhfai an sem thin tih a sawi a, a tirah chuan Mizo pa reng rengin "keini chu kan tam lo e, thenawmte pe rawh u" an ti thin nia sawiin, khawkhawm hnu-ah chuan "kei kei kei" tih vk a ni ta niin a sawi!

Institute for Defence Studies and Analyses, New Delhi-a research fellow Ali Ahmed pawhin, "Mizoram atanga kan zirchhuah chu, khawkhawm hi India ramah tih nawn chi a ni lo tih hi a ni," a ti.

Prof Sajal Nag chuan khawkhawm chu lung in nen tehkhinin 'open prison' tiin a sawi a, Mizo mipuite khungkhawma thunun tumna nia a ngaih thu a sawi.

Prof C Nunthara chuan khawkhawm hi a hlawhchham niin a sawi a, India sorkar beisei angin mipuiin MNF an thlawp loh phah lo a, a ti chak zawk mah niin a sawi. 1986-a MNF leh India inremna nen pawh a inkaihhnawih lo a ni, a ti. Thlawhhma lak theih a nih loh avangin an tam phah tep a, chu chuan khawpui a ti thang hluai a, industry lama hmasawnna awm si lovin Aizawl khawpui chu a pawngpaw than hluai niin a sawi bawk.

Sawihona huna sawitu pakhat, Rev Lalzawnga chuan rambuai laia a awmna, Lawngtlai-a thil thleng a sawi a, sipaiin khua khawm an duh avangin Lawngtlai chhehvela VC-te an ko khawm a, khawkhawm ngen turin an nawr niin a sawi. Vawi thum khawkhawm ngen tura an tih hnuah sipaite chuan tharum an thawh ta niin a sawi a, VC te chu a letlinga khaiin an vua a, mipuiin an thih mai hlauin khawkhawm ngenna lehkha ziak mai turin VC te chu an rawn ta a ni, a ti.

A sawi zelnaah Rev Lalzawnga chuan regional council huamchhunga khawkhawmah chuan rangva sem a awm ve lo niin a sawi a, khawkhawmna hmuna awmte chu an dinhmun a hrehawm hle tih a sawi. Pastor tan pawh bial fan a hrehawm hle tih sawiin Rev Lalzawnga chuan inah hian thutna tur hmun tak ngial pawh a awm thin lo tih sawiin, "Kan chhuah hlan an nghakhlel em em mai thin a… Pastor nih pawh hrehawm tak a ni," a ti.

MNF War Council secretary thin Vanlalngaia chuan Mizoram mipui 80%, khaw hrang hrang 516-a chengte khaw 110-a sawikhawm a, thlawhhma pawh la hlei thei lova an awm chu Concentration Camp-ah an ngai tih a sawi a, khawkhawm chu Mizo chanchina hun thim berah MNF chuan an ngai tih sawiin, grouping centre-ah hian hriselna lam thil ngaihtuah miah lovin Mizo mipuite chu ek beng an ni, a ti.

Mizoram Assembly speaker hlui, zalenna suala rammu thin Lalchamliana pawhin khawkhawm chu Mizote tan chuan 'concentration camp' a ni tiin MNF chuan an la sawi reng tih a sawi a; khatih lai khan MNF sipaite chu a theih anga tam India sipaite bei tura tih an nih avangin a theihna hmun apiangah an bei a, inkahna leh inlambunna a tam lai ber a ni, a ti.

Sawihona hunah Mizoram University political science zirtirtu Lallianchhunga chuan, khatih lai khan hel turin right kan nei tiin a sawi. Lockean Social Contract theory hmanga chhutin, India sorkar khan human rights min pek loh avangin 'right to rebel' MNF khan an nei, tiin a sawi a ni.

Lalhmingliana Saiawi chuan rambuai lai khan mipa an him lo zual nia sawiin, mipa tan chuan thih mai theihna tur a tam tiin a sawi a, chuvang chuan hmeichhia pawh an venghim zo lo thin nia a hriat thu a sawi.

Col Lalchungnunga chuan rambuai lai khan, 1966 atanga 1976 thlengin India sorkarin Mizote kha India sipai atan a duh lo a, Mizo tlangval an la duh lo tih a sawi. A sawi dan chuan, hei hi vawiin thlengin Mizote'n an la tuar a, Mizo tlangval sipai lal pawh an tlem phah a ni.

Thangtharte'n rambuai chanchin an vei lo nia sawi an awm a, RK Thanga chuan hei hi hnialin, 1966 March ni 5-a thlawhna hmanga Zoram beih a nih chungchangah pawh MZP-in India sorkar chu ngaihdam dil turin an phut tih a sawi.

Mizote independence sual chhan ber chu an duh loh ber India hnuaia awmtir an nih vang a ni, tiin Dr Kenneth Chawngliana chuan a sawi.

Sociologist, politician ni ta Dr Kenneth Chawngliana chuan Mizote duh ber chu independence a ni a, chumi hnuah crown colony niin India hnuaia awm chu a pathumna chauh a ni, a ti.

"Mizoten independence kan sual chhan ber chu India-a hi kan duh ber a nih loh vang a ni," a ti.

India indepedent atanga kum 20 chhung (1966) thleng khan India-in Mizote a enkawl dan chu Mizote tan hian a lungawi thlak loh a, tunah pawh hian a lungawi thlak chuang loh, Dr Kenneth Chawngliana chuan a ti bawk. Development programme-ah India-in Mizote tana hna a thawh dan a lungawi thlak loh nia sawiin, hemi chungchangah hian Assam sorkar a dem lo a, India sorkar a dem tih a sawi.

Tun dinhmuna India-in Mizoram a enkawl dana lungawi thlak loh a tih dan a sawinaah Dr Kenneth chuan, tun thlengin Mizoram chuan central minister pakhat chauh a nei, a ti. India hian tuna kan dinhmun leh awm dana lungawiah Mizote hi min ngai tur a ni lo, a ti bawk.

Thusawitu dang Keihawla Sailo chuan India rama Mizoram a beh dan hi a dik lo niin a sawi a; India independent dawn laia political party awmchhun Mizo Union chu 1946-a din a nih chauh avangin mipui aia a la awh zo lo, a ti. Tin, khatih lai khan a ram leilunga thuneitu (land owner) chu lalte an ni, a ti bawk.

Keihawla chuan British hun lai hian Mizoram chu tribal area a nih thu leh British India-a chhiar tel a ni lo, a ti a; hei hi nimina academic session hnuhnung ber kaihruaitu Lalkhama IAS (Retd) chuan Lushai Hills hi British India hnuaia Assam province-a awm a nih avangin India ramah a tel a ni, tiin a sawi thung. British India hnuaia Mizoram tel leh tel loh chungchangah kalkhawmte reilote an inhnial zui deuh nghe nghe.

Denghnuna, IAS (Retd) pawhin khawkhawm chungchangah lehkha pawimawhte hi India sorkarin mipui hmuh theiha dah (declassify) tur leh hemi chungchanga white paper siam tura a duh thu a sawi.

Dr Samuel Vanlalthlanga chuan India hian Mizoram leh hmarchhak pum hi colony angah a la ngai nia a hriat thu a sawi a, sipaite hian human rights ngaih pawimawh nachang an la hre lo hle nia a hriat thu a sawi bawk. Hetiang a nih avang hian India tan chuan Armed Forces Special Power Act (AFSPA) pawh hi hman theih nia a la ngaih loh thu Dr Samuel chuan a sawi a ni.

Seminar hian ngaihhlut a hlawh hle a, ni thum chhungin I&PR Conference Hall-ah thutna rembelh a ngai ziah a ni.

Seminar kharna huna khuallian, chief secretary Van Hela Pachuau chuan rambuai vanga Mizote tawrhna hi theihnghilh tur a ni lo tih a sawi a, hetiang seminar hi neih fo tul a tih thu a sawi. Chutih laiin India laka lungawi lohna chawhthawh nana hman tur nia a ngaih loh thu a sawi a, Mizote hian loh theih loha India nih pawm a ngai tawh nia sawiin, India-in sepecial category-a daha a enkawl dan pawh hriatpui ve tur a ni, a ti.

Seminar huaihawttu Zoram Research Foundation (ZoRF) chuan hetiang hi nakum hian New Delhi-ah neiha Mizote tawrhna zau zawka vawrhchhuah an tum niin an pawl general secretary Rochamliana chuan a sawi.

1966 Mizoram Buaia Ka Hun Tawngte

2010-09-19T17:06:00.000+05:30

¢ Lalzuia Colney

1. March 1966 : Chawngtlai Middle Sohool-ah Headmaster hna ka thawk a. Chutih lai chuan March 1, 1966-ah chuan Mizo National Front-in Movement an siam dawn tih hi an sawi a. March 1 a lo thlen chuan Sipai Post hmun hrang hrangah buai a awm tan a. Keini Skul pawh kal zel a nuam ta bik lo va, March 4-ah chuan Sikul kan khar ve ta a. March 5-ah Khawzawl Assam Rifle Post-a MNA hnathawh dan boruak thlir turin Khawzawl-ah ka kal a, Khawzawl AR Camp chu MNA chuan an lo hual bet a; tichuan, Chawngtlai lamah chuan ka hawng leh ta a. Chhumliamkawn Hmawngmual rama ka kal lai chuan Fighter a lo thlawk a, Hmawngmual tlang atang chuan ka thlir reng a. Khawzawl chu a thlawh hual vel a. AR Camp sir vel chu Machine-gun in a hawl ta char char a, ka thlir reng a, a chang chuan bomb te a thlak a. Fighter chu a hawn leh hnu chuan kei pawh Chawngtlai panin ka kal ve leh ta a.

Hetih lai hian Khawzawl khaw bul Tuisenah kan chhungte an awm a, Buai a nih tak avangin chutah chuan kan awm ve ta a. Ni dangah chuan Fighter-in Khawzawl chu a rawn bei leh ta a, Aizawl lam atangin Sipai dang an lo thleng ta bawk a, sipai chuan Civil mi an hmuh chu an sawisa deuh zel a; chuvangin, Khawzawl mi chu khaw thenawmah an tlanchhe zo deuh vek tawh a. Fighter chuan Khawzawl chu a rawn bei leh a, Khawzawl in chu a rawn kap alh ta hlauh hluah mai a. MNA pawh sipai dang an lo thlen chinah chuan an insuan bo ve ta a ni.

2. Khawzawla sipaiin min man thu : Tuisenah kan awm a(l966), Khawzawla kan chhungte chu an in a kan chuan buhte a kang zo ang tih kan hlau va, buh phur turin kan thawk chhuak a. An bun dahna kan thlen hmain, Kawnzar Veng chhaka kan kal chu sipaiin kawng chhak lam atangin silai an lo kap ri thuai a. Kan hlau va, hlauthawng tak chungin kan ding he haw a, khawi lam nge silai rikna tak pawh kan hre lo. Tichuan sipai an lo lang ta that that a, "Eheu!" kan ti a, kan hawi he haw a. Sipai chuan kei chu min man ta a, "Nangmah MNF maw? Mi sual maw? Engah nge min kah?" te an ti a. Kan hnam hrui ken chuan min hnungkhirh a, ka chhungte chu an dah hrang a, kei pawh chu tlan turin min ti a. Mahse, ka hnug lam atangin min kap dawn niin ka hria a, ka han kal chiah chuan silai chu a ri dawp a; mahse a mu chuan min fuh lo. "Kal rawh," an tih avangin ka kal zel a, sipaiin min hmuh loh chinah chuan kawngpui ka zawh ngam loh avangin kawng thlangah ka peng a, ka tlan bo ta a ni ber.

Ka chhungte chuan silai a rik avangin min kap taah ngaiin ka ruang an rawn zawng zel a; mahse, an hmu bik lo. Tlai lamah chuan Tuisena kan chenna inah chuan kan inhmu khawm a, lawm vang a ni ber tawh ang chu, min hmuh chuan an tap an tap ta a.

3. Pawngsual : Hetih lai vel hian sipaiin khua an fang a, min ko khawm a. Chutih lai chuan sipai thenkhat chuan kan hmeichhiate lo pawngsual tawk an awm a. Buaina a chhah tual tual a. Hetih lai hian kan khua Farkawn lamah chuan boruak a la veng viau tih an sawi a, Farkawn lama awm turin kan chhuk leh ta a ni. Hei hi June thla, 1966 a ni. Tichuan Farkawn chu kan thleng ta a.

4. Farkawn-ah : Farkawn-ah hian 1966 November - 1969 March thleng kan awm. Farkawn-a kan awm chuan Rambuai chuan min nang ve ta zel tho va. Hetih lai hian fa 3 kan nei a, lo kan neih avangin kan feh san a, a nute-in a awm a. Ni khat chu kan hlauh lawk ang deuhvin sipai an lo thleng ta a, kan feh hawng chu mahni inah pawh lut lovin biak inah min khung khawm a, zankhuain kan ding tlaivar thak a. A tukah chuan Bible-a kut nghatin thu min tiamtir a, ti chuan kan zalen leh deuh ta a. He khuaah hian Thaidawr, Thekpui, Thekte, Muallung te an khawm (grouped) a. YMA President ka ni a, MNF lam tangah min ngai ang tih hlauvin minit bu pawh kan thukru vel zel.

5. Vanzau-ah : 1969 March thlaah chuan Vanzau-ah ME School Headmaster ni turin min sawm a, ka kal ta a. Sipai Post nghet a ni bawk a, a thawveng deuh turah ka ngai a. Post Commander-te nen pawh kan inti tha viau a ni. Vawi khat chu MNF lehkha, Typwriter-a chhut hi an man a. Hetih lai hian helai velah chuan keini skul deuh chauh chuan Typewriter nei kan ni a. Chuvang chuan min man ta a. Mahse, sipaite nen kan inhriat deuh tawh avangin misual ka ni lo tih an hria a, sipai duty-naah min thuttir ve a. Tichuan, zan khat chu ka tlaivar ve a, a tukah min hawntir leh ta a. He khuaah hian Lianpui, Sazep, Dungtlang, Leithum, Melveng te an khawm a ni.

Rambuai lai hian kan feh tur pawh chawfun ken an phal lo va, MNF chaw pe turah min ngaih vang a ni a. Chaw fun keng lovin nilengin hna kan thawk thin a ni.

Hei hi Rambuai laia ka hun tawng tlangpui chu a ni e.

('International Seminar on Grouping of Villages'-ah he paper hi sem a ni.)

Anthurium Festival kalkawng

2010-09-19T16:57:00.004+05:30

¢ PB Lalrammawia

Kumina Anthurium Festival chu Anthurium Festival vawi 5-na a ni a, ni hnih awh a ni. A ni hmasa zawk chu Larsapin a hawng a, a ni hnihna chu tourism minister-in a hawng ve thung a, chutiang khatiang chuan programme hman a ni a, tiin chipchiar taka report ka tum lo.

A ni hnihna- Inrinni chu kan hman ve deuh ni a nih avangin thianzahovin he Anthurium Festival hi chhim ve ila kan ti a, mahse chhuna press conference kan han hman zawh meuh chuan dar khat a lo ri vu tawh a. Hmanhmawh rilru ang reng takin Reiek lam panin kan tlan chhuak ve ta a.

Kan tlai tawh viau na a, keini anga tlai an lo la tam kher mai. Kawnglakah chuan Reiek lam pan lirthei chi hrang hrang kan inzui duah duah a, taxi leh bike an tam deuh ber a, a karlakah car a inrawlh ve zauh zauh.

Dihmunzawl thlen hma kawngpui kam thingbuk hlim hnuaiah a khat mawi tawkin nula leh tlangval an lo chawl a, an lo nui ham ham a, nuam an tih hmel khawp mai. Chawhnu her tawhah Anthurium Festival hman tumin Reiek lam an pan ve bawk a, mahse anthurium festival kha an kal chhan dik tak a nih vak hmel loh khawp mai.

Ka ngaihtuahnaah chuan thil pakhat a lo lut a; kawngpui kama thing dingin hlim nuam tak a siam chu kan thalaiten chawlh hahdam nan an hmang a, hun hlimawm tak an hmang a. Green Mizoram denchhena tuna kawngpui dunga kan thingtiak phunte hi tha takin lo thang lian ta se, tun atanga kum 15 velah chuan kan zinkawngte hi a va han nuam dawn em tih ka ngaihtuah a.

Mahse, tuna thing tiak phunte hi dam khawchhuak zo eng zat tak awm ang maw? Bakah, kan enkawl dan hi a tlaran zawng bawk. Tunhnai mai khan supply minister-in media mite a kawmnaah Mama (Vanglaini) chuan Ailawng bula kawngsira thing tiak phun chu a hung nan thingtuai banpuam tiat tiat an hmang tiin supply minister, forest minister ni bawk hnenah a sawi a. Minister chuan a hung nan mau tal hman ni se tha a tih thu a sawi a. Party worker lam atanga minister tawiawmtu pakhat chuan supply thil nen a inzawm vak loh thu a lo sawi a, mahse MJA president chuan supply minister chu forest lam changtu a nih tho avangin forest thil sawi chu a leng vek tura a ngaih thu a lo sawi ve bawk a, minister ho chuan forest lam kan han sawi leh rih a.

Hetianga ka han sawi kai deuh duah chhan chu, minister hian phai lam hotute a dawrnaah PSO atana an pek Punjab Police pakhat chu thingpui inna tur cheng za pek a tum thu leh, chu police chuan 'Punjab Police ka ni a, ka la thei lo' tia a lo chhan dan te chu supply chungchang a sawi kai hmaa thuhmaa a sawi avangin ka han sawi chhuak ve mai a ni.

Reiek kawngah hian hmun pakhata thing tiak phun chu mihring aia sang hi an lo ding thuau mai a, a kung bul an sam fai hluau mai bawk a, a hmuhnawm hi ka han ti khawp a, a thla ka la nghe nghe a.

Thawkkhat lai khan Falkawn lamah kan va kal a, nikum lama Green Mizoram denchhena kawngsira thing tiak phun kan va en a, thing tiak chu sawi loh, tam tak chu a hungna mau pawh hmuh tur awm tawh lo khawpin hnimin a lo bawh khat luk hlawm a. Kan kal hnu thla khat velah sorkar chuan mahni thing tiak phun theuh enkawl tura a tih vangin sorkar department tam tak chuan a samfai hna leh hung that hna an va thawk ta a. Falkawn Referral Hospital compound-a minister leh officer lianho thingphun chu thirpalin an hung a, mihring chen chen chu an ni ve hlawm tawh a, mahse hnimin a bawh khat luk tho. Tunah hian an lo samfai hman tawh em ang chu maw.

Tichuan, Reiek lam pan chuan kan tlan zel a. Aizawl chawmtu tuilakna lui bulah chuan nula leh tlangval an lo ding nghuk a, keini tan chuan an haw lam nge an kal lam tih hriat a harsa khawp mai; chak takin kan tlanpel a.

Kawngchhovah kan tlan zel a. Hmun pakhatah hian kawngsirah Dawr an lo hawng a, ei theih chi hrang hrang leh grape juice an lo zuar a, chawl khawmuang lovin kan tlan zel a. Tuikhawhthla awmna hmun kan thleng a, chutah chuan kan chawl ve ta a.

Midang pawh an lo zi huai huai mai a. Bungkawn Self Help Group chuan eitheih chi hrang hrang leh grape juice an lo zuar a, aurinna nen an lo ri le lu a.

Thenkhat chu a chhak lawk kawngsira chawlhbukah an lo thu bial laih laih a, thenkhatin kawngsir remchang laiah tanhmun an lo khawh a, thenkhat tuikhawhthla enin an lo hmanhlel a, thlalakna a de zuai zuai reng a. Hmeichhe naupang leh mipa naupangte pawh tuiah an lo inbual a, hmeichhe naupang pakhat chu ruak vekin tuikhawhthla hnuai tui tling bulah a lo tlan teu teu a.

Chu hmun chu a va han 'innocent' tak em! Tuikhawhthla siperin a per phak loh deuhna hmun thenkhatah chuan tlangval thenkhatin dawhkan an rem a, an thil ken an phawrh a, nuam tih hmel takin an inho a. A thlang deuh tiauphovah chuan patling pathum hian sawhchiar an lo thut hual a, an dawm bawk a. Kan sir lawkah chuan vainu hi a lo ding a, Thartea chuan thla a laksak a, tuikhawhthla langin. An chhungkuain Anthurium Festival hmang tura kal an lo ni ve a. A pasal, Bank of Baroda-a cashier hna thawk Pu Roy-a chuan Mizoramah kum hnih vel an awm tawh thu leh nuam a tih thu a sawi a, an chhungkaw thla kan laksak a.

Keini pawh chuan Self Help Group sawhchiar zawrh chu kan lei a, cheng sawm man chu a tam khawp mai. Grape Juice pawh duhtawk lei tur a awm.

Reiek Tourist Resort kan thleng a, haw tur lam nen kan intawk zut tawh a. A tualzawlah Anthurium Girl an kal kual a, zaithiam an zai a,fiamthu thiamin fiamthu an thawh a. Ruah a sur buan buan a, ruahsur a han a, kan haw leh a ni deuh mai.

A hmuna kan awm chhung hian Guwahati atanga festival rawn chhim tura lo kal tlangval rual chuan Mizo typical village an lo tlawh a, pipu-ah an lo uai a, an thla te ka laksak a, festival chu nuam an tih thu an sawi a, nuam an tih hmel ve tho mai.

Kum danga an tih ngaih loh, nghakuai khaia inelna chu khaw pawn sangha dilah a ni a, kan thleng ve hman ta lo, kan tel chak thu kan sawi liam a ni ta mai.

Tun tum Anthurium Festival-ah hian festival hmannaah grape juice zawrh an lo khap a ni awm e, a hnu feah kan hre ve chauh a. Hei vang hi a ni ang, zanah kan hawng a ni a, zan dar 7 velah pawh tuikhawhthla bul chu a lo la rak hle mai a. A thlang lama dawr te pawh an lo la bawr laih laih a, grape juice an zawrh miau avangin.

Thudawn pakhatin a sawi danin Anthurium Festival hnuhnung berah khan grape juice avangin intihbuaina a lo thleng tawh a ni awm a, chu chu tun tuma festival hmannaa grape juice zawrh an lo khap chhan chu a ni awm e. Mahse, a hmunah khan a ruka zuar an awm tho, thudawn pakhat chuan a ti.

Anthurium Festival-ah hian Anthurium pangpar puala programme duan chu Anthurium Girl-te kha an ni deuh mai awm e. Festival neihna hmun kha Anthurium parin an chei a, chu chu a ni leh deuh mai. Nikum khan Anthurium par an zuar a, mahse Buhban chhum a lar zawk tlat! Anthurium puala kutpui kan hmang thei hi a tha a, mi tam tak hlimna thlentu a ni a, a lawmawm e, mahse...

Anthurium Festival hi a ngaiah ngawr ngawr ni lo, hmun hrang hranga kan tourist resort promote nan te pawh hmang thei ila, a tha khawp ang. Tuna Hmuifang Tourist Resort te saw state dang atanga rawn chhimtute hmuhtirna chance tha tak chu Anthurium Festival hi a ni.

A thuhrimin Reiek Tourist Resort hian tun dinhmunah chuan mikhual a dawl zo lo lam deuh chu niin a lang a, programme liantham deuh huaihawtna hmun tura kan vauchher deuh ber a nih tawh avang hian, tun aia a leta zau hian chei that a tul niin a lang.

Festival sawi takah chuan tuna Zawlaidi hmang hian Festival pakhat chu kan mithiamte hian chher chhuah dan ngaihtuah leh thei se a duhawm khawp mai. Kuthnathawh min ngaihsantirtu kan hruaitute hian kuthnathawktute puala programme lian tham an siam ve theihna chance tha tak hi bawhpelh lo teh se. Kan ram hruaitute pawhin Agro-based industry an sawimawi a, mipui pawh hian i bawh hum hum ang u. Anthurium zawng, bawh hum hum tham pawh niin a lang lem si lova.

Anthurium Festival chu

Ni hnih awh tur Anthurium Festival 2010 chu September ni 9 khan Reiek Tourist Resort-ah Mizoram Governor M.M. Lakhera chuan a hawng. State Planning Board vice chairman Lalkhama khualzahawm a ni.

Larsap chuan Mizoramin ram mawi, sik leh sa duhawm tak a neih thu sawiin, "Tun kum kal ta mai chhung pawh khan agriculture, horticulture leh floriculture lamah hmasawnna namen lo kan hmu a, kutthemthiam, tualtahpuan dehchhuah leh kan thlai thar te damdawi pawlh loh an ni te hi khawvel ramdang hmuh phakah pholan thiam a tul a ni," a ti.

State pawn lam mi te nasa leh zuala hip lut turin keimahni remchanna lam chauh thlir lova an tana hun remchang buatsaih thiam a tul. Mizoram thar chhuah Anthurium hi India ram State dang mai bakah ram pawnah hial thawn chhuah a ni thei hi a chhuanawm takzet a ni," Governor chuan a ti bawk.

Khualzahawm Lalkhama chuan India ramah inhungbingna tha tak neia Mizote kan awm chu vanneihthlak a tih thu a sawi a. Sorkar laipui atanga hmasawnna sum thahnem tak lo luanglut thin te chu chhawr tangkai thiam turin Reiek leh Ailawng mipuite pawh tan la turin a fuih a ni.

He festival-ah hian Mizo Cultural Organisation, Art & Culture leh Mizoram Gorkha Youth Association ten hnam lam chi hrang hrang an entir a. MZI Reiek leh zaithiam lar tak tak ten kalkhawmte chu hla leh rimawi chi hrang hrangin an awi a, Heritage Handloom & Handicraft buatsaih Fashion Show hmuhnawm tak thlir tur a awm bawk. Tun tum Anthurium Festival-ah hian kum danga la tih ngai loh nghakuai chiaha sangha inman tam siaka inel a ni a, Rifle leh thal inkahsiak pawh neih a ni bawk.

Festival hawnna inkhawm hi Tourism Department Joint Director Pu Biakthanmawia'n a kaihruai a,Tourism Minister Pu S.Hiato leh sorkar mi pawimawh tak tak te bakah mipui thahnem takin kut hi an chhim a ni.

Anthurium Festival hi vawiinah hman chhunzawm leh a ni ang a, Tourism Minister Pu S. Hiato chu khuallian a ni ang.

September ni 10-ah tourism minister S Hiato-a'n Anthurium Festival hi a khar a, "Hetiang festival hi tun aia tam leh uar zawka tih tum a ni. Khualzinte hmang hian Mizoram chhungah sum tam tham tak a lut a; chuvangin mikhualte duat thiam hi a pawimawh a ni," a ti.

"Tun kum chhung hian rampawn mi 600 chuang leh India hmun dang atangin mi 50,000 chuangin Mizoram hi an tlawh a. Khawvel pum huap pawha mite ngaihsan Mizoramin Anthurium kan thawnchhuak thei leh thalaiten intihhlimna tur hun leh hmun remchang hlimawm tak kan hmang thei hi a lawmawm hle a ni," a ti bawk.

Anthurium Festival hi kum 2006 atang khan neih tan a ni a, he festival-ah Mizoram a cheng hnam hrang hrang nunphungte leh khawsakziate lantir thin a ni. Inrinnia Anthurium Festival hmannaah khan hnam lam leh zai bakah Fashion Show te neih a ni.

"Vaihna Vartian" leh Mafaa Hauhnar

2010-09-19T15:51:00.002+05:30

¢ Lalhruaitluanga Chawngte

Mizo literature-ah tunlaia thawm na ber chu "Vaihna Vartian" hi a ni awm e. A chhuah hma hauhvin lehkhabu dawrah an zawng a, a kawmah saruak thlalak a awm vangin Synod Bookroom-in an zuar duh lo maia ring awm bawk mah se Synod Bookroom-ah ngei pawh a chhuah hmaa lei tum an lut leh thin. Poet, essayist, critic Mafaa hi Zofate'n an la kham lo a ni ang, short shory writer Mafaa an la zawng tlat!

Literature hi i naupan lai atangin i tui reng nge i puitlin hnuah i tui chauh?
Mafaa Hauhnar kutchhuak thawnthu tawi khungkhawmna "Vaihna Vartian" hi September ni 9-ah ziakmi Vanneihtluanga'n a tlangzarh a, a tukah chhut sa a zo nghal! Chu lehkhabu chanchin chu hei le, a ziaktu ngeiin a puang e...

"Vaihna Vartian" hi i tan eng nge a nih?
"Vaihna Vartian" maw, ka tan chuan mêl-lung pawimawh, bung thar ka tanna a ni. Thu tluangtlam ziakmi (essayist), faksêlna thu ziakmi (critic) leh hlahril phuahtu (poet) leh fiamthu duh (humorist) anga engemaw chen thu leh hla tualzawla ka inlan hnu-ah Mafaa thawnthu tawi phuahtu (short story teller) ka rawn inlar hmasak berna anga ngaih theihna chin a awm a, kan zâm a, ka phur bawk a, “mixed emotion” an tih ang hi a ni ber ang, ka tan chuan chhinchhiahtlak tak a ni.

A bu hming hi thenkhatin an sawi deuh a...
N’e, "Vaihna Vartian" han tih hian thu insai kalh leh inkâwlkalh- oxymoron, antithesis, paradox an tih ang chi hi chu a hmehbel fai vek theih awm e.

Vartian chu khawvelina hun thar leh duhawm zawk inherchhuahna hun, lungngai fa leh beidawngte tana beiseina thar inher chhuah hun, natna zawng zawng a bona huna ngaih a ni. "Zoram Khawvar Hun Nghakin" tih lehkhabu te pawh a awm hi! He lehkhabua a changtupa tan hi chuan a lungngaihna intanna hun a ni miau mai a nih hi!

Thenkhat, “Vaihna tih hi Zotawngah a awm lo,” lo ti pawl pawh an awm a ni awm e. Chu’ng mite hriat atan chuan, “Ka vai ruai e, zaleng zingah,” tih te, “Ka vaih khua sei mah se, Parte,” tih te, “Mahriakte’n ar ang ka vai’ tih te, baihvai, lungvai, chavai, vakvai tih thute hi ka han theh ve hlek duh a ni .

Tin, a kâwma nula saruak, hnungchhawna lo ding, "a Synod zân lo e” lo ti an awm palh tâk thulhah, min zawt lem lo mah la, han sawi tel hram ka duh a, hei hi a zahmawh rawngkai zawnga rawn hmang ka ni law, kan artist-te chuan an hrethiam em em ang a, art object a ni a, nun saruak, mahni invêng thei lo, 'defenceless' leh 'vulnerable' pholan ka tum a ni.

A hmain i irawm chhuak lehkhabu pahnih i nei tawh a, tunah a pathumna. Lehkhabu tihchhuah hi eng nge a hlawkna? Sum leh paiah a hlawk em?
Mizo thuziakmi tlemte zingah hian a vannei pawlah ka han tel pha hlauh pek a, hetia ka duhtawka ka han inhrikthlak hnu hian Pu Zuahliana te ang lo takin sum leh paiah hlawkna ka han hmun hlauh pek a, chu chu factor dang vang pawh a ni mahna, ka hre ngam lo le, hei hi min zawh takah chuan chhiartu mipuite chunga lawmthu sawina hun min hawnsakna hun tak niin ka hria, ka lawm e.

Tun tum hi e, kei pawhin ka awih ngam lo hial zawk, ka tlangzarh tuk khan kan chhut sa zawng zawng a’n fai pak pek a! Kan comedian search boruak neih lai nen a innan vang leh kan thianteho an tan tlan vang ni maw, dawr-ak zawng zawng pawhin man pek sa vekin min laksak a, kan nu phei chuan pawisa chhiarna khawl lei a rawt vut vut mai (ha, ha, ha!). Tak taka, khawrchhawngnu, “Vawiin thil thu-ah bu 100 chuang ka hralh zo a, i zarah ka fate inkhawmpui kawr zawng zawng ka tuak ngah thei e,” rawn ti siam siamtute leh “feedback” rawn pe nghal vat vattu ka hriat ngai hlek lohte’na min rawn hrilh sap sap kha a ni ka hlawhtlinnaa ka ngaih lian ber chu.

Thawnthu tawi lam i khawih ta a, thawnthu tawi lam hi eng vanga khawih nge i nih reng reng?
Ni e, tun hma lama ka la dai ngai loh ramah ke ka han chheplut ve chhaichhin a, engnge maw ka an le tih chu chhiartute zawk sawiah ka’n dah te’ng. Kei erawh chuan nuam ka ti ngang mai a, hahchhiau let tep tawh rawn kir lehah ka ngai a, ka thawl hawk mai.

Essay leh poetry lakah eng nge a danglamna?
A danglamna tehvak ka hre lo. Mahni thinlung chhungril ber kan zuk luhchhuahna a ni a, ruih lungpuama tah kan sawi ang deuhin a zahthlak nâa a nuam ru veng veng bawk si a nih hi! A form leh style a in-ang lo tih mai a niin ka hria. Poetry-ah chuan a thu lam bikim leh thil dang “metre, rhyme” tih velah venthawn tur a awm a, essay-a phuahchawp sawi rem lo leh autobiographical tak inthlahrunawm kha a awm ve lem lo a, “A lo nuam zaw ber a nih hi,” han tih uaih uaih chang chu ka nei.

I thawnthu tawi zinga love story-te hi a tak behchhan a ni lo maw?
Kan nu hian a beng lo hup se, thui takah chuan ka tel vek tih hi ka’n hrilh ru hram teh ang che. Mahse, amah anga mi duhawm hi ka tawng leh ang tih ka hriat hma a ni a!

I thawnthute hi a boruak a thim a, chutih rualin thu hlimawm a awm bawk a. Eng nge a awmzia?
Hemi chungchangah hi chuan nangmah hi i chiang ber ang tih ka ring. Ka lehkhabu kan tihchhuah ni-a i sawi: Mafaa thawnthua thim leh eng inpawlh (The mingling of pathos and humour in Mafaa’s work) hi an la rawn chhui ang, i tih ang deuh khan lungngaihna thuk berah pawh nuihna ka hmu a, ka hlim ber laiin ka indawm kun thin tih hi nang aia hrechiang an awm dawn em ni?

Essay-a i style kha i ziah dan hmangah i thlakin i hria em?
Hei chu kan kutchhuak tharai lo tê tê rawn chhuitute an awm ve a nih chuan an rawn chhuiah ka ti a, kei erawh chuan "Chawlhna Tuikam" Mafaa kha ka la ni rengin ka inhria a, ‘tah chuan danglamna a lo awm a nih leh critics-ho thu thu le.

Rambuai lai leh Kawnpui dai bus accident behchhan a awm a, Mizote tana thil thleng pawimawh behchhana thawnthu i ziak hi eng nge a chhan?
Kei chu he’ng kan thil hriat chian (known events) hi ka lung tileng ber bertute zinga mi a ni a, tun hma atangin thawnthu ziak thiam chu ni ila, ti-a thawnthu (story line) chher ka lo chak em em thin a ni a, ka ziah lai pawha ziah nuam ka tih pawl tak pawh a ni nghe nghe. Ka pian hma thil leh nikhua ka hriat theih fumfe hma thil ni mah se keimah berin ngaihnawm ka’n tih tlat pek chu.

A dangte hi, a plot hi i irawm chhuak liau liau nge han entawn deuh te i nei em?
Thuhmahruaia ka sawi ang deuh khan kei hi ka vannei a, maimawm ang deuhin ka ei turin min rawn pan a, thawnthu tam ber hi ka tawn hriat leh mite tawn hriat anmahniina min hrilh a ni a, pahnih khat bak hi ka phuahchawp liau liau (pure works of fiction) a awm lo.

Nature i ngaina hle tih a lang a, tun hma aiin thawnthu tawi i khawih hnu hian nature i ngaina tawh zawkin i hria em?
Tun hmaah khan khuarel thilsiamte hi ka lo la tarlang ngai meuh lo a nih chuan ka ngainat loh vang ni lovin ka lo mangnghilh a ni ang. Boruak te hi kan mamawh ber ni mah se, boruak avanga lawmna chang hria chu kan tam lo vang. “Mihring leh nature hi a inhlat poh leh amah atangin a bo thui” lo ti ve ngar ngar thin ka ni a, Wordsworth-a te angin “nature worshipper” tih tur chu ka ni hauh lo a, amaherawhchu, Pathian kutchhuak zinga thil siam mawi ber “mihring” dawtah hian thil siam dangte hi chu ka dah kumkhua.

I thawnthu hmingah aliteration i hmang vek a, a hming tur i ngaihtuah rei thin hle lo maw?
Ni e, ka thawnthu hmingah hian alliteration (beginning rhyme) - thumal in-ang hlira hawrawp tan entir nan “Vaihna Vartian/ Dum Duhawmi” hi ka hmang vek a. kei hi thuziakmi leh tawngkam mawi lawm mi (lover of words) ka ni a. Ni leng leng hian thukam mawi leh thumal te hi ka sam kual ka sam kual thin a.

Ka bawlzanin ka changzan vak vak zel a, a ri ringawtina mi a tihnui kur kur theih thlengte hian ka thlep ka thlep kual thin. Chuta ka duh ang tak maia ka han chheh fuh tawh laklawh phei hi chu a hmaa ka sawi ang khan chhuak deuhva hahchhiau thlawrh ang mai hian ka lungawi zui veng veng a ni.

Ka thupui atana alliteration ka hmang hian min tikhaihlak lo satliah mai a ni lo, min chawm zawk. Thawnthu ka ziah hma hian, awih la, awih suh la, a bu hming hi ka nei sa vek

A nih leh he lehkhabu-ah hian eng nge i puanchhuah?
"Vaihna Vartian"-ah hian engnge ka puanchhuah ka hre ngam hauh lo. Fing takin han chhang dawn che ila, “Lalhruaitluanga Chawngte leh Vanneihtluanga te zawt rawh u,” ka’n ti teh ang.